Morgunblaðið - 07.07.1998, Blaðsíða 31

MORGUNB LAÐIÐ
AÐSENDAR GREINAR
ÞRIÐJUDAGUR 7. JÚLÍ 1998 31
Alþýðubandalagið eftir
landsfund - ónýtt tæki?
VIÐBRÖGÐ við þeirri ákvörðun
nær þriggja fjórðu hluta landsfund-
ar Alþýðubandalagsins að stefna að
sameiginlegu framboði með Alþýðu-
flokki og Samtökum um kvennalista
hafa verið ótrúleg af hálfu sumra
flokksmanna og tengdra aðila.
Margt skrýtið hefur verð sagt í því
sambandi og eru sumar yfirlýsing-
arnar vægast sagt byggðar á mis-
skilningi.
Hefur Alþýðubanda-
Iagið breyst?
Sagt er að Alþýðubandalagið hafi
færst til hægri með ákvörðun lands-
fundar. Hjörleifur sagði meira að
segja í úrsagnarræðu sinni að flokk-
urinn væri nú ónýtt tæki. Um stefn-
umar hægri og vinstri mun ég fjalla
síðar í greininni, en ég er algerlega
ósamþykkur þeim sem segja að
flokkurinn hafi færst nokkuð til.
Það sem gerðist á landsfundinum
var að aldrei þessu vant var ákveðið
að leyfa þeim íylkingum sem til eru
í flokknum að sýna stærð sína. Eg
hef lengi haldið því fram, bæði í
ræðu og riti, að fylkingarnar væru
einmitt svona og því hefur verið
kröftuglega andmælt af öðrum. Eg
trúi því heldur ekki að
stór hluti flokksmanna
hafi skipt um skoðun á
þessum fundi, skoðanir
flestra hafa verið þær
sömu í langan tíma og
hafa einfaldlega ekki
fengið að koma í ljós.
Nú kom hins vegar í
ljós að Alþýðubanda-
lagið er á þeirri skoðun
að rétt sé að stefna að
sameiginlegu framboði
í næstu kosningum,
nær þrír fjórðu hlutar
landsfundarfulltrúa
voru og eru á þeirri
skoðun. Alþýðubanda-
lagið hefur því alls ekki
hreyfst, það er ennþá á sama stað,
en það sést hvað það vill og hefur
verið að hugsa.
Hver skilgreinir hægri og
vinstri - og hvemig?
Því er haldið fram að Alþýðu-
bandalagið hafi færst til hægri.
Eins og áður segir tel ég að flokkur-
inn hafi ekkert færst til. Mér finnst
þessi umræða um hægri og vinstri
mjög athyglisverð. Eru til einhverj-
ir sérstakir sjálfskipað-
ir aðUar sem hafa til
þess prókúru eða lög-
gildingu að úrskurða
hverjir er mest vinstri-
sinnaðir? Svo virðist
vera. Nú er verið að
stofna stjómmálasatök
sem segjast vera að
fylla upp í tómarúmið
sem varð til eftir að
ABL færðist til hægri.
Jahéma. í hverju felst
þessi vinstristefna
hinna nýju samtaka?
Séu hin svokölluðu
stóra ágreiningsmál á
þessum vettvangi
skoðuð, hvað er þá
vinstri og hvað hægri? Hvað er
vinstrisinnað í landbúnaðar- eða
sjávarútvegsmálum? Er Steingrím-
ur Sigfússon meira til vinstri í sjáv-
arútvegsmálum en Sighvatur
Björgvinsson? Er það vinstrisinnað
að vera á móti ESB og Evrópuþró-
un? Eru þá Margrét Thatcher, John
Major og Davíð Oddsson vinstri-
sinnuð? Mér finnst skilgreiningar af
þessu tagi vera hreint út sagt hrein-
asta bull. Era Ögmundur Jónasson
Ari
Skúlason
og Steingrímur Sigfússon meiri
vinstrimenn en Margrét Frímanns-
dóttir og Jóhann Geirdal? Dæmi
hver fyrir sig. Að hvaða leyti er
Hjörleifur Guttormsson meira
vinstrisinnaður en aðrir? Era um-
hverfismál það sama og vinstri-
stefna? Ef já, af hverju hafa þá sér-
stakir umhverfisflokkar orðið til og
era þeir þá hægrisinnaðir?
Mér finnst sumir hafa ótrúlega
sjálfskipaða hæfileika til þess að
svara spumingum af þessu tagi á
mjög skýran hátt. En ég verð að
viðurkenna að fyrir mér er umræða
af þessu tagi einfaldlega hreinasta
/
Eg er algerlega ósam-
þykkur því, segir Ari
Skúlason, að Alþýðu-
bandalagið hafí færst
nokkuð til hægri eða
vinstri.
della. Það gildir sérstaklega nú þeg-
ar viðmiðunin sem hlýtur að vera
kosningastefna sameiginlegs fram-
boðs hefur ekki enn séð dagsins
Ijós.
Hluti af lýðræðinu er
að kunna að verða undir
Á meðan á landsfundi Alþýðu-
bandalagsins stóð töluðu margir á
hjartnæman hátt um nauðsyn þess
að standa saman eftir að ákvörðun
lægi fyrir. „Ég áskil mér allan rétt
til þess að vera alþýðubandalags-
maður áfram,“ voru orð sem heyrð-
ust nokkuð oft. Mildð var rætt um
klofningshættu og mér er minnis-
stætt þegar Skúli Alexandersson
fyrrverandi þingmaður flokksins
spurði einhvern veginn svona í því
sambandi: „Hversu oft mætti ég
ekki vera genginn úr þessum flokki
miðað við að verða undir í atkvæða-
greiðslum og í minnihluta." Skúli
átti þarna auðvitað við alkunna sér-
stöðu hans innan flokksins í sjávar-
útvegsmálum, en sá málaflokkur er
þekktur akkillesarhæll flokksins.
Skúli er enn í Alþýðubandalaginu.
Stór hluti af lýðræðinu felst í því
að kunna að taka ósigri. Svo virðist
sem einhverjir flokksmenn eigi
erfitt með þetta og auðvitað er lítið
við því að segja. Það er hins vegar
augljóst að vilji flokksins gengur
mjög eindregið í þá átt sem sam-
þykkt var á landsfundinum og því á
ég ekki von á að margir fari sömu
leið.
„Ung var ég gefin Njáli,“ vora
upphafsorð úrsagnarræðu Hjörleifs
Guttormssonar, sem greinilega
hafði verið samin fyrirfram. Hjör-
leifur yfirgaf brennuna með þessum
orðum, en allir vita að það var ekld
alveg það sama sem Bergþóra átti
við með þessari fleygu setningu.
Hún kaus að vera áfram í brenn-
unni með sínum nánustu.
Höfundur situr f frnmkvæm dastjárn
Alþýðubandalagsins.
Magnús Qskarsson
Ólögleg
borgarstjórn
INGIBJORG Sólrún Gísla-
dóttir borgarstjóri ætti að taka
sér eitthvað annað fyrir hendur
(ég veit reyndar ekki hvað) en
að útskýra lögfræði fyrir al-
menningi. Það gerir hún hins
vegar í Morgunblaðinu sl.
sunnudag af vanþekkingu og yf-
irlýsingahroka.
Tilefnið er vandræðagangur
út af vandræðamanni R-listans,
sem jafnvel Ingibjörg Sólrún
viðurkennir að sé svo illa stadd-
ur, að hann gæti fengið refsidóm
fyrir fjármálaferil sinn. Lög-
fræði Ingibjargar gengur út á
það að í stað vandræðamannsins
hafi R-listinn leyfi til að sækja
mann í 13. sæti listans, eða jafn-
vel hvaða sæti sem þeim dettur í
hug. Um þetta segir í Morgun-
blaðinu:
„Ingibjörg sagði það skoðun
sína að pólitískir andstæðingar
ættu ekki að skipta sér af þvi
með hvaða hætti kjör vara-
manna færi fram þar sem sveit-
arstjórnarlögin væru skýr. Lög-
in væru ekki til að tryggja rétt
andstæðinganna heldur þeirra
sem stæðu að kosningabanda-
laginu.“
Hér gleymir Ingibjörg Sóh-ún
mikilvægum aðila málsins. Hún
gleymir kjósendum. Það era
nefnilega þeir sem ráða því
hverjir skipa borgarstjóm. Þeg-
ar þeir fá í hendur kjörseðil þar
sem skýrt stendur að einn list-
inn sé borinn fram af einum að-
ila, þá er það móðgun við al-
menning og út í hafsauga sem
lögskýring að segja eftir á, að
ekkert hafi verið að marka
þetta. Þetta hafi í reynd verið
fjórir stjórnmálaflokkar. Það er
beinlínis rangt. Þetta era ein
samtök og kjósendur hafa með
atkvæði sínu ákveðið hverjir
frambjóðenda þeirra skipa borg-
arstjóm og í hvaða röð.
Við þessar aðstæður gildir
lagaákvæði sem er eins skýrt og
hugsast getur á þá leið, að vara-
menn skuli taka sæti þess sem
forfallast í þeirri röð sem þeir
voru kosnir. Þessa röð hafa kjós-
endur ákveðið og eftir henni ber
að fara. Ef það er ekki gert er
borgarstjóm ólöglega skipuð og
ákvarðanir sem velta á atkvæði
ólöglega varamannsins má vé-
fengja og kæra ef ástæða þykir
til.
Það breytir engu um þetta
þótt einhver losarabragur hafi
verið á kvaðningu varamanna til
setu í borgarstjóm á undanförn-
um árum og gildir einu hvaða
stjórnmálaflokkur á í hlut. Sjálf-
stæðismenn létu t.d. kyrrt liggja
að Ingibjörg Sólrún hljóp úr
borgarstjóm á miðju kjörtíma-
tímabili árið 1988. Kannski hef-
ur þeim ekki þótt eftirsjá að
henni, en það haggar því ekki að
hún var kosin í borgarstjórn til
fjögurra ára. Saumaklúbbur úti í
bæ hafði ekkert leyfi til að
breyta þeirri ákvörðun kjósenda
og velja annan borgarfulltrúa.
Höfundur er fyrrverandi
borgarlögmaður.
Viðskiptavinir athugið!
Næsti vöruvagn verður til afgreiðslu 23. júlí.
Síðasti móttökudagur pantana er 10. júlí.
fýeeMoiNiz
Sími 565 3900
Fax 565 2015
BUSETI
Búseturéttur til sölu
umsóknarfrestur til 14. júlí
2ja herb. 1 3ia herb. 4ra lierh.
Miðholt 1 , Mosfellsbæ Garðhús 4, Reykjavík Skólatún 1, Álftanesi
59m2 íbúð Almennt lán 92m2 íbúð Félagslegt lán 105m2 íbúð Félagsiegt lán
Búseturéttur kr. 921,601 Búseturéttur kr. 1.544,704 Búseturéttur kr. 938,116
Búsetugjald kr.32,731 Búsetugjald kr. 36,533 Búsetugjald kr.36,851
Birkihlíð 2b, Hafnarfírði Arnarsmári 4, Kópavogi Garðhús 6, Reykjavík
67m2 íbúð Almennt lán 80m2 íbúð Félagslegt lán 115m2 íbúð Félagslegt lán
Búseturéttur kr. 704,763 Búseturéttur kr. 872,662 Búseturéttur kr. 2,165,865
Búsetugjald kr. 48,433 Búsetugjald kr. 32,709 Búsetugjald kr.42,832
Engjahlíð 3a, Hafnarfírði Trönuhjalli 13, Kópavogi Miðholt 1, Mosfellsbæ
56m2 íbúð Félagslegt lán 56m2 íbúð Félagslegt lán 92m2 íbúð Félagslegt lán
Búseturéttur kr. 734,195 Búseturéttur kr. 1,440,236 Búseturéttur kr. 1,448,231
Búsetugjald kr.27,096 Búsetugjald kr. 37,354 Búsetugjald kr.37,060
4ra herh.
Tronuhjalh 17, Kopavogi Suðurhvammur 13, Hafnarfírði 1
56m2 íbúð Félagslegt lán Dvergholt 1, Hafnarfírði 102m2 íbúð Félagslegt lán
Búseturéttur kr. 953,901 97m2 íbúðir Almennt lán Búseturéttur kr. 1,665,710
Búsetugjald kr. 25,284 Búseturéttur kr. 1,146,095 Búsetugjald kr. 45,993
3ja herb. Búsetugjald kr. 60,779 Miðholt 5, Hafnarfirði
i
Berjarimi 1, Reykjavík Frostafold 20, Reykjavík 102m2 ibúð Félagslegt lán
72m2 íbúð Félagslegt lán 88m2 íbúðir Félagslegt lán Búseturéttur kr. 1,048,757
Búseturéttur kr. 1,246,091 Búseturéttur kr. 1,130,011 Búsetugjald kr.42,146
Búsetugjald kr.36,851 Búsetugjald kr. 42,711
Lerkigrund 5, Akranes
Arnarsmári 4, Kópavogi Berjarimi 1, Reykjavík 94m2 íbúð Félagslegt lán
80m2 íbúð Almennt lán 87m2 íbúðir Félagslegt lán Búseturéttur kr. 1,100,869
Búseturéttur kr. 872,662 Búseturéttur kr. 1,504,729 Búsetugjald kr.39,325
Búsetugjald kr. 50,178 Búsetugjald kr. 44,380 5 herb raöhús
Frostafold 20, Reykjavík Trönuhjalli 13 & 15, Kópavogi Bæjargil 46, Garðabæ
78m2 íbúðir Félagslegt lán 95m2 íbúðir Félagslegt lán 130m2 raðhús Félagslegt lán
Búseturéttur kr. 1,042,091 Búseturéttur kr. 1,669,652 Búseturéttur kr. 2,726,454
Búsetugjald kr. 38,510 Búsetugjald kr. 42,053 Búsetugjald kr.45,757
Umsóknarblöð liggja frammi á skrifstofu Búseta hsf. ásamt teikningum og nánari upplýsingum. Skrifstofan
er opin frá kl. 9 til 15. íbúðirnar eru til sýnis eftir samkomulagi til 14. júlí. Með umsóknum þarf að skila skatt-
framtölum síðustu þriggja ára, staðfestum af skattstjóra ásamt fjölskylduvottorði (frá Hagstofunni)
Úthlutun íbúðanna fer fram miðvikudaginn 15 júlí kl. 12 að SKEIFUNNI19,
3.HÆÐ, umsækjendur verða að mæta!
Búseti hsf., Hávallagötu 24,101 Reykjavík, sími 552 5788
www.buseti.is
Búseti flytur skrifstofu sína og opnar á nýjum stað
16. júlí n.k.
Skeifan 19,3. hæð (sama hús og Myllan)
Nýtt símanúmer frá 15. júli 520-5788