Morgunblaðið - 06.08.1998, Page 14
14 FIMMTUDAGUR 6. ÁGÚST 1998
AKUREYRI
MORGUNBLAÐIÐ
Ljóðavakan „Hfeimur ljóðsinsu í Deiglunni
Ljóðrænt
ferðalag um
liðnar aldir
Ferðafélag Akureyrar
Jeppaferð
FERÐAFÉLAG Akureyrar efnir
til jeppaferðar um næstu heigi og er
hún hugsuð fyrir jeppaeigendur.
Lagt verður af stað kl. 18 á föstu-
dag, 7. ágúst, frá skrifstofu félags-
ins. Þaðan er ekið inn og upp úr
Eyjafirði að Laugafelli, en þar er
gist í skála Ferðafélags Akureyrar.
I Laugafelli er hægt að bregða sér í
laugina sem þar er. Á laugardag
verður ekið frá Laugafelli inn á
Sprengisand og farin Gæsavatna-
leið í Dreka. Þar er gist seinni nótt-
ina. Á sunnudag er fyrirhugað að
skoða Drekagil í Dyngjufjöllum,
ganga inn að Öskjuvatni og halda
síðan heim með viðkomu í Herðu-
breiðarlindum.
Gengið á Strýtu og Kistu
Gönguferð á vegum Ferðafélags
Akureyrar verður einnig farin á
laugardag, 8. ágúst. Gengið verður
á Strýtu og Kistu í Vindheimafjall-
garði. Brottför er kl. 9 um morgun-
inn frá skrifstofu félagsins við
Strandgötu. Upplýsingar og skrán-
ing í ferðirnar er á skrifstofunni
sem er opin frá kl. 16 til 19 alla
virka daga.
-------------
Alþjóðlegir
listadagar
LISTAMANNAHÓPUR sem varð
til í Litháen á síðasta ári mun hitt-
ast á sunnudag og halda hópinn
næstu tíu daga og vinna að list
sinni. Hópurinn varð til í kjölfar
heimsóknar nokkurra listamanna til
Litháen í fyrra en þangað var þeim
boðið til að efla kynni Litháa við
aðrar þjóðir. Á síðasta vetri kom
upp hugmynd um að hittast aftur og
nú á Listasumri á Akureyri.
Samsýning verður opnuð í Deigl-
unni næstkomandi þriðjudag, 11.
ágúst, og í framhaldi af því halda
listamennimir í sameiginlega vinnu-
stofu í Ketilhúsi þar sem þeir munu
vinna sameiginlega að tilraunum
með ýmis jarðefni úr íslenskir nátt-
úru, sérstaklega að ná lit úr þeim.
Þar verður opið hús frá kl. 14 til 18
um helgina.
LJÓÐAVAKAN „Heimur ljóðsins"
verður haldin í Deiglunni í Kaup-
vangsstræti á Akureyri á sunnu-
dagskvöld, 9. ágúst og hefst hún kl.
20.30. Húsið verður opnað hálftíma
fyrr og mun Baldur Sigurðsson
leika á gítar þar til dagskráin hefst.
Hugmyndina að ljóðavökunni átti
Sigurður Jónsson, en aðalleiðsaga
verður í höndum Arthúrs Björgvins
Bollasonar og eru lesarar með hon-
um þau Steinunn Sigurðardóttir og
Guðmundur Andri Thorsson. Lagt
verður upp í ljóðrænt ferðalag um
liðnar aldir með viðkomu á helstu
menningarsvæðum heims og verður
ljóðaferðalagið kryddað tónlist og
frásögu í fagurlega skreyttum sal
undir kertaljósum og kaffibolla.
Vildi auka þátt bókmennta
í listasumri
Sigurður sagði að forsaga ljóða-
vökunnar væri sú að þegar verið
var að undirbúa Listasumar ‘98 á
liðnum vetri hafi nokkrir Gilfélagar
rætt hvemig auka mætti þátt bók-
mennta á Listasumri, en nægt
framboð myndlistarsýninga og tón-
leika er jafnan fyi-ir hendi. Þótti
mörgum hugmyndin of ævintýraleg,
þannig að mál þróuðust á þann veg
að Sigurður hafði samband við
Arthúr Björgvin sem tók erindinu
vel og tók að sér að gera hugmynd-
ina að ljóðavöku að veruleika.
„Arthúr Björgvin mun stjórna
þessari dagski'á og verða leiðsögu-
maður okkar um heim ljóðsins, en
með honum lesa rithöfundarnir
Guðmundur Andri og Steinunn, en
mitt hlutverk er að búa salinn sem
best og útvega fjármagn," sagði
Sigurður, en hann nýtur aðstoðar
myndlistarmanna við að gera salinn
sem glæsilegastan.
„Ljóðaheimurinn er stór, en það
verða flutt þarna Ijóð frá liðnum öld-
um og allt til vorra tíma. Inn í dag-
skrána fellum við svo tónlist sem
tengist ljóðunum sem verða lesin,
þannig að ég vona að andrúmsloftið
verði þægilegt og sem flestir geti
notið þess að koma og hlýða á ljóð-
in,“ sagði Sigurður. „Það verður
kappkostað að fólki geti liðið vel
Morgunblaðið/Björn Gíslason
SIGURÐUR Jónsson átti hugmyndina að Ijóðavökunni „Heimur ljóðs-
ins“ sem verður í Deiglunni á sunnudagskvöld, en hún er í umsjá
Arthúrs Björgvins Bollasonar.
þessa kvöldstund, en það má eigin-
lega segja að um tilraun sé að ræða.
Það verður gaman að sjá hvort
stemmning er íyrir því að hlýða á
ljóðalestur á þessum árstíma. Éf svo
er geri ég ráð fyrir að ljóðavökur
verði árviss viðburður á listasumri."
Helst af öllu kvaðst Sigurður
vona að með þessu yrði hægt að ná
til þeirra sem að öllu jöfnu Iáta sér
fátt um ljóð finnast, en tilgangurinn
væri kannski ekki síst sá að auka
þátt bókmenntanna í dagskrá lista-
sumars. „Bókmenntirnar hafa orðið
útundan,“ sagði hann - „eða beðið
síns tíma. Falli fólki kvöldstund af
þessu tagi vel í geð verður vonadi
framhald á.“
Gúmmískór ‘98 í Mývatnssveit
Björk, Mývatnssveit.
ÍBÚAR í Vogum í Mývatnssveit,
frændur og venslafólk hélt fjöl-
skyldu- og ættarmót um verslunar-
mannahelgina sem bar heitið.
Gúmmískór ‘98.
Mótið var haldið í Stói-arjóðri,
einum fegursta stað í Vogahraun-
um, umlukt hávöxnum trjám. Feng-
ið var lánað stórt tjald hjá HSÞ og
reist á staðnum. Á föstudagskvöldið
var Afró, smiðja Óla Þrastar, á fullu
fyrir börnin.
Árdegis á laugardag var boðið
upp á bátsferðir út á Mývatn og var
þátttaka ágæt. Síðdegis voru hesta-
ferðir, glens og gamanmál. Um
kvöldið var grillað og gert klárt fyr-
ir kvöldverð sem snæddur var undir
berum himni í kvöldblíðunni og
hlýtt á ljúfa tónlist. Síðan hófst al-
mennui' fjórraddaður söngur og þá
söng kvennakór Voga með gít-
arundirleik. Kveikt var í veglegri
brennu og flugeldum skotið kl. 23.
Þá var farið að bregða birtu. Um
miðnætti hófst dansleikur í tjaldinu
sem stóð fram eftir nótt. Hljóm-
sveitin var af heimaslóðum.
Á sunnudag kl. 14 var aftur kom-
ið saman í Stórarjóðri. Þar hófst
frækilegur knattspyrnuleikur.
Næst á dagskrá var sögustund eldri
borgara meðan drukkið var kaffi,
síðan var hlýtt á söng. Grillið var á
sínum stað og snæddur kvöldverð-
ur, ekki vantaði góða tónlist til mið-
nættis. Þá var þessu ágæta og
minnisstæða móti slitið sem á þriðja
hundrað hundrað manns sótti.
Margir höfðu lagt fram ómælda
vinnu við undirbúning. Ráðgert er
að halda næsta mót árið 2000.
Morgunblaðið/Björn Gíslason
Erfitt í umferðinni
ÞAÐ getur verið erfitt að vera ungur og í ábyrgð-
arstöðu. Félagarnir tveir sem falið hefur verið að
að gæta þess litla í kerrunni áttu í erfiðleikum með
að komast yfir fjölfarna götu og þá er að grípa til
sinna ráða, gera eins og löggan, lyfta upp hendinni
og vona að ökumenn taki viðleitninni vel.
Skógar-
dagur í
Leynings-
hólum
SKÓGRÆKTARFÉLAG Ey-
firðinga býður öllum áhuga-
sömum til skógardags í Leyn-
ingshólum næstkomandi laug-
ardag, 8. ágúst kl. 14.
Leyningshólar eru eitt elsta
'skógræktarsvæði Skógi’ækt-
arfélags Eyfirðinga og var
friðað 1936. Þar er að finna
einu náttúrulegu skógarleif-
amar í Eyjafirði. Leynings-
hólar eru í landi Leynings og
Villingadals.
Safnast verður saman nyrst
í skóginum og eru þátttakend-
ur beðnir að leggja ökutækj-
um sínum meðfram veginum
inn í Hólana. Farið verður í
gönguferð um skóginn og
hann skoðaður. Jarðfræðing-
ur, sveppafræðingur og stað-
kunnugur verða með í for.
Tækifæri gest til að fræðast
um örnefni og fjölbreytta
náttúru svæðisins.
Að lokinni gönguferð verð-
ur hitað ketilkaffi og er þátt-
takendum ráðlagt að hafa með
sér nesti. Þátttaka er ókeypis
og em allir velkomnir.
Djass í Deiglu
Þóra Gréta
og tríó
ÞÓRA Gréta Þórisdóttir
söngkona ásamt tríói sjá um
sveifluna á Tuborg djass-
kvöldi í Deiglunni í kvöld,
fimmtudagskvöldið 6. ágúst,
en tónleikamir hefjast kl.
21.30.
Þóra Gréta lauk prófi frá
djassdeild Tónlistarskóla FIH
síðastliðið vor og hefur hún
verið að skapa sér gott nafn
meðal djassunnenda hér á
landi. Tríóið er skipað ungum
sveiflumeisturum sem em
djassáhugafólki að góðu kunn-
ir. Óskar Einarsson leikur á
píanó, Einar Valur Scheving á
trommur og Páll Pálsson á
bassa.
Á tónleikunum munu
hljóma kunnugleg lög frá Ell-
ington til Monk og einnig
verður flutt sígræn lög söng-
leikjanna. Jazzklúbbur Akur-
eyrar efnir til tónleikanna að
venju og er aðgangur ókeyp-
is.
Söngvaka
SÖNGVAKA verður í Minja-
safnskirkjunni á Akureyi’i kl.
21 á fimmtudagskvöld. Flutt
verða sýnishorn úr íslenskri
tónlistarsögu, en flytjendur
eru Kristjana Arngrímsdóttir
og Hjörleifur Hjartarson.
Dagskráin tekur klukku-
stund.
Messa
Möðmvallaprestakall: Guðs-
þjónusta verður í Bakkakirkju
í Öxnadal næstkomandi
sunnudag, 9. ágúst kl. 14. Kór
kirkjunnar syngur, organisti
er Birgir Helgason. Skírt
verður í guðsþjónustunni.
AKSJÓN
Fimmtudagur 6. ágúst
21 .OO^Sumarlandið Þáttur
fyrir ferðafólk á Akureyri og
Akureyi'inga í ferðahug.