Morgunblaðið - 30.04.1998, Page 4

4 FIMMTUDAGUR 30. APRÍL 1998
FRETTIR
MORGUNBLAÐIÐ
Forsætisráðherra leggur fram þingsályktunartillögu um byggðaáætlun
Stefnt að 10% fólksíjölg-
un á landsbyggðinni
LÖGÐ hefur verið fyrii- Alþingi tillaga til þingsá-
lyktunar um stefnu í byggðamálum árin 1998 til
2001 sem hefur það að markmiði að treysta bú-
setu á landsbyggðinni. Er stefnt að því að fólks-
fjölgun þar verði ekki undir landsmeðaltali og
nemi 10% til ársins 2010.
Davíð Oddsson forsætisráðherra ritaði
Byggðastofnun í ágúst 1997 og fór fram á að haf-
in yrði vinna við áætlun um byggðamál fyrir
þennan tíma. Meðal helstu aðgerða sem lagt er
til að gripið verði til eru að unnið verði að fjöl-
breytni atvinnulífs á landsbyggðinni, lánastarf-
semi Byggðastofnunar verði rekin á arðsemis-
grundvelli og byggður upp traustur byggðasjóð-
ur sem hafi sérstaklega að markmiði að efla ný-
sköpun og auka hagkvæmni í rekstri fyrirtækja á
landsbyggðinni, stefnt verði að því að Byggða-
stofnun eigi aðild að eignarhaldsfélögum á lands-
byggðinni og verji til þeirra verkefna allt að 300
milijónum króna áriega, studdar verði sérstak-
lega aðgerðir á afmörkuðum svæðum þar sem
veruleg röskun verður á atvinnuháttum og bú-
setu, nýjum stóriðjuverum verði fundinn staður
utan athafnasvæða höfuðborgarinnar, menntun á
háskólastigi verði tekin upp þar sem kostur er
m.a. með samningum milli framhaldsskóla og há-
skóla, ríkisfjölmiðlar efli starf sitt á landsbyggð-
inni og áfram verði unnið að því að lækka kostn-
að við hitun íbúðarhúsnæðis.
Mikilvægir þættir í betra horfi
í greinargerð með þingsályktunartillögunni
segir m.a. „Það kann að þykja bjartsýni að við
þessar aðstæður sé fólksfjölgun á landsbyggðinni
meginmarkmið tillögunnar, en á það ber að líta
að mikilvægir þættir sem eru forsenda traustrar
búsetu eru í betra horfi en verið hefur. Hér ber
sérstaklega að leggja áherslu á eftirfarandi:
1. Afstaða fólks til búsetu á landsbyggðinni er á
margan hátt jákvæð. Mim fleiri fýsir að flytja
út á land en þaðan til höfuðborgarsvæðisins.
2. Öll almenn þjónusta er í betra horfi á lands-
býggðinni en á höfuðborgarsvæðinu.
3. Ymsar aðgerðir hafa haft jákvæð áhrif á út-
gjöld heimilanna.
4. Efnahagsástand er um þessar mundir betra en
verið hefur um langa hríð. Það gerir aðstæður
einkar jákvæðar fyrir nýtingu auðlinda lands-
ins og er atvinnulífi á landsbyggðinni því sér-
staklega mikilvægt.
5. Með starfsemi þróunarstofa er fenginn grund-
völlur að nútímaatvinnusókn á landsbyggðinni.
6. Fyrir liggur greining þeirra þátta er mestu
valda um neikvæða afstöðu til búsetu á lands-
byggðinni sem auðveldar að færa þá til betri
vegar.
7. Tillaga sú sem hér liggur fyrir, verði hún sam-
þykkt og framkvæmd í því horfi sem efni henn-
ar stendur til, felur í sér ný og markviss vinnu-
brögð í byggðamálum.“
Grundahverfí á
Kjalarnesi
Stuðningur
við nýtt
skipulag
116 ÍBÚAR í Grundahverfi á Kjal-
amesi hafa lýst yfir stuðningi við
nýsamþykkt skipulag í hverfinu og
taka ekki undir óánægju þeirra
íbúa, sem skrifað hafa undir mót-
mæli vegna breytinga á skipulag-
inu.
Með bréfi til hreppsnefndar og
sveitarstjóra frá íbúunum fylgja
undirskriftarlistar með nöfnum 116
íbúa og kemur fram að það er hópur
áhugamanna um áframhaldandi
uppbyggingu á Kjalamesi, sem
stendur að undirskriftasöfnuninni. í
bréfinu segir að, ,Af þeim undir-
tektum að dæma sem undirskriftar-
söfnunin fékk þá er staðfest sú vissa
okkar að þetta skipulag nýtur al-
menns stuðnings íbúa hér á svæð-
inu. Það er von okkar að uppbygg-
ing samkvæmt hinu nýja skipulagi
megi hefjast sem fyrst og viljum við
skora á skipulagsyfirvöld að stað-
festa skipulagið sem fyrst.“
HUNGRIÐ satt. Frá vinstri: Auður Hafsteinsdóttir með dóttur sína, þá Mona Sandström
með David Anton og loks Bryndís Halla Gylfadóttir með Breka.
Frjósamt tríó á faraldsfæti
10 stærstu kúabú-
in fá 7,5 m.kr. í
beingreiðslur
TÍU stærstu kúabú á landinu fá að
meðaltali 7.455 þúsund krónur í
beingreiðslur úr ríkissjóði á ári. Tíu
stærstu sauðfjárbúin fá að meðaltali
2.693 þúsund krónur í beingreiðslur.
Meðaltal beingreiðslna til allra
sauðfjárbænda, sem eru 2.515 tals-
ins, nemur rúmum 602 þúsund
krónum en meðaltal til kúabænda,
sem eru 1.251, er 2.155 þúsund
krónur.
Þetta kemur fram í svari land-
búnaðarráðherra við fyrirspum Vil-
hjálms Egilssonar alþingismanns
og eru tölur miðaðar við greiðslu-
mark í þessum mánuði.
11-30 stærstu kúabúin fá að með-
altali 5,3-5,9 milljónir króna en 11-
30 stærstu sauðfjárbúin fá að með-
altali 2,1-2,3 milljónir króna.
Þar kemur einnig fram að af
2.983 lögbýlum á íslandi sem hafa
greiðslumark og eiga því rétt til
beingreiðslna úr ríkissjóði vom 696
með minna en 100 ærgildi og alls
1.587 býli með minna en 300 ær-
gildi. 475 býli voru hins vegar með
meira en 600 ærgildi, þar af 28 með
meira en 1.000 ærgilda greiðslu-
mark.
1.218 jarðir hafa misst
greiðslur frá 1991
Einnig sýna upplýsingar í svari
við fyrirspuminni að frá árinu 1991
hefur beingreiðsluréttur í sauðfjár-
framleiðslu verið fluttur af 1.218
jörðum í landinu og hafa nú 2.515
lögbýli beingreiðslurétt. Fram-
reiðsluréttur í mjólk hefur verið
fluttur af 188 jörðum frá 1992 og
hafði 1.251 jörð þann rétt í lok síð-
asta árs. 821 býli hefur greiðslu-
mark bæði til mjólkur- og kinda-
kjötsframleiðslu.
Þá kemur fram í svari landbúnað-
arráðherra að af 7.903 tonna kinda-
kjötsframleiðslu á síðasta ári voru
282 tonn framleidd á lögbýlum sem
ekki nutu beingreiðslna, en fram-
leiðendur utan lögbýla framleiddu
33,8 tonn af kindakjöti.
TRIO Nordica gerði víðreist um
Mið- og Vestur-Svíþjóð nýverið.
Fimm tónleikar voru haldnir á
jafnmörgum stöðum, í Folkets
Hus í Ulrikehamn, í Gunnebo-
höll í Mölndal, í Marieholm,
Mariestad, í Immanuelskirkjunni
í Borás og í Lansteatern í
Skövde. Var tríóinu alls staðar
vel tekið og dómar í biöðum voru
lofsamlegir.
Meðlimir í Trio Nordica, sem
fagnar fímm ára afmæli sinu um
þessar mundir, eru Auður Haf-
steinsdóttir fiðluleikari, Bryndís
Halla Gylfadóttir sellóleikari og
Mona Sandström píanóleikari.
Efnisskráin var hin sama á öll-
um tónleikunum: Metamorfoser
eftir Hafliða Hallgrimsson,
Píanótríó í g-moll eftir Elfridu
Andrée og Píanótríó í g-moll op.
17 eftir Clöru Wieck-Schumann.
En það var fleira en hlýjar við-
tökur sem gerði tónleikaferð
þessa eftirminnilega fyrir stöll-
urnar, ekki s/st þrír ungir ferða-
félagar þeirra. Hér er átt við
tveggja mánaða dóttur Auðar og
þriggja vikna syni Bryndísar
Höllu og Monu, sem fæddir eru
sama daginn. Voru börnin aldrei
langt undan meðan á tónleikun-
um stóð enda þurftu þau að fá
trakteringar hjá mæðrum sínum
í hléi, eins og sjá má af meðfylgj-
andi mynd, sem tekin var í
Gunnebo-höll.
Bæjaryfírvöld
Garðabæjar
Vilja
semja við
Jósefs-
systur
BÆJARSTJÓRANUM í
Garðabæ hefur verið falið að
leita eftir samningum við
reglu Sankti Jósefssystra um
leigu á húsnæði þeirra við
Holtsbúð þar í bæ. Eru þær
orðnar fáar í stóru húsnæði og
vilja gjarnan leigja og hafa
bæjaryfirvöld haft augastað á
húsnæðinu sem dvalar- og
hjúkrunarheimili og sem mið-
stöð fyrir þjónustu við aldraða
í bænum.
Húsnæði systranna í Garða-
bæ er um 2.300 m2 að stærð
og segir Ingimundur Sigur-
pálsson bæjarstjóri að það
hafi upphaflega verið hannað
sem dvalar- og hjúkrunar-
heimili fyrir systumar hér.
Nú þegar systrunum hafi
fækkað sé húsnæðið orðið of
stórt og vilji þær flytja og því
hafí þessari hugmynd skotið
upp að bærinn leigði húsnæð-
ið. Segir bæjarstjórinn yfir-
völd hafa boðið systrunum að
útvega þeim annað húsnæði í
staðinn ef á þarf að halda en
St. Jósefsreglan rekur hjúkr-
unarheimili í Danmörku.
Ingimundur Sigurpálsson
segir að vistrými geti verið
fyrir 20 til 30 manns og sé sú
þörf fyrir hendi þrátt fyrir að
bærinn eigi 15 herbergi hjá
Hrafnistu í Hafnarfirði. „Það
myndi stórbæta möguleika
bæjaryfirvalda til að þjóna
eldri borgurum bæjarins.
Þjónustan hefur ekki verið á
einum stað en hér er ætlunin
að hafa auk vistrýmisins, mið-
stöð fyrir heimiÚshjálp, tóm-
stundastarf og samastað fyrir
alla öldrunarþjónustu innan
bæjarins. Ef um semst er gert
ráð fyrir því að bærinn taki
við húsnæðinu á haustmánuð-
um,“ sagði bæjarstjórinn og
benti einnig á að fá yrði stað-
festingu ráðuneytis á um-
ræddum samningi vegna
rekstrarleyfís.
Varð undir
tönn
MAÐUR hlaut áverka á höfði
og annarri hendi í vinnuslysi í
Sundahöfn laust fyrir klukkan
fjögur í gærdag, þegar verið
var að setja tönn af snjótroð-
ara inn í gám.
Gámurinn stóð uppi á tengi-
vagni vörubifreiðar og voru
tveir lyftarar notaðir til að
koma tönninni inn í gáminn.
Rann tönnin til á brettinu og
lenti á herðum mannsins, með
þeim afleiðingum að hann féll
niður. Maðurinn var fluttur á
slysadeild Sjúkrahúss Reykja-
víkur þar sem gert var að sár-
um hans. Hann mun m.a. hafa
brotnað í andliti.
Bændur
brenna sinu
MEÐ Ieyfi sýslumanns er heim-
ilt að brenna sinu fram til 1.
maí eins og bændur undir Hafn-
aríjalli nýttu sér í gær. Að sögn
lögreglunnar á Akranesi gekk
bruninn slysalaust fyrir sig og í
dag er spáð rigningu.