Morgunblaðið - 06.08.1998, Blaðsíða 55

MORGUNBLAÐIÐ
MINNINGAR
FIMMTUDAGUR 6. ÁGÚST 1998 55
Lífssagan var þar sögð, hún var
hörð. Vágesturinn berklar markaði
ung hjón á fyrstu hjúskaparárum.
Sú veiki tók þau ekki í fyllingu tím-
ans. Barist var og baslað til þess að
melur varð mold og gras. Sauðfé
fékk grasið og fiðurfé í varpa að
ganga og afkoma öllum til góðs.
Sigga og Eiríkur voni búin að
vera hjón í marga áratugi er hann
dó fyrir meir en tíu árum. Eftir það
var hennar huggun bömin hennar,
tengdabörn og barnaböm, er léttu
lífið. Síðan var það í fyrra að Siddý
dó, dóttir á besta aldri.
Eiríkur, Sigga og Siddý voru nær
hvert öðm alla tilvist en títt gerist
er næst að segja. Nú eru þau öll öll.
Minningar á ég margar kringum
þau hjón og Siddý. Öll voru þau mér
sá frændgarður sem gott var að búa
undir alla tíð og njóta skjóls af.
Einstaklingarnir sem þeim
standa næstir eru eftir og kveðja
og blessa minninguna um góða
nærgætna samfylgd.
Nú að leiðarlokum, Sigga mín í
Meltúni, kveð ég þig með þökk og
virðingu.
Blessuð sé minning þín. _
Guðmundur Óskar.
Sigríður Þórmundsdóttir er dá-
in. Hún lést 28. júlí á Landspítalan-
um í Reykjavík, á 92. aldursári.
Sigga, eins og hún var ævinlega
kölluð af vinum og kunningjum, var
mikil sómakona. Sigga var ekkja eft-
ir lát bróður míns, Eiríks E.F. Guð-
mundssonar, en þau bjuggu lengst
af á Meltúni í Mosfellssveit. Það var
gott að koma á heimili þeirra hjóna.
Þangað var maður alltaf velkominn.
Hjartahlýjan og elskulegheitin heill-
uðu alla gesti, sem að garði komu.
Eg minnist þess ekki að á annað
heimili hafi verið betra að koma.
Þau hjón voru samhent í þvi að gera
gestum sínum vel og allir fóru
ánægðir eftir samfundi við þau.
Mann sinn, Eirík, missti Sigga
fyrir 13 árum. Sigga naut að miklu
leyti forsjár kjördóttur sinnar, Sig-
urbjargar, eftir að hún varð ekkja.
Sigurbjörg dó fyrir einu og hálfu
ári. Sigga eignaðist íbúð í fjölbýlis-
húsi fyrir aldraða í Mosfellsbæ og
bjó þar ein. Þar átti íbúðir fólk úr
Mosfellssveitinni, sem hún þekkti
frá liðnum árum og hafði haft góð
kynni af. Hún lifði í þessu samfélagi
rólegu og áhyggjulausu lífi í tengsl-
um við tengdason sinn, Svavar Sig-
urjónsson, og fósturbörn sín, sem
heimsóttu hana oft og veittu henni
miklar ánægjustundir.
Ég hefi margs að minnast í sam-
bandi við kynni mín af Siggu þótt
það verði ekki rakið hér.
Ég og fjölskylda mín vottum
venslafólki hennar innilega samúð.
Blessuð sé minning Sigríðar Þór-
mundsdóttur frá Meltúni.
Hermann Guðmundsson.
Mig langar með örfáum orðum
að kveðja kæra vinkonu og ná-
grannakonu til fjölda ára. Kynni
okkar hófust árið 1956 þegar við
hjónin fluttum með börnin okkar að
Sveinsstöðum í Mosfellssveit en þá
bjuggu Sigríður og Eiríkur ásamt
dóttur sinni Sigurbjörgu (Siddý) í
Meltúni. Það kom fljótt í ljós hve
góða nágranna við höfðum eignast.
Bæði voru þau hjónin einstaklega
bamgóð og alltaf fús til áð rétta
öðrum hjálparhönd. Ekki get ég
fullþakkað þær móttökur sem við
fengum í Meltúni kalda vetrarnótt
þegar heimili okkar brann til
grunna. Ég hef ekki gleymt þeirri
aðhlynningu og þeim huggunarorð-
' um sem við urðum aðnjótandi þar.
Undanfarin ár höfum við Sigríður
báðar búið á Dvalarheimili aldraðra
að Hlaðhömrum og haft þar dagleg
samskipti. Ég hef notið félagsskap-
ar hennar í gleði og sorg. Við höf-
um stytt okkur stundir við spjall og
þá oft rifjað upp gamla tíma. Ég
I þakka góðri vinkonu langa og
dygga samfylgd í lífinu og votta
fjölskyldu hennar samúð mína.
Blessuð sé minning hennar.
Halldóra Halldórsdóttir.
RÓSBJÖRG KRISTÍN
MAGNÚSDÓTTIR
+ Rósbjörg Krist-
ín Magnúsdóttir
fæddist í Ólafsfirði
10. september 1925.
Hún lést á Sjúkra-
húsi Siglufjarðar
30. júh' sl. Foreldrar
hennar voru Magn-
ús Jónsson, sjómað-
ur í Ólafsfirði, og
Jenný Emilfa Þor-
steinsdóttir hús-
móðir. Systkini: Jó-
hann Sigurbjörn, f.
1922, d. 1995. Sig-
ríður, f.
1951. Jakobína
Anna húsmóðir f. 1927. Jón
William, f. 1940. Fóstursystir:
Valgerður Óla Þorbergsdóttir,
f. 1936.
Rósbjörg giftist 28. júní 1953
Jónasi Sigurði Stefánssyni, f.
22.9. 1917. Börn þeirra: 1) Marí-
anna, f. 15.3. 1955, börn hennar
eru Soffía, f. 8.4. 1974, Jónas
Reynir, f. 20.2. 1980. 2) Jónína
Sigurlaug, f. 1.9. 1957, maki:
Þórður Gísli Ólafsson, f. 8.7.
1952, börn þeirra: Ólafur Krist-
inn, f. 1.3. 1979, Kjartan Valur,
f. 20.4. 1982, Hjalti
Jón, f. 4.3. 1992. 3)
Anna Hugrún, f.
9.2. 1959, maki:
Gísli Hansen Guð-
mundsson, f. 22.6.
1957, börn þeirra:
Ragnheiður, f. 8.8.
1982. Guðmundur
Hansen, f. 28.6.
1984, Egill Daði, f.
11.11. 1988. 4)
Magnús Stefán, f.
4.8. 1963, maki:
Hrönn Fanndal, f.
19.6. 1961, börn
þeirra Rósbjörg
Jenný, f. 14.6. 1991, Páll Sigur-
vin, f. 21.5. 1996, fósturdóttir
Rannveig Gústafsdóttir, f. 13.3.
1981.
Rósbjörg ólst upp á Ólafsfirði.
Hún starfaði og var við nám í
Reykjavik og Kaupmannahöfn.
Fékk meistararéttindi í kjóla-
saum 9. mars 1955. Rósbjörg
fluttist til Sigluíjarðar í maí
1957 og bjó þar alla tíð síðan.
títför Rósbjargar fer fram
frá Sigluíjarðarkirkju í dag og
hefst athöfnin klukkan 14.
Elsku góða mamma mín.
Á þessari kveðjustund koma upp
í hugann ótal margar ljúfar minn-
ingar um þá ómældu umhyggju og
elsku sem þú hefur sýnt mér, Soff-
íu og Jónasi Reyni gegnum árin.
Um leið rifjast upp svohljóðandi
vers sem þú kenndir okkur
systkinunum fyrir margt löngu, en
það lýsir í nokkru tilfinningum
mínum nú:
Elsku góða mamma mín,
mjúkeralMhöndinþin,
tárin þoma sérhvert sinn,
sem þú strýkur vanga minn.
Þegar stór ég orðin er,
allt það launa skal ég þér.
Þetta vers fórum við með af mik-
illi sannfæringu ásamt faðirvorinu
á hverju kvöldi. Nú þegar stunda-
glasið þitt er tómt finnst mér vanta
svo mikið upp á þau laun sem ég
var búin að lofa þér fyrir allar
mjúku vangastrokumar. Ég hugga
mig þó við þá minningu að þér
þótti ætíð mun sælla að gefa en
þiggja. Það var þinn lífsstíll. Far
þú í friði, elsku besta mamma, með
þökk fyrir allt.
Minning þín mun lifa með okkur
áfram og veita okkur styrk um
ókomin ár, eins og þú gerðir svo oft
með hljóðlátri nærvera þinni í lif-
anda lífi.
Sofðu rótt.
Maríanna.
Vér köllumst brott. Hið hvíta lín
oss klæðir fyrr en veit.
Og jörðin býr um bömin sín
og blómgar hinzta reit.
(Fr. Hansen.)
Rósbjörg Magnúsdóttir tengda-
móðir mín var ljúf kona og sterk.
Styrkur hennar fólst í dugnaði og
eljusemi og óþrjótandi áhuga á að
huga að sínu heimili og fjölskyldu.
Styi-kur hennar fólst í samheldinni
fjölskyldu sem hún hlúði að af
natni. Styrkur hennar fólst í hóg-
værð.
Móðurhlutverkið stundaði hún af
ánægju og með myndarskap. I þau
tuttugu ár sem ég hef notið þeirra
Rósu og Jónasar á Hverfisgötu 2
sem tengdaforeldara hafa styrk
tengsl við þau og heimili þeirra á
Siglufirði verið góður bakhjarl í
lífsbaráttunni. Rósa var alltaf boð-
in og búin að hjálpa til. Stuðningur
hennar var margháttaður og var
vel þeginn.
Við Anna höfum reynt að vera
dugleg við að fara í heimsóknir
nokkrum sinnum á ári norður á
Siglufjörð og hafa þær heimsóknir
haft mikið gildi fyrir okkur og
börnin. Sérlega ánægjulegar
stundir hef ég átt með konu minni
og böraum hjá mínum tengdafor-
eldrum í okkar heimsóknum.
Sumarið 1991 var ég að vinna við
endurbætur á Strákagöngum á
vegum minna vinnuveitenda og
naut þess að búa hjá Rósu og
Jónasi á Hverfisgötunni. Guð
blessi þig, Rósa.
Gísli H. Guðmundsson.
Nú er komið að kveðjustund,
elsku mamma mín. Ég veit að þú
ert hvíldinni fegin. Síðustu árin
hafa verið þér erfíð en lengi hélst
þú í vonina um að þér batnaði. Þú
varst ekki ánægð með að geta ekki
gert það sem þig langaði til. Þú
þessi vinnusama kona, sem varst
ekki sátt að kvöldi nema að geta
litið yfir dagsverk þitt og séð það
sem þú hafðir áorkað.
Þú fékkst ósk þína uppfyllta að
deyja á undan pabba. Þú gast ekki
hugsað þér lífið án hans. Hann var
líka þín helsta stoð og stytta í
gegnum allt. Þú treystir alltaf á
hann og hann brást aldrei trausti
þínu. Þið hafið alla tíð verið ein-
staklega nánir og góðir vinir. Það
var aðdáunarvert að sjá hvað pabbi
annaðist þig vel síðustu erfiðu árin
þín.
Þú trúðir ætíð á líf eftir dauð-
ann. Ég er viss um að þú færð góða
heimkomu eins og sagt er því mikið
varstu búin að leggja inn. Nú heils-
ar þú fjölskyldu og vinum sem
horfnir eru héðan. Ég sé fyrir mér
hvað þú brosir breitt og ert glöð
þegar þú hittir þau alveg eins og
þú varst þegar við vorum að koma í
heimsókn til Siglufjarðar.
Þegar ég hugsa nú um þig fyllist
ég þakklæti iyrir það öryggi sem
þú og pabbi bjugguð okkur
systkinunum í æsku. Þú varst
alltaf til staðar á heimilinu, við gát-
um svo sannarlega reitt okkur á
það. Samt kölluðum við alltaf
„mamma“ þegar við komum heim
og það var eins og tíminn stæði í
stað þangað til við heyrðum þig
kalla , já“. Matartímarnir, kaffitím-
arnir, háttatíminn allt á nákvæm-
lega réttum tíma. Kaffibrauðið sem
þú bakaðir og geymdir í stóru járn-
baukunum með rósunum, hvað það
rann ljúflega niður með mörgum
glösum af mjólk. Notalegu stund-
irnar fyrir svefninn þegar við fór-
um með Faðirvorið og versin og þú
kysstir okkur góða nótt. Mamma
mín, við fjölskyldan þín munum svo
sannarlega ætíð minnast þín, og þú
átt virðingu okkar. Þú átt virðingu
okkar fyrir að elska okkur eins og
við erum. Þér var ekkert kappsmál
að við börnin þín yrðum mikil-
menni á veraldarvísu. Þú reyndir
aldrei að hafa áhrif á það hvað við
gerðum við okkar líf. Þú óskaðir
þess eingöngu að við yrðum góðar
manneskjur og að okkur liði vel.
Þú varst alltaf svo samviskusöm,
og gerðir allt svo einstaklega vel,
hvort sem það var fallega saman-
brotni þvotturinn, handavinnan
þín, sem var listaverk eða hvernig
þú sinntir um fjölskyldu þína. Já,
þú þjónaðir okkur með gleði og án
þess að krefjast nokkurs til baka.
Þú varst með ósköp viðkvæma og
brothætta skel. Þú tókst það mjög
nærri þér ef eitthvað bjátaði á, en
þú gladdist líka svo auðveldlega
þegar vel gekk.
Þú leist hvorki upp né niður á
fólk. Þér fannst allir vera góðir í
eðli sínu og sagðir að allir væru
jafnir fyrir Guði, sem þú trúðir svo
einlæglega á. Þú hafðir samt næma
tilfinningu fyrir þeim sem minna
mega sín og sýndir þeim umhyggju.
Hafðu þökk fyrir allt og allt,
mamma mín.
Þín dóttir
Jónina.
Elsku besta Rósa amma mín, ég
vil kveðja þig. Ég þakka þér inni-
lega fyrir þær góðu stundir sem við
áttum saman. Ég geymi allar þær
fallegu og góðu minningar um þig
sem ég á innra með mér. Mér þótti
svo afskaplega vænt um þig. Helst
vil ég minnast þess þegar ég var lít-
il stelpa og var að koma til ömmu og
afa á Sigló. Hvað þú tókst vel á móti
mér, sýndir mér svo mikla ást og
skilning og vildir allt fyrir mig gera.
Ég vil enda þetta með bæninni sem
þú, elsku amma mín, kenndir mér.
Vertu Guð faðir, faðir minn
í frelsarans Jesú naíhi.
Hönd þín leiði mig út og inn
svo allri synd ég hafhi.
Þín
Ragnheiður;
Mig langar til að minnast Rósu
tengdamóður minnar í nokkrum
orðum.
Það var fyrir um 20 árum að ég
kom fyrst í heimsókn til þeirra
hjóna, Rósu og Jónasar að Hverfis-
götu 2. Ég var óöruggur og vissi
ekki hvað beið mín. Mér er það því
minnisstætt hvað þau tóku vel á
móti mér, tilgerðarlaus og einlæg.
Síðan hef ég alltaf verið eins og
heima hjá mér á Hverfisgötunni.
Rósa var mikil húsmóðir upp á
gamla mátann og unun var að njóta
gestrisni hennar. Ekki var hún þó
mikið fyrir að láta bera á sér þar
sem hún var, nema þá helst í eld-
húsinu. Rósa var einstaklega
vinnusöm og ósérhlífin meðan
heilsan var í lagi. Hún var mikil
hagleikskona enda lærður kjóla-
meistari. Eftir Rósu liggur ýmiss
konar handverk. Flest eru þau
nytjahlutir eða skrautmunir. Otelj-
andi eru þær flíkur sem hún saum-
aði gegnum tíðina.
En svo kom að því að heilsan
brast, fyrr en maður átti von á.
Áföllin urðu nokkur og Rósa barð-
ist hetjulega gegn ofureflinu. Er ég
heimsótti hana nú í byrjun sumars
fann ég þó að hún var farin að þrá
hvíldina. Rósa andaðist síðan eftir
stutta legu þann 30.7. í návist
Jónasar og allra barna sinna.
Að endingu vil ég þakka fyrir að
hafa fengið að kynnast Rósu og
hennar heilsteypta persónuleika.
Það hefur verið mér lærdómsríkt
vegarnesti.
„F ar þú í friði,
friður guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þórður G. Ólafsson.
Elsku amma mín, ég vil bara fá
að þakka þér fyrir að hafa fengið
að njóta góðmennsku þinnar og
umhyggju. Ég sé það enn skýrar
nú hversu lánsöm ég var að þekkja
þig þó að árin hefðu gjarnan mátt
verða fleiri. Þú varst alltaf svo fal-
leg og fín og þannig mun ég ávallt
muna eftir þér. Ég fékk ósjaldan
að dvelja í góðu yfirlæti hjá þér og
afa á Siglufirði og það var hreint
ótrúlegt hvað þið gátuð stjanað í
kringum mig. Eflaust á ég ykkur
margt að þakka í dag.
Síðastliðin ár eru búin að vera
þér og afa mjög erfið vegna veik-
inda þinna en nú hefur þú fundið
friðinn og sefur rótt. Elsku afi, ég
votta þér mína dýpstu samúð, ég
veit að söknuðurinn er sár en
mmningin um góða konu lifir. Guð
geymi þig, elsku amma.
Kallið er komið,
komin er nú stundin,
vinaskilnaðarviðkvæm stund.
Vinimir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Persónuleg,
alhliða útfararþjónusta.
Útfararstofa íslands
Suðurhlíð 35 ♦ Sími 581 3300
Allan sólarhringinn. www.utfararstofa.ehf.is/
L E G S T E I N A R
í rúmgóðum sýningarsölum okkar eigum
við ávallt fyrirliggjandi margar gerðir
legsteina og minnisvarða úr íslenskum
og erlendum steintegundum.
Verið velkomin til okkar eða
hafið samband og fáið myndalista.
Íi S.HELGASON HF
ISTEINSMIÐJA
SKEMMUVEGI 48, 200 KÓP.,SÍMI:557-6677/FAX:557-8410