Morgunblaðið - 05.02.1998, Blaðsíða 50

50 FIMMTUDAGUR 5. FEBRÚAR 1998
MORGUNBLAÐIÐ
FÓLK í FRÉTTUM
KAREN Mulder er í útsaumuðum
„kraftaverka" brjóstalialdara og
útsaumuðum undirbuxum í stil
við.
EFTIR að hafa séð kvikmyndina
Titanic er það efst í huga mér hve
ljóslifandi og að því er manni finnst
raunverulegan er hægt að gera á
kvikmyndatjaldinu þann hörmulega
atburð, þegar risafarþegaskipið sem
ekki átti að geta sokkið, sökk samt í
jómfrúferðinni, rakst á ísjaka úti á
Atlantshafí á fullri ferð frá Sout-
hampton til New York og hvarf í haf-
ið á ótrúlega stuttum tíma.
Pessi mikla harmsaga, þegar
meira en 1.500 manns fórust í ágæt-
isveðri, ekki hvað síst vegna skorts á
björgunarbátum, hefur verið marg-
sögð allt frá árinu 1912, þegar slysið
varð, og fram á þennan dag. Margar
bækur hafa verið skrifaðar og kvik-
myndir gerðar um Titanic-slysið
enda er það einn þeirra atburða tutt-
ugustu aldarinnar sem segja má að
allur heimurinn kannist við. Flestir
kvikmyndahúsagestir fara því að sjá
hina nýju Titanic-mynd með það á
hreinu um hvað myndin fjallar í
grundvallaratriðum og hvernig hún
hlýtur að enda.
Peim mun merkilegra er að mynd-
in heldur vel, eins og sagt er, í meira
en þrjá tíma. Byrjunin þykir mér
einkar áhrifamikil, þegar farið er í
smákafbáti niður að hinu raunveru-
lega flaki Titanie, þar sem það liggur
á botni Atlantshafsins og ekki aðeins
skoðaður skrokkurinn eins og hann
lítur út eftir meira en átta áratugi á
hafsbotni, heldur líka gægst inn í
vistarverur með myndavél sem hægt
er að stýra inn í káetur og meira að
segja getur tækið opnað skápa og
skúffur með fjarstýrðum örmum.
Þessi merkilega byrjun tengir
myndina á bæði hrikalegan og
áhrifamikinn hátt við hinn raunveru-
lega atburð. Eftir þessa byrjun tek-
ur svo skáldverkið fljótlega við, heill-
andi ástarsaga og vel gerð að mínum
dómi. Sem sagt ánægjuleg ferð í
kvikmyndahúsið, ekki síst fyrir þann
sem sest í sætið ákveðinn í að hafa
skemmtan af sögunni og láta hugann
reika inn á sögusviðið.
Og svo er það tónlistin. Það er
James Horner sem hefur af henni
veg og vanda, samdi og stjórnaði.
Hann er enginn nýliði í bandarískum
stórmyndum og hefur fengið þrenn
Grammy-verðlaun, m.a. fyrir tónlist í
mynd-
ERLENDAR
Ólafur Gaukur
fjallar um tónlist
Jamers Homers
í kvikmyndinni
Titanic
unum Braveheart og
Legends of the Fall og fimm sinnum
hefur tónlist hans verið útnefnd til
Óskarsverðlauna. James Homer
fæddist í Los Angeles í Kalifomíu
1953 en fluttist ungur til Englands,
þar sem hann stundaði tónlistarnám
í Royal College of Music í London.
Seinna fluttist fjölskyldan aftur til
Kaliforníu og hélt Horner þá námi
áfram við háskólana UCLA og Uni-
versity of Southern California.
Þegar horft er á kvikmyndina Tit-
anic verður það strax ljóst að tónlist-
in í myndinni er samin af tónskáldi
sem hefur á valdi sínu tæknina til að
fá út úr stórri hljómsveit það sem
hann ætlar sér. Tónlistin er sem sagt
skrifuð af kunnáttu og reynslu og
spannar allt frá miklum átökum í
mjúka undirtóna.
Á köflum notar Horner kór með
hljómsveitinni og einnig hljóðgervil,
til dæmis í byrjun, og eru það góð
blæbrigði. Og ekki má gleyma frá-
bærum flutningi söngkonunnar
Celine Dion á ástarsöngnum My He-
art Will Go On. Tiltölulega einfalt en
áhrifamikið stef með svolítið írsku
bragði heyrist framarlega í mynd-
inni og í einni eða annari'i mynd ber
það fyrir eyru aftur og aftur til sam-
hengis. Eg tel músík Homers eiga
ákaflega vel við bæði ástarsöguna,
sorgarsöguna og spennusöguna, stór
og dramatísk tónlist þegar við á og
þaðan af mýkri eftir ástæðum.
Auðvitað væri hægt að gera öðru-
vísi tónlist við myndina en mín skoð-
un er að hinn raunverulegi hljóm-
sveitarhljómur, skapaður af ekki
minna en 80-100 manna hljómsveit
þegar mest er, eigi nákvæmlega við
þessa mynd, gefi henni klassískt yf-
irbragð og ákveðið tímaleysi sem fer
henni afbragðs vel. Eins og ég sagði
er Horner vel menntaður til að fást
við hljómsveit af slíkri gráðu og kann
að láta hana hljóma á allan möguleg-
an hátt. Það kemst prýðilega til skila
í þessari mynd. Fróðlegt er til sam-
anburðar að hlýða einnig á tónlistina
við Titanic-myndina á geisladiski,
sem gefinn hefur verið út, en á hon-
um er að sjálfsögðu að fmna eitt og
annað, sem ekki festist í minni er
horft var á myndina.
Þegar rætt er um tónlist og Tit-
anic, get ég ekki látið undir höfuð
leggjast að nefna eitt hið fyrsta,
sem ég heyrði varðandi Titanic-
slysið, og hafði hvað mest áhrif á
mig, nefnilega að þegar skipið var
að sökkva hafi skipshljómsveitin
staðið sem fastast meðan stætt var
á dekkinu og spilað sálminn
„Hærra minn guð til þín“. Þessi
saga segir ennfremur að síðustu
tónarnir hafi ekki dáið út fyrr en
öldurnar lukust yfir höfði tónlistar-
mannanna. Þetta er áhrifamikil
saga og einhver fótur hlýtur að
vera fyrir henni, þótt ef til vill hafi
ekki verið leikið alveg þar til fiðl-
urnar fylltust af sjó.
En sagan hefur löngum fylgt frá-
sögnum af Titanic-slysinu og það
eykur á trúverðugleikann að henni
eru enn á ný gerð skil í nýju Titanic-
myndinni sem nú siglir fulla ferð
áfram til frægðar og frama og út-
nefningar til Óskarsverðlauna og
, hefur þegar hlotið Golden Globe
verðlaunin fyrir bestu leikstjóm,
I bestu tónlist og besta titillag, með-
* an vélar gamla glæsiskipsins eru
löngu þagnaðar þar sem það liggur
og safnar á sig enn fleiri hrúðurkörl-
um á botni Atlantshafsins. En hvað
sem líður verðlaunum er þessi nýja
kvikmynd um Titanic að öllu saman-
lögðu glæsilegt og áhrifamikið verk
fyrir margra hluta sakir og full
ástæða til að gera sér ferð að sjá
hana. Tónlist James Horners í
myndinni gef ég fyrstu einkunn.
Leyndarmál Victoriu
afhjúpuð í New York
NAOMI Campbell
var glæsileg í sa-
tínslopp utan yfir
„kraftaverka"
V brjóstahaldara
gj úr blúndu og
® hlébarðaundir-
m buxum.
FYRIRSÆTAN
Tyra Banks í
blómamunstruð-
um flauelsslopp
utan yfir satín
nærfatasetti.
BANDARISKA undirfatafyrirtækið
Victoria’s Secret hélt tískusýningu
í New York í vikunni þar sem
nýjasta línan var kynnt. Fyrirtækið
er þekkt fyrir glæsilega kynningar-
bæklinga þar sem
þekktustu fyrirsætur heims sitja
fyrir í undirfötunum einum. Þær
létu sig ekki vanta á sýningarpall-
ana í New York og tóku sig vel út
eins og sjá má á meðfylgjandi
myndum.
BANDARISKA fyr-
irsætan Stephanie
Seymour í hvítum
englabrjóstahald-
ara og pilsi með
blúndum og pall- L
íettum við. I
7
Verö á fargjaldl fram og lil baka.
3 ferðir
á dag
Bókanir: 570 8090
Frá miklum
átökum í mjúka
undirtóna