Morgunblaðið - 01.10.1998, Blaðsíða 68

fltargtmfrlitbife
f
Það besta
úr báðum heimum!
unix og NT = hp
OPIN KERFIHF
I HEWLETT
I PACKARO
MORGUNBLAÐIÐ, KRINGLAN 1,103 REYKIAVIK, SÍMI5691100, SÍMBRÉF 569 USl
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
FIMMTUDAGUR 1. OKTÓBER 1998
VERÐ í LAUSASÖLU 125 KR. MEÐ VSK
Stúlkan, sem ráðist var á í
Lúxemborg, á góðum batavegi
Væntanleg heim
á mánudag
SARA Theodórsdóttir, islenska
stúlkan sem var hent fram af
göngubrú og féll 15 metra í Lúx-
emborg hinn 6. september er
væntanleg heim á mánudaginn.
Að sögn Theodórs Júlíussonar,
föður hennar, er hún á góðum
batavegi og verður lögð inn á
sjúkrahús við komu til landsins.
Foreldrar Söru hafa verið hjá
henni í Lúxemborg síðan maður
réðst að henni þegar hún var á
göngu á sunnudagsmorgni og
varpaði henni fram af göngubrú.
Við fallið varð hún fyrir miklum
innvortis meiðslum auk þess sem
mjaðmagrind hennar brotnaði
illa. Theodór sagði við Morgun-
blaðið í gær að innri líffæri henn-
ar störfuðu nú eðlilega á ný en
ljóst væri að löng sjúkralega og
endurhæfmg væri framundan.
Sara verður flutt heim sjúkra-
flugi með Flugleiðum og sagði
Theodór að þótt læknum ytra
þætti kannski fullsnemmt að
flytja hana strax milli landa væru
foreldrar hennar og hún sjálf
fullviss um að það flýtti batanum
að komast á sjúkrahús á Islandi.
Theodór sagði að þau hjónin
væru afskaplega þakklát öllu því
fólki sem hefði aðstoðað þau eftir
slysið; ættingjum, vinum og
vinnuveitendum, svo og Flugleið-
um og vinnuveitendum Söru,
Stellu Jóhannesdóttur og Stavr-
os Evangelakis. Foreldrar Söru
hafa búið hjá þeim síðan ráðist
var á Söru. Theodór sagði að
dóttir sín vildi gjarnan snúa aftur
út til hjónanna þegar hún hefði
náð heilsu en sú stund væri langt
undan og nú væru þau hjónin að
leita að nýrri íslenskri au-pair
stúlku.
Utanríkisráðherra um
utanríkismálastefnu
vinstri flokkanna
Samstarfs-
aðilar hafa
áhyggjur
HALLDÓR Ásgrímsson utanríkis-
ráðherra segir að yíirlýsingar um
stefnu í utanríkismálum í málefna-
skrá vinstri flokkanna séu þegar
famar að valda samstarfsaðilum
okkar erlendis áhyggjum.
„Samstarfið í Atlantshafsbanda-
laginu hefur skipt okkur gífurlegu
máli, ekki bara í öryggismálum held-
ur efnahagsmálum og þjóðfélagsmál-
um almennt. Þau skilaboð sem þarna
—er verið að senda eru mjög alvarleg
að mínu mati og vonandi breyta þeir
um þessar áherslur,“ sagði Halldór.
Hann benti á að nú eftir kosning-
arnar í Þýskalandi væru sigurvegar-
arnir að fullvissa samstarfslöndin
um að þeir ætluðu engu að breyta.
Byltingaflokkur eins og græningjar,
sem hefðu barist gegn Atlantshafs-
bandalaginu, tilkynntu að þeir
myndu að sjálfsögðu starfa innan
þess. „íslenskir jafnaðarmenn eru að
senda einhver allt önnur skilaboð,
sem ei-u ekki í takt við nokkum
—‘skapaðan hlut sem er að gerast í
heiminum. Þetta tel ég vera mjög al-
varlegt,“ sagði Halldór ennfremur.
■ Skuldir/4
-----------------
Sextíu skráð-
ir í japönsku
UM 60 manns hafa skráð sig á
„útsölu“-námskeið í japönsku sem
Endurmenntunarstofnun Háskóla
íslands stendur fyrir í haust. Styrk-
ur fékkst frá Scandinavia-Japan
Sasakawa-sjóðnum og var því þátt-
tökugjald á námskeiðunum aðeins
'o.800 krónur í stað um 15 þúsund
króna sem eðlilegt hefði verið.
Kristín Jónsdóttir, forstöðumaður
Endurmenntunarstofnunarinnar,
segir að miðað við eðlilegt verð hefði
mátt búast við að um 15 manns
skráðu sig á námskeiðin. „Mér finnst
hvað merMlegast að þetta sýnir hvað
þátttaka á námskeiðunum er við-
kvæm fyrir verði.“
Kristín segir að enn sé hægt að
skrá sig á námskeiðin. Boðið er upp
á tvö byrjendanámskeið, eitt sem er
nýhafið og annað sem hefst í byrjun
október. Framhaldsnámskeið verður
í nóvember og ,japanska 3“ verður
kennd eftir áramót.
Karmelsystur leggja land undir fót
Stofna klaustur
í Þýskalandi
NÍU Karmelsystur í Hafnarfírði
lögðu land undir fót í vikunni,
þegar þær héldu til Hannover í
Þýskalandi til að stofna nýtt
klaustur. Kveðjumessa var hald-
in á mánudag, þar sem vinir og
vandamenn komu til að kveðja
systumar, sem á hverjum degi
biðja fyrir friði í heiminum.
Biðja átta tíma á dag
Móðir Agnes er príorinna
Karmelsystranna í Haftiarfirði.
Hún verður áfram hér á Islandi
og heldur áfram starfí sínu hér.
„Biskupinn í Hildesheim óskaði
eftir því að við stofnuðum nýtt
klaustur í Hannover og til þess
þarf að minnsta kosti átta syst-
ur, en héðan fara þær níu. Hver
og ein ræður því sjálf hvort hún
fer eða verður áfram hér, en
ákveðið var fyrr á þessu ári að
fylgja eftir ósk biskupsins í Hild-
esheim,“ sagði Móðir Agnes.
Karmelsystur í Hafnarfirði
voru 23 áður en systumar níu
fóra til Hannover. Karmelreglan
er bæna- og íhugunarregla og
biðja systurnar í um átta tíma á
dag, fyrir sjómönnunum, þeim
sem eiga um sárt að binda, sálu-
hjálp allra og fyrir friði í öllum
heiminum. Þær lifa í lokuðu
samfélagi innan veggja klaust-
ursins og ferðast ekki nema um
flutninga sé að ræða.
Þær komu hingað árið
1984 og hafa verið í Hafnar-
firðinum síðan. Árið 1990 stofn-
uðu þær nýtt klaustur í Tromsö
í Noregi og fluttu þá nokkrar
til Noregs. Eftir það komu
nokkrar nýjar systur í klaustr-
ið, og nú er á ný töluvert af
lausum plássum.
Systurnarr em á öllum aldri,
allt frá 21 árs til 74 ára.
■ Kílómetrarnir/6
Morgunblaðið/RAX
„VIÐ munum aldrei gleyma Islandi," sögðu systurnar þegar þær kvöddu klaustrið í Hafnarfírði og héldu út á flugvöll.
Heilsu
Guðrúnar
Katrínar
hrakar
Svohljódnnái tilkynning barst
frá Olafí Ragnari Grímssyni,
forseta Islands, í gærdag:
Á fimmtudagskvöldið í síð-
ustu viku fór eiginkona mín,
Guðrún Katrín, á sjúkrahúsið á
ný og greindist hún með alvar-
lega lungnabólgu. Heilsu henn-
ar hefur hrakað undanfama
daga og er hún nú í gjörgæslu.
Við þessar aðstæður get ég
ekki farið frá Seattle og hef því
falið forsætisráðherra að flytja
forsetabréf um setningu
Alþingis.
Járnblendverksmiðjunni
verður lokað til áramóta
SLÖKKT verður á báðum bræðsluofnum ís-
lenska járnblendifélagsins á Grundartanga um
20. október næstkomandi ef boðuð skerðing á af-
gangsorku frá Landsvirkjun kemur til fram-
kvæmda eins og allt útlit er fyrir. Verksmiðjan
verður lokuð til áramóta og tíminn notaður til að
vinna að viðhaldi.
Ríflega helmingur af þeirri raforku sem Is-
lenska jámblendifélagið kaupir er afgangsorka.
Vegna lélegs vatnsbúskapar á hálendinu í sumar
tilkynnti Landsvirkjun um skerðingu á af-
gangsorku sem stóriðjufyrirtæki kaupa á lægra
verði. Skerðingin hófst 1. september en að sam-
komulagi varð að Jámblendiverksmiðjan nýtti
forgangsorku sína til að reka báða brennsluofna
verksmiðjunnar á meðan hún dygði en tæM út
skerðingu sína eftir 20. október. Bjarni Bjarna-
son, framkvæmdastjóri Islenska járnblendi-
félagsins, segir að hagkvæmara sé að keyra verk-
smiðjuna með fullum afköstum á meðan orka er
fáanleg og loka henni síðan tímabundið en að
keyra hana með hálfum afköstum.
Tíminn fram til áramóta verður notaður til
viðhalds bræðsluofnanna, m.a. fer fram stórvið-
gerð á öðrum ofninum. Starfsfólki verður ekki
fækkað, en vaktavinnusamningum hefur verið
sagt upp, enda verður unnið að viðhaldi á dag-
inn.
Stjórnendur verksmiðjunnar gera sér enn von-
ir um að hagstæð skilyrði í vatnsbúskapnum á há-
lendinu í haust leiði til þess að linað verði á orku-
skerðingunni og unnt verði að seinka lokun verk-
smiðjunnar. Þorsteinn Hilmarsson, upplýsinga-
fulltrúi Landsvirkjunar, staðfestir að rennsli hafi
verið gott í september en segir að vegna óvissu
um þróunina í október sé ekki efni til að endur-
skoða boðaða skerðingu afgangsorku til stóriðju.
■ Slökkt á báðum/Cl