Morgunblaðið - 07.07.1998, Blaðsíða 12

12 ÞRIÐJUDAGUR 7. JÚLÍ 1998
MORGUNBLAÐIÐ
FRÉTTIR
Ingibjörg Sólrún Gísladóttir um samþykkt Alþýðubandalagsins
Tímabært að
stíga raun-
hæf skref
„MÉR líst ágætlega á þessa niður-
stöðu,“ sagði Ingibjörg Sólrún
Gísladóttir borgarstjór, um sam-
þykkt Alþýðubandalagsins um sam-
eiginlegt framboð með Alþýðu-
flokki. „Ég hef alltaf verið þeirrar
skoðunar að þessir A-flokkar og
Kvennalistinn eigi að reyna hvort
þeir geti náð saman. Það er búið að
tala um þetta árum saman og tíma-
bært að menn stigi einhver raunhæf
skref."
Ingibjörg Sólrún sagði að sér
sýndist vera að skapast ágætur
grundvöllur milli þessara þriggja
aðila, Alþýðubandalags, Alþýðu-
flokks og Kvennalista en tíminn
ætti eftir að leiða í ljós hvernig til
tækist. „Það er ekki þar með sagt
að þótt þetta hafí verið samþykkt
af bæði Alþýðubandalagi og á
flokksstjórnarfundi hjá Alþýðu-
Halldór Ásgrímsson
Yerið að
leggja Al-
þýðubanda-
lagið niður
„ÞETTA eru að mínu mati mikil tíð-
indi í íslenskum stjómmálum,"
sagði Halldór Ásgrímsson utanrík-
isráðherra, þegar niðurstaða
Landsfundar Alþýðubandalagsins
var borin undir hann. „Maður upp-
lifir þetta eins og verið sé að leggja
Alþýðubandalagið niður og hluti af
því fólki sé að ganga til samstarfs
við Alþýðuflokkinn og mér sýnist
það vera mikið á þeirra forsendum.“
Halldór sagðist ekkert vilja full-
yrða um áhrif sameinaðs framboðs
til langframa. „Það er ljóst að mikið
af því fólki sem hefur stutt Alþýðu-
bandalagið í gegnum tiðina á mikið
erindi í Framsóknarflokkinn og við
erum tilbúnir til samstarfs við það
fólk,“ sagði hann.
Halldór sagði það ljóst að þing-
flokkur Alþýðubandalagsins væri
klofinn í afstöðu sinni. „Ég held að
það liggi ljóst fyrir að þeir muni
ekki geta unnið úr því á forsendum
Alþýðuflokksins," sagði hann. „Hv-
ar er forustan? spyr maður. Hvar
er stefna þeirra í utanríkismálum,
sjávarútvegsmálum, landbúnaðar-
málum og í öðrum erfiðum mála-
flokkum? Ef sú stefna verður svip-
uð og hjá Alþýðuflokknum er ljóst
að stór hluti Alþýðubandalagsins
hefur ekkert þar að gera en þessu
er of snemmt að svara. Ég heyrði
að Sighvatur Björgvinsson sagði að
„við hljótum að geta þolað margar
skoðanir í erfiðum málum inni í hin-
um nýja flokki“, en það er venju-
lega það sem stjórnmál ganga út á;
að koma ákveðnum stefnum og
markmiðum í framkvæmd og ef
stefnan gengur í margar áttir í
mikilvægustu málefnum þjóðarinn-
ar þá getur ekki orðið mikið úr
slíku starfí."
flokki að þar með séu öll ljón úr
veginum," sagði hún. „Það er ekki
ólíklegt að það sama gerist hjá Al-
þýðubandalagi og hjá Kvennalista
að allir séu ekki jafn sáttir við
þetta og það er í raun ekkert við
það að athuga. Maður hefur aldrei
HJÖRLEIFUR Guttormsson er
andvígur tillögu formanns og vara-
formanns Alþýðubandalags sem
lögð var fram á fundinum. Hjörleif-
ur, sem sagði sig formlega úr
flokknum á fundinum, telur að til-
lagan endurspegli ekki að fullu vilja
fólksins í baklandi flokksins, kjós-
enda.
Hjörleifur segir að ástæða úr-
sagnar sinnar úr flokknum sé sam-
lag hans með Alþýðuflokknum, eins
og hann orðar það. „Ég hefði unað
því sem fólst í tillögu Steingríms og
greiddi henni atkvæði. Skurðpunkt-
ur á milli var að þróa samstarf en
bjóða fram í nafni Alþýðubanda-
lagsins en slá engu fóstu um fram-
haldið," sagði Hjörleifur. „Það er
rísandi undiralda í Alþýðubandalag-
inu sem á eftir að koma þeim mjög i
getað ímyndað sér að þessi þrjú
pólitísku öfl rynnu saman í einn
stóran jafnaðarmannaflokk án þess
að það kæmi til einhvers ágrein-
ings um það. Það má vel færa rök
fyrir því að minni flokkar á jaðrin-
um eigi alveg rétt á sér og tilveru-
opna skjöldu sem hafa ákveðið að
skella sér í fang Alþýðuflokksins,"
bætir hann við.
Hann segir að grundvallarágrein-
ingur hafi birst hjá sér í séráliti sem
hann skilaði í starfshópi um um-
hverfismál, atvinnumál og efna-
hagsmál. Einnig endurspeglaði sér-
álit Steingríms J. Sigfússonar um
utanríkismál grundvallarágreining í
þessum stóru málaflokkum, að hans
sögn. „Augljóst dæmi um það er hin
fáheyrða samþykkt í meirihluta ut-
anríkishópsins varðandi ESB þar
sem gert er ráð fyrir því að með
virkum hætti yrði plægður akurinn
fyrir inngöngu í ESB. Ég veit ekki
hvernig andstæðingar ESB geta
gengist inn á þetta og greitt svona
lista atkvæði sitt,“ sagði Hjörleifur.
Hann segir ummæli formanns
gi’undvöll en þeir verða þá aldrei
annað en smáflokkar."
Eftir að samræma göngulagið
Ingibjörg Sólrún sagði að eflaust
myndi ákvörðun um sameiginlegt
framboð hafa pólitísk áhrif. „Ég hef
alltaf sé þetta fyiir mér sem
ákveðna þróun,“ sagði hún. „Þetta
er ekki eitthvað sem verður til al-
skapað núna fyrir næstu kosningar.
Ég held að jafnvel þó að menn næðu
saman fyrir kosningar þyrfti að þróa
þetta á næsta kjörtímabili. Það gæti
orðið sameiginlegt framboð en þar
með væri ekki endilega björninn
unninn. Menn þurfa að vinna að því
að stilla saman sína strengi því allir
þessir aðilar byggja á mismunandi
hefð til dæmis í vinnubrögðum og
skipulagi og menn eiga eftir að sam-
ræma göngulagið.“
flokksins, um að sameiginlegt fram-
boð verði kröftugt vinstra framboð,
sé eins og vel kveðin öfugmælavísa.
„Það er eins og öfugmælavísa að
segja að þetta verði sterkt vinstra
framboð. Hér er verið að færa Al-
þýðubandalagið langt til hægri.
Flokkurinnn átti núna mikið og gott
sóknarfæri, enda hefur flokkurinn
verið að fá góða útkomu úr skoðana-
könnunum, og ég tel að sameigin-
legt framboð muni skorta mikið á að
ná því sem flokkarnir þrír náðu
samanlagt í síðustu kosningum."
Hjörleifur segir að hið stóra svið í
pólitík dagsins séu umhverfismálin,
þar eigi hið nýja landnám í pólitík
að fara fram. „Vinstri stefna sem
ekki er með umhverfismál sem
meginmál hefur ekki upp á mikið að
bjóða.“
Davíð Oddsson um
Landsfund Alþýðu-
bandalagsins
Engin mál-
efni verið
rædd, ein-
ungis fyrir-
komulag
„ÉG hef ekkert nema gott um
þetta að segja,“ sagði Davíð Odds-
son forsætisráðherra um samþykkt
Landsfundar Alþýðubandalagsins
um sameinað framboð með Alþýðu-
flokki. „Þetta er nú allt mjög óljóst
en fyrst þetta er þó komið áleiðis
þá fer maðui- væntanlega að sjá út
á hvað þetta á að ganga. Það hefur
ekki verið rætt um nein málefni,
einungis fyi-irkomulag.“
„Ég held þetta hafi ekki mikil
áhrif á íslensk stjórnmál, ekki í
bráð að minnsta kosti,“ sagði hann.
„Mér sýnist á öllu að áfram verði
að minnsta kosti tveir flokkar
vinstra megin hvort sem það verð-
ur í þessum kosningum eða þeim
næstu. Það virðist vera þannig að
málum staðið að ekkert er hugsað
um að skapa eina heild, einungis
talað um framboð en ekki hvaða.
Þannig horfir þetta við manni en
að öðru leyti sé ég ekki annað en að
formaður flokksins hafi haft það í
gegn sem hann vildi og ég óska
honum til hamingju með það.“
Andlát
PÉTUR
EIRÍKSSON
LÁTINN er Pétur Eiríksson, 81
árs að aldri. Pétur fæddist í
Reykjavík 31. júlí 1917 og lést 5.
júlí síðastliðinn. Hann var sonur
hjónanna Elísabetar Eyjólfsdóttur,
húsmóður, og Eiríks Eiríkssonar,
kaffibrennslumanns. Pétur var
lærður fiskmatsmaður og starfaði
fyrst hjá Skreiðarsamlaginu og svo
hjá SÍF.
Þekktastur var Pétur fyrir
sundafrek sín. Árið 1936, þá tæp-
lega nítján ára gamall, synti Pétur
Drangeyjarsund og tók það hann 5
tíma og 19 mínútur. Pétur var
þriðji maður til að synda Drangeyj-
arsund á eftir þeim Gretti Ás-
mundssyni og Erlingi Pálssyni yf-
irlögregluþjóni. Síðar synti Pétur
m.a. Viðeyjarsund og Engeyjar-
sund. Tími Péturs í því fyrmefnda
var 1 klukkustund og 30 mínútur
og hélst það met fram að síðustu
helgi.
Pétur starfaði einnig við sund-
kennslu, t.d. á Flatey á Breiðafirði
og kenndi börnunum í eynni að
synda í sjó. Pétur fylgdist alla tíð
vel með sjósundi Islendinga og að-
stoðaði marga sem syntu lengri
vegalengdir í sjó hér við land og er-
lendis.
Eiginkona Péturs, Marta Finn-
bogadóttir, húsmóðir, lést árið
1981. Þeim Pétri varð fimm bama
auðið.
Málefnagrundvöllurinn óviðunandi
„í FYRSTA lagi verð ég að segja að sá stuðning-
ur sem okkar tillaga fékk er markverður og um-
talsverður í ljósi þess að tillagan var sett fram
gegn tillögu sem varaformaður og formaður
lögðu fram. Það liggur Ijóst fyrir að þeirra til-
laga hafði sterkari stöðu. Þessi úrslit, þar sem
um þriðjungur fundarmanna studdi okkar til-
lögu, afsönnuðu hinsvegar rækilega að þar væri
um einhver þröng minnihlutasjónarmið að ræða.
Ég er sannfærður um að hlutfóllin liggja svo
öðruvísi hjá kjósendum," sagði Steingrímur J.
Sigfússon, flutningsmaður tillögu um samstarf
stjómarandstöðuflokkanna og annars félags-
hyggjufólks.
Hann segir að gloppóttri mætingu af lands-
byggðinni gæti verið um að kenna, meðal ann-
ars, að ekki var jafnara íylgi við tillögurnar.
„Það var keimur af smölun af suðvesturhorninu,
og þá smölun á fylgismönnum tillögunnar. Um
það var ekki að ræða hjá mér,“ sagði Steingrím-
ur.
Hann sagði að sér hafi fundist mjög merkilegt
að upplifa það að ekki hafi verið gerð minnsta til-
raun á fundinum til að leita samkomulags við
hann og fylgismenn hans. „Enn athyglisverðara
er að málflutningur manna sem reyndu að finna
flöt á milli sjónarmiðanna var að engu hafður og
sættu þeir árásum frá fundarmönnum," segir
Steingrímur og á þar við mál Svavars Gestsson-
ar á fundinum.
Ljóst er, að sögn Steingríms, að sá málefna-
grundvöllur sem fyrir liggur, sé með öllu óviðun-
andi. Þar nefnir hann til dæmis gjaldtöku í heil-
brigðiskerfinu og orðalag í Evrópumálum.
„Þetta er engin stefna sem ég hef samvisku til að
ganga fram fyrir.“
„Ég held að vinstri menn verði að líta á það
baráttutæki sem Alþýðubandalagið hefur verið,
og tryggja að ekki komi eitthvað lakara í staðinn
fyrir það.“
Steingrímur segir Alþýðubandalagið á leið til
hægri með sameiginlegu framboði. „Ef að hluti
Alþýðubandalagsins fer að miðla málum hægris-
innaðasta krataflokks Vesturlanda þá er ljóst að
niðurstaðan verður langt til hægri, enda eru
málamiðlanir jafnt og eftirgjöf.
Mér fannst reyndar óhuggulegt þegar formað-
ur Alþýðuflokksins sagði nánast berum orðum
að menn yrðu að búa sig undir það að þegar
flokkurinn stækkaði yrðu þar ólíkar vistarverur
og ólíkari sjónannið uppi. Það mátti skilja á hon-
um að það ætti að búa til lítið sérherbergi fyrir
sjónarmið Alþýðubandalagsins í vistarverum Al-
þýðuflokksins."
. '

Morgunblaðið/Þorkell
FRÁ aukalandsfundi Alþýöubandalagsins. Helgi Hjörvar merkir við tillögu A á kjörseðlinum.
Yel kveðin öfugmælavísa