Morgunblaðið - 30.04.1998, Side 23

MORGUNBLAÐIÐ
ERLENT
FIMMTUDAGUR 30. APRÍL 1998 23
Kim Jong-il hvetur til
sameiningar Kóreuríkja
Tókýó. Reuters.
FJOLMIÐLAR í Norður-Kóreu
birtu í gær opið bréf frá leiðtoga
landsins, Kim Jong-il, þar sem
hann hvetur til þess að Kóreurík-
in tvö verði sameinuð. Segir sér-
fræðingur í málefnum Kóreu að
þetta sé mikilvægasta yfirlýsing
sem Kim hafi gefið á þeim fjórum
árum sem liðin eru frá því hann
tók við völdum.
Shinya Kato, sérfræðingur á
vegum japanska hópsins Radi-
opress, sem fylgist með fram-
vindu mála í N-Kóreu, sagði að
bréfið væri ótvírætt merki um að
n-kóresk stjórnvöld væru reiðu-
búin til viðræðna við stjórnina í
Seoul um bætt samskipti og sam-
einingu.
Þótt bréfið væri mörg þúsund
orð að lengd væru ekki í því nein-
ar nýjar friðartillögur, en engu að
síður bæri á það að líta að engin
dæmi væru fyrir því að leiðtogi
norðurhlutans hefði farið fram á
sameiningu ríkjanna með svo
beinum hætti.
„Við skulum sameina landið á ný
á eigin spýtur og með friðsamlegum
hætti íyrir tilstilli eindrægni allrar
þjóðarinnar,“ sagði m.a. í bréfi
Kims, sem dagsett var 18. apríl, en
n-kóreska rfldsfréttastofan birti í
gær. Þar sagði leiðtoginn ennfrem-
ur að sameiginleg ráðstefna norðan-
og sunnanmanna í mánuðinum hefði
sýnt, svo ekki yrði um villst, að sam-
eining væri möguleg þrátt fyrir
pólitískan, hugmyndafi-æðilegan og
trúarlegan ágreining.
Kato sagði að orðalag bréfsins
væri mun hógværara en í yfirlýs-
ingu sem n-kóresk stjórnvöld
birtu fyrr í mánuðinum er við-
ræður við S-Kóreumenn fóru út
um þúfur í Peking. I bréfinu
sagði að S-Kórea eigi ekki að
vera háð erlendu valdi, sem er í
samræmi við fyrri kröfur norðan-
manna um að Bandaríkjamenn
verði á brott frá suðurhlutanum.
Einnig var gefið í skyn að
Norður-Kóreumenn kynnu að
vera reiðubúnir til að mæta aftur
til viðræðna við sunnanmenn og
Bandaríkjamenn og Kínverja um
endanleg lok Kóreustríðsins. Við-
ræður þessara aðila um frið fóru
síðast fram í Genf í mars.
Bréf Kims var stílað á þátttak-
endur á ráðstefnu, á vegum N-
Kóreu, um sameiningu ríkjanna
sem haldin er í tilefni af því að
Kim Jong-il
hálf öld er liðin frá því faðir
Kims, Kim Il-sung, efndi til svip-
aðrar ráðstefnu.
BMW 3 Ifnan
BMW 3 línan með ABS sem staðalbúnað I
O O ;
B&L Suðurlandsbraut 14, sími 575 1210
Stríð á
hendur
einkabfln-
um í Osló
BORGARSTJÓRNIN í Ósló sam-
þykkti í gær að herða reglur veru-
lega um bílaumferð til að stemma
stigu við sívaxandi loftmengun í
borginni. Samþykkt var að banna
akstur helmings bifreiða í borg-
inni, banna nagladekk og lækka
hámarkshraða úr 80 í 60 km/klst
þegar loftmengunin fer yfír ákveð-
in mörk. Hins vegar hefur ekki
verið ákveðið hver þau eru, að því
er segir í Aftenposten.
Búist er við að Norðmenn muni
nota sömu reglugerðir og Evrópu-
sambandið varðandi loftmegnun
en það hefði þýtt að hún hefði farið
yfir leyfileg mörk fimm daga sl.
vetur. Þá hefðu eigendur um
115.000 bíla þurft að láta þá standa
heima.
Sumir borgarfulltrúar telja að
með þessu sé í raun verið að lýsa
yfir stríði á hendur einkabflnum og
óttast reiði bíleigenda. Hins vegar
sé ljóst að grípa verði til einhverra
ráða til að draga úr loftmegnun-
inni og einna vænlegast sé að fá al-
menning til að minnka akstur
einkabíla.
-------------
Hlátur-
draugur
London. The Daily Telegraph.
FULLYRT er að draugur gangi
ljósum logum í nýju Aldamóta-
hvelflngunni í London og geri
gestum og gangandi þar lífið
leitt.
Það er svipur Sir George Li-
vesey, fyrrverandi fram-
kvæmdastjóra South Metropolit-
an Gas-fyrirtækisins, sem sagð-
ur er hafa tekið sér bólfestu í
hinni nýju byggingu sem verið
er að reisa í tilefni af aldamót-
unum. South Metropolitan hafði
áður höfuðstöðvar sínar á sama
stað.
Sir George lést fyrir 90 árum
og starfsmaður South
Metropolitan segir að hann hafi
látið til sín taka í fyrirtækinu
eftir það og nú hafa starfsmenn
í nýju hvelfíngunni orðið hans
varir. Fulltrúi fyrirtækisins sem
reisir hana sagði: „Fólk hefur
heyrt hann hlæja.“
- Sj'áiðA
mmairnat
Magnús L. Sveinsson
Olöf Rún Skuladóttir
STOÐ

Lilja Karítas, Ungfrú Reykja
Sturla Böðuarsson
á myndanega
fjölskyldu
Gauí litli fór I ævintýraferð
með MND sjúklinga^