Morgunblaðið - 05.03.1998, Side 25

MORGUNBLAÐIÐ
FIMMTUDAGUR 5. MARZ 1998 25
ÚR VERINU
Mokveiði af loðnu
við ósa Skaftár
LOÐNAN mokveiddist í gær-
morgun rétt vestan við ósa Skaftár
en tiltölulega fá skip voru á miðun-
um síðdegis, flest á leið í land með
fullfermi eða á miðin á ný eftir
löndun. Mikil loðnufrysting er víða
um land og loðnu landað bæði til
frystingar og bræðslu allt frá
Austfjörður og vestur um á Akra-
nes.
Þannig var Víkingur AK á leið
til Akraness í gær þegar Morgun-
blaðið ræddi við Erling Pálsson
stýrimann. „Það er mikið að sjá af
loðnu á svæðinu og því viðbúið að
veiðin verði áfram góð svo fremi
sem veður helst skaplegt. Það er
mikil hreyfíng á loðnunni, líklega
fer hún nú um 10 mílur á sólar-
hring og fer jafnvel enn hraðar
næstu daga verði vindáttir áfram
austlægar. Það em líklega ennþá
nokkrir dagar í að hún hrygni en
þó er aðeins farið að bera á hrogn-
um í blóðvatninu," sagði Erling.
Alls bárast tæp 11.000 tonn af
loðnu á land í fyrradag og er heild-
arafli frá áramótum kominn í
195.700 tonn og um 265.700 tonn
eftir af útgefnum loðnukvóta. Sem
fyiT hefnr mestu verið landað hjá
Hraðfrystihúsi Eskifjarðar, eða
um 29.000 tonnum en um 25.400
tonnum hjá SR-mjöli á Seyðisfírði
og um 24.800 tonnum hjá Síldar-
vinnslunni í Neskaupstað.
Hólmaborgin aflahæst
Hólmaborg SU frá Eskifirði er
aflahæsta loðnuskipið frá áramót-
um og einnig á vertíðinni allri.
Hólmaborgin hefur landað 10.090
tonnum af loðnu frá áramótum og
32.162 tonnum að sumar- og haust-
vertíðunum meðtöldum. Þá kemur
Beitir NK frá Neskaupstað með
6.490 tonn frá áramótum og 30.519
tonn alls. Önnur aflahæstu skip frá
áramótum eru Vestmannaeyja-
skipin Kap VE með 6.590 tonn,
Guðmundur VE með 6.440 tonn og
ísleifur VE með 6.176 tonn. Sig-
urður VE hefur borið um 27.513
tonn af loðnu á land á vertíðinni
allri og Víkingur AK um 27.255
tonn.
Morgunblaðið/Guðmundur St. Valdimarsson
HÓMABORGIN SU frá Eskifirði er aflahæsta loðnuskipið á vertíðinni frá því í sumar með rúmlega 32.000
tonn samkvæmt nýjustu upplýsingum frá Samtökum fiskvinnslustöðva. Næstu skip eru Beitir NK,
Sigurður VE og Vfldngur AK.
Fjögur
skip
svipt leyfi
FISKISTOFA hefur svipt
fjögur skip leyfi til veiða í at-
vinnuskyni vegna afla umfram
aflaheimildir. Skipin eru: Sig-
urbjörg Þorsteins BA, Erling-
ur GK, Sigurbjörg SH og Auð-
björn ÍS. Leyfíssviptingarnar
gilda þar til aflaheimildir skip-
anna hafa verið lagfærðar. Þá
svipti Fiskistofa Björgvin EA
veiðileyfi 18. febráar sl. en
veitti skipinu leyfið að nýju
tveimur dögum síðar, enda
hafði aflaheimildarstaða þess
þá verið lagfærð.
Sýni ehf.
fær
faggild-
ingu
SÝNI skoðunarstofan ehf.,
sem var stofnuð í lok síðasta
árs í kjölfar breytinga á um-
hverfi skoðana hjá vinnslu-
leyfishöfum í sjávarátvegi,
hefur nú þegar sótt um fag-
gildingu samkvæmt staðlinum
IST EN 45 004 og hefur feng-
ið leyfi Fiskistofu til að starfa
samkvæmt þeim skilyrðum og
kröfum sem starfseminni era
settar.
Nýjar reglur stjórnvalda
sem kveða á um að faggiltar
óháðar skoðunarstofur annist
skoðanir á aðstöðu, hreinlæti
og innra eftirliti vinnsluleyfis-
hafa í sjávarátvegi tóku gildi
um síðustu áramót. Sýni skoð-
unarstofan ehf. býður þjón-
ustu sína vinnsluleyfishöfum
um land allt og hafa fjölmargir
aðilar þegar gengið frá þjón-
ustusamningi við fyrirtækið.
Nýlega náðust samningar
milli Aðalskoðunar hf. og
Rannsóknarþjónustunnar
Sýni ehf. um kaup Aðalskoð-
unar hf. á 90% eignarhluta
Rannsóknarþjónustunnar í
Sýni skoðunarstofu ehf. Eig-
endur skoðunarstofunnar eftir
söluna era Aðalskoðun hf. og
Aðalskoðunarstofan ehf.
fin vmtiidaty til AiimuidagA
íslenskir garðyrkjubœndur kynna blómstrandi pottaplöntur
pessa daga. Mikill fjöldi tegunda - margs konar tilboð.
Um helgina gefstfólki kostur á að hitta framleiðendurna og
fá hjá peim góð ráð.
HóMstrmdi pottaplMtur i tilboði
Dæmi:
Tegund: verð:
Framleiðandi.
Prímúla KR. 199,- (Jakob í Laugagerði)
Crýsí míní KR. 199,- (Hörður í Lyngási)
St. Pála (míní) KR. 239,- (Sigurður Þráinsson)
Begonia KR. 439,- (Gunnar í Ártanga)
Alparós KR. 599,- (Gunnar í Ártanga)
Alparós stærri KR. 799,- (Gunnar í Ártanga)
Hawalrós KR. 769,- (Sigurður Þráinsson)
Pottarósir KR. 639,- (Þorvaldur í Grein)
Hortensía KR. 999,- (Sigurður Þráinsson)
Silfuríjöður KR. 999,- (Sigurður Þráinsson)
Burknar KR. 599,- (Sveinn / Blómvellir)
ÍSLENSK
GARÐYRKJA
rElámamiL-fmlkmt'Ii fimmir