Morgunblaðið - 02.02.1999, Qupperneq 56

56 ÞRIÐJUDAGUR 2. FEBRÚAR 1999
MORGUNBLAÐIÐ
í*
Hundalíf
Ljóska
Ferdinand
Smáfólk
I LIKE T0 PAINT 5UPER
HEK0E5/5EE? MY 5UPER
HEKO FUE5 ALL OVEK
THE UNIVER5E!
Kennarinn segir að við eigum að
mála blóm. Mér leiðist að mála
blóm.
Mér finnst gaman að mála
ofurhetjur! Sjérðu? Ofurheljan mín
flýgur um allan alheiminn!
Kennarinn verður ekki hrifinn af
því... Ég kalla hann „Sólblóm"
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Aldamót eða
ekki aldamót
Frá Gunnuri Egilson:
NÚ þegar aldamótin nálgast hafa
heyrst skiptar skoðanir manna á
meðal bæði í útvarpi og í aðsendum
bréfum til dagblaðanna þar sem
fólk er á öndverðum meiði um það
hvort tuttugasta og fyrsta öldin
gangi í garð hinn 1. janúar árið 2000
eða 2001. Þeir sem tilheyra síðari
hópnum benda á það sem rök að
tugur sem hefst á tölunni 1 sé ekki
fullnaður fyrr en næsti tugur hefjist
á tölunni 1, sem auðvitað er rétt.
Þeir gefa sér þá forsendu að tímatal
okkar hefjist á tölunni 1 og því ljúki
20. öldinni ekki fyrr en í lok ársins
2000 en ég hef hvergi séð rennt
stoðum undir þá staðhæfingu að
tímatal okkar hefjist á tölunni 1!
Fyrir nokki-u rakst ég á grein í
tímaritinu Newsweek frá nýliðnu
ári þar sem sagt er frá því hvemig
staðið var að því á sínum tíma að
ákvarða tímatal það sem kristnir
menn um heim allan hafa virt allar
götur síðan. í greininni segir að árið
525 hafi Jóhannes páfi I. falið ábóta
nokkrum að nafni Díonísus Ex-
iguus, sem var stærðfræðingur mik-
ill og stjömufræðingur, að búa til
samræmt lítúrgískt tímatal svo
kristnir menn um heim allan gætu
haldið páskahátíðina og aðrar
kirkjulegar hátíðir á sömu dögum á
ári hverju. Eina sem Díonísus hafði
til að styðjast við var tímatal sem
rómverski keisarinn Díókletían
hafði látið gera til að marka stofnun
hins rómverska ríkis. Þar sem við-
fangsefni Díonísusar var að sam-
ræma tímatalið fyrir hinn kristna
heim ákvað hann að láta það taka
mið af fæðingu Jesú Krists. Með því
að leggja rómverskt tímatal Díó-
kletíans til grundvallar annarsvegar
og nota tímasetningar Lúkasar og
Matteusar um fæðingu frelsarans
hinsvegar reiknaðist Díonísusi til að
Jesús hafði fæðst á 753. ári hins
gamla rómverska tímatals og gerði
það ár að 0 ári hins kristna tímatals.
Menn geta endalaust deilt um það
nákvæmlega hvenær Jesús hafi
fæðst því um það eru margar kenn-
ingar, en hvað sem líður allri óná-
kæmni guðspjallanna um tímasetn-
ingu fæðingar frelsarans var sú
ákvörðun tekin fyrir tæpum fimmt-
án öldum að tímatalið, sem byggt
var á útreikningum Díonísusar og
hinn kristni heimur grundvallar ár-
töl sín á, reiknast út frá árinu 0.
Samkvæmt því gengur tuttugusta
og fyrsta öldin í garð hinn 1. janúar
árið 2000.
GUNNAR EGILSON,
eftirlaunaþegi,
Dunhaga 15, Reykjavík.
Greiðslur til samfélagsins
Frá Birgi Óskarssyni:
ÞAÐ var átakanlegt að lesa bréfið
frá vesalings strætisvagnastjóran-
um varðandi vangreiðslur hans til
samfélagsins. Slík andfélagsleg fötl-
un virðist koma upp öðru hvoru og
er erfitt við að eiga, engin samtök
eða' stofnanir virðast geta sinnt
svona tilfellum.
Þetta fólk virðist ekki skilja ýms-
an samfélagslegan rekstur og vill
ekki taka þátt í honum. Því er ekki
Ijóst að gjöld, eins og til RÚV, eru
ekki séríslensk fyrirbæri og víða er
tekið harðar á undanskotum
greiðslna fyrir þjónustuna en hér.
Það gerir sér heldur ekki grein fyr-
ir því að allir þjóðfélagsþegnar
greiða sitt til nigluðu stöðvanna í
formi hækkaðs vöruverðs, vegna
þeirra auglýsinga sem þær stöðvar
að hluta til lifa á, án þess að geta
nýtt sér dagskrár þeirra nema með
miklum viðbótarkostnaði. Ég efa að
á byggðu bóli finnist land þar allar
sjónvarpsrásir eru ruglaðar, eins og
sumir vilja að sé hér.
Ég fékk um tíma, íyrir nokkrum
árum, stærsta dagblað þeiiTa
Hjaltlandseyinga. Þar birtist sterk-
ari samkennd eyjaskeggja er hér
þekkist. Öðru hvoru birtist í blaðinu
listi yfir fólk er reynt hafði að kom-
ast hjá greiðslum til breska út-
varpsins (sjónvarpsins), heimilis-
föng þess, hve lengi svikin höfðu
staðið yfir og hve háa sekt það
þurfti að greiða. Hið sama var gert
varðandi þá er brotið höfðu umferð-
ariög og reglur er viðurlög lágu við.
Aðgerða Ríkisútvarpsins til inn-
heimtu væri ekki þörf ef félagslegur
þroski þjóðarinnar væri efldur og
væri það verðugt verkefni ráðuneyti
menntamála til handa.
BIRGIR ÓSKARSSON,
Asparfelli 6, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
(//r (hj sÁcu'ty/'ffti/1
Skartgripadeild
Laugavegi 61
Sími 552 4910
15*40%
afsláttur
af skartgripum
Einstakt tækifæri