Morgunblaðið - 01.10.1998, Side 16

16 FIMMTUDAGUR 1. OKTÓBER 1998
LANDIÐ
MORGUNBLAÐIÐ
Morgunblaðið/Vilhjálmur Eyjólfsson
GAMLI Víponinn bar eigandann látinn að heiman síðustu ferðina til Grafarkirkju.
„Víponinn bar eigand-
ann síðasta spölinn
Hnausum í Meðallandi - Útför Ei-
ríks Björnssonar, rafvirkjameist-
ara í Svínadal í Skaftártungn, fór
fram frá Grafarkirkju laugar-
daginn 26. september sl. Hann
fæddist 5. desember 1900 og dó
18. september 1998.
Eiríkur fór að vinna hjá
Bjarna Runólfssyni í Hólmi við
túrbínusmíði og rafvirkjun 1925
og á eigin vegum eftir 1930.
Byggði og gerði upp rafstöðvar
víða um land auk allskonar við-
gerða fyrir náungann og allt
unnið meira af hugsjón en pen-
ingahyggju og með sérstakri út-
sjón og lagvirkni. Síðasta raf-
stöðin sem Eiríkur gerði upp
mun hafa verið á Sléttu í Bruna-
sandi. Hún var norsk og sett þar
niður óbreytt og var aldrei í
nógu góðu lagi. Árið 1991 gerði
Eiríkur stöðina upp, þá orðinn 90
ára gamall.
Hárrétt
reiknað
Það þurfti að breyta reimskíf-
unum og Eíríkur tók upp gömlu
vasabókina og blýantinn og var
furðu fljótur að fá útkomu sem
hann taldi rétta. En þó fannst
honum réttara að Elías bóndi á
Sléttu léti þá í Fálkanum reikna
þetta þegar hann pantaði reim-
arnar, sem hann og gerði og tók
nokkurn tíma þrátt fyrir nýjustu
tækni. „Nú, þetta er eins og hjá
Eiríki í Svínadal,“ sagði Elías
þegar hann heyrði útkomuna.
„Hvurn andskotann varstu að
láta mig reikna þetta fyrst hann
var búinn að því,“ sagði maður-
inn.
Eftir að hafa átt fólksbíl frá
1930 til 1947 keypti Eíríkur Dod-
ge Weapon árg. 1942, herbíl sem
hann lengdi og notaði við flutn-
inga út á land og til heimilisþarfa.
Þessum bíl ók Eíríkur það sem
eftir var ólifað, sem var langur
tími, og það kom fyrir að Eiríkur
varð að smíða varahlutina í gamla
bilinn, sem var til margra hluta
nytsamlegur þetta Ianga tímabil.
Farið til kirkju og á skemmtanir
og mörgum ók Eiríkur þá hinstu
för sem öllum er fyrirbúin að lok-
um, hvort sem þeir eru merktir
elli eða æskufegurð. Og nú hefur
gamli Víponinn borið eigandann
látinn að heiman síðustu ferðina
til Grafarkirkju.
jJFófV CÍJ

Morgunblaðið/Gunnlaugur Ámason
Á ÍSLANDI eru 12 umboðsmenn sem dreifa vörum frá bandaríska fyrirtækinu 3M. Fyrirtækið bauð fulltrú-
um þessara aðila f skemmtiferð til Stykkishólms. Myndin er tekin áður en farið var með Brimrúnu í siglingu
um Breiðafjarðareyjar.
Hvataferð til Stykkishólms
BANDARÍSKA fyrirtækið 3M,
Minnesota Mining & Manufact-
uring Company, framleiðir um
60.000 vörutegundir og kennir þar
margra grasa eins og t.d. tölvubún-
aður, ritföng, límmiðar, endurskins-
merki, tannlæknavörur. Framleiðsl-
an er seld til 61 lands og þar af til 22
landa í Evrópu og er Island þar á
meðal. Hér á landi eru 12 heildsalar
sem dreifa framleiðsluvörum frá
3M.
Á dögunum bauð íyrirtækið um-
boðsmönnum sínum í skemmtiferð,
svokallaða „hvataferð“ til Stykkis-
hólms og í siglingu með Eyjaferðum
um Breiðafjarðareyjar. Tilgangur-
inn með ferðinni var að kynna nýjar
framleiðsluvörur frá 3M og eins að
hrista saman þá aðila sem eru að
selja vörur fyrirtækisins hér á
landi.
Þegar gestirnir komu til Stykkis-
hólms tóku nemendur yngstu
bekkja grunnskólans á móti þeim
með söng. Síðan var farið um borð í
Brimrúnu sem hafði verið skreytt
sérstaklega fyrir þessa ferð. Boðið
var upp á hádegismat og kvöldverð
um borð og faríð í land í Amey og
gengið þar um og eyjan skoðuð.
Þar var boðið upp á kaffi og með-
læti.
Ymis óvænt atvik voru sett inn í
dagskrána til að gera ferðina eftir-
minnilegri og nutu skipuleggjendur
aðstoðar björgunai-sveitarinnar
Berserkja. Komið var til Stykkis-
hólms eftir 6 tíma siglingu og haldið
þá til Reykjavíkur. Eyjaferðir í
Stykkishólmi aðstoðuðu við að
skipuleggja ferðina. Gestir og
skipuleggjendur voru mjög ánægðir
með hvernig til tókst og höfðu gam-
an af.
Uppskeruhátíð knatt-
spyrnudeildar UMFG
Grindavík - Knattspyrnustúlkur í
Grindavík hafa gert það gott í sum-
ar og eru komnar í efstu deild.
Karlaliðið hélt spennunni fram á
síðustu mínútur síðasta leiks sum-
arsins en náði að koma sér úr fall-
sætinu með sætum sigi-i á Fram.
Það verða því tvö lið í efstu deild
knattspyrnunnar á íslandi frá
íþróttabænum Grindavík á næsta
ári.
Gríðarleg stemmning var á Gr-
indavíkurvelli í þessum síðasta leik
sumarsins og er óhætt að segja að
þessi andi hafí einnig verið í Festi
þetta sama laugardagskvöld. Best
kvennanna í sumar var Erla Ósk
Pétursdóttir, mestum framförum
tók Sunna Gunnarsdóttir, háttvís-
asti leikmaður sumarsins var Klara
Steingrímsdóttir og flest mörk
skoraði Rósa Ragnarsdóttir.
Hjá körlunum var Hjálmar Hall-
grímsson kosinn besti leikmaður
sumarsins, Óli Stefán Flóventsson
með mestu framfarir og Þórarinn
„bjargvættm-“ Ólafsson fékk hátt-
vísisverðlaun félagsins. Tveir leik-
menn voru markahæstir, skoruðu
jafnmörg mörk, en það voru þeir
Milan Stefán Jankovic og Grétar
Hjartarson.
Morgunblaðið/Gai'ðar Páll Vignisson
KLARA Steingrímsdóttir, Rósa Ragnarsdóttir, Sunna Gunnarsdóttir,
Erla Osk Pétursdóttir, Hjálmar Hallgrímsson, Þórarinn Olafsson,
Grétar Hjartarson og Milan Stefán Jankovic. Á myndina vantar Óla
Stefán Flóventsson.
Morgunblaðið/Aðalheiður Högnadóttir
NYJA íþróttahúsið á Hellu kemur til með að setja mikinn svip á þorpið.
Uppsveifla í atvinnulífínu
Mikið byggt á
Hellu í sumar
Hellu - í Rangárvallahreppi verður
ársins 1998 eflaust minnst þegar
fram líða stundir sem árs hinna
miklu byggingarframkvæmda, en á
árinu hófst bygging íþróttahúss,
skrifstofuhúsnæðis fyrir Skattstofu
Suðurlands og skemmu þriggja
flutningafyrirtækja á Hellu.
Fyrsta skóflustungan að nýju
íþróttahúsi á Hellu var tekin 9. janú-
ar sl. en það er Trésmiðjan Rangá
sem byggir húsið samkvæmt al-
verkssamningi við Rangárvalla-
hrepp, en byggingu þess á að vera
lokið fyrir haustið 1999. Húsið er
1215 fermetrar að flatarmáli, en fyr-
ir stuttu var lokið við að reisa burð-
arvirkið sem er úr límtré. Samhliða
byggingu íþróttahússins er byggð
300 fermetra tengibygging á tveim
hæðum við sundlaug staðarins en
fyrirhugað er að nýta búningsað-
stöðu sundlaugarinnar fyrir íþrótta-
húsið. Tengibyggingin mun einnig
nýtast sem stoðrými við húsið, þ.e.
aðstaða fyrir kennara, geymslur,
snyrtingar o.þ.h. Völlur hússins
verður löglegur keppnisvöllur, en
með tilkomu hússins verður íþrótta-
aðstaða á Hellu orðin samkeppnis-
fær við önnur byggðarlög, en fyrir er
nýbyggður frjálsíþróttavöllur og
sundlaug á staðnum.
Skattstofan í nýtt hús
Trésmiðjan Rangá byggir einnig
skrifstofuhús á Hellu fyrir fjármála-
ráðuneytið sem hýsa á Skattstofu
Suðurlands, en sú bygging er 360
fermetrar auk 200 fermetra kjallara.
Núverandi húsnæði skattstofunnar
er orðið þröngt og óhentugt, enda
upphaflega byggt sem verslun og
íbúðarhús. Afhending nýju skattstof-
unnar er áætluð um næstu áramót.
Þá var hafist handa á árinu við bygg-
ingu bifreiðaskemmu sem þrjú flutn-
ingafyrirtæki á Hellu sameinast um
að reisa undir starfsemi sína. Ymsir
aðilar koma að byggingu hússins, en
eigendur þess eru Flutningþjónust-
an Hellu, sem annast almenna vöru-
flutninga, GK-flutningar sem annast
gripaflutninga og GKK-flutningar
sem annast póstflutninga. Hús
þeirra er um 400 fermetrar, þannig
að alls eru í byggingu um 2.500 fer-
metrar af nýju húsnæði í hreppnum
um þessar mundir, auk nokkurra
sumarbústaða og eins einbýlishúss.