Morgunblaðið - 15.07.1999, Qupperneq 10
10 FIMMTUDAGUR 15. JÚLÍ 1999______________________________________________ MORGUNBLABIÐ
FRÉTTIR
Alvarlegs flugmannaskorts ekki orðið vart hérlendis að söffn talsmanna flugfélaganna
Atlanta og Flugleiðir
auglýsa eftír flugmönnum
Flugrekstrarstj órar
flugfélaganna Atlanta
og Flugleiða segjast
ekki hafa orðið varir
við alvarlegan skort á
flugmönnum. Fram
hefur komið að t.d. í
Bandaríkjunum sé
skortur á flugmönnum
orðinn svo alvarlegur
að landshlutaflugfélög
eru farin að ráða til
sín flugmenn með allt
niður í 800 flugtíma
reynslu í stað
2.000 áður.
NOKKUR erlend flugfélög hafa
ákveðið að draga úr flugtíðni á
ákveðnum leiðum sökum skorts á
flugmönnum. Hérlendis er ekki
sömu sögu að segja og bæði Atl-
anta og Flugleiðir eru að auglýsa
eftir flugmönnum um þessar
mundir.
Jens Bjarnason flugrekstrar-
stjóri Flugleiða kveðst telja það
ólíklegt að Flugleiðir lendi í sam-
keppni við erlenda aðila um ís-
lenska flugmenn. „Maður veit auð-
vitað aldrei, en við búum svo vel
hjá Flugleiðum að margir sækjast
eftir að vinna hjá okkur og þegar
menn eru komnir hér í vinnu leita
þeir yfirleitt ekki annað. Ég hygg
hins vegar að á uppgangstímum
eins og núna eru, séu það frekar
þeir hjá minni félögunum eða flug-
skólunum sem eiga kannski erfítt
með að halda í sína menn. Það
kann að vera sambærilegt við það
sem er að gerast hjá landshlutafé-
lögunum í Bandaríkjunum," segir
Jens.
Aðeins auglýst ytra
Atlanta auglýsti, að sögn Haf-
þórs Hafsteinssonar flugrekstrar-
stjóra félagsins, eftir 15-20 flug-
mönnum í Evrópu í seinustu viku,
vegna samninga um flug til Saudi-
Arabíu og segir hann viðbrögð
hafa verið góð, jafnvel betri en
forsvarsmenn félagsins væntu. í
næstu viku verður auglýst aftur.
Verið er að leita að reyndum
mönnum, að sögn Hafþórs, enda
hafi félagið ekki tíma til að ráða
óreynda menn að þessu sinni og
kenna þeim starfíð. Ekki er aug-
lýst hér á landi, þar sem eingöngu
er verið að leita eftir mönnum með
tegundaáritanir á þær vélar sem
Atlanta hefur í sinni þjónustu, og
að sögn Hafþórs eru engir á lausu
hérlendis sem hafa þá þekkingu.
„Við greinum ekki skort á flug-
mönnum, enn sem komið er, en við
finnum hins vegar fyrir skorti á
mönnum með mikla reynslu á þær
vélar sem við erum að fljúga. Þeim
fer fækkandi, bæði vegna þess að
menn eru komnir á aldur eða hafa
færst til á aðrar vélar, en einnig
vegna þess að menn hafa verið
ráðnir til annarra flugfélaga.“
Hafþór segir að fyrirtæki hafi
til þessa sett skilyrði um að
nýráðnir flugmenn hefðu 1.000
flugtíma reynslu, þar af 100 tíma
reynslu á fjölhreyflavélar og bók-
leg flugstjóraréttindi. Menn sem
klára atvinnuflugmannsréttindi
eru ekki með undir 250-300 tímum
þegar þeir fá skírteinið í hendur.
„Það er ekki komið að því ennþá
að endurskoða eða lækka kröfurn-
ar, en það gæti farið svo ef skort-
ur á flugmönnum vofir yfir,“ segir
Hafþór.
Tæplega 200 flugmenn- og flug-
vélstjórar starfa um þessar mund-
ir fyrir Atlanta að sögn Hafþórs
og eru um 25% þeúra Islendingar.
Skortur á reyndum
mönnum
„Við höfum alltaf ráðið íslenska
flugmenn einu sinni ári, yfirleitt á
haustmánuðum, en gerðum reynd-
ar undantekningu á reglunni íyrir
mánuði, þegar við réðum fimm
flugmenn. Á sama tíma erum við að
ráða erlenda flugmenn með meiri
reynslu, en það er helst að skorti á
reynslu manna á þær flugvélateg-
undir sem við erum að fljúga. Þeir
íslendingar sem við höfum ráðið
eru yfirleitt menn sem við tökum
til þjálfunar á þær vélar, þ.e. gef-
um þeim tegundaáritanir á vélarn-
ar sem Atlanta rekur. Þá erum við
að tala um flugmenn sem hafa
1.000 flugtíma reynslu eða meira.
Við erum fyrst og fremst að leita
eftir flugmönnum sem hafa
svokölluð JAR-skírteini, þ.e. skír-
teini frá sameinuðum flugmálayfir-
völdum í Evrópu.
1. júlí sl. breyttust reglurnar
varðandi þessi skírteini og nú eru
sömu kröfur gerðar innan aðildar-
landa samtakanna í Evrópu. Is-
lendingar hafa verið meðlimir frá
stofnun fyrir einum átta áram og
hafa undirritað sáttmála þar að lút-
andi. Þetta þýðir að við eigum
mjög erfitt með að ráða t.d. Banda-
ríkjamenn, Kanadamenn, Ástrala
og aðra þá sem eru fyrir utan Evr-
ópska efnahagssvæðið. Þeir hafa
hins vegar undanþágu til tólf mán-
aða, ef skírteini þeirra voru fullgild
íyrir 1. júlí sl. en síðan þrengjast
heimildir mjög, þannig að við höf-
um þann forgang á að ráða menn
með Evrópuskírteini," segir Haf-
þór.
Nýráðnir fljúga innanlands
Jens segir að Flugleiðir hafí í
gegnum tíðina sett nýráðna flug-
menn í innanlandsflugið, enda hafi
það treyst sér til að taka menn inn
á þeim vettvangi án mikillar
reynslu. „Ef hins vegar á að ráða
beint á þotu eru manni ýmis tak-
mörk sett, því markaðurinn er ein-
faldlega mjög lítill," segir Jens.
Hann segir að um þessar mundir
séu Flugleiðir að auglýsa eftir flug-
mönnum og sé þeim auglýsingum
alfarið beint að íslenskum flug-
mönnum, enda séu allir flugmenn
félagsins Islendingar. Umsóknar-
fresturinn rann út fyrir nokkrum
dögum og segir hann fjölda um-
sókna svipaðan og verið hefur,
jafnvel ívið fleiri en venjulega, eða
um 140 umsóknir. Verið er að ráða
í ekki færri en tíu stöður, að sögn
Jens. „Okkar umhverfi er þannig
að erfitt er að hafa þetta öðra vísi
en að ráða Islendinga, ég tala nú
ekki um í innanlandsflugi, og á
meðan heimamarkaðurinn sinnir
okkar þörfum viljum við ekki leita
annað,“ segir Jens.
Hann segir að Flugleiðir geri
einvörðungu þá kröfu til flug-
manna sinna að þeir hafi atvinnu-
flugmannsskírteini með blindflugs-
réttindum, auk stúdentsprófs eða
náms sem metið er jafngilt. Ekki
séu gerðar kröfur um önnur rétt-
indi eða ákveðna flugreynslu fyrir
utan það. „Við lítum svo á að þeir
sem hafa á annað borð lokið þess-
um prófum og fengið réttindi séu
gjaldgengir í innanlandsflugið, en
þeir geta ekki farið beint í flug á
þotunum.“
Landslið Islands í hestaíþróttum valið
Sigurður og
Prins frá
Hörgshóli síð-
astir í liðið
Morgunblaðið/Valdimar Kristinsson
MEÐ góðri frammistöðu í fimmgangi og gæðingaskeiði á Islandsmót-
inu tryggðu Sigurður Sigurðarson og Prins frá Hörgshóli sór sæti í
landsliðinu.
SIGURÐUR Sæmundsson lands-
liðseinvaldur hefur nú valið þá tvo
knapa sem eftir var að velja í ís-
lenska landsliðið í hestaíþróttum.
Síðastur inn í liðið er valinn Sig-
urður Sigurðarson með Prins frá
Hörgshóli en þeir sigruðu í gæð-
ingaskeiði á nýafstöðnu íslands-
móti og urðu í öðra sæti í fimm-
gangi á mótinu. Þá urðu þeir Is-
landsmeistarar í fimmgangi í fyrra.
Áður hafði Sigurður valið Jóhann
R. Skúlason og Feng frá íbishóli
en þeir hafa náð mjög góðum
árangri í tölti í Danmörku og víðar.
Er þá liðið þannig skipað auk áð-
urnefndra knapa. Auðunn Krist-
jánsson og Baldur munu keppa í
fimmgangi og mjög líklega
slaktaumatölti og gæðingaskeiði.
Olil Amble mun keppa á Kjarki frá
Horni í tölti, fjórgangi og fimi. Ás-
geir Svan Herbertsson mun keppa
á Farsæli frá Arnarhóli í fjórgangi
og hugsanlega einnig í tölti. Einar
Öder Magnússon mun keppa á
Glampa frá Kjarri í tölti og Logi
Laxdal mun keppa á Freymóði frá
Efstadal í 250 metra skeiði. Hug-
myndir um að hann skilji Freymóð
eftir heima og mæti til leiks sem
heimsmeistari á Sprengi Hvelli frá
Efstadal era út úr myndinni, að
sinni að minnsta kosti. Freymóður
fer í læknisskoðun í dag, flmmtu-
dag, og ef hann stenst hana mætir
Logi með hann á mótið. Þannig er
liðið skipað á þessari stundu en
ekki er útilokað að einvaldurinn
kunni að gera einhverjar breyting-
ar á liðinu fram að brottför og eins
er mögulegt að breytingar verði
gerðar þegar út er komið.
Ekki er útséð með hvort Sigur-
björn Bárðarson mæti með Gordon
frá Stóra-Ásgeirsá til leiks sem
heimsmeistari í samanlögðu og
gæðingaskeiði en hesturinn átti að
fara í læknisskoðun nú í vikunni.
Sagði Sigurbjörn að ef Gordon
stæðist læknisskoðun myndi hann
leggja til að hesturinn yrði hvíldur
þangað til viku íyrir mót. Þá myndi
hann skoða hestinn og þá réðist
hvort hann mætti með hann til
leiks. Eiganda Gordons hefur ekki
gengið vel með hestinn í sumar og
hefur hann varla legið sprett á
skeiði á þessu keppnistímabili. En
nokkuð öraggt er að Styrmir muni
mæta með Boða frá Gerðum og
Vignir Siggeirsson fer út á föstu-
dag til að prófa Þyril frá Vatns-
leysu. Ef Vigni líst vel á klárinn
verður hann ytra fram yfir mót og
mætir að sjálfsögðu til leiks.
Eftir er að velja varaknapa og
hesta og þykir líklegt að Sigurður
muni velja Rúnu Einarsdóttur og
Snerpu frá Dalsmynni en þau hafa
sem kunnugt er staðið uppi í hár-
inu á helstu keppinautum Islend-
inga, Þjóðverjum, í töltinu á mót-
um þar ytra. Rúna kveðst tilbúin
að taka sæti á varamannabekknum
verði til hennar leitað. Þá hafa
bæði Páll Bragi Hólmarsson með
stóðhestinn ísak frá Eyjólfsstöð-
um og Sveinn Ragnarsson með
stóðhestinn Reyk frá Hoftúni lýst
sig tilbúna að taka sæti á vara-
mannabekknum ytra. Einnig er
líklegt að Tómas Ragnarsson sem
sýnir hryssu sína Hyllingu frá
Korpúlfsstöðum í kynbótasýningu
mótsins verði tiltækur í fimmgang-
inn ef á þarf að halda. Gengið
verður frá vali varaknapa á næstu
dögum.
Búið er að birta röð þjóðanna í
keppninni á heimsmeistaramótinu
og er ísland með 3. keppenda inn á
völlinn í töltkeppninni. Þátttöku-
þjóðirnar verða sautján og þýðir
það að annar keppandi Islendinga
verður þá 20. í röð inn á völlinn og
svo koll af kolli. í fjórgangi er Is-
land í 10. sæti og 2. keppandi verð-
ur því 26. inn á völlinn. í fimm-
gangi er ísland 1. keppanda inn á
völl og 2. keppanda í slaktauma-
tölti. Best þykir að vera með þeim
síðustu inn á völl og þykir því þessi
niðurstaða ekki sérlega hagstæð
fyrir Islendinga.