Morgunblaðið - 20.11.1997, Síða 14

14 FIMMTUDAGUR 20. NÓVEMBER 1997
MORGUNBLAÐIÐ
AKUREYRI
Félagsmálaráð hefur áhyggjur af miklu atvinnuleysi kvenna
Atvinnuleysi jókst um 21% á
fyrstu 10 mánuðum ársins
SIGFRÍÐUR Þorsteinsdóttir, for-
maður félagsmálaráðs, segir sláandi
hversu mjög atvinnuleysi hefur
aukist meðal kvenna á Akureyri.
Ráðið ræddi þróun atvinnuleysis á
fundi fyrir nokkru, en á íyrstu 10
mánuðum þessa árs voru að jafnaði
8% færri karlar atvinnulausir en á
sama tíma á síðasta ári. Hins vegar
fjölgaði atvinnulausum konum um
21% á sama tíma. Hefur félagsmála-
ráð lýst yfir áhyggjum sínum af
vaxandi atvinnuleysi kvenna og tel-
ur það einnig mikið áhyggjuefni hve
fá atvinnutækifæri bjóðast stórum
hópi atvinnuleitenda yfir 60 ára
aldri.
„Það virðist vera mun meira
framboð á vinnu fyrir karlmenn,
þeir eiga af einhverjum ástæðum
auðveldara með að fá atvinnu um
þessar mundir,“ sagði Sigfríður og
nefndi að til að mynda væri mikið
að gera í byggingariðnaði, næg
verkefni og gott tíðarfar.
Skortur á starfs-
menntun vandamál
Um síðustu rnánaðamót voru 327
manns á atvinnuleysisskrá á Akur-
eyri, 103 karlar og 224 konur. Um
það bil helmingur þessa hóps er yfir
50 ára aldri. Þá eru að sögn Rögn-
valdar Símonarsonar, forstöðu-
manns atvinnudeildar Akureyrar-
bæjar, langflestir þeirra sem á at-
vinnuleysisskrá eru einungis með
grunnskólamenntun. „Það er stórt
vandamál hér á landi að ekki er boð-
ið upp á neina starfsmenntun,
skemmra nám sem menntar fólk í
ákveðnum starfsgreinum,“ sagði
Rögnvaldur og nefndi að t.d. i Dan-
mörku færi enginn að starfa í versl-
un án þess að hafa lokið einhverju
starfsnámi. „Við höfum lagt alltof
litla áherslu á þetta,“ segir hann.
Nokkm- hópur ungs fólks, sem ein-
ungis hefur gi-unnskólapróf og litla
starfsreynslu, er á atvinnuleysis-
skrá, en það að vera án nokkurrar
menntunar er að sögn Rögnvaldar
ávísun á atvinnuleysi.
Samdráttur í heilbrigðisgeira
Ástæður þess að svo miklu fleiri
konur en karlar eru án atvinnu á
Akureyri um þessar mundir sagði
Rögnvaldur erfítt að segja um og
engin ein skýring þar á. Samdráttur
í heilbrigðisgeira og á félagssviðinu
hefði sitt að segja, hann bitnaði
harðar á konum sem væru í meiri-
hluta þess starfsfólks sem ynni við
umönnunarstörf. Þá væri töluvert
um konur á skrá sem nýlega hefðu
lokið 6 mánaða fæðingarorlofí og
hefðu ekki fundið atvinnu við hæfí.
Uppgangurinn væri hins vegar
mestur í stórframkvæmdum ýmiss
konar en við þær störfuðu karlar í
mun meira mæli en konur.
Sagði Rögnvaldur nokkur brögð
að því undanfarna mánuði að vinnu-
veitendur hefðu verið að segja upp
starfsfólki sem komið væri yfír sex-
tugt en sá hópur ætti í miklum erf-
iðleikum með að fá atvinnu. Nánast
væri útilokað fyrir konur í þessum
hópi að fá vinnu.
Minningarreitur um
týnda ástvini
Söfnun
stendur yfir
SAMHYGÐ, samtök um sorg og
sorgarviðbrögð á Akureyri og ná-
grenni, hefur reist minningarreit á
Höfða, austan við kirkjugarðinn á
Akureyri.
Minningarreiturinn er ætlaður
öllum þeim sem misst hafa ástvini
sem ekki hafa fundist og er hægt
að setja plötu með nafni hinna
týndu á þar til gerða steina í minn-
ingarreitnum. Aðstandendur hafa
þá sinn stað þar sem þeir geta
minnst hins látna. í miðjum reitn-
um er stór steinn sem ætlaður er
þeim sem vilja minnast ástvina
sem hvíla annars staðar.
Flosi Jónsson gullsmiður sér um
gerð plötunnar og einnig er hægt
að leita til Smára Sigurðssonar hjá
Kirkjugörðum Akureyrar.
Reiturínn vígður
3. nóvember
Söfnun stendur nú yfir til að
standa straum af kostnaði við að
koma reitnum upp og sér sr.
Svavar A. Jónsson um reikning í
Sparisjóði Norðlendinga (nr.
401995). Minningarreiturinn verð-
ur vígður sunnudaginn 30. nóvem-
ber næstkomandi.
Morgunblaðið/Hermína GunnþórsdóttiR
Bakkabræður brugðu á leik
NORRÆNA bókasafnsvikan var haldin á bóka-
safninu á Dalvík líkt og víðast annars staðar á
landinu í liðinni viku. Börn og unglingar áttu
stóran þátt í dagskrá vikunnar, meðal annars
voru fluttir á safninu stuttir leikþættir af þeim
Bakkabræðrum úr Svarfaðardal, en þeir ættu að
vera dalvískum ungmennum nærtækur sagna-
brunnur.
Krabbameinsfélag
Akureyrar og
nágrennis 45 ára
Okeypis
blettaskoð-
un á afniæl-
isdaginn
KRABBAMEINSFÉLAG Akur-
eyrar og nágrennis verður 45 ára á
morgun, föstudaginn 21. nóvember.
Það var stofnað föstudaginn 21.
nóvember árið 1952 og voru stofnfé-
lagar 64. Fyrsti formaður þess var
Jóhann Þorkelsson héraðslæknir.
Félagið er nú eitt stærsta krabba-
meinsfélag landsins.
Frá árinu 1988 hefur félagið rekið
skrifstofu og hefur starfsemin auk-
ist ár frá ári. Nú starfa tveir starfs-
menn hjá félaginu, Halldóra
Bjarnadóttir framkvæmdastjóri og
Brynja Óskarsdóttir upplýsingafull-
trúi. Núverandi formaður er Jónas
Franklín læknir.
Tímapantanir í dag
I tilefni þessara tímamóta hefur
stjórn félagsins í samvinnu við þá
Reyni Valdimarsson og Þorstein
Skúlason húðlækna á Akureyri
ákveðið að bjóða almenningi á fé-
lagssvæðinu ókeypis blettaskoðun á
afmælisdaginn á skrifstofu félagsins
við Glerárgötu 24, annarri hæð.
Mikilvægt er að fara til læknis ef
fram koma breytingar á húð, til
dæmis blettir sem stækka, eru
óvenjulegir að lit eða lögun og ef um
er að ræða sár sem ekki gróa.
Nauðsynlegt er að bóka tíma á
skrifstofu félagsins í dag, fímmtu-
daginn 20. nóvember frá kí. 9 til 16.
--------------
Frönsk lög
og ljóð
FRANSKIR dagar, dagskrá í tali
og tónum verður í Deiglunni í kvöld,
fimmtudagskvöldið 20. nóvember,
og hefst hún kl. 21.
Kennarar og nemendur Tónlist-
arskólans á Akureyri og Mennta-
skólans á Akureyri flytja frönsk lög
og ljóð og fléttar sögumaður, Sverr-
ir Páll Erlendsson dagskrána sam-
an. Flutt verða ljóð á frönsku og ís-
lensku eftir valinkunn frönsk skáld
og tónlist eftir þekkt frönsk tón-
skáld. Fresta varð þessari dagskrá
á Frönskum dögum sem haldnir
voru á Akureyri í lok október af
óviðráðanlegum orsökum. Aðgang-
ur er ókeypis.
Komum á slysadeild FSA
fjölgaði milli ára
Mun fleiri leituðu
í neyðarmóttöku
kynferðisafbrota
MUN fleiri leituðu í neyðarmót-
töku fyrir fórnarlömb kynferðis-
afbrota á slysadeild Fjórðungs-
sjúkrahússins á Akureyri á síð-
asta ári en árið áður. Arið 1995
leitaði einn einstaklingur til
neyðarmóttökunnar en í fyrra
voru 16 komur í neyðarmóttök-
una, þar af 6 um verslunar-
mannahelgina.
Undirbuningsvinnu við að
koma á stofn áfallahópi FSA var
fram haldið og var slíkur áfalla-
hjálparhópur formlega stofnað-
ur á árinu, með þátttöku starfs-
fólks á slysadeild, geðdeild og
djákna sjúkrahússins. Þetta
kemur fram í ársskýrslu FSA
fyrir síðasta ár.
Heildarkomufjöldi á slysa-
deild árið 1996 var nokkuð meiri
en verið hefur undanfarin ár,
eða 10.478 og þar af voru um
tveir þriðju hlutar nýkomur.
Nýkomur eru flestar yfir sum-
artímann, eða á tímabilinu júní,
júlí og ágúst.
Aberandi álagstoppur varð
um verslunarmannahelgina og
tengdist hann útihátíðinni Halió
Akureyri. Flestir sem leituðu á
slysadeildina um verslunar-
mannahelgina voru á aldrinum
16-24 ára.
Sjávarútvegsfyrirtæki KEA sameinast í Snæfelli
Aætluð velta næsta árs
um 4 milljarðar króna
MAGNÚS Gauti Gautason, kaupfé-
lagsstjóri Kaupfélags Eyfírðinga,
segir að skipulagsmál félagsins séu
fyrirferðarmikil í umræðunni á
deildafundum félagsins sem nú
standa yfír á félagssvæði KEA.
Fyrsti fundurinn var hjá Akureyrar-
deild sl. þriðjudagskvöld og í gær
voru fundir haldnir í Fnjóskdæla-
deild og í Glæsibæjar-, Skriðu- og
Öxndæladeild.
,Á þessum fundum er ég að fara
yfír þær skipulagsbreytingar sem
þegar hafa verið gerðar og fyrirhug-
aðar eru hjá okkur. Við erum að taka
sjávarútveginn frá KEA og færa yfír
í Snæfell og í kjölfarið að sameina
Snæfell og Útgerðarfélag Dalvík-
inga. Einnig eru Gunnarstindur og
Snæfellingur á leið inn í Snæfell fyr-
h- áramót. Við höfum vaxið gífurlega
í sjávarútvegi og gerum ráð fyrir að
brúttóveltan í þeirri grein, sem var
um 1600-1700 milljónir króna í
fyrra, aukist á næsta ári í um 4 millj-
arða hjá Snæfelli."
Magnús Gauti segir að uppbygg-
ing Snæfells hafí miðast að því að
höfuðstöðvar og skrifstofuhald fyrir-
tækisins verði á Dalvík en á móti
muni skrifstofuhald á vegum KEA
þar dragast mikið saman. Þá er
Flutningamiðstöð Norðurlands,
FMN, að yfirtaka skipaafgreiðslu
KEA á Dalvík frá og með næstu
mánaðamótum.
Bflaverkstæði
Dalvíkur hlutafélag
„Þá hefur verið tekin ákvörðun
um að stofna hlutafélag í kringum
Bflaverkstæði Dalvíkur, sem er í
eigu KEA, og er liður í selja fyrir-
tækið í kjölfarið. Við ætlum ekki að
vera í því að reka vélsmiðjur og bíla-
verkstæði, enda slíkur rekstur ekki
inni í þeirri mynd sem við höfum
varðandi framtíðina. Við ætlum að
einbeita okkur að því að vera í þeim
greinum sem við eigum vaxtar-
möguleika í og hagkvæmni stærðar-
innar nýtist og á móti að hætta í
þeim greinum sem ekki eru stórar
og henta okkur illa.“
Eins og fram kom í Morgunblað-
inu í gær hefur KEA leigt Hótel
KEA frá sér frá og með næstu ára-
mótum. Hótelkeðjan Foss-Hótel
ehf. hefur tekið hótelið á leigu til
fímm ára.
Tap varð á rekstri KEA og dótt-
urfélaga fyrstu sex mánuði þessa
árs og nam það 112 milljónum
króna, samanborið við 35 milljóna
króna hagnað á sama tímabili í
fyrra. í endurskoðaðri rekstraráætl-
un félagsins er hins vegar gert ráð
fyrir verulegum rekstrarbata á síð-
ari hluta ársins.