Morgunblaðið - 01.11.1997, Qupperneq 10

10 LAUGARDAGUR 1. NÓVEMBER 1997
MORGUNBLAÐIÐ
FRÉTTIR
Skýrsla nefndar menntamálaráðuneytis um stefnumótun í íþróttum stúlkna og kvenna
Fjármagni er mis-
skipt eftir kynjum
KVENFÓLK hefur verið um 36%
iðkenda íþróttafélaga hér á landi
undanfarin ár. Meirihluti þeirra
er yngri en 15 ára eða um 56-57%.
Þessu er hins vegar öfugt farið
með karlmenn þar sem meirihluti
skráðra iðkenda er eldri en 16 ára
eða um 57-59%. Samkvæmt þessu
virðist sem kveniðkendum fækki
með aldrinum en karliðkendum
fjölgi.
Þetta kemur m.a. fram í skýrslu
nefndar um stefnumótun í íþrótt-
um stúlkna og kvenna, sem Bjöm
Bjamason menntamálaráðherra
og Hanna Katrín Friðriksen for-
maður nefndarinnar kynntu á
blaðamannafundi í gær. Mennta-
málaráðuneytið skipaði nefndina í
kjölfar þinsályktunartillögu sem
Alþingi samþykkti í júní 1996 um
stefnumótun í íþróttum stúlkna
og kvenna. Var nefndinni m.a.
ætlað að vinna í samráði við
íþróttasamband íslands og Ung-
mennafélag íslands.
Tillögum komið
á framfæri
Björn Bjamason sagði að ekki
væri hægt að eyrnamerkja konum
einhvern hluta þess fjármagns sem
rennur frá ríkinu til íþróttamála.
„Slíkt er ekki hægt, ekkert frekar
en með það fé sem rennur til skóla-
mála,“ sagði Bjöm. „Hins vegar
er hægt að beina tilmælum til
hreyfingarinnar um að hlutur
kvennaíþrótta af þessu fé verði
aukinn svo og upplýsingaskyldan
um hvert það rennur."
Bjöm sagði ennfremur að hann
ætlaði ekki að seilast inn í málefni
íþróttahreyfingarinnar en hann
vænti þess að hún tæki þessa
skýrslu til vandlegrar athugunar
og gerði hlut kvenna meiri.
Skýrslan til viðmiðunar við
gerð námskrár og íþróttalaga
Að sögn Björns stendur yfir
endurskoðun á námskrá grunn-
og framhaldsskóla og í þeirri vinnu
þarf að taka ábendingar skýrsl-
unnar til greina. Sama ætti við
um þá nefnd sem ynni að fmm-
Morgunblaðið/Halldór
BJÖRN Bjarnason menntamálaráðherra og Hanna Katrín Frið-
riksen, formaður nefndar um stefnumótun í íþróttum stúlkna
og kvenna, kynntu skýrslu nefndarinnar á fundi í gær.
varpi að breytingu á íþróttalögum.
Hann myndi koma þeim atriðum
er snem að ríkinu í þessari skýrslu
til nefndarinnar þannig að hún
hefði þau í huga við gerð nýja
frumvarpsins.
Konur í minnihluta
í stjórnum
í skýrslunni kemur fram að erf-
itt hafi verið að meta stöðu kvenna
innan íþróttahreyfíngarinnar á ár-
unum fyrir 1994 m.a. vegna ófull-
nægjandi skráningar á upplýsing-
um. Sé hins vegar litið á flölda
iðkenda eftir íþróttagreinum á ár-
unum 1994 og 1995 megi sjá að
á meðal karlmanna sé knattspyma
fjölmennasta íþróttagreinin.
Fimleikar eru á hinn bóginn fjöl-
mennasta íþróttagreinin meðal
kveniðkenda yngri en 15 ára, en
þátttaka þessa aldurshóps í knatt-
spyrnu er örlítið minni. Hjá konum
16 ára og eldri eru hestaíþróttir
fjölmennastar.
Konur gegna formennsku í
20% stjórna
í skýrslunni er ennfremur litið
til kynjaskiptingar innan stjóma
íþróttafélaga landsins en konur
Kynjaskipting
formanna innan
íþróttafélaganna
1989 1992 1995
eru þar í nokkmm minnihluta.
„Samkvæmt athugun nefndarinn-
ar virðast konur gegna for-
mennsku í um 20% stjórna og
hefur þetta hlutfall lítið breyst frá
árinu 1989,“ segir í skýrslunni.
Hlutfall kvenna í gjaldkerastöðum
er hins vegar nokkuð hærra eða
um 38% árið 1995.
Skortur á gögnum gerði ná-
Hlufall kvenna af heildarfjölda
iðkenda í íþróttagreinum innan ÍSÍ
0%
10% 20% 30% 40%
50% 60% 70% 80%
Biak
Badminton
Borðtennis
Frjálsar íþróttir
Fimleikar
Glíma
Golf
Hesta íþróttir
Handknattleikur
íþróttir fatlaðra
íþróttir fyrir alla
Skautar
Júdó
Karate
Körfubolti
Keila
Knattspyrna
Lyftingar
Siglingar
Skíði
Sund
Skotfimi
Tennis
Aðrir
90%
kvæmt mat á skiptingu fjármagns
milli kynja innan íþróttahreyfing-
arinnar erfíða, en í skýrslunni
kemur fram að meðaltekjur
íþróttagreina þar sem karlar eru
í meirihluta séu hærri en meðal-
tekjur í íþróttagreinum þar sem
konur eru í meirihluta. „Þetta
bendir til þess að hlutdeild kvenna
í heildartekjum íþróttagreinanna
sé talsvert minni en hlutdeild
karla,“ segir í skýrslunni. „Sam-
kvæmt tölfræðilegu mati Hag-
fræðistofnunar HI minnka tekjur
íþróttagreinar um 0,15% fyrir 1%
hærra hlutfall kvenna í viðkom-
andi íþróttagrein. Hlutdeild
kvenna í heildartekjum íþrótta-
hreyfingarinnar er því líklega mun
minni en ef hlutdeild þeirra í heild-
artekjum væri í réttu hlutfalli við
Qölda kveniðkenda."
Umfjöllun um konur tíundi
hluti íþróttaskrifa
Til að kanna umfang um-
fjöllunar um íþróttir karla og
kvenna í fjölmiðlum var gerð
könnun sem náði til þriggja tíma-
bila á árinu 1996. í niðurstöðum
könnunarinnar sem kynntar eru
í skýrslunni kemur fram að um-
fjöllun um íþróttakonur í dagblöð-
um hafi aukist lítillega frá árinu
1990 og er hún nú 10-12% af
íþróttaumfjöllun. Kemst nefndin
að þeirri niðurstöðu að hlutur
kvenna á íþróttasíðum íslenskra
dagblaða sé rýr og ekki í sam-
ræmi við þátttöku kvenna í íþrótt-
um almennt.
Jafnréttisnefnd
verði skipuð
í lok skýrslunnar leggur nefnd-
in til nokkrar leiðir til að efla
íþróttir stúlkna og kvenna. Tillög-
urnar miða að því að ríki og sveit-
arfélög gefi ákveðin skilaboð til
íþróttahreyfingarinnar, því
„ákveðin skilaboð „að ofan“
gagnast best á þessari stundu til
þess að koma nauðsynlegu skriði
á þessi mál“.
Meðal tillagna nefndarinnar er
að allur stuðningur, fjármagn og
aðstaða, sem ríki og sveitarfélög
veiti til íþrótta skiptist hlutfalls-
lega jafnt á milli karla og kvenna.
Þá er m.a. lagt til að komið verði
á jafnréttisnefnd innan íþrótta-
hreyfingarinnar og að stofnaður
verði sérstakur sjóður til að styrkja
íþróttir stúlkna og kvenna.
CCO licn CCO 1 07n LÁRUSÞ.VALDIMARSSON,FRAMKVÆMDASTJÓRI
DuC I IDU'DDZ | ij / U JÓHflíllN ÞÓRDARSOAI, HHL. LÖGGILTUR FASTEIGNflSflLI.
Nýjar á fasteignamarkaðnum meðal annarra eigna:
Á vinsælum stað við Álfheima
Sólrík 4ra herb. íbúð á 3. hæð, um 100 fm. Nokkuð endurnýjuð. Sól-
svalir. Skipti æskileg á stærri eign í nágrenninu.
Á besta stað við Laugarnesveg
Mjög góð 4ra—5 herb. íb. á 3. hæð (efstu). Sólrík. Svalir. Snyrtileg
sameign. Mikið útsýni. Tilboð óskast.
Skammt frá KR-heimilinu
Mjög stór 4ra herb. íb. á 4. hæð, 116,2 fm í lyftuhúsi. 3 rúmgóð
svefnherb. Tvennar svalir. Mikið útsýni. Skipti möguleg. Vinsæll
staður.
Rétt við Grandaskóla
Nýleg 5—6 herb. ib. á 3. hæð og í risi, rúmir 140 fm. Næstum full-
gerð. Harðviður. Parket. Eignaskipti möguleg.
Fjársterkir kaupendur óska eftir
Góðu einbhús á Nesinu með útsýni.
Rúmgóðu einbhúsi, miðsv. í borginni.
Stóru einbhúsi í Ártúnsholti.
Sumarbústað niður við Þingvallavatn fyrir þekktan siglingamann.
Rétt eign keypt á háu verði. Miklar og örar peningagreiðslur.
Vinsamlegast leitið nánari upplýsinga
Opið í dag kl. 10-14
Opið mánudag-föstudag kl. 10-12 og kl. 14—18.
Sérbýli á einni hæð óskast í
borginni og nágrenni.
Margskonar hagkvæm
eignaskipti.
ALMENNA
FASTEIGNASALAN
LAUGAVEG118 S. 5521150 - 5521370
Síðustu samningalotu fyrir loftslagsráðstefnuna í Kyoto lokið
Þokaðist í rétta átt í
áherzlumálum íslands
AÐILDARRÍKI rammasamnings SÞ
um loftslagsbreytingar, svonefnds
Ríó-sáttmála, luku í gær í Bonn síð-
ustu samningalotunni fyrir ráð-
stefnu ríkjanna í japönsku borginni
Kyoto, þar sem reyna á að ná sam-
komulagi um bindandi bókun við
samninginn, þess efnis að útblástur
gróðurhúsalofttegunda verði tak-
markaður. Tryggvi Felixson, for-
maður íslenzku samninganefndar-
innar, segir að þokazt hafi í rétta
átt í hagsmunamálum íslands.
Talsmenn umhverfísverndarsam-
taka héldu því fram í gær að viðræð-
urnar hefðu engum árangri skilað
og að svo gæti farið að ekkert sam-
komulag myndi nást á Kyoto-ráð-
stefnunni. Að sögn Reutens-frétta-
stofunnar voru samningamenn þó
bjartsýnni og töldu sjónarmið aðild-
arríkjanna 150 hafa nálgazt.
Japönsk stjórnvöld hafa boðað
umhverfisráðherra 20 ríkja, 12 iðn-
ríkja og 8 þróunarríkja, til skyndi-
fundar í Tókýó nú um helgina til
að freista þess að greiða fyrir sam-
komulagi. Tryggvi Felixson segir að
reynt verði að fækka ágreiningsefn-
um á ráðherrafundinum.
„Stóru mál samningsins eru enn
óleyst og búast má við að þau verði
ekki leyst fyrr en í Kyoto, en menn
óttast að ekki náist að leysa mikið
af minniháttar tækniatriðum fyrir
Kyoto-fundinn og að það muni þvæl-
ast fyrir," segir Tryggvi.
Tekið verði tillit
til aðstæðna
Hann segir að gífurleg vinna hafí
farið fram í Bonn. „Allir reyna að
gera sitt bezta, en hver þjóð, sem
tekur þátt í þessu, tekur hvert skref
mjög varlega,“ segir Tryggvi.
Tryggvi segir að íslandi sé mest
í mun að tekið verði sérstakt tillit
til aðstæðna í hverju ríki, t.d. nýt-
ingar endurnýjanlegra orkugjafa,
þegar útblástursmörk verða ákveð-
in. „Mér fínnst þessi fundur hafa
skilað okkur svolítið á leið þar,“
segir hann. Tryggvi segir að ásamt
Noregi, Sviss, Astralíu, Kanada,
Ungveijalandi og Rússlandi hafi
ísland unnið að smíði texta í þessa
veru. Hinn kosturinn, sem sé til
skoðunar á ráðstefnunni, sé flatur
niðurskurður.
Nær samkomulagi um
bindingu koltvísýrings
Þá segir Tryggvi að íslenzka
sendinefndin hafí lagt mikla vinnu
í að fá viðurkenningu á aðgerðum
til bindingar koltvísýrings, til dæmis
með skógrækt og landgræðslu. Þeim
hugmyndum hafi verið tiltölulega
vel tekið og haft verði samráð milli
aðildarríkja á næstu vikum í því
skyni að greiða fyrir samkomulagi
um þetta atriði í Kyoto.