Morgunblaðið - 07.02.1999, Blaðsíða 17
MORGUNBLAÐIÐ
SUNNUDAGUR 7. FEBRÚAR 1999 17
LISTIR
Nýtt íslenskt leikrit frumsýnt
í Kaffíleikhúsinu í kvöld
Að bresta í
ljóðatrans
Hótel Hekla er nýtt íslenskt leikrit eftir
Anton Helga Jónsson og Lindu Vilhjálms-
dóttur, sem frumsýnt verður í Kaffileik-
húsinu í kvöld kl. 21. Margrét Sveinbjörns-
dóttir leit inn á æfíngu og átti stutt spjall
við annan höfundanna, leikarana tvo og
leikstjórann.
LEIKARARNIR tveir eru
þau Þórey Sigþórsdóttir,
sem leikur flugfreyju, og
farþeginn Hinrik Ólafsson.
Leikurinn gerist um borð í flugvél á
leið til útlanda og á hótelherbergi.
Ljóðum er fléttað inn í leiktextann
líkt og söng í söngleikjum - eða eins
og Linda Vilhjálmsdóttir, annar höf-
undanna, orðar það: „Persónur leik-
ritsins bresta annaðhvort fyrirvara-
laust í nokkurs konar ljóðatrans eða
þær fara með Ijóðin eins og hvurn
annan texta.“
Leikurinn segir frá flugfreyju sem
þarf að kijást við „óþægilegan" far-
þega á leið til útlanda. Hún verður
að taka afstöðu til þess hvort hann sé
hættulegur eða hvort hún sjálf geti
haft hag af samskiptum við hann.
Mikið meira vilja leikaramir eigin-
lega ekki láta hafa eftir sér um fram-
vindu verksins. Linda upplýsir þó að
átök flugfreyjunnar og farþegans á
milli snúist um handfarangur sem
hann neiti að skilja við sig og sé því
afar grunsamlegur í hennar augum.
Fantasía karlkyns farþega
En hvers konar persónur eru hér
á ferð og hvemig er samskiptum
þeirra háttað? „Hún er fantasía karl-
kyns farþega um hina fullkomnu
flugfreyju," segir Þórey. „Og það
hvernig flugferðalag getur orðið sem
þægilegast," bætir leikstjórinn Hlín
Agnarsdóttir við. „Toppurinn er svo
náttúrlega að geta endað með flug-
freyjunni á hótelherbergi á erlendri
grund,“ segir Hinrik. „Hann er að
fara að gegna mjög ákveðnu og mik-
ilvægu erindi og er með mjög mikil-
vægan hlut með sér. Það er lífs-
spursmál, ekki bara fyrir hann, held-
ur fyrir marga aðra, að hann komist
með þennan hlut á leiðarenda," segir
Hinrik.
Linda rekur upphaf leikritsins
Hótels Heklu til hugmyndar sem
Þórey fékk fyrir nokkrum árum og
var í því fólgin að setja ljóð í hvers-
dagslegt samhengi. Sú hugmynd
varð að veruleika og hafa sjónvarps-
áhorfendur að undanförnu getað séð
hana sem „Ljóð vikunnar“ í upp-
færslu Þóreyjar. „Svo datt henni í
hug að prófa hvort þetta væri hægt í
leikhúsi og kallaði í okkur; mig og
Hlín og Anton Helga, en við höfðum
öll unnið saman í höfundasmiðju
Borgarleikhússins og hún hafði unn-
ið mikið með Hlín áður. Okkur leist
ofsalega vel á þessa hugmynd og
vorum alveg til í að prófa hana en
eftir að við vorum komin með bygg-
ingu leikritsins, söguþráðinn og per-
sónurnar, þá fóru ljóðin að vefjast
fyrir okkur. Við sáum ekki hvernig
okkur tækist að koma þeim á spenn-
andi hátt inn í leikrit. Það stóð held-
ur aldrei til af okkar hálfu að fara að
skrifa ný ljóð í leikritið. Þetta vafðist
Námskeid ifebrúar
Þriðjudaginn 9. febrúar
Keramikmálun (frjálst val)
Trémálun (fuglahúsalampi)
Fimmtudaginn 11. februar
Trémálun (gluggahlerar)
Silkimálun
Þriðjudaginn 16. febrúar
Keramikmálun (frjálst val)
Grænlenskur perlusaumur
Fimmtudaginn 18. febrúar
"Antiquemálun" með Duncan litum og
olíum
Trölladeig (par)
Þriðjudaginn 23. febrúar
Keramikmálun (frjálst val)
Kransagerð (trémálun o.fl.)
Fimmtudaginn 25. febrúar
Trémálun (dagatal)
Tusku- og trédúkkugerð
Öll námskeið hefjast kl. 19.00.
Staðfestingagjald kr. 1.000,-
Mörkinni 1 sími 588 9505
Morgunblaðið/Árni Sæberg
FLUGFREYJAN Þórey Sigþórsdóttir og farþeginn dularfulli, Hinrik Ólafsson, á fljúgandi ferð.
mikið fyrir okkur og það endaði með
því að við vorum næstum því búin að
gefa hugmyndina upp á bátinn en þá
ákváðum við að fara í spunavinnu og
þar komu fram skemmtilega skýrir
og fínir drættir," segir Linda.
Gott að grípa til Ijóða þegar
ókyrrð er í lofti
Ljóðin eru eftir skáldin Diddu,
Braga Ólafsson, Sjón, Elísabetu Jök-
ulsdóttur, Birgi Svan Símonarson,
Steinunni Sigurðardóttur, Geirlaug
Magnússon, Tómas Guðmundsson
og Sigfús Daðason, auk þeirra Lindu
og Antons Helga. Linda leggur
áherslu á að ljóðin hafí verið valin
með hliðsjón af söguþræðinum en
ekki öfugt, eins og algengara er þeg-
ar ljóð eru notuð í leikhúsi, þ.e. að
leikritið sé smíðað kringum Ijóðin.
Linda gefur sýnishorn af því
hvemig ljóðin eru yfir og allt um
kring í leikritinu: „Flugfreyjan kem-
ur til dæmis með matarbakka og far-
þeginn segir: „Hvað er þetta? Á ég
að borða þetta?“ Þá segir hún:
„Þetta eru ljóð. Það er andleg nær-
ing.“ Og hann spyr: „Eru þau ekki
tormelt?" Þau tala sem sagt um ljóð
eins og hvern annan hlut,“ segir ljóð-
og leikritaskáldið Linda. Og í staðinn
fyrir að útbýta dagblöðum í flugvél-
inni er dreift Ijóðabókum. „Fyrst
þegar hún gengur um og spyr far-
þega hvort hún megi bjóða þeim ljóð
segir hann einmitt: „Ha, ljóð? Að
lesa?“ „Já, að lesa. Það lyftir manni
svo upp að lesa ljóð á flugi,“ segir
hún. Þá segir hann: „Eruð þið ekki
með Morgunblaðið?" og spyr síðan,
þegar hún er búin að halda smáræðu
um það hvað það sé gott að grípa til
ljóða þegar það er ókyrrð í lofti,
hvort þetta sé ekki örugglega reglu-
bundið áætlunarflug,“ segir Linda.
Sýningin er samstarfsverkefni
Kaffileikhússins og leikhópsins
Fljúgandi fiska og er styrkt af Nor-
ræna menningarsjóðnum. Auk
þeirra sem þegar eru nefndir koma
að sýningunni þau Áslaug Leifsdótt-
ir, sem hannar leikmynd og búninga,
og Ævar Gunnarsson, sem sér um
ljósahönnun. Verkið var forsýnt í
Norræna húsinu sumarið 1997 og þá
í sænskri þýðingu Ylvu Hellerud. Á
næstunni heldur leikhópurinn til
Finnlands og Svíþjóðar, þar sem
sýnt verður í Svenska teater í Turku
23. og 24. mars og í Teater Pero í
Stokkhólmi 27. og 28. mars.
Eins og venja er í Kaffileikhúsinu
verður boðið upp á kvöldverð fyrir
sýningar og ber matseðillinn keim af
viðfangsefni kvöldsins.
VIÐSKIPTAÞIN G
Grand Hótel 10. febrúar 1999
ALÞJOÐAVÆÐING
ATVINNUHFSINS
DAGSKRA:
13:00 Skráning á Grand Hótel Reykjavík
VIÐSKIPTAÞING
13:30 Ræða formanns Verslunarráös íslands
Kolbeinn Kristinsson, formaöur VÍ
14:00 Alþjóðavæðing atvinnulífsins
Davíö Oddsson, forsœtisráðherra
14:30 Fyrirspurnir og umræður
14:45 Kaffihlé
15:15 Fyrirtæki mitt og alþjóðavæðing atvinnulífsins
Höröur Sigurgestsson, forstjóri Eimskipafélags ísiands hf
Róbert Guöfinnsson, stj.form. Þormóðs ramma - Sœbergs hf.
Jón Helgi Guðmundsson, forstjóri BYKO hf.
Siguröur Einarsson, forstjóri Kaupþings hf.
Skúli Mogensen, framkvœmdastjóri Oz hf.
16:45 Fyrirspurnir og umræður
17:15 Móttaka í boði Verslunarráðs íslands
Þinggjald er kr. 7.500 fyrir félagsmenn en kr. 9.500 fyrir aöra.
Ef fyrirtæki, stofnun eða samtök senda fleiri en tvo þátttakendur
fær þriðji þátttakandi 50% afslátt.
Vinsamlegast skráiö þátttöku
fyrir kl. 16:00, 9. febrúar nk. i síma 510 7100 eða
bréfasíma 568 6564 eða með tölvupósti mottaka@chamber.is.
VERSLUNARRAÐ ÍSLANDS
4