Morgunblaðið - 05.02.1998, Blaðsíða 1

72 SÍÐUR B/C
STOFNAÐ 1913
29. TBL. 86. ARG.
FIMMTUDAGUR 5. FEBRUAR 1998
PRENTSMIÐJA MORGUNBLAÐSINS
Vonast eftir
lausn á hval-
veiðideilu
St. John’s. Reuters.
PULLTRÚAR í alþjóðahvalveiði-
ráðinu (IWC) kváðust vonast til þess
að geta hoggið á hnútinn í deilu að-
ildam'kjanna um takmarkaðar hval-
veiðar á fundi sem nú stendur yfu- á
Antigua.
Til umræðu í gær voru tillögur íra
sem gera ráð fyrir banni við hval-
veiðum á úthöfum en að takmarkað-
ar veiðar á landgrunni undir ströngu
eftirliti IWC verði heimilaðar. Til-
gangurinn er að uppræta vísinda-
veiðar með öllu.
Japanir mæltu fyrir því að hval-
veiðar yrðu leyfðar að nýju, enda
segja þeir veiðibann á úthöfum
stangast á við stofnskrá IWC. Norð-
menn lögðust harðlega gegn hug-
myndum um að takmarka neyslu
hvalkjöts við heimamarkað.
Nobuyuki Yagi, fulltrúi Japana,
sagði að hvalastofnar væru ekki í út-
rýmingarhættu. Þeir hefðu verið að
vaxa og enginn vildi stofna þeim í
hættu heldur nýta skynsamlega.
Daven Joseph, fulltrúi Antigua og
Barbuda, sagði umræður í gær hafa
snúist að mestu um hvernig skil-
greina mætti svonefndar strandveið-
ar samkvæmt írsku tillögunni, sem
hann sagði vera viðunandi málamiðl-
un. Antigua hefur nú fallið frá harðri
andstöðu sinni við veiðar.
Reuters
Höfuðið á
sínum stað
HAFMEYJAN á Löngulínu í Kaup-
mannahöfn er á ný sú bæjarprýði
sem hún hefur verið lengi þar sem
höfuðið er að nýju komið á stytt-
una. Skemmdarvargar, sem sagðir
eru hafa verið ungir drengir, sög-
uðu höfuðið af í byijun árs og
fannst það þremur dögum seinna,
en viðgerðinni lauk í gær.
SÞ segir tilboð Iraka
ekki leysa vandann
New York, Kaíró, London. Reuters.
TILBOÐ Iraka, sem fregnir bárust
af í gær, um að veita vopnaeftirlits-
mönnum Sameinuðu þjóðanna (SÞ)
aðgang að átta forsetahöllum í einn
mánuð myndi ekki leysa vanda efth-
litsmannanna, að því er SÞ-nefnd er
hefur umsjón með vopnaeign Iraka
(UNSCOM) greindi frá í gær.
Bandaríska sjónvarpsstöðin CNN
gi-eindi frá tilboði Iraka í gær og ut-
anríkisráðherra Egyptalands, Amr
Moussa, kvaðst hafa það eftir starfs-
bróður sínum í Irak að þarlend
stjórnvöld væru „að hneigjast í átt
að því“ að veita eftirlitsmönnunum
aðgang að forsetahöllunum.
Samkvæmt fréttum CNN bjóðast
Irakar til að leyfa fulltrúum SÞ að
athuga hallirnar átta í einn mánuð,
og gætu rannsóknarmenn UNSCOM
slegist í fór með þeim. Ewen
Buchanan, talsmaður UNSCOM,
sagði að svo virtist sem tilboð íraka
væri háð því skilyrði að eftir að stað-
ur hefði verið rannsakaður einu sinni
Ákafar tilraunir
til að finna
pólitíska lausn
fengju fulltrúar SÞ ekki að koma
þangað aftur.
Buchanan benti á, að á einum
þeirra staða sem um ræddi, forseta-
höll í miðborg Baghdad, væru „mörg
hundruð byggingar sem myndu sam-
kvæmt þessu verða_ óaðgengilegar“.
Samkvæmt tilboði íraka fengju að-
ildarríki öryggisráðs SÞ, fimmtán að
tölu, hvert .um sig að tilnefna fimm
rannsóknarmenn og tveir yrðu frá
hverju því 21 ríki sem á aðild að
UNSCOM. Skýrsla yrði gefin örygg-
isráðinu en ekki UNSCOM.
Fréttastofa Reuters hefur eftir
stjórnarerindrekum að öruggt megi
telja að öryggisráðið myndi hafna
þessu tilboði yrði það borið fram við
ráðið.
Kláfferjuslysið í ftölsku Ölpunum
Kæruleysi
kennt um
Cavalese, Aviano. Reuters.
ROMANO Prodi, forsætisráð-
herra Italíu, lýsti því yfir í gær
að „hörmulegu kæruleysi11 væri
um að kenna hvernig fór, er 20
manns, sem voru farþegar í kláf-
ferju á vinsælu skíðasvæði í
austanverðum ítölsku Ölpunum,
létu lífið í slysi í fyiradag.
Bandarísk herþota í lágflugi
sleit burðarvíra ferjunnar með
þeim afleiðingum að hún steypt-
ist til jarðar og flattist út í fjalls-
hlíðinni. Flugvélin lenti hins veg-
ar heil á húfi.
Talsmenn bandaríska flug-
hersins lýstu því yfir í gær að
sérstök rannsóknamefnd á veg-
um hans yrði send á vettvang til
að hjálpa til við að upplýsa til
hlítar hvernig annað eins gat
gerzt. Itölsk vitni að slysinu létu
að því liggja í gær að flugmaður
herþotunnar hefði virzt ætla að
gera sér að leik að reyna að
fljúga undir burðarvíra kláfferj-
unnar. Mikil reiði var ríkjandi í
fréttaflutningi ítalskra blaða af
slysinu í gær og stjórnmálamenn
voru ósparir á harðorðar yfirlýs-
ingar.
■ Italir gramir/22
Tæknin slípuð
Reuters
AÐEINS tveir dagar eru þar til
18. vetrarólympíuleikarnir verða
settir í Nagano í Japan. Undan-
farna daga hafa íþróttamenn
ílykkst á vettvang og notað tím-
ann fram að leikum til þess að
reyna aðstæður og fínslípa form-
ið áður en í alvöruna kemur.
Meðal þeirra eru bandariska
skautaparið sem líður um ísinn.
Stjórnvöld víða um heim héldu í
gær áfram áköfum tilraunum til að
finna samningalausn á Iraksdeilunni.
Meðal þeirra sem Borís Jeltsín, for-
seti Rússlands, ræddi við í gær var
Tony Blair, forsætisráðherra Bret-
lands. Þeir ræddust við í tíu mínútur
í síma, og að sögn talsmanns Blairs
lagði hann áherslu á það við Jeltsín
að „hótunin um valdbeitingu ef nauð-
syn krefði“ yrði að vera raunveruleg.
Talsmaðurinn sagði að Rúss-
landsforseti hefði látið í ljósi efa-
semdir sínar um réttmæti þess að
beita valdi. Hann hefði þó ekki tekið
jafn djúpt í árinni og fyrr um dag-
inn, er hann sagði aðgerðir Banda-
ríkjamanna geta leitt til heimsstyrj-
aldar. í gærkvöldi sagði talsmaður
Jeltsins að ummæli forsetans um að
hætta væri á heimsstyrjöld yrði
ráðist á Irak hefðu verið slitin úr
samhengi.
■ Aðgerðir Clintons/20
Hnattflugi hætt
Genf. Reuters.
VEGNA synjunar Kínverja á leyfi til að fljúga belgfar-
inu Breitling um kínverska lofthelgi ákváðu leiðangurs-
menn í gær að hætta við hnattflugstilraun sína.
Með því að reyna að sneiða suður fyrir Kina hefði
ferðalagið lengst um tvo daga og því nær öruggt að
eldsneyti dygði ekki til hnattflugs. Margra daga
diplómatískar tilraunir til að fá Kínverja til að skipta
um skoðun reyndust árangurslausar og hafa þeir ekki
virt viðmælendur sína svars frá því í fyrradag.
I staðinn ákváðu belgfararnir þrír, sem voru yfir Ind-
landi í gær, að dóla yfir til Bengalflóa og lenda í Búrma
eða Tælandi á morgun eða laugardag. Skömmu fyrir há-
degi í dag að íslenskum tíma setja belgfararnir nýtt
flugsögumet því þá verða þeir búnir að vera lengur á
lofti en nokkurt annað loftfar án þess að taka eldsneyti
á flugi. Þá hafa þeir verið níu daga og fjórar mínútur á
Bretland
Aldrei
hægri
umferð
Brussel. Reuters.
GAVIN Strang, samgöngu-
ráðherra Bretlands, útilokaði
í gær, að tekinn yrði upp
hægiihandarakstur í Bret-
landi og kvaðst raunar telja,
að það yrði ekki gert úr
þessu.
Strang lýsti þessu yfir
vegna fyrirspumar frá nefnd-
armanni í samgöngunefnd
Evrópuráðsins og rifjaði upp
ákvörðun Svia um að skipta
yfir í hægri umferð fyrir 30
árum. Var hún tekin í þjóðar-
atkvæðagreiðslu.
„Eg er ekki viss um, að það
hefði verið rétt af okkur
Bretum að fara að dæmi Svía
þá en það var örugglega síð-
asta tækifærið. Nú er það
orðið um seinan,“ sagði
Strang.
Reuters
BERTRAND Piccard leiðangursstjóri fylgist með
mælitækjuin um borð í Breitling-belgfarinu í gær.
lofti. Arið 1986 flaug lítil sérsmíðuð flugvél umhverfis
jörðina á níu dögum fi’á herstöð í Kaliforníu án viðkomu
á leiðinni.