Morgunblaðið - 07.04.1999, Qupperneq 4

4 MIÐVIKUDAGUR 7. APRÍL 1999
MORGUNBLAÐIÐ
FRÉTTIR
Ferðamaður féll 20 metra niður
sprungu í Vatnajökli
Slapp með
skrámur
„ÞAÐ eina sem ég hugsaði um
meðan á fallinu stóð var að
sprungan þrengdist eftir því sem
neðar dró og ég beið eftir því að
sleðinn og ég myndum mætast í
þröngri sprungunni. Annar okk-
ar yrði þá að gefa eftir og það
yrði líklega ég,“ sagði maður
sem féll niður á 20 metra dýpi of-
an í sprungu á Brókarjökli á
skírdag, í samtali við Morgun-
blaðið. Maðurinn vill ekki láta
nafn síns getið en slapp ótrúlega
vel úr óhappinu og var fljótlega
bjargað af félögum sínum úr
sprungunni.
Maðurinn var á ferð í sjö
manna hóp um Vatnajökul og var
ferðinni heitið að Esjuijöllum og
Oræfajökli en farið var frá Jökla-
seli. Allir í hópnum voru vanir
fcrðalögum á jökli og fimm
þeirra meðlimir í hjálparsveit.
Hópurinn ætlaði að fara ofan við
sprungusvæðið á Brókarjökli en
fyrir mistök ók leiðangurinn
beint inn í skriðsvæðið. Að sögn
mannsins var mikill snjór á svæð-
inu svo hópurinn áttaði sig ekki
strax á hættunni.
Segir hann að stórbrotið lands-
lag hafí náð athygli hans um
stund og þá var ekki aftur snúið:
„Ég tók af mér hjálminn, ók
hægt áfram og tók nokkrar Ijós-
myndir. Skyndilega fannst mér
sleðinn renna aftur á bak. Ég gaf
honum betur inn en ekkert gerð-
ist og afturendinn á honum rann
niður. Félagar mínir segja að ég
hafi reynt að klifra upp á sleðann
að framan, en ég náði ekki að
losa mig og féll niður í hyldýpið
með sleðanum,“ segir maðurinn
sem lenti 20 metrum neðar í
mjúkum snjó við hlið sleðans.
Saman runnu þeir svo niður
brekku og staðnæmdust 15 metr-
um neðar.
Hefði getað farið verr
„Ég veit ekki hvers vegna
maður verðskuldar að sleppa lif-
andi úr svona slysi. Það hefði svo
auðveldlega getað farið miklu
verr, því beggja vegna snjósyll-
unnar sem ég lenti á var sprung-
an miklu dýpri, milli 30 og 50
metrar þar sem eingöngu er ís
og enginn mjúkur snjór.“
Maðurinn fékk mikið högg á
höfuðið og skurð á gagnaugað
við fallið og vankaðist en fékk
meðvitund skömmu eftir lend-
ingu. Félagar hans sáu hann
hverfa ofan í sprunguna og komu
honum til hjálpar. Þeir kölluðu
til hans og létu strax sækja eftir
sigbelti og línum í Jöklasel. Þeir
reyndu að halda honum vakandi
LEIÐANGURSMENN ná snjósleðanum upp úr sprungunni.
MAÐURINN féll 20 metra niður
í hyldjúpa sprungu í Brókar-
jökli á skírdag. Á botni sprung-
unnar má sjá sleðann.
með því að spjalla við hann á
meðan verið var að sækja sigbún-
aðinn. Rúmri klukkustund eftir
fallið var manninum náð upp úr
sprungunni og var farið með
hann á heilsugæslustöðina á
Höfn. Meiðslin voru ekki alvar-
leg, hann fékk skurð á gagn-
auga, marðist á fótum og sneri
sig á hnénu. Sleðinn var tekinn í
sundur og hífður í pörtum upp úr
sprungunni. Hann þarfnast smá-
vægilegrar viðgerðar að sögn
mannsins.
Morgunblaðið/Hallgrímur Magnússon
útför Soffaníusar
Grundarfirði. Morgunblaðið.
ÚTFÖR Soffaníusar Cecilssonar
var gerð frá Grundarfjarðar-
kirkju 3. apríl sl. að viðstöddu
íjölmenni. Prestur var sr. Karl V.
Matthíasson. Myndin var tekin
þegar kistan var borin út úr
kirkjunni að athöfn lokinni. Lík-
menn voru: Soffanías Rúnarsson,
Kristín Soffaníasdóttir, Rúnar
Sigtryggur Magnússon, Magnús
Soffaníasson, Sigríður Finsen,
Sóley Soffaníasdóttir, Sigurður
Sigurbergsson og Bára Bryndís
Vilhjálmsdóttir.
Maður fórst í snjó-
flóði á Ströndum
Um hundrað
manns tóku þátt
í leitinni
Áriieshreppi. Morgunblaðið.
33 ÁRA maður, Jón Stefánsson,
fórst í snjóflóði sem féll úr suð-
austurhlíð Hlíðarhúsafjalls í Ár-
neshreppi í Strandasýslu um
klukkan 15 á
laugardag. Feðg-
ar á vélsleðum
voru þar á ferð og
ók faðirinn upp í
klettabelti fjalls-
ins, sem er í um
400 metra hæð
yfir sjávarmáli.
Féll þá flóðið úr
íjallinu og hreif
mann og sleða
með. Sonur mannsins, sem var á
hinum sleðanum, slapp naumlega,
en hann ók ekki upp í fjallið.
Flóðið er 170 metra breitt og
víða á þriðja metra á dýpt. Sjónar-
vottur var að slysinu og brugðust
heimamenn skjótt við og hófu leit
að manninum. Voru kallaðir til
menn frá Hólmavík, sem komu yfir
Trékyllisheiði á bifreiðum og
vélsleðum, og einnig kom TF-Líf,
þyrla Landhelgisgæslunnar, með
tvo leitarhunda auk áhafnar. Um
eitt hundrað manns tóku þátt í
leitinni þegar mest lét og fannst
maðurinn um klukkan 21 um
kvöldið og var talinn látinn er
hann fannst. Hafði hann þá legið í
snjónum í um sex klukkustundir.
Hinn látni hét Jón Stefánsson,
til heimilis að Tindum 1 á Kjalar-
nesi. Hann var fæddur 1. júní 1965
og lætur eftir sig eiginkonu og
þrjú börn.
FLÓÐIÐ kom úr suðausturhlíð fjallsins og var víða á þriðja metra á dýpt.