Morgunblaðið - 13.07.1999, Blaðsíða 20

20 ÞRIÐJUDAGUR 13. JÚLÍ 1999
LANDIÐ
VIÐSKIPTI
MORGUNBLAÐIÐ
297 umsóknir um
hreindýraveiðileyfi
Vaðbrekku, Jökuldal - Alls bárust
297 gildar umsóknir um hreindýra-
veiðileyfi til hreindýraráðs fyrir til-
skilinn frest, sem var 25. júní. Um-
sóknimar eru nokkru færri en
veiðileyfin sem til boða stóðu. Þess-
ar umsóknir skiptast með mismun-
andi hætti niður á veiðisvæðin,
fleiri umsóknir eru á sum svæði en
veiðileyfi eru fyrir, en aftur færri
umsóknir en leyfi á öðrum svæð-
um. Nú hefur hreindýraráð dregið
um röð þeirra manna er sóttu um
hreindýraveiðileyfi og hafa þeir all-
ir fengið númer, svo ljóst er hvar
þeir eru í röðinni ef fleiri leyfi
koma inn til sölu. Á sumum svæð-
um eiga fleiri veiðileyfi eftir að
koma í sölu, því að sum sveitarfé-
lög úthluta veiðikvóta sínum til
bænda og ekki er enn komið í ljós
hve mörg þeirra leyfa verða sett í
sölu. Enn er því von til að fleiri
veiðileyfi bjóðist þar sem enn vant-
ar upp á að framboð fullnægi eftir-
spurn.
Á svæði 1 og 2, sem er Snæfells-
svæðið norður á Vopnafjörð, eru
gildar umsóknir um veiðileyfi 146
en þar eru nú komin inn 122 veiði-
leyfí, svo þar vantar enn 24 leyfi
upp á til að hægt verði að sinna öll-
um pöntunum. Á svæði 3, Borgar-
fjarðarsvæðinu, eru 28 gildar um-
sóknir en alls 53 leyfi til sölu. Á
svæði 4 eru ekki leyfðar veiðar nú.
Á svæði 5, Norðfirði og Eskifirði,
eru 32 gildar umsóknir og 35 leyfi
tO sölu. Á svæði 6, Breiðdal og
Skriðdal austan Grímsár, eru 36
gildar umsóknir en 24 leyfi til sölu.
Á svæði 7, Djúpavogshreppi, eru
25 umsóknir um veiðileyfi en ekk-
ert leyfi hefur enn komið þar til
sölu. Á svæði 8, þ.e. Lón og Nes, er
21 umsókn en 13 leyfi til sölu. Á
svæði 9 sunnan Homafjarðarfljóts
eru 9 umsóknir en 13 leyfi til sölu.
Morgunblaðið/Jón G. Guðjónsson
SJÁLFBOÐALIÐAR við inngang Þórðarhellis.
Árneshreppi - í landi Litlu-
Ávíkur er hellir er Þórðarhellir
heitir eftir Þórði útilegunianni
sem á að hafa verið uppi um ár-
ið 1700. Þetta hefur verið all-
vinsæl gönguleið ferðafólks
undanfarin ár en alltaf öðru
hverju hafa fallið skriður fram
af klettunum og lent við
hellisopið og aur inn í opið þar
sem inngangan er lægst.
f vetur fóru jarðeigendur í
Litlu-Ávík að tala um að svo
gengi ekki lengur og höfðu
samband við Brynjólf Sæ-
mundsson á Hólmavík sem er
mikill áhugamaður um náttúru-
undur og ferðaleiðir í sýslunni.
Þegar Atburðadagatal Stranda-
Aðgengi í
Þórðarhelli
lagfært
sýslu, Hvað er á seyði í
Strandasýslu?, kom út í vor
auglýsti hann eftir sjálfboðalið-
um 3. júlí til að gera greiðari
aðgang að þeim náttúruundrum
sem leynast undir Reykjanes-
hyrnu og jafnframt að bjarga
Þórðarhelli frá þeirri glötun
sem virtist blasa við.
Þetta gekk eftir og mættu
allnokkrir á svæðið og var
hreinsað framan við opið og úr
því og er orðið betra aðgengi í
hellinn þótt meira þyrfti svo
gott yrði. Þegar verkið hófst
gaf Búnaðarbankinn á Hólma-
vík hjólbörur og Sparisjóður
Strandamanna skóflur til verks-
ins svo greinilegt er að bæði op-
inberir aðilar sem einstaklingar
hafa áhuga á náttúruperlum
þessa lands.
Einnig eru landeigendur bún-
ir að merkja leiðina að mestu
frá bænum og út í hellinn.
Þórðarhellir er u.þ.b. 10,5 m
að breidd, 12 m að lengd og
3,10 m á hæð þar sem hæst er
en loftið er íhvolft.
Reykjanesbær
Kvenfélags-
konur gáfu
sjúkrarúm
Keflavík - Nýlega afhentu kven-
félagskonur í Kvenfélagi Kefla-
víkur í Reykjanesbæ Heilbrigð-
isstofnun Suðurnesja tvö rafknú-
in sjúkrarúm að gjöf og kostaði
hvort rúm um 200 þúsund krón-
ur. Að sögn starfsfólks munu
rúmin koma sér vel og þá sér-
staklega þegar um þunga sjúk-
linga er að ræða sem þarf oft að
lyfta. Myndin er tekin við þetta
tækifæri og er það ína Dóra
Jónsdóttir, formaður kvenfé-
Morgunblaðið/Björn Blöndal
lagsins, sem afhendir Hallgrími Heilbrigðisstofnunar Suður-
Bogasyni, sljórnarformanni nesja, gjafabréfið.
Breytingar á vísitölu neysluverðs
Mars 1997 = 100 SSKw Frájúnítil júlí 1999
01 Matur og óáfengar drykkjarvörur (16,6%) -0,2% |
011 Matur (14,6%) //\v -0,4% □
02 Áfengi og tóbak (3,3%) [jj Jk □ +0,3%
03 Föt og skór (5,8%) I m pp I -i,o%iSS
021 Áfengi (4,7%) l.,™ .77. J -1,2% l |
04 Húsnæði, hiti og rafmagn (17,9%) □ 71 +1,3%
045 Rafmagn og hiti (8,8%) +3A%\
05 Húsgögn, heimilisbúnaður o.fl. (5,3%) -0,5% H
053 Raftæki (0,8%) -1.7% I I
06 Heilsugæsla (3,0%) |+0,1%
07 Ferðir og flutningar (17,8%) V ■ +0,8%
072 Rekstur ökutækja (7,2%) □ +0,9%
08 Póstur og sími (1,6%) -0,2% |
09 Tómstundir og menning (13,1 %) S +0,1%
10 Menntun (1,0%) 0,0%
11 Hótel og veitingastaðir (5,2%) Q] +0,7%
12 Aðrar vörur og þjónusta (9,3%) Q +0,2%
124 Tryggingar (2,7%) □ +0,6%
VÍSITALA NEYSLUVERÐS í JÚLÍ: 189,5 stig Q +0,4%
Vísitala neyslu-
verðs hækkar
um 0,4%
VÍSITALA neysluverðs miðað við
verðlag í júlíbyrjun 1999 var 189,5
stig (maí 1988=100 stig) og hækk-
aði um 0,4% frá fyrra mánuði.
Undanfama þrjá mánuði hefur
vísitala neysluverðs hækkað um
1,7% sem jafngildir 6,8% verðbólgu
á ári.
í frétt frá Hagstofu íslands
kemur fram að neysluverðsvísitala
án húsnæðis var í byrjun júlí 191
stig og hækkaði um 0,2% frá fyrra
mánuði. Undanfarna tólf mánuði
hefur vísitala neysluverðs hækkað
um 3,2%, án húsnæðis um 2,2%.
Aðgerðir Seðlabankans
skila sér ekki strax
í júníbyrjun hafði verðlag hækk-
að um 0,8% frá fyrra mánuði, nú er
hækkunin á milli mánaða 0,4% og
er því hlutfallslega minni en í síð-
asta mánuði.
Eiríkur Guðnason seðlabanka-
stjóri segir verðbólguspá Seðla-
bankans væntanlega í næstu viku.
Hann segir niðurstöðuna nú góðs
viti og segir líklegt að mikil hækk-
un undanfama mánuði hafi verið
kúfur sem ekki endurtaki sig.
„Þetta virðist vera að hjaðna aftur
og hækkunin nú er mildari en síð-
ast. Við erum ennþá áhyggjufullir
út af þessu því enn mælist verð-
bólgan býsna há,“ segir Eiríkur.
Hann segir það markmið Seðla-
bankans að halda verðbólgu á Is-
landi lágri í samanburði við við-
skiptalöndin.
„Aðgerðir Seðlabankans, eins og
breytingar á vöxtum, em þó ekki
að skila sér núna, það tekur lengri
tíma.“ Eiríkur segir slíkar aðgerðir
ekki hafa áhrif á verðlagið fyrr en
að u.þ.b. ári liðnu.
Húsnæðishækkanir
vega ennþá þyngst
Markaðsverð á húsnæði hækkaði
um 1,6% á tímabilinu, sem olli
0,14% hækkun vísitölu neyslu-
verðs. Hækkun á rafmagni og hita
um 3,4% hafði í för með sér 0,11%
vísitöluhækkun. Verð á bensíni og
olíu hækkaði um 1,5% sem olli
0,06% hækkun vísitölunnar.
Verðlækkun á fötum um 1,2%
leiddi til 0,06% lækkunar á vísitölu
neysluverðs og matur lækkaði í
verði um 0,2% sem olli 0,04% lækk-
un vísitölunnar.
Verðbólga að meðaltali 1,1% í
EES-ríkjum siðasta árið
Verðbólga í EES-ríkjum frá maí
1998 til maí 1999, var 1,1% að með-
altali. I Svíþjóð hækkaði neyslu-
verðlag um 0,3% og í Þýskalandi
og Austurríki um 0,4%. Á sama
tímabili var verðbólgan á Islandi
1% og í helstu viðskiptalöndum Is-
lendinga 1,4%.
Vísitala neysluverðs í júlí 1999,
189,5 stig, gildir til verðtryggingar
í ágúst 1999. Vísitala fyrir eldri
fjárskuldbindingar, sem breytast
eftir lánskjaravísitölu, er 3.742 stig
fyrir ágúst 1999.
Viðskipti á Verdbréfaþingi íslands í gær
Islenskar sjávaraf-
urðir hækka um 6,3%
ÚRVALSVÍSITALA aðallista Verð-
bréfaþings Islands lækkaði um
0,17% í gær. Lokagildi hennar var
1.200 stig, sem er 9,37% hækkun frá
áramótum, en undanfarnar vikur
hefur úrvalsvísitalan verið að hækka
og síðastliðna viku um 1,95%.
Viðskipti á Verðbréfaþingi voru
lítil í gær, aðeins um 172 milljónir
króna. Þar af voru viðskipti með
hlutabréf fyrir 88 milljónir króna.
Mest hækkun á aðallista var á gengi
bréfa Nýheija, um 6,4%, og með þau
bréf voru jafnframt mestu viðskiptin
eða fyrir um 17 milljónir króna.
Einnig hækkaði verð á bréfum
Islenskra sjávarafurða. Eftir að
hafa lækkað um 11,6% í síðustu
viku varð í gær hækkun um 6,3%
frá fyrra lokaverði í kjölfar frétta
um helgina af viðræðum íslenskra
sjávarafurða og Norway Seafood
um sameiginlegan verksmiðju-
rekstur í Evrópu.
I síðustu viku var hækkunin mest
á gengi Islenska járnblendifélagsins
eða um 16,7%, en Kaupþing hafði
mælt með kaupum á bréfum félags-
ins. Bréfin lækkuðu hins vegar um
0,7% í gær.