Morgunblaðið - 06.12.1996, Blaðsíða 76
HEIMILISLÍNAN
- Heildarlausn ájjánnálum
einslaklinga
(ji) BÚNAÐARBANKI ÍSIANDS
JtewU&t
-setur brag á sérhvern dag!
MORGUNBLAÐIÐ, KRINGLAN 1, 103 REYKJAVÍK, SÍMI S69 1100, SÍMBRÉF 569 1181,
PÓSTHÓLF 3040, NETFANG MBUSCENTRUM.IS / AKUREYRI: KAUPVANGSSTRÆTI 1
FÖSTUDAGUR 6. DESEMBER 1996
VERÐ í LAUSASÖLU 125 KR. MEÐ VSK
Skoðanakönnun Félagsvísindastofnunar á fylgi flokkanna
Sameinaðir jafnaðar-
menn fengju 39,5%
FRAMBOÐSLISTI sameinaðra jafn-
aðarmanna fær mest fylgi allra
fiokka í skoðanakönnun sem Félags-
vísindastofnun gerði 29. nóvember
til 3. desember. Listinn fær 39,5%,
Sjálfstæðisflokkurinn fær 37,5% og
Framsóknarflokkurinn 23%.
Skoðanakönnunin var gerð að
beiðni þingflokks Jafnaðarmanna
vegna verkefnisins samstarf jafnað-
armanna og sendi þingflokkurinn
Morgunblaðinu niðurstöður hennar
í gær. 1.500 manns af öliu landinu
tóku þátt í könnuninni og var svar-
hlutfall 73%.
í könnuninni var spurt: „Ef þrír
listar væru í framboði, listi Sjálf-
stæðisflokks, listi Framsóknarflokks
og listi sameinaðra jafnaðarmanna,
hvern myndir þú kjósa?“ Af þeim
sem tóku afstöðu svöruðu 37,5%
Sjálfstæðisflokk, 23% Framsóknar-
flokk og 39,5% sameinaða jafnaðar-
menn. 22,9% tóku ekki afstöðu eða
neituðu að svara.
Framsóknarflokkur stækkar
og Sjálfstæðisflokkur dalar
I sama spumingavagni gerði Fé-
lagsvísindastofnun könnun fyrir
Morgunblaðið á fylgi stjómmála-
flokkanna. Samkvæmt könnuninni
fengi Alþýðuflokkur 14,4%, Fram-
sóknarflokkur 23,4%, Sjálfstæðis-
flokkur 37,2%, Alþýðubandalag
15,2%, Kvennalisti 4,3%, Þjóðvaki
0,7% og Jafnaðarmannaflokkur 4,4%.
Helstu breytingar á fylgi flokkanna
sem átt hafa sér stað frá síðustu
könnun Félagsvísindastofnunar, sem
gerð var um miðjan maí sl., em að
Framsóknarflokkurinn hefur aukið
fylgi sitt um 3,1%, en fylgi Sjálfstæð-
isflokks hefur minnkað um 5,5%.
í könnun Félagsvísindastofnunar
á fylgi flokkanna fá Alþýðubanda-
lag, Alþýðuflokkur, Kvennalisti,
Þjóðvaki og Jafnaðarmannaflokkur
samtals 37% fylgi, en 37,5% svar-
enda segjast styðja sameinaðan lista
jafnaðarmanna ef slíkur listi væri
boðinn fram. Fyigi Sjálfstæðisflokks
og Framsóknarflokks breytist um
innan við 0,5% milli þessara tveggja
kannana.
■ Litlar breytingar/4
Jólasveinar
gefa blóð
FJÓRIR jólasveinar af þrettán
brugðu sér til borgarinnar í gær
og var erindið nægjanlega brýnt
til að koma aðeins fyrr til
byggða en lög gera ráð fyrir,
þ.e. þörf Blóðbankans fyrir inn-
lagnir. Sveinn Guðmundsson yf-
irlæknir Blóðbankans segir að í
desember sé hætta á að bankinn
gleymist hjá blóðgjöfum í jóla-
ösinni.
Mótleikur bankans er að
lengja opnunartímann næstu
föstudaga og hafa opið tvo
næstu laugardaga að auki.
„ Jólasveinarnir komu á undan
áætlun til að létta á sér fyrir
streðið framundan og þótt þeir
séu komnir yfir aldursmörkin,
eða á milli 200 og 300 ára gaml-
ir en ekki á aldrinum 18-60 ára
eins og reglur kveða á um, ætlum
við að taka þeim blóð. Við sveigj-
um reglurnar aðeins í þessu til-
viki, enda eru þeir ijóðir í kinn-
um og sællegir“ segir Sveinn.
Islensk
fyrirtæki í
Rússlandi
stækka
FYRIRTÆKI í Rússlandi í meiri-
hlutaeigu Islendinga eru að færa út
kvíarnar um þessar mundir. í dag
verður ný söluskrifstofa fyrirtækis-
ins Viking Group opnuð í Pétursborg
og um áramót verður tekin í notkun
stór kæli- og frystigeymsla á vegum
fyrirtækisins.
Viking Group var stofnsett 1994
af Magnúsi Þorsteinssyni og Victor
Antiev en í sumar keypti Síldarút-
vegsnefnd helming hlutaijár í fyrir-
tækinu. Það hefur undanfarið verið
stærsti kaupandi íslenskrar saltsíld-
ar í Rússlandi og selur afurðir um
allt landið.
Ný gosdrykkjaverksmiðja
Morgunblaðið/Golli
Meitillinn hf.
Eðlilegt
gengi
bréfa
a.m.k. 1,9
EÐLILEGT er að verðmeta
hlutabréf í Meitlinum hf. í
Þorlákshöfn á gengi sem er
ekki lægra en 1,9. Þetta er
niðurstaða Talnakönnunar hf.
sem fengin var til að gefa álit
á verðmæti Meitilsins miðað
við verðmæti annarra hlutafé-
laga í sjávarútvegi.
í álitsgerð Talnakönnunar
segir að við viðmiðun á verð-
mæti hlutabréfa sé reynt að
taka mið af líklegu markaðs-
virði eigna fyrirtækja, þ. á m.
kvóta, fiskiskipa, fasteigna,
véla, hlutabréfa og veltufjár-
muna.
Verðmæti kvóta
1.000-1.300 millj.
„Hlutabréf eru hækkuð í
matinu um 165 milljónir frá
bókfærðu mati. Verðmæti
kvóta Meitilsins er í þessu
mati 1.000 til 1.300 milljónir
króna miðað við verð á kvóta-
markaði (það hefur sveiflast á
haustmánuðum). Hins vegar
er ljóst að ekki hafa verið seld
svo mikil verðmæti á einu
bretti og því eðlilegt að gera
ráð fyrir lægra verði í heildar-
verðmati á fyrirtæki.
Nú í haust voru öll hluta-
bréf í Norðurtanganum hf. á
ísafirði seld á 500 milljónir
króna. Með því að verðmeta
Norðurtangann með sama
hætti og hér að framan er lýst,
fæst að verðið 500 milljónir
króna jafngildi um 55% af
matsvirði með þeim aðferðum
sem að framan er lýst. Með
sama hlutfalli á matsvirði
Meitilsins fæst verðið 850
milljónir sem jafngildir geng-
inu 1,9 á hlutabréfum,“ segir
í álitsgerð Talnakönnunar.
í janúar á að opna í sömu borg
nýja gosdryþkjaverksmiðju í meiri-
hlutaeigu Islendinga, sem hafa
ásamt Rússum rekið gosdrykkja-
verksmiðju í Pétursborg síðan 1994.
Nýja verksmiðjan er á vegum nýs
félags í eigu sömu aðila.
Lyf til Rússlands
Ríkisendurskoðun gagnrýnir samning tollstjóra við lögfræðinga innheimtudeildar
Fá greiðslur fyrir vörslu-
Lyfjafyrirtækið Ilsanta UAB, sem
þefur bækistöðvar í Litháen_ en er
m.a. í eigu Lyfjaverslunar íslands
hf., íslenska heilsufélagsins og Is-
lenskra aðalverktaka, hefur ráðið
starfsmann í hlutastarf í Moskvu til
að sinna markaðsmálum. Hefur
starfsmaðurinn formlega störf í dag.
■ Góðir/38—9
GRÝLA
sviptíngar og fjámám
RÍKISENDURSKOÐUN telur samning sem
gerður var árið 1992 á milli Tollstjórans í
Reykjavík og lögfræðinga innheimtudeildar
embættisins um framkvæmd vörslusviptinga
orka mjög tvímælis, þar sem starfsmenn emb-
ættisins séu hvort tveggja í senn, launamenn
og verktakar. Kveður samningurinn á um 3.500
kr. gjald fyrir hverja vörslusviptingu sem lýkur
með árangri. Telur Ríkisendurskoðun einnig
óeðlilegt að lögfræðingarnir fái greiðslur fyrir
fjárnám.
Þetta kemur fram í skýrslu Ríkisendurskoðun-
ar um endurskoðun ríkisreiknings fyrir árið
1995. Ríkisendurskoðun segir að eðlilegt væri
að starfsmenn sem hér um ræðir sinni vörslu-
sviptingum og fjárnámi eins og hveijum öðrum
starfsskyldum. Þá átelur stofnunin það eftirlits-
leysi sem hún segir að hafi verið af hálfu Toll-
stjóra varðandi greiðslur til lögfræðinga embætt-
isins vegna vörslusviptinga. A seinasta ári námu
verktakagreiðslur til lögfræðinga embættisins
15,8 milljónum kr. vegna vörslusviptinga og
ijárnáms.
„Ekki er skilgreint í samningnum hvað telst
árangur við vörslusviptingu. Mörg dæmi voru
um að vörslusviptingarkostnaður hafi verið lagð-
ur á gjaldanda án þess að raunveruleg vörslu-
svipting hafi átt sér stað,“ segir í skýrslu Ríkis-
endurskoðunar.
1.500 kr. fyrir fjárnám
Lögfræðingar embættisins fengu greitt fyrir
2.156 Ijárnám á árinu 1995. „Fyrir hvertfjárnám
fá þeir 1.500 krónur, óháð því hvort gjaldandi
greiðir kostnað af íjárnáminu. Ekki er í gildi
skriflegt samkomulag um þessar greiðslur til
lögfræðinganna.
í sumum tilfellum er litið á það sem fleiri en
eitt ijárnám þegar gert er íjárnám vegna mis-
munandi gjalda hjá sama aðila í sömu aðför og
þar af leiðandi er lögfræðingum greitt sem um
fleiri fjárnám væri að ræða. Dæmi eru um að
lögfræðingum embættisins hafi verið greitt oftar
en einu sinni fyrir íjárnám vegna sama gjalds
á sama gjaldanda,“ segir í skýrslu Ríkisendur-
skoðunar.
Ríkisendurskoðun gagnrýnir sérstaklega að
dæmi séu þess að gjaldendur hafi verið látnir
greiða vörslusviptingarkostnað oftar en éinu
sinni á síðasta ári. Telur stofnunin vafa leika á
heimild til að leggja þennan kostnað á gjaldend-
ur. „Þetta gerist m.a. þannig að vörslusviptingar-
kostnaður er lagður á gjaldandann þegar vörslu-
sviptingarmeðferð hefst. Ef gjaldandi greiðir
skuldina eða semur um greiðslu á henni áður
en hann er sviptur vörslu eignar, t.d. bifreiðar,
þá þarf hann engu að síður að greiða þennan
kostnað. Ef hann stendur ekki við samninginn
þá byijar ferillinn upp á nýtt og hefur það leitt
til þess að nýr vörslusviptingarkostnaður er lagð-
ur á viðkomandi gjaldanda," segir í skýrslunni.
■ Ríkisendurskoðun/39