Morgunblaðið - 05.03.1998, Page 39

MORGUNB LAÐIÐ
FIMMTUDAGUR 5. MARZ 1998 39
LISTIR
Hljómmikil og falleg rödd
TÖJVLIST
Gerðubergi
LJÓÐATÓNLEIKAR
Loftur Erlingsson og Gerrit
Schuil fluttu söngverk eftir
Schumann, Wolf, Duparc og
Vaughan-Williams. Þriðjudagur-
inn 3. mars, 1998.
Á VEGUM Menningarmiðstöðv-
arinnar Gerðubergs hafa Ljóða-
tónleikar Gerðubergs notið mikill-
ar virðingar og hafa sl. átta ár á
þeirra vegum komið fram okkar
bestu og efnilegustu sönglista-
menn. Að þessu sinni var það Loft-
ur Erlingsson, ásamt Gerrit
Schuil, sem flutti þýsk, frönsk og
ensk ljóðalistaverk. I raun eru
þessir tónleikar frumraun Lofts
sem ljóðasöngvara og lofa þeir
góðu um framhaldsátök Lofts á
þessu sviði. Þar koma til raddgæði
og góð kunnátta, sem Loftur hefur
dregið sér sem veganesti til að
vinna það erfíða verk að tónklæða
þessa oft viðkvæmu ljóðasöngva
meistaranna. Fyrst á efnisskránni
voru söngljóð (Lieder) eftir tvo af
meisturum þessa listforms, Robert
Schumann og Hugo Wolf. Af níu
ljóðasöngvum eftir Schumann,
sem spanna allt frá því fíngerð-
asta, eins og t.d. í Du bist wie eine
Blume, Die Lotusblume, An den
Sonnenschein og Dein Angesicht
tO stórkallalegra átaka í Wand-
erlied og því fræga Die beiden
Grenadiere, sýndi Loftur að hann
er þegar á góðri leið með að verða
frábær ljóðasöngvari, þó mesta
bragð væri að söng hans, þegar
hann fékk tækifæri til að láta sína
hljómmiklu rödd blómstra, eins og
í tveimur síðastnefndu söngvun-
um.
Þrír ljóðasöngvar sem Wolf
samdi við þrjú kvæði eftir lit- og
formsnillinginn Micheleangelo, eru
meðal sérstæðustu listaverka
ljóðabókmenntanna og söngverkin
eftir Wolf í raun hápunktur þeirrar
listar að tónklæða og túlka texta og
var flutningurinn í heild mjög fal-
lega mótaður og þar átti og Gerrit
Schuil nokkra frábæra spretti í
píanóið, einsog t.d. í síðasta laginu
Fuhlt meine Seele, sem er meist-
ai-asmíð frá hendi Wolfs.
Fjögur lög eftir Henri Duparc
voru næst á efnisskránni en þar
vantaði Loft enn þá talandi hlýju í
röddina, nokkuð sem tekur langan
tíma að tileinka sér, þó síðasta lag:
ið Phidylé væri mjög vel sungið. í
Songs of Travel eftir Ralph Vaugh-
an-Williams var söngur Lofts eins
og á heimavelli og var allur flokk-
urinn mjög vel fluttur þó fyrsta
lagið The Vagabond og það sjö-
unda Whither must I wander?
bæru af, sérlega vegna þess að þar
naut sín mikil og falleg rödd Lofts.
Það er ekki langt til seilst, að spá
Lofti góðu á sviði ljóðasöngs en
hann er einn af okkar efnilegustu
söngvurum og hefur þegar sýnt sig
að vera góður óperusöngvari. Um
samleikinn hjá Gerrit Schuil nægii1
í raun að nota aðeins eitt orð, að
hann hafi í heild verið snilldarleg-
ur, þar sem leikáð var með það fín-
legasta upp í átök, þar sem píanóið
hljómaði eins og hljómsveit.
Jón Ásgeirsson
Námskeið í
efnisfræði í
MHÍ
Á VEGUM Myndlista- og handíða-
skóla Islands verður námskeið
helgina 14.-15. mars um efnisfræði
ýmissa plast- og gúmmíefna og
kynnt verður tæknin við mótagerð,
afsteypur og yfírborðsmeðhöndlun.
Kennari er Helgi Skaftason, kenn-
ari í iðnhönnun við Iðnskólann í
Hafnarfirði. Kennt verður í Iðn-
skólanum í Hafnai-firði.
ESTEE LAUDER
Ráðgjofi frá Estée Lauder verður
í Hygeu, Austurstræti 16, í dag,
og Hygeu, Laugavegi 23,
á morgun og laugardag.

H Y G E A
dnyrtivöruvcrjlun
Laugavegi 23, sími 511 4533
Austurstræti 16, sími 511 4511
Blað allra landsmanna!
- kjarni málsins!
AF SÝNINGU Benedikts í SÚM-sal.
Drottinn blessi
heimilið
MY]\DLIST
Nýlistasafnið, Vatnsstfg 3b
GRAFÍSKAR LJÓSMYNDIR
BENEDIKT G. KRISTÞÓRSSON
Opið frá kl. 14-8. Til 8. mars.
Aðgangur ókeypis.
ÞEGAR maður skoðar myndir
Benedikts Kristþórssonar koma
upp í hugann ýmsar endurminn-
ingar um stofur og herbergi þar
sem fólk stóð og starði út í loftið
eins og það vildi muna eitthvað
sem því fannst mikilvægt eða ráf-
aði um í leit að einhverju sem var
ekki alltof vel skilgreint. Ef til vill
er það einungis kvikmynd Friðriks
Þórs um Náttúrubörnin, sem
kenndi manni að staldra við og
fylgjast með örlögum gamals
bónda sem var búinn að bregða búi
og átti nú hvergi höfði að að halla
vegna þess að veröld hans var
horfin í fortíðina.
Reyndar er ekki langt í Bacon hjá
Benedikt því eilítið hreyfð höfuð-
stelling gamla mannsins og órætt
umhvei’fið minnir óneitanlega á sér-
kennilegt rýmið í verkum málarans
írska. Að vísu er sem hin hreyfða
taka dragi fram bakgrunninn í þeim
tilgangi að vísa okkur leið inn í rým-
ið, en gamli maðurinn er sjálf-
menntaður byggingameistari og til-
högun rýmisins sem hann deilir
með sjálfum sér er alfarið hans eig-
ið verk.
Skoðum þetta eilítið nánar: Bene-
dikt tekur myndir af manni sem
hefur hannað eigin íverustað.
Myndirnar skannar hann síðan inn
á tölvu og lagfærir að vild sinni áður
en hann prentar þær út í lit. Til að
skapa enn frekari nálægð milli
mynda og áhorfenda málar Bene-
dikt SÚM-salinn í þeim tónum sem
ríkja í myndunum. Þannig erum við
komin langan veg frá upprunanum
þótt okkur fínnist - öðru nær - sem
við séum orðin hluti af því andrúms-
lofti sem ríkir kringum gamla bygg-
ingameistarann.
Þegar Halldór heitinn Laxness
skóp persónu Bjarts í Sumarhúsum
afmáði hann fjarlægðina milli tilver-
unnar sem einyrkinn hrærðist í og
þeirrar sem umlukti lesandann.
Haft er fyrir víst að amerískir les-
endur hafi kannast við Bjart á
hverju strái í New York.
Ef til vill er hér komin andstæðan
við hið margfræga firringarbragð
Berts Brecht og mætti því kalla
Náherungseffekt, eða nálgunar-
bragð. Þetta er einmitt galdurinn
sem Benedikt beitir í innilegum
grafíkmyndum sínum.
Halldór Björn Runólfsson
( N
BIODROGA
snyrtivörur
AMERÍSKU UNDRAKREMIN
ÁRANGURINN SÉST Á NOKKRUM DÖGUM!
• Amerísku undrakremin frá INSTITUTE-FOR-SKIN- THERAPY
jafna, slétta, mýkja, næra, stinna, hindra hrukkumyndun, minnka
svitaholur, deyfa brúna aldursbletti, varöveita raka, verja fyrir
utanaökomandi áhrifum og veita húöinni heilbrigðan og ferskan
blæ.
• Ótrúlegt en satt - árangur af notkun snyrtivara frá INSTITUTE-
FOR-SKIN-THERAPYer sýnilegur á örfáum dögum, enda kremin
framleidd í Hollywood, Kaliforníu þar sem fólk hefur hvorki tíma til
né áhuga á aö bíöa eftir árangri, vill og veröur aö sjá hann
STRAX!
• Snyrtivörur fyrir allar húögeröir, ilmefnalausar, náttúrulegar,
ofnæmisprófaðar, meö og án ávaxtasýru.
Dagkrem, næturkrem, augnkrem, hand- og húökrem, sem heldur niðri psoriasis, hreinsigel,
hreinsikornakrem, einstök bólumeöferö fyrir unglingana og magnaðir andlitsmaskar sem VIRKA!
KYNNINGARAFSLATTUR 20%
Gildir til 26. ma'rs ( ' .,- .
Fást aðeins á völdum snyrtistofum í Kaliforníu og nú á
íslandi hjá:
Snyrtistofunni MAJU, Bankastræti 14, R,
Snyrtistofu DÍU, Bergþórugötu 5, R,
Snyrtistofunni LaRosa, Garðatorgi 7, Garöabæ,
Snyrtistofunni Dönu, Hafnargötu 41, Keflavík og hjá
KOSMETU ehf, Síöumúla 17, 108 R.
Sendum vandaðan, litprentaðan, íslenskan
upplýsingabækling ásamt verðlista ef óskað erl
Síðumúla 17 • 108 R • Sími: 588-3630 • Fax: 588-3731
Opið frá kl. 17:00-19:00 daglega.