Morgunblaðið - 07.08.1998, Síða 1

STOFNAÐ 1913
175. TBL. 86. ÁRG.
FÖSTUDAGUR 7. ÁGÚST 1998 PRENTSMIÐJA MORGUNBLAÐSINS

Annan segir Iraksstjórn hafa brotið samkomulag við sig
Samstarfsslitin sög’ð
algjörlega óviðunandi
New York. Reuters.
ÖRYGGISRÁÐ Sameinuðu þjóðanna (SÞ) sagði í
yfirlýsingu í gær að samstarfsslit íraksstjómar við
vopnaeftirlitsnefnd SÞ „væru algjörlega óviðun-
andi“. Kofi Annan, framkvæmdastjóri Sameinuðu
þjóðanna, telur Iraksstjóm hafa brotið samkomu-
lag um fullt samstarf við vopnaeftirlitsnefnd SÞ,
sem hann sjálfur gekk frá við Saddam Hussein í
febrúar síðastliðinn, auk þess að brjóta gegn sam-
þykktum öi'yggisráðsins með slitum á samstarft
við SÞ. Bandaríkjastjóm lýsti því yfir að hún
myndi beita íraksstjóm þrýstingi svo að hún færi
eftir gerðu samkomulagi um vopnaeftirlit í landinu.
Stjómin í Bagdad hefur hins vegar farið fram
á að eftirlitsnefnd SÞ verði „endurskipulögð"
þannig að bandarískra áhrifa gæti ekki í henni.
Talsmaður Hvíta hússins, P.J. Crowley, sagði
Iraksstjórn hins vegar verða að fara eftir gerðu
samkomulagi. „Við getum ekki leyft stjórnvöld-
um í Irak að hefja framleiðslu gjöreyðingarvopna
á ný,“ var haft eftir Crowley.
Skýr skilaboð
Robin Cook, utanríkisráðherra Bretlands, lýsti
í gær yfir stuðningi sínum við yfirlýsingu örygg-
isráðsins og sagði skilaboð öryggisráðsins til
íraks vera skýr og skjót: Að samfélag þjóðanna
liði ekki að Iraksstjórn stæði ekki við gerða
samninga um vopnaeftirlit SÞ.
„Sé það einlægur vilji Saddams Husseins að
refsiaðgerðum gegn írak verði hætt, verður hann
að lúta vilja alþjóðasamfélagsins," sagði enn
fremur í yfirlýsingu Cooks. Forseti öryggisráðs-
ins, Danilo Turk, hvatti til þess að viðræður
hæfust svo fljótt sem verða mætti á milli Iraks-
stjómar og vopnaeftirlitsmanna.
Uppi eru getgátur um að Saddam Hussein hafi
ákveðið að slíta samstarfinu við vopnaeftirlits-
nefndina nú vegna erfiðleika Bills Clintons
Bandaríkjaforseta heima fyrir og meti það sem
svo að pólitísk staða Bandaríkjaforseta sé veik og
því litlar líkur til þess að hann láti til skarar
skríða gegn Hussein. I febrúar síðastliðnum,
þegar Saddam rak vopnaeftirlitsmenn úr landi,
hótaði Bandaríkjaforseti að gera loftárásir á írak
og sendi herskip til Persaflóa.
Dow Jones
hækkar
London, New York. Reuters.
VERÐBRÉF á mörkuðum í
Evrópu lækkuðu talsvert í gær
og var FTSE-vísitalan í London
nær 2% lægri en á miðvikudag.
Dow Jones vísitalan hækkaði á
hinn bóginn annan daginn í röð
og að þessu sinni um 30,9 stig
áður en kauphöllinni í New York
vai' lokað í gær og NASDAQ-
vísitalan um 41,3 stig eða 2,3%.
Dow Jones endaði í 8.577,68
stigum í gær. Hún lækkaði
skyndilega um nær 300 stig eða
3,4% á þriðjudag og þótt hún
hafi náð sér á strik á nýjan leik
gera sérfræðingar ráð fyrir
ókyrrð á fjármálamörkuðum
Vesturlanda næstu vikurnar.
Spár um kreppu em þó ekki
áberandi en bent á að slakt
efnahagsástand í flestum Asíu-
löndum geti farið að draga úr
uppgangi iðnríkja viða um heim.
■ Kreppan í Asíu/30
Kabila spáir langvinnum átökum í
Lýðveldinu Kongó
Rúanda kalli
hersveitir
sínar til baka
Kinshasa, Lusaka. Reuters.
LAURENT Desire Kabila sakaði
stjómvöld í grannríkinu Rúanda um
að vera í stríði við Lýðveldið Kongó
og hvatti þegna sína til þess að
verja fullveldi landsins, á blaða-
mannafundi í gær. Hann spáði lang-
vinnum átökum ef stjómvöld í Rú-
anda kölluðu hersveitir sínar ekki
til baka. Kabila sakaði einnig fyrr-
um bandamann sinn Yoweri Mu-
seveni, forseta Úganda, um að
draga taum Rúandastjórnar og
kynda undir átökum í landinu.
Laurent Kabila hyggst nota tæki-
færið á leiðtogafundi ríkja í suður-
hluta Afríku, sem haldinn er í
Zimbabwe nú um helgina, og krefj-
ast þess af Museveni og Paul
Kagame, varaforseta Rúanda, að
þeir láti af stuðningi sínum við upp-
reisnarhermenn.
Bizima Karaha, fyrrum utanrík-
isráðherra í stjóm Kabilas sem
genginn er til liðs við uppreisnar-
menn, hvatti hins vegar leiðtoga í
Afríku til þess að knýja Kabila til
afsagnar, ellegar stæði hann and-
spænis allsherjarstríði í Lýðveldinu
Kongó.
Uppreisnarmenn ná Muanda
á vesturströndinni
Uppreisnarmenn hafa náð Mu-
anda á vesturströnd Lýðveldisins
Kongó á sitt vald. Hörð átök munu
einnig hafa verið á milli stjórnar-
hermanna og uppreisnarmanna við
flotastöðina í Banana í nágrenni
Muanda. Muanda er miðstöð olíu-
iðnaðar í landinu og mörg erlend ol-
íufyrirtæki rækja starfsemi sína
þar.
Látlaus flóð í Kína
Reuters
Jiujiang. Reuters.
KINVERSKUR maður syndir
með eiginkonu sína í trébala f til-
raun til þess að komast á brott
frá þorpinu Jiujiang í Jiangxi-
héraði í gær. Óttast er að felli-
bylurinn Ottó, sem gengur yfir í
dag, muni enn auka á neyð Kín-
verja, sem milljónum saman hafa
þurft að flýja heimili sín vegna
flóðanna.
Monica Lewinsky bar vitni í gær
„Eldraunin senn á enda“
Reuters
MONICA Lewinsky yfirgefur
dómhúsið að lokinni yfirheyrslu.
Washington. Reuters.
LEWINSKY og fjölskyldu hennar
er létt, svo virðist sem eldraunin
sé senn á enda,“ sagði talskona
Monicu Lewinsky að lokinni yfir-
heyrslu yfir Lewinsky í gær.
Lewinsky, sem er fyrrverandi
nemi í Hvíta húsinu, kom fyrir
rannsóknarkviðdóm í Washington,
höfuðborg Bandaríkjanna, í gær
til þess að bera vitni um samband
sitt við Bill Clinton, forseta
Bandaríkjanna. Yfirheyrslan, sem
fór fram fyrir luktum dyrum, stóð
í sex klukkustundir. Talskona
Lewinsky sagði enn fremur að
Monica hefði svarað öllum spurn-
ingum, sem bornar voru fram af
kviðdómi og saksóknara, sannleik-
anum samkvæmt og ekki dregið
neitt undan.
Hátíð fréttamanna
Ekki varð þverfótað fyrir frétta-
mönnum og ljósmyndurum fyrir
utan dómhúsið í Washington í gær.
Nítján útsendingarbílum sjón-
varpsstöðva hafði verið lagt þar
fyrir utan. Þótt geri megi því
skóna að Monicu Lewinsky hafi
ekki reynst léttbært að bera vitni í
gær ein síns liðs fyrir kviðdómn-
um, var andrúmsloftið meðal
þeirra 200 fréttamanna og ljós-
myndara sem tróðust hver um
annan þveran í biðinni fyrir utan
dómhúsið létt og afslappað. Innan
veggja dómhússins stóð rannsókn-
arkviðdómur, sem Kenneth Starr,
sérstakur saksóknari í málinu,
kallaði saman, frammi fyrir því
verkefni að ákveða hvort Lewin-
sky hefði átt í kynferðislegu sam-
bandi við Bandaríkjaforseta og
hvort hann hefði beðið hana um að
ljúga til um sambandið.
Ashrawi
segir af sér
Ramallah. Reuters.
HANAN Ashrawi, sem verið hefur
einna mest áberandi af palestínskum
stj ómmálamönn-
um á alþjóðavett-
vangi, sagði af sér
ráðherraembætti í
gær og gagnrýndi
harðlega forráð
Yassers Arafats,
forseta heima-
stjórnar Palest-
ínumanna.
Ashrawi gagn-
rýndi uppstokkun
í stjórninni og sagði breytingamar
alls ekki nægilegar.
Ashrawi hafði verið boðið að taka
við embætti ferðamálaráðherra í
nýju stjórninni, en hafði áður verið
framhaldsmenntunarráðherra. Hún
tjáði fréttamönnum í gær að hún
hefði ákveðið að taka ekki sæti í
nýrri stjórn, þar eð slíkt myndi eng-
um árangri skila í umbótaátt.
■ Staða Arafats/20
Hanan Ashrawi