Morgunblaðið - 09.06.1999, Blaðsíða 18

18 MIÐVIKUDAGUR 9. JÚNÍ 1999
MORGUNBLAÐIÐ
VIÐSKIPTI
Ericsson-símafyrirtækið eignast 19% hlut í íslenska hugbúnaðarfyrirtækinu OZ.COM fyrir um milljarð
Hluturinn
seldur á 1,3
dollara
SÆNSKA símafyrirtækið Ericsson
og íslenska hugbúnaðarfyrirtækið
OZ.COM undirrituðu í gær samning
sem felur í sér að Ericsson kaupir
nýtt hlutafé í OZ.COM fyrir 13,1
milljón dollara eða tæpan einn millj-
arð króna. Þetta er stærsta fjárfest-
ing erlends aðila í íslensku hugbún-
aðarfyrirtæki til þessa. Eftir samn-
inginn er Ericsson eigandi um 19%
hlutafjár í OZ.COM.
„ERICSSON og Oz eru með þessu
að innsigla náið samstarf sitt enn
frekar," sagði Skúii Mogensen, for-
stjóri OZ.COM, við undirritun samn-
ingsins i gær.
Langstærsta erlenda
fjárfestingin
Að sögn Skúla er fjárfesting
Ericsson afar ólík fjárfestingu al-
mennra fjárfesta að því leyti að með
samstarfmu fær OZ.COM beinan að-
gang að rannsókna- og þróunarstarfi
Ericsson, og einnig að víðfeðmu
söluneti Ericsson sem gæfi OZ.COM
kost á að dreifa hugbúnaði sínum á
heimsvísu.
„Hér er um að ræða lang stærstu
erlendu fjárfestinguna í íslensku
hugbúnaðarfyrirtæki fyrr og síðar.
Það er alveg ljóst að þessi fjárfesting
mun styrkja OZ.COM verulega,
enda ekki aðeins um fjárfestingu að
ræða heldur mjög viðamikið sam-
starf í alla staði,“ sagði Skúli.
Skúli segir að OZ.COM, sem sé
mjög smátt fyrirtæki á alþjóðlegan
mælikvarða, vilji taka þátt í hinum
gífurlega stóra markaði sem verða
muni til við samruna síma, Netsins
og tölva. Til að geta með raunhæfum
hætti náð slíku markmiði þurfi
OZ.COM að vera í nánu samstarfi
við leiðandi fyrirtæki á markaðnum,
eins og Ericsson er.
Skúli sagði enn fremur á fjölmiðla-
fundinum að forseti íslands, hr. Ólaf-
ur Ragnai' Grímsson, hefði reynst
þeim hjá Oz einstaklega vel. Á einum
fyrsta fundi þeirra með fulltrúum
Ericsson var forsetinn viðstaddur,
og hann gerði þeim mjög skýrt grein
fyrir því að það væri nauðsynlegt
fyrir Ericsson að starfa með ungum
og framsæknum fyrirtækjum eins og
Oz, og það væri Ijóst að þeir hjá
Ericsson hefðu tekið hann á orðinu
enda væru þeir staddir hér í dag.
Ólafur Ragnar Grímsson sagðist
vilja óska fyrirtækjunum tveimur,
Islendingum og sérstaklega því unga
fólki sem hefði unnið að þróun hug-
búnaðariðnaðar á íslandi til ham-
ingju með þeíssi merku þáttaskil í at-
vinnusögu íslendinga, þar sem um
væri að ræða stærstu fjárfestingu al-
þjóðlegs fyrirtækis í hugbúnaðariðn-
aði, þeirri grein sem talin er vera
vaxtarbroddur hagkerfis 21. aldar-
innar.
„Eg hef stundum áður vikið að því
að Oz er ekki aðeins skemmtilegt og
merkilegt fyrirtæki, heldur hefur
það á vissan hátt orðið einskonar
tákn fyrir það hvað ungt fólk á ís-
landi getur gert í hinu nýja alþjóð-
lega hagkerfi þekkingariðnaðarins,
og hér í dag er einhver rækilegasta
staðfesting á þeim veruleika sem
hægt er að hugsa sér, þegar risavax-
ið alþjóðlegt fyrirtæki, sem á sér
norrænan uppruna, hefur ákveðið að
fjárfesta slíkar upphæðir sem hér
hefur verið lýst í Óz,“ sagði Ólafur
Ragnar Grímsson.
Hann sagði einnig að hann hefði
stundum orðað það þannig, að mikil-
vægt væri að þeir sem eldri væru
áttuðu sig á því að unga kynslóðin á
Islandi stæði frammi fyrir nýrri ver-
öld. „Hennar verkefni er að sanna
það að hægt er að vera í senn góðir
Islendingar og sannir heimsborgar-
ar á sviði viðskipta, hugvits og tækni.
Mér finnst að með þessum samningi
Mjorgunblaðið/Halldór
Staffan Lindholm, framkvæmdasljóri hjá Ericsson, Skúli Mogensen, forsljóri OZ.COM, hr. Ólafur Ragnar
Grímsson, forseti íslands, Guðjón Már Guðjónsson, stjórnarformaður OZ.COM, og Herman af Trolle, sendi-
herra Svfa á Islandi, við undirritun samnings sænska símafyrirtækisins Ericsson og OZ.
hér í dag sé verið að staðfesta þann
veruleika," sagði hr. Ólafur Ragnar
Grímsson.
Fjárfest í framhaldi
samstarfs
Síðastliðið sumar gerðu OZ.COM
og Ericsson með sér samstarfssamn-
ing um þróun næstu kynslóðar af
samskiptahugbúnaði, sem brúa á bil-
ið milli hefðbundinna símakerfa, far-
símakerfa og Netsins, og var fyrsta
afurð samstarfsins kynnt í maí síð-
astliðnum undir nafninu iPulse.
Ericsson keypti hlutabréfin í
OZ.COM á 1,3 dollara hvert bréf, og
var verðið bundið í valkvæðum
samningi milli OZ.COM og Ericsson,
sem undirritaður var á síðasta ári,
um leið og gengið var frá samstarfs-
samningi fyrirtækjanna. Þannig
hafði Ericsson rétt til að kaupa 19% í
fyrirtækinu á því gengi sem bréf
gengu kaupum og sölum á þá, og
ákvað Ericsson að nýta þann rétt
þar sem samstarf fyrirtækjanna
hafði gengið vel.
Síðan þá hefur verð hlutabréfa
OZ.COM í almennum viðskiptum
jafnt sem stærri hlutabréfakaupum
hækkað, og er skemmst að minnast
kaupa Fjárfestingarbanka atvinnu-
lífsins hf. og Landsbréfa hf. á einni
milljón hlutabréfa þar sem hluta-
bréfið var selt á 3,8 dollara.
„Þessi fjárfesting segir ekki til
um núverandi markaðsvirði félags-
ins, enda er það ársgamall valkvæð-
ur samningur sem er nýttur hér í
dag,“ sagði Guðjón Már Guðjónsson,
FRAMHALDSÁRSFUNDUR
LIFEYRISSJOÐUR L/EKNA
Kirkjusandup 155 Reykjavík
Sími: 560 8970. Myndsendir: 560 8910
Stjórn Lífeyrissjóðs lækna boðar til framhaldsársfundar miðvikudaginn
23. júní kl. 17:15 í húsnæði íslandsbanka við Kirkjusandi, 5. hæð.
Dagskrá:
1. Fundarsetning.
2. Breytingar á samþykktum.
3. Önnur mál.
Á fundinum verða lagðar fram tillögur um breytingar á samþykktum
Lífeyrissjóðs lækna. Sjóðfélagar hafa fengið samþykktirnar sendar, en þeir geta
einnig nálgast þær á eftirfarandi hátt:
1. Samþykktirnar eru fáanlegar hjá VÍB, Kirkjusandi.
2. Hægt er að fá samþykktirnar sendar. Hafið samband við VÍB
í síma 560 8900.
3. Hægt er að fletta upp á samþykktunum á vefnum (undir lífeyrismál],
veffang: http://www.vib.is
Sjóðfélagar eru hvattir til að fjölmenna á fundinn7
REKSTRARAÐILI:
VÍB • Kirkjusandi, 155 Reykjavík • sími: 560-8900 • myndsendir: 560-8910
netfang: vib@vib.is • veffang: www.vib.is
stofnandi og stjórnarformaður
OZ.COM, í samtali við Morgunblað-
ið. Á blaðamannafundinum kom
fram að stefnt væri að fjölgun starfa
hjá OZ.COM og sagði Guðjón Már
að útlit væri fyrir að starfsmönnum
OZ.COM myndi fjölga úr um 90 í um
200, á mjög skömmum tíma. Að-
spurður um hvar það fólk myndi
starfa, en OZ.COM er með starfs-
stöðvar á Islandi, í Bandaríkjunum
og Svíþjóð, sagði Guðjón Már að
þeir myndu stefna að því að efla fyr-
irtækið eins mikið og hægt væri á
Islandi „en markaðurinn er vissu-
lega erfiður varðandi það að ná í
gott fólk, þannig að við komum til
með að efla félagið til muna í Banda-
ríkjunum og í Svíþjóð.“ Guðjón
sagði að með þessum samningi væri
ætlunin að leggja töluverða áherslu
á Evrópumarkað með vörur og þjón-
ustu fyrirtækisins.
I kjölfar kaupa Ericsson á hluta-
bréfum í OZ.COM mun fulltrúi
Ericsson taka sæti í stjóm OZ.COM.
Staffan Lindholm, framkvæmda-
stjóri hjá Ericsson
Viljum sjálfstæði
og frumkvæði
hjá OZ.COM
„ERICSSON fjárfestir ekki í
ÓZ.COM til að hafa hefðbundinn
arð af fjárfestingunni fyrst og
fremst. Við fjárfestum í fyrir-
tækjum sem við teljum að hafi
eitthvað fram að færa á sviði
tækni og nýrra vara. Leikurinn
hjá okkur gengur út á að styrkja
sambandið við OZ.COM og vinna
betur að þróun nýrra vara á
þessu sviði,“ segir Staffan Lind-
holm, framkvæmdastjóri fram-
leiðsluvörusviðs Netþjónustu-
deOdar Ericsson, í samtali við
Morgunblaðið.
„Að sjálfsögðu gætum við
hugsanlega hagnast á þróun
hlutabréfaverðs í OZ.COM en
slíkur hagnaður er í öðru sæti
hvað mikilvægi varðar,“ segir
Lindholm.
Horft til framtíðar
Staffan Lindholm segir að sam-
band hafi komist á mOli OZ.COM
og Ericsson fyrir um tveimur ár-
um. Hann segir varðandi framtíð-
arsýn að meðan Netið sé í dag
fyrst og fremst nýtilegt til upp-
lýsingaöflunar, muni þróunin
verða í átt tO gagnvirkni. „Með
vöru eins og iPulse, sem þróað
var af OZ.COM í samvinnu við
Ericsson, getum við tekið næsta
skrefið og gert fjarskipti gagn-
virk gegnum Netið.“
„Við hjá Ericsson erum góðir í
að koma vöru og þjónustu á
markað. En stór áskorun sem við
stöndum frammi fyrir er hvernig
við getum samþætt þann styrk
við skapandi og frumlegt þróun-
arstarf í þessum iðnaði sem tekur
örum breytingum. Þessu reynum
við að ná fram með samstarfi við
OZ.COM, því þó við fjárfestum í
fyrirtækinu þá breytum við því
ekki í deild innan Ericsson. Við
viljum að OZ.COM sé áfram
frumkvöðuH og haldi ungum anda
innan fyrirtækisins,“ segir Staff-
an Lindholm og bætir við að
varðandi heim tölva og fjarskipta
sé mikOvægast að koma nýjum
vörum og þjónustu á markað.
„Stundum þegar ég tala um þessa
hluti sé ég fyrir mér einskonar
margmiðlunar-algleymi, og því
bíð ég eftir.“
Staffan Lindholm segir að fjár-
festingin í OZ.COM sé að vissu
leyti smá, á þann hátt að Ericsson
verður minnihlutaeigandi í félag-
inu. Að hans sögn er hlutdeOdin,
19%, svipuð og í öðrum félögum
sem þeir hafa eignast minnOiluta í.
Um 95% af tekjum
Ericsson utan Svíþjóðar
Hefur sameiginlegur arfur vík-
ingamenningar komið til góða í
samstarfí fyrirtækjanna?
„Fyrst og fremst sækjumst við
eftir að vinna með bestu fyrir-
tækjunum, og það getur ekkert
komið í staðinn fyrir það, enda
vinnur Eriesson í alþjóðlegu um-
hverfi. En persónulega get ég
sagt að þar sem ég er Svíi, er ég
mjög ánægður með að besta fyr-
irtækið á þessu sviði skuli vera ís-
lenskt. Og að sjálfsögðu auðveld-
ar það samskipti að nokkru leyti
að menningin skuli vera svipuð.
Eg get til dæmis talað sænsku við
Skúla [Mogensen], þó við tölum
einnig ensku. Það er skemmti-
legra að hafa sama norræna bak-
grunninn," segir Lindholm.
Ericsson símafyrirtækið er al-
þjóðlegt stórfyrirtæki, og starfa
hjá því yfir 100.000 starfsmenn í
140 löndum. Staffan Lindholm
segir að 5-6% af heOdartekjum
Ericsson verði til innan Svíþjóð-
ar, en fyrirtækið er sænskt að
uppruna eins og kunnugt er, en
94-95% verði til í öðrum löndum.
Stærsti markaður fyrirtækisins í
dag er að sögn Lindholms í Kína,
svo kemur bandaríski markaður-
inn og einnig er Vestur-Evrópa
mjög stór markaður fyrir fyrir-
tækið. Hann bætir við að um
helmingur allra símtala í heimin-
um fari á einhverjum tímapunkti
gegnum símbúnað sem fram-
leiddur er af Ericsson.