Morgunblaðið - 06.08.1998, Blaðsíða 70

7 0 FIMMTUDAGUR 6. ÁGÚST 1998
MORGUNBLAÐIÐ
FÓLK í FRÉTTUM
Morgunblaðið/Kolbrún Aðalsteinsdóttir
ÍSLENSKI keppandinn, Ragnheiður Jónsdóttir, ásamt erlendri fyrirsætu sem sýndi hönnun hennar í Berlín (mynd til vinstri). Ragnheiður
ásamt einum af dómurum keppninnar, dönsku fyrirsætunni Helenu Christensen (mynd fyrir ofan).
„Undirbúningur hafínn
fyrir næstu Smirnoff-keppni“
SMIRNOFF fatahönnunarkeppn-
in var haldin í Berlín í lok síðasta
mánaðar og fór fulltrúi Islands,
Ragnheiður Jónsdóttir, utan með
hönnun sína en hún sigraði í und-
ankeppni sem haldin var hér
heima fyrr í sumar. Alls tóku 26
keppendur frá jafnmörgum lönd-
um þátt í þessari alþjóðlegu loka-
keppni. Sigurvegarinn var hin
rússneska Elena Zaruba, í öðru
sæti lenti Manija Ismat frá
Englandi og í þriðja sæti lenti
Desmond Yang frá Singapore.
Að sögn Kolbrúnar Aðalsteins-
dóttur, sem sér um keppnina á Is-
landi ásamt heildverslun Karls K.
Karlssonar, fékk hönnun Ragn-
heiðar mjög góðar undirtektir
dómara og var ofarlega á blaði
fram á síðustu stundu. „Helena
Christensen, „frænka okkar“ eins
og ég segi, var einn af dómurunum
og er yndisleg stúlka. Við fórum
þrjú út með Ragneheiði að þessu
sinni og erum þegar farin að und-
irbúa keppnina sem verður að ári.
Þemað fyrir keppnina árið 1999
verður gefið upp í næstu viku og
þá verður það gert opinbert en
það er í fyrsta sinn sem undirbún-
ingur hefst svo snemma," sagði
Kolbrún en hönnunarkeppni af
þessu tagi gefur ungum hönnuð-
um tækifæri til að koma hönnun
sinni á framfæri, hérlendis sem
erlendis.
Dómarar keppninnar voru
hönnuðurinn Antonio Berardi sem
dæmdi keppnina þriðja árið í röð
og var maðurinn á bakvið þema
keppninnar „Metamorphosis" eða
umskipti. Danska fyrirsætan Hel-
ena Christensen og Jette Joop,
dóttir þýska hönnuðarins Wolf-
gang Joop, voru einnig dómarar.
Spónverjinn Joaquim Verdú, sem
hefur víða við í tískuheiminum og
unnið til alþjóðlegra verðlauna,
HIN rússneska Elena Zarubina með blómvöndinn og fyrirsætuna sem
sýndi verðlaunakjól keppninnar.
var meðal dómara og sömuleiðis
breski hönnuðurinn Matthew
Williams, sem dæmdi keppnina
hérna heima, og Klaus Stock-
hausen tískuritstjóri tímaritsins
Max.
HIN alþjóðlega dómnefnd Smirnoff-fatahönnunarkeppninnar.
HELENA Christensen ásamt þeim keppendum sem ientu í þremur
efstu sætunum og fyrirsætum þeirra.
Pólsk djasssöng-
kona á Jómfrúnni
► Á LAUGARDAGINN var yfirfullt á djasseftirmiðdegi á Jóm-
frúnni í Lækjargötu eins og vanalega. I þetta skipti var það pólska
djasssöngkonan Natasza Kurek sem söng fyrir gestina með undir-
leik Gunnlaugs Guðmundssonar bassaleikara og Ástvalds Trausta-
sonar hljómborðsleikara. Lögin sem þau fluttu kallar hún
„cappocino“-tónlist, en það eru léttir djasstandardar.
Natasza segist vera stödd á íslandi bæði í viðskiptalegum og per-
sónulegum erindum. Þau Gunnlaugur eru nýgengin í hjónaband, en
þau kynntust í tónlistarskólanum í Haag, þar sem þau eiga eftir eitt
ár til viðbótar fram að lokaprófi. Áður bjó hún í Póllandi, lærði
klassískan píanóleik í 12 ár og útskrifaðist sem tónlistarkennari.
Natasza ætlar líka að nota Islandsförina til að syngja fyrir land-
ann, og eru næstu plön fyrir Djasshátíðina á Selfossi þann 15. ágúst,
og Rúrek sem haldið verður í september. Þau Gunnlaugur ætla að fá
til liðs við sig gítarleikarann Hilmar Jensson og trommuleikarann
Mattías Hemstock. Undir nafninu Natasza Kurek Group munu þau
flyfja nútima djass og verða flest lögin eftir Natöszu sjálfa.
Morgunblaðið/Þorkell
NATASZA Kurek söng af mikilli innlifun
fyrir gesti Jómfrúarinnar.
ELÍSABETU, 6 ára, fannst notalegt að kúra hjá pabba sín-
um, Gunnari Ólafi Haukssyni, og hlusta á Natöszu.
ÁSKELI Mássyni, Laufeyju Waage og Sigurjóni Sigurðssyni
fannst gaman að ræða það sem fyrir eyru bar.