Morgunblaðið - 15.01.1998, Qupperneq 25

MORGUNBLAÐIÐ
ERLENT
FIMMTUDAGUR 15. JANÚAR 1998 25
Reuters
SCOTT Ritter, Bandaríkjamaður í eftirlitssveit Sameinuðu
þjóðanna, ræðir við blaðamenn í Bagdad.
litsmennina en Frakkar og Rússar
eru hlynntir því að slakað verði á
viðskiptabanninu, sem hefur gilt í
sjö ár, til að lina þjáningar írösku
þjóðarinnar. Bandaríkjamenn segja
það ekki koma til greina fyrr en
Irakar gangi að öllum skilyrðum
Sameinuðu þjóðanna.
Frakkar hafa ennfremur lagt til
að Sameinuðu þjóðirnar hætti að
rannsaka hvort Irakar eigi kjarna-
vopn og snúi sér að svokölluðu
„langtímaeftirliti“, sem krefst ekki
eins mikillar ágengni. Frakkar vilja
þó að haldið verði áfram að leita að
sýkla- og efnavopnum, sem minna
er vitað um.
Bandarískir embættismenn segja
að Bandaríkjastjórn hafi ekki hafn-
að slíkum tillögum en sé sannfærð
um að ekki sé hægt að draga úr
umfangi vopnaeftirlitsins nú þegar
írakar bjóði Sameinuðu þjóðunum
birginn.
Fhilipus vill einka-
væða fiskstofna
London. The Daily Telegraph.
FHILIPPUS drottningarmaður
hefur lagt til, að fiskstofnar verði
einkavæddir eins og gert hafi verið
á Nýja Sjálandi til að koma í veg
fyrir ofveiði. Kom þetta fram í
ræðu, sem hann flutti í tilefni af
því, að Sameinuðu þjóðirnar hafa
ákveðið, að þetta nýbyrjaða ár
verði „Ar hafsins".
Fhilippus, sem er heiðursforseti
náttúruverndarsamtakanna
„World Wide Fund for Nature
International", sagði, að nú mætti
heita, að aðgangurinn að fiskstofn-
unum væri öllum heimill. Afkoma
sjómanna væri komin undir fisk-
veiðum og þess vegna héldu þeir
áfram að veiða þótt þeir vissu, að
verið væri að eyðileggja stofnana.
Eina ráðið væri að einkavæða fisk-
stofnana eins og gert hefði verið á
Nýja Sjálandi.
Nýsjálendingar hafa tekið upp
framseljanlega kvóta, sem leitt
hefur til hagræðingar í útgerðinni,
en ýmsir fiskifræðingar og aðrir
vísindamenn benda á, að slíkt fyr-
irkomulag gangi ekki upp nema
þar sem eitt ríki ræður yfir fisk-
stofnunum.
Misjafnar undirtektir
Yfirlýsingu drottningarmanns-
ins var misjafnlega vel tekið og til
dæmis spurði Ian Strutt, ritstjóri
sjávarútvegsblaðsins Fishing
News International, hvers vegna
drottningarmaðurinn væri að ráð-
ast á „vel rekinn sjávarútveg og
fiskiðnað“. Sagði hann, að fram-
seljanlegu kvótarnir á Nýja Sjá-
landi hefðu valdið atvinnuleysi
meðal sjómanna.
Mike Sutton, einn af forystu-
mönnum WWF, sagði hins vegar,
að einkavæðing fiskstofnanna væri
augljóslega komin á dagskrá þótt
mörgum hugnaðist ekki að selja
það, sem litið væri á sem almenn-
ingseign. Sjálfur kvaðst hann vera
hlynntur algeru banni við veiðum á
ákveðnum svæðum.
51 fórst með flugvél Taleban
Quetta. Reuters.
ALLIR sem um borð voru í flugvél
Taleban-hreyfingarinnar í Afganist-
an biðu bana er hún skall á fjallshlíð
í Pakistan í fyrrinótt. Hugðist flug-
maðurinn snúa til borgarinnar
Quetta í suðvesturhluta landsins eft-
ir misheppnaða tilraun til að lenda í
Afganistan.
Talsmenn Taleban í Kabúl, höfuð-
borg Afganistans, staðfestu að um
borð í flugvélinni hefðu verið 45 víga-
menn hreyfingarinnar og sex manna
áhöfn.
I fyrstu var talið að mun fleiri
hefðu verið um borð, eða 80-90, en
það hefur verið borið til baka.
Flugvélin var af gerðinni Antonov
og smíðuð í Rússlandi. Sérfræðingar
telja, að flugmennirnir hafi villst af
flugleið eftir að þeir urðu að hætta við
tilraun til að lenda í Herat í norðvest>
urhluta Afganistans vegna veðurs.
Viltu styrkja stöðu þína ?
Ahugavert og
spennandi
skipulagt
starfsnám
Markmið námsins er að útskrifa nemendur með
hagnýta þekkingu á tölvunotkun og veita
nemendum innsýn í notkunarmöguleika á
útbreiddustu ritvinnslu- og töflureikniforritum
sem eru á markaðinum í dag.
Námið er 120 kennslustundir og hentar þeim
sem vilja styrkja stöðu sína
á vinnumarkaðinum.
Boðið er upp á morgun og kvöldtíma tvisvar
sinnum í viku.
Skráning og upplýsingar
í síma 5685010

Rafiönaöarskólinn
Skeifunni 11B • Sími 568 5010