Morgunblaðið - 04.04.1997, Side 11

MORGUNBLAÐIÐ
FÖSTUDAGUR 4. APRÍL1997 11
FRÉTTIR
Spurningaþættinum „Mastermind“ að ljúka eftir 25 ár í BBC
MAGNÚS Magnússon
kvaðst í samtali við
Morgunblaðið í gær
vera sáttur við að
hætta.á toppnum, en ákvörðun
BBChefði engu að síður valdið
sér vonbrigðum. Hann hefur
skrifað bók um sögu þáttarins,
sem bókaútgáfa BBC hafnaði, en
kemur út í haust hjá öðru forlagi.
I grein í breska blaðinu Obser-
ver segir að BBC hafi í tvígang
sýnt Magnúsi óvirðingu, annars
vegar með því að neita að segja
honum hvenær síðustu þættirnir
af „Mastermind" yrðu sendir út,
en hins vegar með því að hafna
bókinni.
„BBC forlagið er útgáfufyrir-
tæki og það er þeirra að taka bók
eða hafna. Þeim líkaði bókin, en
ákváðu að hún væri ekki í sam-
ræmi við útgáfuáætlanir þeirra.
Og ég er kominn með annan út-
gefanda.“
Sá útgefandi tók reyndar þátt
í keppninni árið 1985 og svaraði
spurningum um Harold Mcmillan,
en er nú háttsettur hjá forlaginu
Little Brown.
Um þau skrif að BBC hafi neit-
að að segja honum hvenær síðustu
þáttunum yrði sjónvarpað sagði
Magnús: „Það var ekki vitað hjá
BBC hvenær ætti að senda þættina
út. Þeir neituðu ekki að segja mér
þetta, þeir vissu það bara ekki.
En ég heyrði í gærkvöldi að verið
geti að byrjað verði að senda þætt-
ina út snemma í júní og því ljúki
í lok ágúst. Það er bráðabirgða-
áætlun, sem hefur verið gerð. Hér
er því ekki um óvirðingu að ræða,
heldur höfðu þeir, sem gera áætl-
anirnar, ekki ákveðið sig,“ sagði
Magnús, sem staddur var við
Windermere-vatn við upptökur á
undanúrslitum „Mastermind".
I grein Observer sagði að
Magnús hefði verið BBC reiður
vegna framkomu stofnunarinnar.
Sjálfur lýsir hann þessu á annan
veg:
Ekki reiður, en hissa
„Hveijum rithöfundi finnst
hann hafa verið særður banasári
þegar úgefandi vill ekki gefa út
bók eftir hann, en ég var ekki
reiður. Eg var hissa vegna þess
að ég hélt að þetta væri nokkuð,
sem þeir vildu gefa út. Þeir gefa
mikið út um eigin þætti þannig
að ég var hissa.“
Magnús segir að það veki ýms-
ar tilfinningar að göngu „Master-
mind“-þáttanna sé nú að ijúka.
„Ég er ánægður með að vera
að hætta [á meðan þátturinn er]
í fararbroddi.Þetta hafa verið
25 ár, sem hafa verið mjög góð,
og við erum ekki að hætta vegna
þess að við séum búnir að vera.
Magnús Magnús-
son sáttur þrátt
fyrir vonbrigði
Breska ríkissjónvarpið BBC hefur ákveðið
að hætta að senda út spumingaþáttinn
„Mastermind“ í umsjón Magnúsar Magnús-
sonar á þessu ári eftir að hafa sýnt hann
við miklar vinsældir í aldarfjórðung. Er sjón-
varpsferli Magnúsar þar með lokið
Við höfum ekkert gef-
ið eftir og áhorfstöl-
urnar á síðasta ári,
þegar við þurftum að
etja kappi við „Coron-
ation Street", sem er
vinsælasti þáttur í
Bretlandi, tvöfölduð-
ust meðan á þáttunum
stóð. Þetta snerist ein-
faldlega um það að
þeim hjá BBCfannst
þetta hafa staðið nógu
lengi og 25 ár væri
góð tala. Þetta eru
augljóslega von-
brigði. Ég mun sakna
þáttarins vegna þess
að ég hef haft mjög
gaman af honum, en það er nóg
af öðrum fiski í sjónum."
Magnús kvaðst ekki hafa nein-
ar áætlanir á prjónunum, sem
tengdust sjónvarpi.
Endirinn á sjónvarpsferlinum
„Þetta er í raun endirinn á sjón-
varpsferli mínurn," sagði Magnús.
„Ég er nú 67 ára, sem er góður
aldur, og nú mun ég hafa tíma
til að ljúka við alfræðiorðabók
mína um norræna goðafræði, sem
ég hef þurft að leggja til hliðar.
Oxford University Press lagði til
við mig að skrifa þá bók og ég
hef sennilega lokið við þriðjung
hennar. Þegar ég fer að vinna að
henni fyrir alvöru mun ég fara
til Oxford."
Þótt Magnús hefði viljað halda
áfram að vinna að „Mastermind"
kveðst hann skilja sáttur við BBC.
„Ég hef aldrei verið fastur hjá
BBC, heldur unnið sjálfstætt nán-
ast allt mitt líf og þetta hefur
aðeins verið einn af mörgum þátt-
um starfs míns. En
ég mun að sjálfsögðu
skilja sáttur við BBC,
okkar samstarf hefur
alltaf verið gott. Ég
skil ákvörðun þeirra,
þótt á laun kunni ég
að telja að hún sé
röng.“
Magnús sagði að
grein Observer væri
ekki skrifuð til að
valda deilum. „Þeir
tóku við mig viðtal í
síma fyrir um þremur
mánuðum, sem ég
hafði steingleymt. En
ég geri ráð fyrir að
greinin sé byggð á
því. Ég held ekki að ég hafi gefið
í skyn að mér hafi þótt sem mér
hafi verið sýnd óvirðing, en ef svo
er þá er það mér að kenna, en
ekki þeim. En allir blaðamenn eru
sníkjudýr ágreinings og fréttin
er betri ef einhver misklíð bland-
ast í málið.“
Hann bætti við að BBC ætti
hrós skilið fyrir hvernig staðið
yrði að síðustu þáttum „Masterm-
ind“: „Þeir hafa leyft okkur að
gera lokaþáttinn í dómkirkju heil-
ags Magnúsar á Orkneyjum. Ég
gat ekki staðist að gera þáttinn
þar, þótt það væri mjög dýrt fyr-
ir BBC og senda þyrfti tvo stóra
bíla og fjörutíu manns alla leið
til Orkneyja. Það var mjög rausn-
arlegt hjá BBC að leyfa það og
að auki ætla þeir að gefa mér
svarta stólinn."
Veit ekki betri stól
Margur keppandinn hefur
fengið að svitna í svarta stólnum,
en nú munu gestir Magnúsar fá
Magnús
Magnússon
að sitja í honum.
„Auðvitað, ég veit ekki betri
stól. Ég kalla hann reginstól, en
Óðinn og goðin sátu á reginstól-
um.“
Magnús hefur að mestu lokið
við að skrifa bókina. Aðeins er
eftir að Ijúka kaflanum þar sem
greint verður frá keppninni í ár.
Þar rekur hann ýmislegt for-
vitnilegt úr 25 ára sögu þáttar-
ins. Kennir þar ýmissa grasa. Til
að mynda greinir Magnús frá
því, að árið 1985 þurfti að taka
öll undanúrslit þeirrar þáttarað-
ar upp á nýtt, eftir að upp komst,
að einn þátttakendanna, Sheila
Altree, hafði tekið þátt í keppn-
inni fimm árum áður undir fæð-
ingarnafni sínu, án þess að átta
sig á því að þeir sem einu sinni
hefðu tekið þátt í henni væru
útilokaðir frá endurtekinni þátt-
töku.
Saga Sheilu Altree er einungis
ein af mörgum, sem raktar eru í
bókinni. Önnur fjailar um yngsta
þátttakanda keppninnar, sem
komst í úrslit árið 1974 og búist
var við að ynni, en tókst illa upp.
Áhorfendur vissu ekki, að hún
hafði hlotið alvarlegt höfuðhögg
í stúdíóinu, rétt áður en röðin kom
að henni að silja fyrir svörum í
svarta stólnum. Reyndar féll stóll-
inn sjálfur eitt sinn, þegar leikar
stóðu sem hæst. Upp frá því hefur
hann verið njörvaður við gólfið.
Fór herbergjavillt
Einu sinni náði lögreglumaður
næstum að komast í fyrstu um-
ferð. Hann hugðist gefa sig fram
við nefnd, sem átti að fjalla um
umsókn hans um stöðuhækkun,
en fór herbergjavillt og var
skyndilega kominn í undirbún-
ingsmót til að velja keppendur í
„Mastermind".
Einnig er að finna í bókinni
forvitnilegar tölfræðiupplýsing-
ar um keppnina, svo sem að í þau
24 skipti, sem keppt hefur verið
til úrslita hingað til, hafa karl-
menn unnið 17 sinnum og konur
7 sinnum. Bókin á að heita „Ég
er byrjaður, svo að ég ætla að
ljúka þessu“ og er ráðgert er að
hún komi út 5. september.
„Ég hef reynt að gera hana
að skemmtilegri lesningu, hafa
hana ekki of mikið fyrir inn-
vígða, heldur útskýra innviði
þáttarins, greina frá sögum,
minningum og fólki. Ég hafði upp
á öllum þeim, sem komu fram í
þættinum, 1.288 manns í allt, og
reyndust nokkrir reyndar látnir.
Þetta verður afgerandi úttekt á
þættinum, sem ég leyfi mér án
nokkurrar hógværðar að segja
að sé orðinn goðsögn í sjón-
varpi."
Kraninn í Víkar-
tindi treystur í gær
Fyrsta
gámi lík-
lega land-
að í dag
LÖNDUN gáma úr Víkartindi átti
að hefjast í morgun, ef veður leyfði.
í gær var unnið við að treysta undir-
stöður kranans um borð, sem björg-
unarmenn höfðu fært í lóðrétta
stöðu á miðvikudag. Búist er við
að hægt verði að ná 70% af farmin-
um, sem enn er í skipinu, frá borði
með krananum, en rétta þarf kran-
ann miðskips einnig, ef allur farmur
á að nást frá borði.
Fulltrúar lögreglu og tollgæslu
voru á strandstað í gær, líkt og
verið hefur frá því Víkartind rak
upp. Þorsteinn Haukur Þorsteins-
son, fulltrúi ríkistollstjóra, sagði síð-
degis í gær að stefnt væri að því
að fyrstu gámunum yrði landað í
morgun. „Hér hafa menn verið önn-
um kafnir við að logsjóða undirstöð-
ur kranans í allan dag og hann á
að vera klár í fyrramálið," saðgi
Þorsteinn Haukur. „Þá hefur gengið
ágætlega að dæla olíu frá borði, til
dæmis náðust átta þúsund lítrar af
svartolíu fyrir hádegi. Þeir sem
vinna það verk segjast þó ekki verða
búnir að ná allri olíu og ljúka öllum
frágangi fyrr en eftir viku til tíu
daga og framvindan fer auðvitað
mikið eftir veðri.“
Gámarnir til Reykjavíkur
Þorsteinn Haukur sagði að um
leið og tekist hefði að ná gámi frá
borði yrði hann iiinsiglaður og flutt-
ur til Reykjavíkur. Auk Þorsteins
Hauks mun Skúli Árnason, deildar-
stjóri tollgæslunnar á Selfossi, sjá
um eftirlit og innsiglun gámanna.
„Þetta tekur áreiðantega allt sinn
tíma, því menn verða að láta sig
síga í böndum að gámunum, til að
losa um þá. Nú er spáð leiðinda
austan brælu og það gæti tafið verk-
ið verulega."
Óvíst hvað bjargast
Þorsteinn Haukur sagði ómögu-
legt að segja til um hvort eitthvað
af farminum væri enn óskemmt.
„Við vitum ekki hvort skilrúm á
milli lesta hafa haldið. Ein lestarlúg-
an er ónýt, en það á eftir að ganga
úr skugga um hve vel hinar hafa
haldið. Það er ekki víst að mikill
sjór sé í öllum lestum og því gæti
vara í gámum í sumum tilvikum
hafa sloppið."
Góð veiði miðað
við aðstæður
ÞEIR voru að fá’ann í Geirlandsá, f.v. Hólmgeir Hólmgeirsson,
Jónas Ingimundarson, Gunnlaugur Óskarsson og Eðvald Bóas-
son með fallega morgunveiði.
SJÓBIRTINGSVEIÐI er enn góð
þar sem aðstæður eru boðlegar
en frostnætur hafa víða sett strik
í reikninginn í ám á Suðurlandi.
Hollið sem opnaði Geirlandsá fór
til að mynda ekki út til veiða í
gærmorgun þar sem kvótinn var
fylltur, 10 fiskar á stöng. Alls
voru 30 fiskar
á bakkanum og
auk þess
slepptu veiði-
menn slatta af
birtingi.
„Þetta voru
yfirleitt 3-6
punda fiskar,
en þeir stærstu
voru einn 8 punda og annar 9
punda. Flestir fiskarnir veiddust
í Ármótunum, en það komu einn-
ig fiskar á land úr Tóftarhyl og
Fjárhúsabakka. Við sáum líka
fiska víðar þótt þeir tækju ekki,“
sagði Gunnlaugur Óskarsson, for-
maður Stangaveiðifélags Kefla-
víkur, í samtali við Morgunblaðið
í gærdag, á leið heim úr Geir-
landsá. Gunnlaugur sagði að
mjög hefði fryst á nóttunni og
þeir félagar hefðu ekki talið veið-
andi fyrr en
upp úr tíu á
morgnana. Sól-
in hefði skinið
glatt og fiskur
farið að taka
upp úr tíu.
„Þetta var aldr-
ei neitt mok,
við vorum að fá
þessa fiska jafnt og þétt og það
var mikill fiskur á svæðinu,”
bætti Gunnlaugur við.
Gunnlaugur sagði ennfremur
að enn væri allt frosið í Vatna-
mótum og ekki útséð hvenær
hægt yrði að hefja veiðar á þeim
slóðum. Þá hefðu veiðimenn í efri
hluta Hörgsár lent í því að stór
hluti veiðisvæðisins, efsti hlutinn
þar sem áin fellur í þröngu gljúfri,
var óveiðandi vegna ísa. Gátu
menn aðeins setið um einn góðan
hyl og úr honum veiddust tveir
vænir fiskar.
Sama neðra
Neðri hluti Hörgsár var einnig
óveiðandi vegna ísa, en í tveimur
hyljum efst á neðra svæðinu
veiddust nokkrir fiskar, sá
stærsti 7,5 pund. Jóhannes
Sigmarsson, sem var í ánni tvo
fyrstu dagana, sagði þá hylji sem
jafnan gefa nær alla vorveiðina
enn óveiðandi. „ísinn var óðum
að þynnast og nú er spáð hiýn-
andi veðri. Það gæti komið
hörkuskot fyrr en seinna,“ sagði
Jóhannes.
Sjö fiskar veiddust fyrstu tvo
dagana í Eldvatni á Brunasandi,
flestir 3-5 pund. Jóhannes var
einnig þar við veiðar ásamt öðr-
um. „Við urðum mjög víða varir
við fisk, en áin er köld með ísreki
og fiskur tók bæði illa og grannt,”
sagði Jóhannes.
Af öðrum svæðum er það að
segja, að Varmá hefur gefið vel.
Ekki hefur verið opnað fyrir veiði
í Rangánum og veiði hefst ekki
í Fitjaflóði, Grenlæk og Jónskvisl
fyrr en í maí. Eitthvað hefur ver-
ið rennt í Skaftá, sem hefur verið
tær og falleg síðustu daga, og
eitthvað hefur veiðst. Tölur eru
þó á reiki. Veiði hefst ekki í
Tungufljóti í Skaftártungu fyrr
en í maí.