Morgunblaðið - 15.07.1999, Blaðsíða 10

Morgunblaðið - 15.07.1999, Blaðsíða 10
-*1"**»-t-ríí»«P'«*w fHéSí7^<iJ^^Vti^^^'*'f»^>í:*::^ ¦"^a^r^iXJSS^v^u-^fftu^^ 10 FIMMTUDAGUR 15. JÚLÍ 1999 MORGUNBLAÐIÐ FRETTIR Alvarlegs flugmannaskorts ekki orðið vart hérlendis að sögn talsmanna flugfélaganna Atlanta og Flugleiðir auglýsa eftir flugmönnum Flugrekstrarstj órar flugfélaganna Atlanta og Fiugleiða segjast ekki hafa orðið varir við alvarlegan skort á flugmönnum. Fram hefur komið að t.d. í Bandaríkjunum sé skortur á fiugmönnum orðinn svo alvarlegur að landshlutaflugfélög eru farin að ráða til sín fiugmenn með allt niður í 800 flugtíma reynslu í stað 2.000 áður. NOKKUR erlend flugfélög hafa ákveðið að draga úr flugtíðni á ákveðnum leiðum sökum skorts á flugmönnum. Hérlendis er ekki sömu sögu að segja og bæði Atl- anta og Flugleiðir eru að auglýsa eftir flugmönnum um þessar mundir. Jens Bjarnason flugrekstrar- stjóri Flugleiða kveðst telja það ólíklegt að Flugleiðir lendi í sam- keppni við erlenda aðila um ís- lenska flugmenn. „Maður veit auð- vitað aldrei, en við búum svo vel hjá Flugleiðum að margir sækjast eftir að vinna hjá okkur og þegar menn eru komnir hér í vinnu leita þeir yfirleitt ekki annað. Ég hygg hins vegar að á uppgangstímum eins og núna eru, séu það frekar þeir hjá minni félögunum eða fiug- skólunum sem eiga kannski erfitt með að halda í sína menn. Það kann að vera sambærilegt við það sem er að gerast hjá landshlutafé- lögunum í Bandaríkjunum," segir Jens. Aðeins auglýst ytra Atlanta auglýsti, að sögn Haf- þórs Hafsteinssonar flugrekstrar- stjóra félagsins, eftir 15-20 flug- mönnum í Evrópu í seinustu viku, vegna samninga um flug til Saudi- Arabíu og segir hann viðbrögð hafa verið góð, jafnvel betri en forsvarsmenn félagsins væntu. I næstu viku verður auglýst aftur. Verið er að leita að reyndum mönnum, að sögn Hafþórs, enda hafi félagið ekki tíma til að ráða óreynda menn að þessu sinni og kenna þeim starfið. Ekki er aug- lýst hér á landi, þar sem eingöngu er verið að leita eftir mönnum með tegundaáritanir á þær vélar sem Atlanta hefur í sinni þjónustu, og að sögn Hafþórs eru engir á lausu hérlendis sem hafa þá þekkingu. „Við greinum ekki skort á flug- mönnum, enn sem komið er, en við finnum hins vegar fyrir skorti á mönnum með mikla reynslu á þær vélar sem við erum að fljúga. Þeim fer fækkandi, bæði vegna þess að menn eru komnir á aldur eða hafa færst til á aðrar vélar, en einnig vegna þess að menn hafa verið ráðnir til annarra flugfélaga." Hafþór segir að fyrirtæki hafi til þessa sett skilyrði um að nýráðnir flugmenn hefðu 1.000 flugtíma reynslu, þar af 100 tíma reynslu á fjölhreyflavélar og bók- leg fiugstjóraréttindi. Menn sem klára atvinnuflugmannsréttindi eru ekki með undir 250-300 tímum þegar þeir fá skírteinið í hendur. „Það er ekki komið að því ennþá að endurskoða eða lækka kröfurn- ar, en það gæti farið svo ef skort- ur á flugmönnum vofir yfir," segir Hafþór. Tæplega 200 flugmenn- og flug- vélstjórar starfa um þessar mund- ir fyrir Atlanta að sögn Hafþórs og eru um 25% þeirra Islendingar. Skortur á reyndum mönnum „Við höfum alltaf ráðið íslenska flugmenn einu sinni ári, yfirleitt á haustmánuðum, en gerðum reynd- ar undantekningu á reglunni fyrir mánuði, þegar við réðum fimm flugmenn. Á sama tíma erum við að ráða erlenda flugmenn með meiri reynslu, en það er helst að skorti á reynslu manna á þær flugvélateg- undir sem við erum að fljúga. Þeir íslendingar sem við höfum ráðið eru yfirleitt menn sem við tökum til þjálfunar á þær vélar, þ.e. gef- um þeim tegundaáritanir á vélarn- ar sem Atlanta rekur. Þá erum við að tala um flugmenn sem hafa 1.000 flugtíma reynslu eða meira. Við erum fyrst og fremst að leita eftir flugmönnum sem hafa svokölluð JAR-skírteini, þ.e. skír- teini frá sameinuðum flugmálayfir- völdum í Evrópu. 1. júlí sl. breyttust reglurnar varðandi þessi skírteini og nú eru sömu kröfur gerðar innan aðildar- landa samtakanna í Evrópu. ís- lendingar hafa verið meðlimir frá stofnun fyrir einum átta árum og hafa undirritað sáttmála þar að lút- andi. Þetta þýðir að við eigum mjög erfitt með að ráða t.d. Banda- ríkjamenn, Kanadamenn, Ástrala og aðra þá sem eru fyrir utan Evr- ópska efnahagssvæðið. Þeir hafa hins vegar undanþágu til tólf mán- aða, ef skírteini þeirra voru fullgild fyrir 1. júlí sl. en síðan þrengjast heimildir mjög, þannig að við höf- um þann forgang á að ráða menn með Evrópuskírteini," segir Haf- þór. Nýráðnir fljúg'a innanlands Jens segir að Flugleiðir hafi í gegnum tíðina sett nýráðna flug- menn í innanlandsflugið, enda hafi það treyst sér til að taka menn inn á þeim vettvangi án mikillar reynslu. „Ef hins vegar á að ráða beint á þotu eru manni ýmis tak- mörk sett, því markaðurinn er ein- faldlega mjög lítill," segir Jens. Hann segir að um þessar mundir séu Flugleiðir að auglýsa eftir flug- mönnum og sé þeim auglýsingum alfarið beint að íslenskum flug- mönnum, enda séu allir flugmenn félagsins íslendingar. Umsóknar- fresturinn rann út fyrir nokkrum dögum og segir hann fjölda um- sókna svipaðan og verið hefur, jafnvel ívið fleiri en venjulega, eða um 140 umsóknir. Verið er að ráða í ekki færri en tíu stöður, að sögn Jens. „Okkar umhverfi er þannig að erfitt er að hafa þetta öðru vísi en að ráða íslendinga, ég tala nú ekki um í innanlandsflugi, og á meðan heimamarkaðurinn sinnir okkar þörfum viljum við ekki leita annað," segir Jens. Hann segir að Flugleiðir geri einvörðungu þá kröfu til flug- manna sinna að þeir hafi atvinnu- flugmannssMrteini með blindflugs- réttindum, auk stúdentsprófs eða náms sem metið er jafngilt. Ekki séu gerðar kröfur um önnur rétt- indi eða ákveðna flugreynslu fyrir utan það. „Við lítum svo á að þeir sem hafa á annað borð lokið þess- um prófum og fengið réttindi séu gjaldgengir í innanlandsflugið, en þeir geta ekki farið beint í flug á þotunum." Landslið Islands í hestaíþróttum valið Sigurður og Prins frá Hörgshóli síð- astir í liðið SIGURÐUR Sæmundsson lands- liðseinvaldur hefur nú valið þá tvo knapa sem eftir var að velja í ís- lenska landsliðið í hestaíþróttum. Síðastur inn í liðið er valinn Sig- urður Sigurðarson með Prins frá Hörgshóli en þeir sigruðu í gæð- ingaskeiði á nýafstöðnu íslands- móti og urðu í öðru sæti í fimm- gangi á mótinu. Þá urðu þeir ís- landsmeistarar í fimmgangi í fyrra. Áður hafði Sigurður valið Jóhann R. Skúlason og Feng frá íbishóli en þeir hafa náð mjög góðum árangri í tölti í Danmörku og víðar. Er þá liðið þannig skipað auk áð- urnefndra knapa. Auðunn Krist- jánsson og Baldur munu keppa í fimmgangi og mjög líklega slaktaumatölti og gæðingaskeiði. Olil Amble mun keppa á Kjarki frá Horni í tölti, fjórgangi og fimi. Ás- geir Svan Herbertsson mun keppa á Farsæli frá Arnarhóli í fjórgangi og hugsanlega einnig í tölti. Einar Öder Magnússon mun keppa á Glampa frá Kjarri í tölti og Logi Laxdal mun keppa á Freymóði frá Efstadal í 250 metra skeiði. Hug- myndir um að hann skilji Freymóð eftir heima og mæti til leiks sem heimsmeistari á Sprengi Hvelli frá Efstadal eru út úr myndinni, að sínni að minnsta kostí. Freymóður fer í læknisskoðun í dag, fimmtu- dag, og ef hann stenst hana mætir Logi með hann á mótið. Þannig er liðið skipað á þessari stundu en ekki er útilokað að einvaldurinn kunni að gera einhverjar breyting- Morgunblaðið/Valdimar Kristinsson MEÐ góðri frammistöðu í fimmgangi og gæðingaskeiði á Islandsmót- inu tryggðu Sigurður Sigurðarson og Prins frá Hörgshóli sér sæti í landsliðinu. ar á liðinu fram að brottför og eins er mögulegt að breytingar verði gerðar þegar út er komið. Ekki er útséð með hvort Sigur- björn Bárðarson mæti með Gordon frá Stóru-Ásgeirsá til leiks sem heimsmeistari í samanlögðu og gæðingaskeiði en hesturinn átti að fara í læknisskoðun nú í vikunni. Sagði Sigurbjörn að ef Gordon stæðist læknisskoðun myndi hann leggja til að hesturinn yrði hvíldur þangað til viku fyrir mót. Þá myndi hann skoða hestinn og þá réðist hvort hann mætti með hann til leiks. Eiganda Gordons hefur ekki gengið vel með hestinn í sumar og hefur hann varla legið sprett á skeiði á þessu keppnistímabili. En nokkuð öruggt er að Styrmir muni mæta með Boða frá Gerðum og Vignir Siggeirsson fer út á föstu- dag til að prófa Þyril frá Vatns- leysu. Ef Vigni líst vel á klárinn verður hann ytra fram yfir mót og mætir að sjálfsögðu til leiks. Eftir er að velja varaknapa og hesta og þykir líklegt að Sigurður muni velja Rúnu Einarsdóttur og Snerpu frá Dalsmynni en þau hafa sem kunnugt er staðið uppi_ í hár- inu á helstu keppinautum íslend- inga, Þjóðverjum, í töltinu á mót- um þar ytra. Rúna kveðst tilbúin að taka sæti á varamannabekknum verði til hennar leitað. Þá hafa bæði Páll Bragi Hólmarsson með stóðhestinn ísak frá Eyjólfsstöð- um og Sveinn Ragnarsson með stóðhestinn Reyk frá Hoftúni lýst sig tilbúna að taka sæti á vara- mannabekknum ytra. Einnig er líklegt að Tómas Ragnarsson sem sýnir hryssu síná Hyllingu frá Korpúlfsstöðum í kynbótasýningu mótsins verði tiltækur í fimmgang- inn ef á þarf að halda. Gengið verður frá vali varaknapa á næstu dögum. Búið er að birta röð þjóðanna í keppninni á heimsmeistaramótinu og er ísland með 3. keppenda inn á völlinn í töltkeppninni. Þátttöku- þjóðirnar verða sautján og þýðir það að annar keppandi íslendinga verður þá 20. í röð inn á völlinn og svo koll af kolli. I fjórgangi er ís- land í 10. sæti og 2. keppandi verð- ur því 26. inn á völlinn. í fimm- gangi er ísland 1. keppanda inn á völl og 2. keppanda í slaktauma- tölti. Best þykir að vera með þeim síðustu inn á völl og þykir því þessi niðurstaða ekki sérlega hagstæð fyrir íslendinga.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.