Morgunblaðið - 14.12.1996, Blaðsíða 4

4 LAUGARDAGUR 14. DESEMBER 1996
MORGUNBLAÐIÐ
FRETTIR
21 handtekinn í einu stærsta fíkniefnamáli hérlendis
Lagt hald á fíkniefni
fyrir um 40 milljónir
ÞRÍR hafa verið úrskurðaðir í gæslu-
varðhald vegna gruns um innflutn-
ing, sölu og dreifingu á miklu magni
fíkniefna, auk þess sem fíkniefna-
deiid lögreglunnar í Reykjavík
hyggst gera kröfu um gæsluvarðhald
yfír tveimur til þremur öðrum í
tengslum við málið, að sögn Björn
Halldórssonar, yfírmanns fíkniefna-
deildar.
Alls hefur tuttugu og einn maður
verið handtekinn undanfarna tvo
sólarhringa vegna málsins, sem hófst
þegar hollenskur karlmaður og kona
á fimmtugsaldri voru stöðvuð á
Keflavíkurflugvelli á miðvikudag,
með tæp 10 kíló af hassi í fórum
sínum.
Yfir 20 kíló af fíkniefnum
Að sögn Bjöms uppgötvaðist smygl
Hollendinganna í vanabundnu eftirliti
tollgæslu. Þá kom fíkniefnadeildin til
sögunnar og vaknaði fljótt grunur um
að smyglið tengdist innlendum aðil-
um. í framhaldi af því hófust víðtæk-
ar aðgerðir fíkniefnadeildarinnar, sem
handtók 19 aðila í kjölfarið og fram-
kvæmdi sjö húsleitir.
Lagt var hald á 10,5 kíló af hassi,
um 500 e-pillur og 260 grömm af
amfetamíni, auk um 250 þúsund
króna í peningum og áhalda til neyslu
fíkniefna. Samtals er verðmæti þess-
ara fíkniefna talið nema liðlega 35
milljónum króna á markaði hérlendis.
Búið er að úrskurða Hollending-
ana í gæsluvarðhald til 9. janúar og
einn íslending.
Björn segir þetta mál eitt hið
stærsta sinnar tegundar sem upp
hefur komið hérlendis, ekki síst með
tilliti til fjölda þeirra sem handteknir
voru. Ekki hafí öllu verið tjaldað til
við rannsóknina, en þó hafi um víð-
tækar aðgerðir verið að ræða.
Ekki öll kurl til grafar
„Enn sem komið er ríkir ánægja
hjá lögreglu og tollgæslu með þá
stefnu sem málin hafa tekið. Málið
er hins vegar á frumstigi rannsóknar
og lögreglan er meðal annars að
kanna hvort þessir útlendingar hafi
komið áður til landsins með fíkni-
efni, hvort þeir tengist fleiri einstakl-
ingum hérlendis og hvort öll kurl séu
komin til grafar varðandi þátt íslend-
inganna.
Hollendingarnir virðast vera „út-
endinn" á þessu fíkniefnasmygli, og
við erum meðal annars að kanna
hvort þeir séu aðeins burðardýr eða
sjálfír eigendur efnisins og selji það
hér,“ segir Bjöm.
Hann segir að af þeim sem hafa
verið handteknir hérlendis, séu
nokkrir einstaklingar sem hafi hlotið
dóma fyrir fíkniefnamisferli og aðrir
hafi legið undir grun um nokkurra
ára skeið að standa að innflutningi
og dreifíngu fíkniefna.
Kvótaviðskipti
Óþarfi að
afmarka
tekjur
„ÞAÐ er ástæðulaust að gera sér-
stakar ráðstafanir við framtal til
skatts, svo lesa megi út úr því tekjur
af viðskiptum með aflaheimildir.
Tekjumar núna eru taldar fram með
öðrum tekjum sjávarútvegsfyr-
irtækja og ekki ástæða til að blanda
öðrum sjónarmiðum inn í skattkerf-
ið,“ sagði Vilhjálmur Egilsson, al-
þingismaður og formaður efnahags-
og viðskiptanefndar Alþingis, í sam-
tali við Morgunblaðið í gær.
í svari fjármálaráðherra við fyrir-
spum á þingi kom fram, að tekjur
sem stafa af sölu aflaheimilda eru
ekki sérgreindar í ársreikningum
fyrirtækja og því ekki hægt að sjá
hve miklir skattar era greiddir af
viðskiptunum.
Enginn skattalegur tilgangur
Vilhjálmur Egilsson kvaðst ekki
sjá tilganginn með því að afmarka
tekjur vegna viðskipta með aflaheim-
ildir sérstaklega. „Það hefur enga
skattalega þýðingu. Útgerðir telja
þetta fram, eins og aðrar tekjur, og
greiða af því skatta. Ég sé engan
skattalegan tilgang með því að þess-
ar tekjur komi sérstaklega fram.“
Vilhjálmur sagði að menn gætu
auðvitað velt fyrir sér tilgangi með
kröfum um framtal tekju- og eigna-
skatts. „Tilgangurinn er að leggja á
skatta. Ef menn vilja halda utan um
þetta af tölfræðilegum áhuga, er
miklu eðlilegra að þeir óski eftir slík-
um upplýsingum frá fyrirtækjunum,
en ég sé ekki að þetta hafi neitt með
skattalög að gera. Framtal til tekju-
skatts á að vera í því eina formi, að
rétt sé talið fram og hægt sé að
leggja á skatta."
Morgunblaðið/Róbert Fragapane
EKKI er gott að segja hverju hún Alexia Björk er að hvísla að Giljagaur. Kannski er hún að þakka
honum fyrir jólapakkann. Stúlkurnar sem standa hjá og fylgjast með af áhuga heita Diljá og Karitas.
Réttar-
staða lög-
manna
MÁLFLUTNIN GSM ANN AFÉ-
LAG Islands var stofnað 11. des-
ember 1911. Árið 1944 var nafni
þess breytt í Lögmannafélag ís-
lands og varð félagið 85 ára síðast-
liðinn miðvikudag. í tilefni afmæl-
isins var efnt til ritgerðarsam-
keppni sem er öllum opin til þátt-
töku. Ritgerðarefnin eru: Trúnað-
arskyldur lögmanna gagnvart
skjólstæðingum sínum; Lögmaður
skal vera óháður í starf i og standa
vörð um sjálfstæði lögmannastétt-
arinnar og Hlutverk og staða lög-
manna í þjóðfélaginu nú á dögum.
Skilafrestur er til 1. mars 1997.
í afmælishófinu voru félaginu
færðar nokkrar gjafir. Þorsteinn
Pálsson dómsmálaráðherra færði
félaginu innrammaðan teppisbút
sem skorinn var úr gólfteppi
framan við ræðupúlt lögmanna í
gamla dómhúsi Hæstaréttar ís-
lands. Á teppisbútnum má glöggt
greina fótspor nokkurra kynslóða
lögmanna sem staðið hafa þar við
málflutning fyrir réttinum. Hefur
verkið hlotið heitið „Réttarstaða
lögmanna". Hæstiréttur íslands
gaf félaginu ræðupúltið úr gamla
dómhúsinu og verður því komið
fyrir í húsakynnum félagsins.
í afmælishófinu voru tveir fé-
lagsmenn, Guðmundur Pétursson
hrl. og Sveinn Snorrason hrly út-
nefndir heiðursfélagar LMFI.
Fyrstu stjórn félagsins skipuðu
Eggert Claessen, formaður,
Sveinn Björnsson, ritari, og Oddur
Gíslason gjaldkeri. Félagsmenn
eru nú 460, þar af eru sjálfstætt
starfandi lögmenn um 330. Núver-
andi formaður félagsins er Þór-
unn Guðmundsdóttir hrl. en aðrir
í sljórn eru Sigurmar K. Alberts-
son hrl., Jakob Möller hrl., Kristín
Briem hrl. og Hreinn Loftsson hrl.
Takk fyrir
pakkann,
Giljagaur!
BÖRNIN í leikskólanum Efrihlíð
í Reykjavík voru í sínu fínasta
pússi í gær, þvi að þá voru litlu
jólin haldin hátíðleg á þeim bæ.
Jólasveinarnir Stekkjastaur og
Giljagaur komu í heimsókn og
gáfu öllum dýrindis pakka með
jólasokk og sælgæti. Svo var auð-
vitað dansað í kringum jólatréð.
Svik í viðskiptum með húsbréf
Getur komið óorði
á hósbréfakerfið
Opið í dag
13-18*
Jólasveinar koma í heimsókn
kl. 13:30,14:15 Og 15:00.
KRINGMN
Jili morgni til kvólds
FORMAÐUR Félags fasteignasala
tekur undir þá skoðun forstjóra
Húsnæðisstofnunar að hugsanleg
aðild fasteignasölu að svikum í hús-
bréfaviðskiptum við stofnunina geti
komið óorði á húsbréfakerfið.
„Við fordæmum þessi vinnu-
brögð sem við teljum að geti stór-
lega skaðað markaðinn og komið
óorði á það annars ágæta markaðs-
kerfí sem húsbréfakerfið er,“ sagði
Jón Guðmundsson formaður Félags
fasteignasala.
Um er að ræða húsbréfaviðskipti
á 12 mánaða tímabili þar sem grun-
ur leikur á að menn hafí sammælst
um að framvísa kaupsamningum
sem kveði á um mun hærri upphæð
en raunverulegt verðmæti fasteign-
anna er og fá þannig mun hærri
húsbréfalán út á kaupin en þeir
eiga rétt á. Fram kom í Morgun-
blaðinu í gær, að um sé að ræða
16 húsbréfalán að meðaltali að upp-
hæð um 4-5 milljónir króna eða
alls um 60-80 milljónir.
Aðgerðir innan
Húsnæðisstofnunar
Húsnæðisstofnun vísaði málinu
til Rannsóknarlögreglu ríkisins á
fimmtudag. Jón Guðmundsson
sagði mikilvægt að rannsókn máls-
ins yrði hraðað þannig að það upp-
lýstist hið fyrsta hveijir ættu sökina
svo aðrir lægju ekki undir grun á
meðan. Jón benti á að í umræddum
tilvikum væri fasteignasalinn ekki
einn að verki heldur kæmu bæði
seljendur og kaupendur að málinu.
„Maður veit ekki hveijir eru þarna
að ná sér í peninga með svikum
fyrr en málið er upplýst," sagði Jón.
Sigurður E. Guðmundsson for-
stjóri Húsnæðisstofnunar segir, að
í kjölfar þess að umrætt mál kom
upp hafí reglur innan húsbréfa-
deildar stofnunarinnar verið hertar
til að auðvelda starfsfólki að varast
hugsanleg svik af þessu tagi og
tengdist það m.a. samanburði á
brunabótamati og uppgefnu kaup-
verði. í kjölfarið hefði 2-3 hús
bréfalánsumsóknum verið hafnæ
þar sem grunur lék á að um sams
konar svik væri að ræða.
Sigurður segir að í athugun s
að koma á nákvæmu eftirlitskerl
í því skyni að sannreyna hvort verð
mæti eignar sé í samræmi við upp
gefið verð.
Vanþróaður markaður
Þau viðskipti sem málið snýst
um voru með íbúðir á landsbyggð-
inni. Jón sagði markaðinn þar með
þeim hætti að íbúðaverð væri frek-
ar lágt en brunabótamat frekár
hátt og það skapaði vissa hættu.
„Markaðurinn úti á landi er frekar
vanþróaður og um hann fj'alla í
fæstum tilfellum löggiltir fasteigna-
salar heldur vasast í þessu menn
sem hafa i mörgum tilfellum litla
kunnáttu og gera sér ekki greip
fyrir þeim hættum sem þetta skap-
ar fyrir fasteignamarkaðinn í
heild,“ sagði Jón.