Morgunblaðið - 08.08.1998, Blaðsíða 6

6 LAUGARDAGUR 8. ÁGÚST 1998
MORGUNB LAÐIÐ
FRÉTTIR
Utanríkisráðherra í opinbera heimsókn
til fjögurra Afríkuríkja
Kynnir sér þréun-
arhjálp og við-
skiptatækifæri
HALLDÓR Ásgrímsson utanríkis-
ráðherra heldur næstkomandi mið-
vikudag í opinbera heimsókn til
fjögurra ríkja í suðurhluta Afríku.
Þetta eru Malaví, Mósambík, Suð-
ur-Afríka og Namibía.
Island veitir öllum ríkjunum
nema Suður-Afríku þróunaraðstoð
og mun ráðherrann og fylgdarlið
hans m.a. kynna sér starf Þróunar-
samvinnustofnunar (ÞSSÍ) í löndun-
um þremur.
Mat á framhaldinu
í þróunaraðstoð
Halldór Ásgrímsson sagði í sam-
tali við Morgunblaðið að einn til-
gangur fararinnar væri að kynnast
þeim árangri, sem íslendingar
hefðu náð í þróunaraðstoð og meta
hvemig halda bæri því starfi áfram.
„Ríkisstjórnin hefur samþykkt að
auka þróunaraðstoð í áföngum á
næstu árum. Við höfum verið að
vinna í Namibíu og ég tel mikilvægt
að kynnast því starfi og hvað sé rétt
að gera þar á næstunni. Við höfum
hafið þróunaraðstoð í Malaví, sem
er mjög fátækt ríki, og mikill vilji er
til að halda þar áfram. Þá erum við
nýbyrjuð að starfa í Mósambík. Þar
er mikil þörf fyrir aðstoð og miklir
möguleikar, t.d. í sjávarútvegi,"
segir Halldór.
Hann segist einnig munu leita eft-
ir viðhorfi stjómvalda í viðkomandi
ríkjum; hvemig þau líti á samstarfið
við Island og í hvaða farveg þau vilji
að þróunaraðstoð verði beint.
Mögnleikar í sjávarútvegi
„Ég tel jafnframt mikilvægt að
meta tækifæri til samstarfs á við-
skiptasviðinu í þessum löndum,“
segir utanríkisráðherra. „í Suður-
Afríku eru miklir möguleikar og við
þurfum að rækta þann garð á næstu
árum. Við höfum hafið samstarf við
fyrirtæki í Namibíu og ég tel allar
líkur á að það geti einnig gerzt í
Mósambík. Með þessu er ég ekki að
segja að við eigum að draga úr að-
stoð okkar við þessar þjóðir, en eigi
að verða varanlegur árangur af að-
stoð Islendinga á fiskveiðisviðinu
verður hún að leiða til atvinnu-
rekstrar, sem er í höndum heima-
manna. Ef við getum unnið með
þeim að uppbyggingu slíks rekstrar
er það þróunarhjálp í sjálfu sér.“
Ráðherra mun í ferð sinni ræða
við fulltrúa Alþjóðabankans í hverju
landi, en ísland stefnir að því að
auka samstarf sitt við bankann í
þróunarmálum. Halldór er fulltrúi
Norðurlandanna og Eystrasalts-
ríkjanna í stjórn Alþjóðabankans og
segir mildlvægt að kynnast aðstæð-
um í Afríku á meðan hann gegni því
starfi.
I för með Halldóri verða Sigur-
jóna Sigurðardóttir eiginkona hans,
Hilmar Þ. Hilmarsson, aðstoðar-
maður ráðherra og stjórnarformað-
ur ÞSSÍ, Sigríður Snævarr sendi-
herra og Björn Dagbjartsson, for-
stjóri ÞSSI. Afríkuferðin stendur
frá 12. til 25. ágúst.
r—1 rm [_ -l" j' I'
L 1
Morgunblaðið/Jónas
UPPSKERA landgræðslufræja er hafin á Mýrdalssandi.
Göð uppskera
landgræðslufræj a
ÁRLEG uppskera landgræðslu-
fræja er hafin og var fyrsti sláttur
á Mýrdalssandi í fyrradag. Að sögn
Sveins Runólfssonar landgræðslu-
stjóra hafa sáningar í Mýrdalssand
skilað umtalsverðu magni af fræj-
um í ár og má þakka það góðu ár-
ferði.
„Almennt er gott útlit með upp-
skeru landgræðslufræja á Suður-
landi en það er einkar ánægjulegt
að við þær erfiðu aðstæður sem eru
á Mýrdalssandi skulum við vera að
fá mikið magn af þýðingarmiklum
fræjum af túnvingli, beðispunti og
melfræi, sem eru ræktuð á sandin-
um og hvergi eru til annars staðar í
heiminum," segir Sveinn.
Uppgræðslan á Mýrdalssandi er
unnin í samvinnu við Vegagerðina
og segir Sveinn að hún hafi gengið
mjög vel, Mýrdalssandur hafi áður
verið ófær í allt að sautján daga á
ári vegna sandfoks en nú hafi að
mestu tekist að koma f veg fyrir
það og slíkt sé fólki, sem býr austan
sandsins, mikilvægt.
Sveinn segir landgræðslu hafa
gengið þokkalega fyrir norðan og
austan í sumar. Ekki sé hins vegar
hægt að búast við neinni uppskeru
þar vegna kuldanna í sumar. Fyrir
sunnan sé hins vegar útlit fyrir
góða uppskeru, verið sé að hefja
uppskeru á lúpfnuökrum f Rangár-
vallasýslum, en síðar í mánuðinum
FRÆ af túnvingli og beðispunti
sem vaxa á Mýrdalssandi eru
notuð til frekari landgræðslu-
starfa.
hefst uppskera melfræs í friðuðum
landgræðslugirðingum við Þorláks-
höfn og víðar.
Könnunarviðræður hafnar við sparisjóðina um kaup á Fjárfestingabanka atvinnulífsins
Liður í undirbúningi
að sölu hlutafjárins
Iðnaðar- og sjávarút-
vegsráðherra, sem
saman fara með eignar-
hlut ríkisins í Fjárfest-
ingarbanka atvinnulífs-
ins, hafa ákveðið að
taka upp könnunarvið-
ræður við Samband ís-
lenskra sparisjóða um
kaup sparisjóðanna á
öllu hlutafé í FBA, en
sambandið hafði óskað
eftir formlegum við-
ræðum um slík kaup.
Finnur Ingólfsson viðskipta- og
iðnaðarráðherra segir að viðræð-
urnar séu liður í undirbúningi á sölu
hlutafjár ríldsins í bankanum. Sam-
þykktin felur einnig í sér að Fram-
kvæmdanefnd um einkavæðingu er
falið að annast undirbúning sölu
hlutafjár í FBA í nánu samráði við
ráðuneytin og stjórnendur bankans.
Nefndin á að miða undirbúning söl-
unnar við að hlutabréf í FBA verði
boðin almenningi til kaups í mjög
dreifðri sölu og að erlent fjármála-
fyrirtæki verði fengið til að verð-
meta bankann.
Könnunarviðræður en ekki
samningaviðræður
Þorsteinn Pálsson sjávarútvegs-
ráðherra sagði að Samband ís-
lenskra sparisjóða hefði sent inn
formlega ósk um viðræður og sam-
komulag hefði orðið milli sín og iðn-
aðarráðherra um að verða við
henni. „Þetta eru könnunarviðræð-
ur en ekki samningaviðræður. Á
þessu stigi er því fyrst og fremst
verið að kanna hvaða hugmyndir
þeir eru með. Síðan verður það met-
ið þegar það liggur fyrir,“ sagði
Þorsteinn og bætti því við að hann
ætti von á að viðræðumar tækju
skamman tíma.
Þorsteinn sagði að það lægi fyrir
að síðar á þessu ári yrðu hlutabréf í
FBA seld, en á þessu stigi væri ekki
Ijóst hvað mikið yrði selt fyrir ára-
mót. Hvað mikið yrði selt í fyrsta
áfanga myndi væntanlega liggja
fyrir í byrjun næsta mánaðar. Sam-
hliða yrði einnig tekin ákvörðun um
hvaða áform stjómvöld hefðu um
sölu á því sem eftir væri af hlutafé
ríkisins í FBA.
„Þegar farið verður af stað með
sölu bréfanna í haust er mjög mikil-
vægt að það liggi fyrir hvemig hald-
ið verður á málum í framhaldinu.
Það hlýtur að hafa áhrif á verð bréf-
anna að það sé skýrt hvert mark-
miðið er. Við ætlum okkur að geta
svarað því í byrjun septembermán-
aðar,“ sagði Þorsteinn.
Næstu skref þurfa
að liggja fyrir
Finnur lagði sömuleiðis áherslu á
að viðræður við sparisjóðina væru
könnunarviðræður, sambærilegar
við þær sem nú stæðu yfir við
sænska SE-bankann varðandi eign-
arhald«á Landsbankanum. Finnur
sagðist hafa átt viðræður við full-
trúa sparisjóðanna fyrir nokkru þar
sem þeir hefðu kynnt áform sín.
Hann sagði að sparisjóðimir hefðu
sýnt áhuga á að kaupa allt hlutafé
ríkisins í FBA. Stjórnvöld hefðu
hins vegar einungis heimild frá Al-
þingi til að selja 49% hlut. Afla yrði
nýrrar heimildar frá þinginu ef
selja ætti allt hlutaféð.
Finnur sagði að þessar könnunar-
viðræður við sparisjóðina breyttu
engu um það sem hann hefði áður
sagt að nauðsynlegt væri að áður en
sala á hlut ríkisins í FBA færi fram
lægi fyrir hver næstu skref stjórn-
valda yrðu í endurskipulagningu á
fjármálamarkaði.
„Það er hægt að fara tvær leiðir í
þessum efnum. Annars vegar að
selja þessa eignarhluti ríkisins í
dreifðri sölu, þ.e. FBA sér, Lands-
bankann sér og Búnaðarbankann
sér. Hin Ieiðin er sú að ríkið grípi til
ákveðinna aðgerða til hagræðingar
á þessum markaði áður en salan
hefst og markaðurinn taki síðan við.
Báðar leiðirnar koma til greina að
mínu viti, en ég hallast frekar að
síðari leiðinni m.a. vegna þess að
hún mun leiða til þess að ríkissjóð-
ur, þ.e.a.s. þjóðin, fær meira fyrir
eignarhluti sína í þessum fyrirtækj-
um.“
Finnur sagði að það væru mjög
margir möguleikar í þessari stöðu
og enginn hefði verið útilokaður á
þessari stundu. Sá kostur að sam-
eina FBA og Búnaðarbanka, sem
utanríkisráðherra hefur nefnt, væri
áfram til umræðu. Markmiðið væri
að ná fram hagræðingu svo vextirn-
ir gætu lækkað.
Eðlilegt að ræða
við sparisjóðina
Halldór Ásgrímsson, utanríkis-
ráðherra og formaður Framsóknar-
flokksins, segist ekki sjá neitt at-
hugavert við að rætt verði við Sam-
band íslenskra sparisjóða um kaup
á hlut í Fjárfestingarbanka atvinnu-
lífsins. Halldór hefur áður lýst
þeirri skoðun að æskilegt sé að
sameina Búnaðarbankann og FBA,
meðal annars vegna þess að það
auki verðmæti eignarhluta ríkisins í
FBA ef áform um sameiningu liggi
fyrir.
„Ég tel sjálfsagt að ræða við þá
aðila, sem sýna áhuga á að kaupa
hlut í bankanum. Okkar markmið er
að fá sem mest fyrir eignir ríkisins
og ég hef verið þeirrar skoðunar að
það sé mikilvægt, áður en hlutur
ríkisins er seldur, að eitthvað liggi
fyrir um framtíðina. Það er að mínu
mati verulegt hagræði í því að sam-
eina Fjárfestingarbanka atvinnu-
lífsins og Búnaðarbankann. Ef
sparisjóðirnir eða aðrir eru tilbúnir
að borga viðunandi verð hef ég að
sjálfsögðu ekkert á móti því,“ segir
Halldór.
Hann segist ekki telja samein-
ingu FBA og Búnaðarbankans eina
kostinn í stöðunni. „Ég held hins
vegar að þessi umræða hafi aukið
áhuga innlendra aðila á þessum
stofnunum og væntanlega verður
það til þess að við fáum það verð,
sem er nauðsynlegt út frá hagsmun-
um ríkisins," segir Halldór.
Stjórn FBA undirbýr
tillögur um sölu
Stjórn FBA átti fund með iðnað-
arráðherra og viðskiptaráðherra í
gær og síðdegis var haldinn stjórn-
arfundur í bankanum. Þorsteinn
Ólafsson, stjórnarformaður FBA,
sagði að stjórninni hefði verið gerð
grein fyrir fyrirhuguðum viðræðum
og hún gerði engar athugasemdir
við að þær færu fram. Stjórnin hefði
ekki haft afskipti af umræðum um
uppstokkun í bankakei-finu eða á
eignarhaldi eða sölu bankanna.
„Ég legg enga dýpri merkingu í
þessar kynningarviðræður við
sparisjóðina. Það hefur lengi legið
fyrir að sparisjóðimir hafa haft
augastað á Fjárfestingarbankanum.
Það er eiganda bankans að taka af-
stöðu til þess hvaða kostir eru væn-
legastir út frá sjónarmiðum eigand-
ans og þeirra markmiða sem menn
hafa sett sér með starfsemi Fjár-
festingarbankans.
Við höfum gengið út frá því að
það stæði sem gert hefur verið ráð
fyrir, að stefnt væri að því að allt að
49% hlutur í bankanum yrði seldur
á þessu ári. Við höfum hagað starf-
semi bankans í samræmi við það.
Við höfum uppi áform um að leggja
fram tillögur um hvernig standa
eigi að slíkri sölu. Ef samstaða næst
innan stjórnar um að setja fram
slíkar hugmyndir munum við leggja
þær fyrir ráðherrana," sagði Þor-
steinn.
Þorsteinn sagði að stjórn bank-
ans væri sammála stjórnvöldum um
að nauðsynlegt væri að menn sæju
fyrir sér lokaskrefið áður en fyrsta
skrefið yrði stigið í sölu á hlutabréf-
um í FBA.