Morgunblaðið - 06.08.1998, Blaðsíða 35

MORGUNBLAÐIÐ
FIMMTUDAGUR 6. ÁGÚST 1998 35
LISTIR
Richard
Long í
Fiskinum
HEIMILDARMYND um myndlist-
armanninn og ferðalanginn Richard
Long verður sýnd í Galleríi Fiskin-
um á Skólavörðustíg 22c á opnunar-
tíma í dag, fimmtudaginn 6. ágúst,
frá kl. 14 til 18.
Myndin nefnist Stones and flies og
sýningartími er 39 mínútur. Richard
Long labbar um Afríku, býr til
myndlist og spjallar um lífið og til-
veruna.
---------------
27 olíumálverk
frá Austurlandi
NÚ stendur yfir sýning Sólveigar
Illugadóttur myndlistarkonu á Café
Nielsen á Egilsstöðum. Par sýnir
hún 27 olíumálverk, flest frá Austur-
landi og er Snæfell þar í brennidepli.
Einnig má sjá myndir af Hvera-
felli í Mývatnssveit.
Sólveig er listamaður mánaðarins
á Café Nielsen á Egilsstöðum.
Morgunblaðið/KV.M.
Myndir og styttur
Grundarfírði. Morgunblaðið.
SYNING á ljósmyndum Bærings
Cecilssonar og á trémyndastyttum
eftir Sæmund Valdimarsson var
haldin fyrir skömmu í
húsakynnum íbúða fyrir aldraða
við Hrannarstíg í Grundarfirði. Á
myndinni eru Bæring og Hildur
dóttir Sæmundar við tvö verk
Sæmundar og tvær myndir
Bærings
Harðhaus gerist barnapía
KVIKMYiVDIR
Laugarásbíó,
Kringlubfó
(„MERCURY RISING") ★★%
Leikstjóri Harold Becker. Handrit
Lawrence Keller, Mark Rosenthal.
Tdnlist John Barry. Kvikmynda-
tökustjóri Michael Seresin. Aðal-
lcikcndur Bruce Willis, Alec Bald-
win, Chi McBride, Kim Dickens,
Robert Stanton. 105 mín. Banda-
rísk. Universal 1998 .
HARÐJAXLINN Bruce Willis
hefur sjaldan verið betri en sem
alríkislöggan Art Jeffries, enda
fær hann að sýna örlítið meira en
hin dæmigerðu harðhausahlutverk
bjóða allajafna uppá. Jeffries er
vonsvikinn eftir að félagar hans
klúðra máli og skjóta ungan pilt til
bana. í framhaldi af því er Jef-
fries, einn af bestu starfsmönnum
FBI, lækkaður í tign fyrir kjaft-
brúk og ofbeldi. Það líður þó ekki á
löngu uns hann er kallaður aftur
til fyrri starfa, fengið það verkefni
að hafa uppá einhverfum dreng,
Simon Lynch (Miko Hughes), sem
finnst hvergi er foreldarar hans
finnast skotnir til bana. Jeffries
sér samstundis að hér er ekki um
sjálfsvíg að ræða, fleira hangir á
spítunni. Finnur stráksa, sem
reynist hundeltur af leigumorð-
ingjum leynilegrar stjórnardeildai-
sem vinnur að háþróuðu dulmáli
sem á að vernda njósnara Banda-
ríkjamanna á erlendri grund.
Simon hefur óvænt ráðið dulmálið.
Nú upphefst eltingarleikur, þar
sem morðingjarnir eru jafnan á
hælum þeirra félaga um Chicago
þvera og endilanga, en lögreglan
og FBI fá rangar upplýsingar frá
stjómvöldum og halda að sér
höndum.
Harold Becker er mistækur leik-
stjóri, sem lofaði góðu með hinni
frábæru spennumynd, Sea of Love,
en hefur ekki staðið sem skyldi
undii- væntingum, (Malice, Bodily
Harm). Hann á frekar góðan dag
að þessu sinni, keyrfr myndina
hikstalaust áfram, enda er Merc-
ury Rising ágæt afþreying, lengst
af. Það er ekki mikil glóra í fram-
vindunni og efnið með eintómum
ólíkindum, en Becker rúllar yfir
glompurnar og Willis er þræl-
traustur, bæði sem jaxlinn og ekki
síður er hann þarf að sýna mann-
legar hliðar, samband hana og
drengsins er óvenjulegt og trú-
verðugt. Þar hjálpar undra góður
leikur hins unga Miko Hughes,
sem á mest lofíð skilið, fyrir frá-
bæra túlkun í erfiðu hlutverki. Alec
Baldwin, sá fíni leikari, fær úr litlu
að moða, en gerir það myndarlega.
Tæknivinna er öll fyrsta flokks og
tónlist Barrys til bóta. Lengst af
pottþétt afþreying, en limpast nið-
ur í lokakaflanum, þar sem hand-
ritshöfundur getur ekki setið á sér
og endar myndina á alltof væmn-
um nótum, miðað við inntak henn-
ar á undan.
Sæbjörn Valdimarsson
Mannleg
vandamál
BÆKUR
Sjáll'Nlijálparbók
„STATTU MEÐ ÞÉR“
eftir Gunnar Hrafn Birgisson.
Upptök, ehf. 1998.
GUNNAR Hrafn Birgisson sál-
fræðingur hefur sent frá sér bók
sem hann segir vera til að styrkja
fólk til sjálfshjálpar. Hann er dokt-
or í klínískri sálarfræði
frá skóla í Los Angeles
í Kaliforníu, Califomia
School of Professional
Psychology, og stund-
aði nám í REBT
(Rational Emotive
Behaviour Therapy,
sem Gunnar þýðir ým-
ist sem rökræna til-
finningalega atferlis-
hyggju eða atferhs-
meðferð ) hjá Albert
Ellis-stofnuninni í New
York. Þá hefur hann að
baki sérnám í fjöl-
skyldumeðferð, tutt-
ugu ára reynzlu af ráð-
gjafar- og meðferðar-
störfum og fullgild
starfsréttindi sem sálfræðingur
bæði á Islandi og í Bandaríkjunum
eins og segir á baksíðu bókarinnar.
„Stattu með þér“ er 143 síðna
handhæg kilja. Hún hefst á inn-
gangi sem höfundur skrifar sjálfur,
og henni fylgir ítarleg heimildaskrá
í stafrófsröð eftir nöfnum höfunda,
svo að stundum er snúið að finna
rétta heimild ef vitnað er oft í sama
höfund. Hátt í þriðjungur em
greinar og bækur eftir Ellis þann
sem Albert Ellis-stofnunin dregur
nafn sitt af. Bókin er byggð upp af
17 köflum sem hver um sig skiptist
í nokkra undirkafla.
Eins og fram hefur komið er
bókinni ætlað að verða fólki til
sjálfshjálpar, en höfundur segir
hana þó ekki koma í stað sálar- eða
geðlækninga þegar þeirra sé þörf.
Eg efast ekki um að sálfræðingur
með þessa menntun og reynzlu sé
Gunnar Hrafn
Birgisson
afbragðs fagmaður og reynist sjúk-
lingum sínum eins og bezt verður á
kosið.
Honum er hins vegar ekki nægi-
lega vel gefið að koma texta frá sér
á þann veg að auðlesinn eða að-
gengilegur sé og gætir þess einkum
í fyrstu 4 köflunum, eins og bókin
sé þar viðvaningslega þýdd en ekki
frumsamin. Þama hefði ekki veitt
af gagnrýnum ritstjóra. Ég held
nefnilega að Gunnar Hrafn eigi
fullt erindi til almenn-
ings með það sem hon-
um býr í brjósti svo að
þess vegna er miður
hvað bókin fer illa af
stað. Hins vegar era
síðari kaflar hennar
mun liprari og þar
kemst Gunnar Hrafn á
talsvert flug. Þar er
meðal annars tekist á
við depurð og reiði,
kvíða og sjálfstraust,
og reynt að kenna les-
andanum að takast á
við vandamál sín á já-
kvæðan, uppbyggjandi
hátt. Margt er þarna
afar vel sagt og manni
dettur strax í hug fjöl-
margir sem gætu af því lært.
Bókin er fallega prentuð og skýrt
upp sett en það sem háir henni fyr-
ir utan fyrstu fjóra kaflana er að
málvillur em alltof margar, þágu-
fallssýki og y-villur einna mest
áberandi, fyrir utan að nafnorða-
flaumur getur orðið til að æra
óstöðugan. Aftur vil ég nefna að
ekki hefði veitt af glöggum ritstjóra
eða ráðgjafa sem bjargað hefði get-
að höfundi upp úr þeim forarpytt-
um málfars sem hann fellur ítrekað
í og rýrir annars áhugaverða bók.
Ég hvet Gunnar þó til að halda
áfram að skrifa og taka til dæmis
reiðina fyrir sérstaklega því að lítið
hefur verið um hana fjallað og hún
veldur svo miklu tjóni í mannlegum
samskiptum eins og glöggt kemur
fram í 14. kafla bókarinnar „Stattu
með þér“.
Katrín Fjeldsted
Motiv-mynd J6n Svavarsson
INGIBJORG Þorbergs ásamt valinkunnu tónlistarfólki í Digranes-
kirkju við afliendingu söngvasafnsins.
Söngvasafn Ingibjarg-
ar Þorbergs gefið út
INGIBJÖRG Þorbergs tónskáld og
textahöfundur er höfundur
Söngvasafhs, sem gefið var út á
vegum lista- og menningarráðs
Kópavogs í vor. Var höfundi afhent
fyrsta eintakið á afmælishátíð
Kópavogskaupstaðar að lokinni
kynningu á heftinu á tónleikum 11.
maí síðastliðinn. Söngvasafnið er
gefíð út í tilefni af sjötugsafmæli
Ingihjargar og kom út í 100 eintök-
um. I Söngvasafni Ingibjargar eru
tæplega eitt huudrað Iög við ljóð
hennar sjálfrar og annarra, en
safninu er skipt upp í sex flokka
sem eru sigild sönglög, vísnalög,
tækifærissöngvar, dægurlög, jóla-
og áramótalög og barnalög í léttum
útsetningum.
Ingibjörg Þorhergs lauk einleik-
araprófi í klarínettuleik og námi í
liljómfræði, píanóleik og tónlistar-
sögu frá Tónlistarskólanum í
Reykjavík árið 1952 og tónmennta-
kennaraprófi frá KÍ árið 1957. Ingi-
björg starfaði lengi við dagskrár-
gerð hjá RÚV og var dagskrár-
sljóri og varadagskrárstjóri á árun-
um 1981-1985.
Ingibjörg hefur hlotið ýmsar við-
urkenningar á ferli sínum, t.d. lista-
mannalaun árið 1980, styrki frá
memitamálaráðuneytinu 1986 og
1989, styrk frá Tónmenntunarsjóði
STEF 1989 og tíu jólalög hennar
voru gefin út á hljómplötu árið
1987. Þá fékk Ingibjörg fyrstu
verðlaun fyrir enska Ijóðið „We Are
The Children Of The World Today“
árið 1979.
augnkrem gegn dökkum baugum.
Hér óður (yrr var aðeins eitt ráð til gegn dökkum
baugum, að reyna að fela þá. En nú gerir „Uncircle"
baugana minna áberandi. Þetta frábæra nýja krem
vinnur bug á baugum undir augum á örfáum vikum og
hindrar jafnvel að þeir komi aftur. Og þar með er ekki
öllu sagan sögð: Kremið er líka rakagæft og mildar
smáhrukkurnar við augun. Það líður því ekki á löngu
uns andlit þitt öðlast nýtt líf og Ijóma.
Tilboð: „Pure Velvet" maskari 4,5 ml. sem aðskilur,
lyftir og lengir, og „Uncirde" Baugabaninn 15ml.
Verð 2.925
Sitt: i/UDte
. l'J* Twnlw**
Útsölustaðir:
Hygea, Kringlunni,
Lyfja, Lágmúla,
Hygea, Laugavegi,
Hygea, Austurstræti,
Lyfja, Setbergi,
Snyrtivöruverslunin Glæsibæ,
Snyrtistofan Maja, Bankastræti,
Sara, Bankastræti,
Gullbrá, Náatúni,
Amaró, Akureyri,
Apótek, Keflavíkur.
ESTEE LAUDER
Kynnir baugabanann
Uncirde"