Morgunblaðið - 01.08.1998, Blaðsíða 72
72 LAUGARDAGUR 1. ÁGÚST 1998
MORGUNBLAÐIÐ
AFMÆLI
I DAG
BOGI
ÞORSTEINSSON
HINN 11. júlí síðastlið-
inn komu saman niðjar
Boga Sigurðssonar,
bónda og kaupmanns í
Búðardal, og áttu sam-
an kvöldstund í Dala-
búð. Munir úr búi Boga
voru skoðaðir, þar sem
þeir eru til sýnis í
Sýsluhúsinu í Búðar-
dal, og daginn eftir var
sótt messa hjá sóknar-
prestinum í Hjarðar-
holtskirkju. Veður var
með eindæmum gott
báða dagana og þótti
mótið takast ágætlega.
Ragnar Þorsteinsson, fyrrum
kennari á Reykjum í Hrútafirði,
sem var helsti hvatamaður þess að
niðjamótið var haldið, kom því ekki
við að ferðast vestur vegna lasleika.
Sama gilti um bróður hans, Boga
Þorsteinsson, sem á áttræðisafmæli
á morgun.
Bogi fæddist 2. ágúst 1918 að
Ljárskógasel í Laxárdalshreppi og
voru foreldrar hans hjónin Þor-
steinn Gíslason bóndi þar og Alvilda
Bogadóttir. Systkini hans eru
Ragnar, Sigvaldi, Elís, Ingveldur og
Gunnar, sem er látinn. Látinn er og
hálfbróðir Boga að móðurinni,
Magnús Skóg Rögnvaldsson, vega-
verkstjóri í Búðardal.
Bogi ólst upp frá því hann var
ársgamall hjá afa sínum, Boga Sig-
urðssjmi í Búðardal, og seinni konu
hans, Ingibjörgu Sigurðardóttur,
kennslukonu frá Kjalarlandi í Vind-
hælishreppi. Bar hann nöfn þeirra
beggja: Bogi Ingiberg. Þau átti þá
heima í svonefndu Thomsenshúsi og
enn stendur, en Höfðu áður búið i
timburhúsinu, sem Landsbanki ís-
lands keypti og flutti sjóveg frá
Búðardal og austur á Selfoss. í því
húsi var opnað fyrsta bankaútibú
austanfjalls árið 1919.
Bogi Sigurðsson var vel gefinn og
þjóðrækinn fróðleiksmaður. Systk-
ini hans voru Bjöm, bankastjóri
Landsbankans, og frú Margrét,
prestskona á Höskuldsstöðum, átti
sr. Jón Pálsson.
Bogi Þorsteinsson á einkar ljúfar
bemskuminningar frá uppvexti sín-
um í afahúsi í Búðardal. Hann
minnist jólanna og hrifningar
barnsins af jólatrénu og kertaljós-
unum; stóru fjárhúsanna og ótelj-
andi augnanna í fénu, sem vom eins
og mergð gimsteina yfir ilmandi
töðunni á garðanum; strandferða-
skipsins Súðarinnar, þegar það
lagði að landi í Búðardal og Thom-
senshús fylltist af gestum og
vindlareyk Bjarna frá Vogi; kirkju-
göngu afa síns og mömmu (en svo
kallaði hann ávallt Ingibjörgu) að
Hjarðarholti; fyrsta útvarpsviðtæk-
isins í Dölum og starfsfólksins í
versluninni sem boðið
var heim að hlýða á
messu á öldum ljós-
vakans; og kvöldbæna
afa síns og signingar
yfir litla rúmið undir
svefninn.
Móðursystkini hans,
(og uppeldissystkini að
segja má, þótt hið
yngsta þeirra væri 15
árum eldra en Bogi),
börn Boga Sigurðsson-
ar og fyrri konu hans,
Ragnheiðar Sigurðar-
dóttur frá Flatey, voru
þau Jón Sigurður Karl
Kristján, bryti á Dettifossi, átti fyr-
ir Þórdísi Finnsdóttur og síðar
Friðmeyju Pétursdóttur, Sigríður,
kona Jóns Halldórssonar, söng-
stjóra Karlakórsins Fóstbræðra,
Ragnheiður, átti Gunnar Olafsson,
næturlæknabílstjóra í Reykjavík,
og Sigurður, bæjarskrifstofustjóri í
Vestmannaeyjum, kvæntur Matt-
hildi Ágústsdóttur.
Bogi stundaði nám í Reykholts-
skóla, en síðar lagði hann stund á
loftskeytafræði og flugumferðar-
stjóm og lauk prófi í báðum grein-
um, hinni síðamefndu í Atlanta í
Georgiu í Bandaríkjunum árið
1951. Seinna fór hann námsferðir
bæði til Bretlands og Bandaríkj-
anna. Bogi var loftskeytamaður á
ýmsum skipum Eimskipafélags ís-
lands, m.a. á Dettifossi er því skipi
var sökkt 21. febrúar 1945. Hann
réðst loftskeytamaður til flugmála-
stjórnarinnar árið 1946. Yfirflug-
umferðarstjóri á Keflavíkurflug-
velli varð hann árið 1951. I störfum
sínum gat Bogi sér einkar gott orð,
því að hann var ávallt mjög sam-
viskusamur og nákvæmur, enda
fljúgandi greindur og flinkur mað-
ur, vel máli farinn og ritfær. Bogi
var lengi fréttaritari Morgunblaðs-
ins á Keflavíkurflugvelli. Þá sat
hann í orðabókamefnd, er undirbjó
Nýyrði IV, Flug, 1956.
Boga hefur hlotnast margháttað-
ur heiður fyrir afskipti sín af
íþróttamálum. Hann sat í knatt-
spyrnudómstóli KSI, var formaður
Körfuknattleikssambands Islands,
fararstjóri íslenskra körfuknatt-
leiksliða erlendis, sat alþjóðlegar
körfuknattleiksráðstefnur og var
fulltrúi Körfuknattleikssambands-
ins í Olympíunefnd Islands, svo fátt
eitt sé nefnt. Fyrir þessi störf hafa
honum verið veitt mörg heiðurs-
merki, íslensk og erlend, nú síðast
riddarakross hinnar íslensku fálka-
orðu.
Eg bið frænda mínum allrar
Guðs blessunar og sendi honum
okkar innilegustu afmælisóskir í til-
efni dagsins.
Gunnar Björnsson.
Helgardagskrá þjóð-
garðsins á Þingvöllum
STAÐARHALDARI og landverðir
á Þingvöllum bjóða upp á göngu-
ferðir íyrir börn og fullorðna um
verslunarmannahelgina.
Dagskráin hefst á laugardag kl.
11 með gönguferð fyrir börn um
þingstaðinn forna. Þar verður spjall-
að um þjóðgarðinn, náttúmna og
þingið. Kl. 14 hefst Lögbergsganga
-þar sem gengið verður frá hringsjá
á Haki um hinn foma þingstað í
/
Stórhöfða 17, við GulUnbrú,
stoi 567 4844
fylgd sr. Heimis Steinssonar og end-
að í Þingvallakirkju. Kl. 15 verður
svo farið í gróðurskoðunarferð og
fjallað um plöntunytjar að fornu og
nýju.
Á sunnudag hefst dagskráin kl. 14
með guðsþjónustu í Þingvallakirkju
þar sem dr. Sigurbjöm Einarsson
predikar og sr. Heimir Steinsson
þjónar fyrir altari. Kl. 15 verður svo
gengið frá Flosagjá í Skógarkot og
farið með ljóð og sögur frá Þingvöll-
um.
Á mánudag kl. 14 verður gengið
um gjár og spmngur að Öxarárfossi
og rýnt í fjölbreyttan gróður í Snók-
argjá. Ferðin er erfið á köflum og
því nauðsynlegt að vera vel skóaður.
,Að gefnu tilefni er ítrekað að
þjóðgarðurinn á Þingvöllum er
griðastaður fólks á öllum aldri. Ölv-
un veldur ónæði og spillir friði.
Drukkið fólk getur því vænst þess
að verða vikið af svæðinu," segir í
frétt frá landverði.
VELVAKANDI
Svarað í síma 569 1100 frá 10-12 og 13-15
frá mánudegi til föstudags
Vélflugur í
vesturbæ
ÉG flutti í vesturbæ
Reykjavíkur fyrir
nokkrum ámm og hefur
mér alla tíð síðan líkað sá
staður með afbrigðum vel.
Ekki hefur mér, svo dæmi
sé tekið, þótt það ónýtt að
geta spásserað glaður
beint niður að sjó, eftir
Ægissíðunni og yfir í
Skerjafjörðinn og ef vel
viðrar, að fmna sig ef til vill
skyndilega staddan í sælu-
reitnum Óskjuhlíð. Að öllu
öðra ólöstuðu er þó sælan
ekki fullkomnuð fyrr en
hinar vinalegu vélflugui'
birtast. Flugurnar sem
meðal annars tengja okkur
svo náið við hinar dreifðu
sálir landsins. Flugumar
sem sveima svo oft suðandi
yfir vesturbæinn okkar þar
sem við sitjum og höfum
það huggulegt í sumarblíð-
unni. Þá er það kærkomið
að taka sér frí frá óþarfa
blaðri um oftast nær alls
ekki neitt, loka augunum
og finna hvernig bústnir og
glansandi búkarnir
strjúkast yfir höfði og öll
vandamálin; þau renna á
braut undan urrandi og un-
aðslegum gnýnum. Þvi
miður er það nú svo að allir
góðir hlutir taka enda og
flugurnar hverfa á braut.
Áðm- er varir, viti menn,
birtist önnur fluga á flugi
og svo önnur og önnur og
manni finnst maður. kom-
inn til Mývatns.
Svona er þetta nú dýrð-
legt að dveljast hérna í
vesturbænum í dag og mun
víst verða um ókomna tíð
eða hvað?
Birgir Þ. Jóakimsson,
Melhaga 12, Reykjavik.
Hátt grænmetisverð
og auglýsingarherferð
MÉR finnst alveg rosalegt
hvað íslenskir garðyrkju-
bændur setja mikla pen-
inga í auglýsingar miðað
við hátt grænmetisverð.
Það þarf ekki að auglýsa
íslenskt grænmeti, það
vita allir að það er best.
Hugurinn hvarflar til
þeirra sem lifa á bótum.
Það mætti svo sannarlega
lækka verðið í stað þess að
eyða peningum í auglýs-
ingakostnað..
Gunna í Garðabænum.
Góð þjónusta og
liðlegheit
ÉG hef ekki hitt eins
elskulegt afgreiðslufólk og
í Landsbankanum við Bæj-
arhraun í Hafnarfirði.
Megi aðrir starfsmenn
annaira banka taka þau
sér til fyrirmyndar.
Ánægður
viðskiptavinur.
Barnamjólkurduft
í brauðvélar
ÉG eignaðist nýlega
brauðvél og af tilefni þess
sagði mér maður um átt-
rætt að hann hefði upp-
götvað að barnamjólkur-
duft, sem fæst í Bónus,
væri ódýrara en nýmjólk-
urduft til notkunar í
brauðvélar og gerði sama
gagm
Brauðgerðarkona.
Um Eldborg
ÉG býst við að þeir Snæ-
fellingar og Hnappdælir
séu heldur óhressir með að
Morgunblaðið sé að flytja
gersemar okkar suður á
Mýrar. Á ég þar við Eld-
borg í Hnappadalssýslu
sem aðrar eldborgir á
landinu em nefnar eftir. Á
þetta jafnt við um hina
fógra Eldborg og sam-
nefnt sumarhótel í Lauga-
gerðisskóla. Bið ég Morg-
unblaðið, sem er áhrifa-
mikið, að endurtaka ekki
þessa vitleysu sem ég hef
áður séð á prenti svo þetta
festist ekki í huga fólks
sem er ókunnugt staðhátt-
um.
Happdælingur.
Tapað/fundið
Bláyrjótt kaðlapeysa
týndist
BLÁYRJÓTT handpjrón-
uð kaðlapeysa týndist á
Esso-mótinu á Akureyri
1.-4. júlí. Peysan er merkt
Heiðar Atli. Skilvís finn-
andi hafi samband í síma
565 8580.
Gleraugu týndust
GLERAUGU týndust sl.
sunnudagskvöld, hugsan-
lega á þvottaplaninu við
Ægissíðu eða við Skóla-
stræti og Kárastíg. SkOvís
finnandi hafi samband í
síma 552 2875.
Dýrahald
Kettlingur fæst gefins
SVARTUR og hvítur
högni, 3ja mán. fæst gef-
ins. Kassavanui'. Upplýs-
ingar í síma 555 2087.
SKAK
UniNjnn Margcir
1‘éturssnn
STAÐAN kom upp á opna
mótinu í Hró-
arskeldu í júlí.
Norðmaðurinn
Leif Erlend Jo-
hannessen (2.290)
var með hvítt og
átti leik gegn
danska stórmeist-
aranum Peter-
Heine Nielsen
(2.505).
20. Rxc6! - Dxc6
21. Rxb5 - Db7
(Eða 21. - Dd7
22. Hc7 - De6 og
23. e5! er vonlaust
á svart) 22. Rxd6 - Db8
23. Rxe8 - Rxe8 24. Dd8
og svartur gafst upp, því
hann tapar öðmm hvorum
riddara sínum, á b6 eða e8
með skák. Óvæntur en
sannfærandi sigur þetta!
HVÍTUR leikur og vinnur.
HÖGNI HREKKVÍSI
Víkverji skrifar...
HAFIN ER verzlunarmanna-
helgi, mánudagslengd fríhelgi,
sem allir hlakka til, nema kanski
verzlunarfólk. Svo undarlega hafa
mál nefnilega þróast að verzlunar-
fólk er nánast eina starfsstéttin,
sem þarf að nokkuð stóram hluta
að vinna fyrsta mánudag í ágúst,
þ.e. á „frídegi“ stéttarinnar. Þorri
annara starfsstétta heldur hins
vegar daginn hátíðlegan með því að
taka sér frí og gera sér glaðar
stundir.
Engin önnur helgi ársins státar
af jafn mikilli umferð á þjóðvegum -
eða um fjöll og fimindi - og verzlun-
armannahelgin. Það er því nauð-
synlegt að aka með gát þessa helg-
ina og sýna tillitssemi í umferðinni,
ef menn vilja komast hjá óhöppum,
fyrirbyggja meiðsl á sjálfum sér og
öðrum. Raunar gildir hið sama um
fjallaflakkið, ferðir um auðnir og
óbygðir. Enginn kann sig í góðu
veðri heiman að búa. Vissast er að
umgangast öræfin og veðurguði
með varúð og virðingu!
Þass er og vert að minnast, að
þennan dag, 2. ágúst 1924, var íyrst
flogið yfir Atlantshafið til Islands,
ef undanskyldir eru farfuglar ljúfir,
sem færa okkur vorið.
Að þessu mæltu óskar Víkverji
lesendum sínum ánægjulegrar og
slysalausrar verzlunarmannahelgi.
FRIÐRIK VII, konungur Dana
og íslendinga, afsalaði sér ein-
veldi fyrir hálfri annari öld, snemma
árs 1884. Sá gjörningur blés frels-
isanda í brjóst Islendinga, sem vora
að vakna til baráttu fyrir fullveldi.
Og á miðvikudaginn kemur, 5.
ágúst, era nákvæmlega 150 ár síðan
fyrsti Þingvallafundurinn í byrjandi
frelsisbaráttu var haldinn. Þar
mættu 19 fullhugar, flesth- af Norð-
urlandi, og fundarstjóri var séra Jón
Jónsson í Steinnesi.
Hinn fyrsti Þingvallafundur sam-
þykkti bænaskrá til konungs um
„þjóðþing út af fyrir sig, byggt á
jafnfrjálsri undirstöðu og með sömu
réttindum“ og eins og Danir fengu,
sem og að landsmenn fengju „að
kjósa þingfulltrúa eftir frjálslegum
kosningalögum...“.
Þingvallafundurinn 1848 steig
máski ekki stór skref til fullveldis,
þegar grannt er gáð, en engu að síð-
ur verðmætt skref. Hálfnuð er ferð
þá hafin er, segir máltækið. Vel
megum við muna þá sem á Þingvöll-
um vora þennan dag fyrir 150 áram
og stigu fyrstu ákrefin til þjóðfrelsis.
xxx
VÍKVERJI les í Kennarablaðinu
að hér á landi em milli sex og
sjö hundruð kennarar á eftirlaunum.
Starfandi er Félag kennara á eftir-
launum. ,AJlir kennarar í Kennara-
sambandi Islands verða sjálfkrafa
félagar í FKE þegar þeir fara á eft-
irlaun svo og makar þeirra. Félags-
gjöld era engin og kvaðir litlar“,
segir formaður félagsins, Óli Kr.
Jónsson, í skemmtilegu spjalli í
blaðinu.
Félagið sinnir ýmsum störfum,
m.a. á vettvangi norrænna eftir-
launakennara. Mót þeirra var haldið
hér á landi í júnímánuði síðastliðn-
um. Félagið mun og gangast fyrir
hópferðum innanlands.
Fróðlegt væri að vita hvort félög
eftirlaunafólks úr öðmm starfs-
greinum séu til hér á landi. Er það
ekki verðugt fréttaefni, a.m.k. í
gúrkutíð, að heyra kvað gamlir
kveða í þessum efnum?
XXX
IÁGÆTRI grein Meyvants Þór-
ólfssonar í Kennarablaðinu er
þrennt sagt standa í vegi fyrir
„góðri þróun kennslu á sviði eðlis-
og efnafræði“: 1) Grunn- og sí-
menntun er ábótavant, 2) Námsefni
er slakt, 3) Aðstaða til kennslu er
hvergi nærri nógu góð. í þessari
grein segir og „að tengsl við um-
hverfi og náttúm, hagnýting vís-
indalegrar þekkingar í þeim heimi
sem við búum í, söguleg sýn á nátt-
úruvísindi, viðhorf til náttúru, um-
hverfis og vísinda og gagnrýnin um-
ræðu um þátt vísinda í samfélaginu
séu meðal mikilvægustu markmiða í
kennslu náttúruvísinda".