Morgunblaðið - 06.12.1996, Blaðsíða 1

96 SIÐUR B/C/D
280. TBL. 84. ÁRG.
FÖSTUDAGUR 6. DESEMBER 1996 PRENTSMIÐJA MORGUNBLAÐSINS
Clinton velur repúblikana í embætti varnarmálaráðlierra
Albright tilnefnd
utanríkisráðherra
Reuter
MADELEINE Albright og William Cohen takast í hendur þegar
Bill Clinton Bandaríkjaforseti tilkynnti að hann hefði tilnefnt
Albright utanríkisráðherra og Cohen varnarmálaráðherra.
Washington. Reuter.
BILL Clinton, forseti Bandaríkjanna,
tilnefndi í gær Madeleine Albright
sendiherra í embætti utanríkisráð-
herra og verði tilnefningin staðfest
á þinginu verður hún fyrsta konan
í sögu landsins sem gegnir svo valda-
miklu embætti. Forsetinn tilkynnti
ennfremur að repúblikaninn William
Cohen, öldungadeildarþingmaður frá
Maine, hefði verið tilnefndur í emb-
ætti varnarmálaráðherra.
Anthony Lake, þjóðaröryggisráð-
gjafi forsetans, var tilnefndur yfir-
maður leyniþjónustunnar CIA og
aðstoðarmaður hans Samuel Berger,
var skipaður þjóðaröryggisráðgjafi.
Tilnefningarnar eru háðar sam-
þykki öidungadeildar Bandaríkja-
þings og talið er líklegt að deildin
leggi blessun sína yfir þær. Einn af
hörðustu andstæðingum forsetans á
þinginu, repúblikaninn Jesse Helms,
formaður utanríkismálanefndar
deildarinnar, fagnaði öllum tilnefn-
ingunum.
Clinton skýrði frá ákvörðun sinni
á blaðamannafundi í Hvíta húsinu
og sagði að fjórmenningarnir hefðu
„þá reynslu, dómgreind og framsýni
sem þarf til að axla þá miklu ábyrgð
sem fylgir embættunum".
Samþykki öldungadeildin valið
verður Albright fyrsta konan sem
gegnir embætti utanríkisráðherra
Bandaríkjanna og jafnframt vaida-
mesta konan í sögu bandaríska
stjórnkerfisins.
Madeleine Albright er 59 ára
og sendiherra Bandaríkjanna hjá
Sameinuðu þjóðunum. William Coh-
en er álitinn hófsamur repúblikani
og hefur verið á þinginu í 24 ár.
Hann er 54 ára og hefur lagt stund
á ritstörf, skrifað njósnasögur og
ort ljóð.
Ráðstefna um frið í Bosníu
Skilyrði sett
fyrir aðstoð
London. Reuter.
TVEGGJA daga ráðstefnu um frið
í Bosníu lauk í London í gær og
leiðtogar Bosníu voru þar varaðir
við því að landið fengi ekki efna-
hagsaðstoð í framtíðinni nema þeir
stæðu að fullu við friðarsamningana
sem voru undirritaðir í Dayton í
Bandaríkjunum fyrir ári.
Fuiltrúar rúmlega 50 ríkja sátu
ráðstefnuna og samþykktu enn-
fremur að efla stríðsglæpadómstól-
inn í Haag og hétu því að aðstoða
við uppbygginguna í Bosníu ef stað-
ið yrði við friðarsamningana að
fullu. Leiðtogar Bosníu samþykktu
að gera þegar í stað ráðstafanir til
að tryggja fullt ferðafrelsi íbúanna
og frelsi í viðskiptum milli lands-
hluta.
Efnt var til ráðstefnunnar til að
meta árangurinn af friðarsam-
komulaginu. Oánægja vegna tafa á
ýmsum þáttum Dayton-samkomu-
lagsins varð til þess að ráðamenn
á Vesturlöndum vildu setja það sem
skilyrði fyrir aðstoð að leiðtogar
Bosníu hétu því að standa við öll
ákvæði samkomulagsins. Fulltrúi
bresku stjórnarinnar sagði nauð-
synlegt að setja þetta skilyrði til
að tryggja að leiðtogar Bosníu
tækju fulla ábyrgð á framtíð lands-
ins.
Stríðsglæpamenn verði
framseldir
Dayton-samkomulagið kveður
m.a. á um að meintir stríðsglæpa-
menn verði framseldir til dómstóls
Sameinuðu þjóðanna í Haag en
flestir þeirra, sem hafa verið ákærð-
ir, ganga enn lausir. Fulltrúarnir á
ráðstefnunni voru sammála um að
efla þyrfti dómstólinn en Hans van
den Broek, sem fer með utanríkis-
mál í framkvæmdastjórn Evrópu-
sambandsins, kvaðst efins um að
stjórnvöld í ríkjum gömlu Júgóslav-
íu yrðu við kröfum Vesturlanda um
að framselja stríðsglæpamennina.
Hann sagði að beita þyrfti „öllum
ráðum“ til að knýja á um framsal
mannanna. Bretar sögðust hins
vegar andvígir því að friðargæslu-
liðum yrði falið að handtaka stríðs-
glæpamennina.
Serbíuforseti reymr
að sefa stj órnarandstöðuna
Hæstiréttur
útkljái deiluna
Belgrad. Reuter.
SLOBODAN Milosevic, forseti Serb-
íu, gaf í gær eftir í deilunni við
stjórnarandstæðinga og ýmislegt
benti til þess að þeir myndu fara
með sigur af hólmi. Kjörstjórnin í
Beigrad bað hæstarétt iandsins að
fara yfir kjörgögn og skera úr um
hvort stjórnarandstöðunni bæri að
fá meirihluta í stjórn höfuðborgar-
innar eftir kosningarnar 17. nóvem-
ber. Forsetinn reyndi ennfremur að
sefa námsmenn og stuðningsmenn
Zajedno, kosningabandalags stjórn-
arandstöðuflokka, sem hafa efnt til
fjölmennra mótmæla í höfuðborginni
í 18 daga. Hann leysti nokkra emb-
ættismenn frá störfum og lofaði að
veita fé til að bæta kjör námsmanna
og lífeyrisþega, auk þess sem hann
kvaðst ætla að lækka verð á raf-
magni.
Umdæmisdómstóll hafði ógilt
kosningarnar í Belgrad og talsmenn
Zajedno sögðu að hæstiréttur ætti
að úrskurða hvort sú ákvörðun hefði
verið réttmæt. Búist er við að dóm-
stóllinn kveði upp úrskurð innan
tveggja daga. Kjörstjórnin skýrði
ennfremur frá því að ríkissaksóknari
hefði verið beðinn um að hefja rann-
sókn vegna ásakana stjórnarand-
stöðunnar og gaf til kynna að þeir
sem staðnir yrðu að kosningasvikum
yrðu sóttir til saka.
Yfirvöld heimiluðu tveimur óháð-
um útvarpsstöðvum, B-92 og Index,
að hefja útsendingar að nýju, en
þeim var lokað eftir að þær hófu
beinar útsendingar frá mótmælun-
um í Belgrad.
Embættismönnum fórnað
Milosevic hóf sáttaumleitanirnar
skömmu eftir að eiginkona hans,
Miijana, kom til Belgrad úr ferð til
Indlands. Hún er marxisti og fer
fyrir flokki, sem hefur myndað
bandalag með sósíalistum, og talið
er að hún hafi mikil áhrif á stefnu
forsetans.
Fregnir herma að Milosevic hafi
fallist á „afsögn" forystumanns sós-
íalista í bænum Nis, þar sem mót-
mælin hófust vegna stórfelldra kosn-
ingasvika. Dagblöð í Belgrad sögðu
að Alexander Tijanic upplýsinga-
málaráðherra, einn af atkvæða-
mestu ráðherrunum, hefði einnig
verið knúinn til afsagnar. Búist er
við að fleiri embættismönnum verði
fórnað á næstu dögum til að sefa
stjórnarandstöðuna.
Forystumenn Zajedno sögðu að
afsagnirnar sýndu að Milosevic væri
í miklum vanda og kváðust ætla að
halda til streitu þeirri kröfu að yfir-
völd viðurkenndu kosningasigra
stjórnarandstöðunnar.
Þrátt fyrir tilslökunina héldu mót-
mælin áfram í gær og ríkisstjórnin
óttast að verkamenn hefji mótmæla-
aðgerðir til að krefjast hærri launa.
Reuter
UM 150.000 manns komu saman í Belgrad i gær til að krefjast þess að yfirvöld viðurkenndu sigra
sljórnarandstöðunnar í borgar- og bæjarstjórnakosningum 17. nóvember. Á myndinni heldur einn
þeirra á brúðu sem líkist Slobodan Milosevic forseta og eins og sjá má er brúðan í fangaklæðnaði.
Leiðtogafundur í mars
Washington. Reuter.
BILL Clinton, forseti Bandaríkj-
anna, og Borís Jeltsín Rússlands-
forseti ákváðu í gær að koma
saman í mars til að ræða sam-
skipti ríkjanna en ekki hefur verið
ákveðið hvar og hvaða dag fund-
urinn verður haldinn.
Leiðtogarnir ræddust við í síma
í fyrsta sinn frá 5. nóvember, eða
síðan Jeltsín gekkst undir hjarta-
aðgerð og Clinton var endurkjörinn.
Embættismenn í Hvíta húsinu
sögðu að þar sem síðasti fundur
leiðtoganna hefði verið í Moskvu
væri komið að Bandaríkjamönn-
um að gegna gestgjafahlutverk-
inu. Vegna heilsubrests Jeltsíns
væri þó hugsanlegt að leiðtogarn-
ir kæmu saman í einhverju öðru
landi, nær Rússlandi, og jafnvel
í Moskvu.