Morgunblaðið - 15.07.1999, Qupperneq 12
12 FIMMTUDAGUR 15. JÚLÍ 1999
MORGUNBLAÐIÐ
HÖFUÐBORGARSVÆÐIÐ
Landakotsskóli stækkar og
bætir við bekkjum
Færri komast að
en vilja
Vesturbær
FRAMKVÆMDIR standa nú
yfir við nýbyggingu Landa-
kotsskóla. Jafnframt er unnið
að endurbyggingu gamla
prestbústaðarins. Ætlunin er
að bæta við þremur efstu
bekkjum grunnskólans en
hingað til hafa nemendur ver-
ið á aldrinum 5-2 ára. Jafn-
framt er vilji fyrir því að
byggja nýtt fjölnota íþrótta-
hús á skólalóðinni en illa
gengur að losna við gamla
húsið sem löngu er orðið óvið-
unandi til íþróttakennslu.
Hjalti Þorkelsson, skóla-
stjóri Landskotsskóla, segir
að aðstaða hafí verið ágæt í
skólanum. Tiigangurinn með
stækkuninni sé fyrst og
fremst sá að bæta við skólann
8.-10. bekk. Hingað til hefur
1.-7. bekkur verið í skólanum
auk þess sem einn 5 ára bekk-
ur hefur verið í undirbúnings-
deild. Stefnt er að því að taka
a.m.k. tvær stofur í gagnið í
haust og bæta þá við 8. bekk.
Á næstu tveimur árum á síðan
að bæta við 9. og 10. bekk.
Veruleg aðsókn hefur verið í
skólann og segir Hjalti að far-
ið sé að bóka nemendur í und-
irbúningsdeild fyrir haustið
2001.
Skipta má framkvæmdun-
um í tvo hluta. Annarsvegar
er um að ræða nýbyggingu
sem verður samskonar og
eldra skólahúsnæðið. Hins-
vegar er það endurbygging
gamla prestbústaðarins. Með
stækkuninni bætast við fjórar
almennar kennslustofur og
ein raungreinastofa. Ekkert
bókasafn hefur verið í skólan-
um en til stendur að nýta
neðri hæð prestbústaðarins
undir safnið. Ein kennslustofa
verður þar einnig á efri hæð-
inni.
Undanfarna vetur hafa
nemendur skólans verið um
160. Að sögn Hjalta stendur
ekki til að fjölga nemendum
að öðru leyti en því að bæta
við bekkjum. Reynt er að tak-
marka fjölda nemenda við 20 í
hverjum bekk. Hjalti segir að
stærð skólans sé þægileg og
þar þekki allir alla. I skólan-
um ríki heimilislegur andi og
skólastjórinn eigi auðvelt með
að kynnast öllum nemendum
skólans vel, enda bætast að-
eins 20 nemendur við á hverju
ári.
Hjalti sagði foreldra hafa
sýnt því áhuga að börnin gætu
lokið öllum bekkjum í skólan-
um og gamall draumur væri
að rætast með stækkuninni.
Hjalti viðurkenndi þó að
ekki líkaði öllum börnum jafn
vel í skólanum. Sumum þætti
þar ríkja íhaldssamur andi og
vildu fara eitthvað annað þar
sem meira frjálsræði ríkti.
Þörf á nýju íþróttahúsi
Nú þegar verið er að stækka
skólann og aðstaða öll að
verða hin ágætasta stendur
íþróttahúsið starfmu fyrir
þrifum. Að sögn Hjalta er
áhugi fyrir því að reisa nýtt
fjölnota íþróttahús á lóðinni í
stað hins gamla sem löngu er
orðið óviðunandi til íþrótta-
kennslu. Hjalti segh' að menn
sjái fyrir sér að byggja nýtt
hús sem verði í stíl og sam-
ræmi við aðrar byggingar á
lóðinni. Jafnframt að hægt
verði að nýta salinn undir
skemmtanir og annað félagslíf
skólans.
Illa hefur þó gengið að
losna við húsið af lóðinni sem
kaþólska kúkjan á. Húsið er í
eigu Iþróttafélags Reykjavík-
ur en kirkjan seldi félaginu
húsið fyrir eina krónu fyrir
sjö áratugum síðan. Þá var
gerður leigusamningur við fé-
lagið og þar var ákvæði um
hvað gera skyldi ef kirkjan
vildi nota lóðina.
Morgunblaðið/Eiríkur J.
HJALTI Þorkelsson, skólastjóri Landakotsskóla, með framkvæmdirnar í baksýn. Að baki Iljalta er prestsbústaðurinn
gamli en þar á bak við sér í gaflinn á nýbyggingu skólans. Til hægri er síðan eldri skólabyggingin. Á milli húsanna er nú
mikil gryfja þar sem verið er að steypa kjallara sem nýtast mun undir geymslur fyrir skólann.
BÓKASAFN Landakotsskóla verður til húsa á neðri hæð
prestbústaðarins gamla. Lítið er eftir af upprunalegum
viði hússins og hefur endurbyggingin verið kostnaðarsöm.
Samningurinn rann út árið
1964 og var þá gerður munn-
legur samningur um fram-
haldið. Kaþólska biskups-
dæmið óskaði eftir því fyrir
nokkrum árum að kaupa húsið
en ekki náðist samkomulag
um verð. Iþróttafélagið vildi
fá 18 milljónir fyrir húsið en
Hjalti segir að það hafi síðan
lækkað verðið niður í 15 millj-
ónir. Að mati Hjalta er verðið
út í hött, enda telja sérfróðir
menn að kostnaðurinn við að
flytja húsið sé a.m.k. fimm
milljónir.
Nýlega var höfðað mál
gegn ÍR vegna íþróttahússins
og sagði Hjalti að tilgangur-
inn með því væri fyrst og
fremst sá að fá svar við spurn-
ingunni um hvað eigi að gera
og hvað hægt sé að gera.
Tæmdist arfur frá
Ameríku
Landakotsskóli hefur starfað
óslitið frá árinu 1896 þegar St.
Jósepssystur hófu að kenna
nokkrum börnum. Fyrstu 82
árin var skólinn rekinn án op-
inberra styrkja og það var
ekki fyrr en árið 1978 að skól-
inn fékk fyrst styrk frá ríkinu.
Hjalti segir hag skólans hafa
vænkast eftir að skólarekstur-
inn komst í hendur sveitarfé-
laganna. Sú stefna sé höfð í
heiðri hjá borginni að allir
einkareknir skólar fái jafna
fyrirgreiðslu, en Hjalti telur
að slíkt hafi ekki alltaf tíðkast
áður.
I dag fær skólinn greidda
ákveðna upphæð á hvern
nemanda og telur Hjalti að
slíkt fyrirkomulag á rekstrar-
styrkjum frá opinberum aðil-
um sé eðlilegt. Að sögn Hjalta
koma nemendur skólans víða
að. Ekki er skilyrði fyrir inn-
göngu að nemandi sé kaþólsk-
ur og er skólinn öllum opinn.
Flestir nemendur koma úr
Vesturbænum en einnig
lengra frá eins og Hafnarfirði
og Grafarvogi.
Áætlaður kostnaður við
framkvæmdir sem nú standa
yfir er um 120 milljónir króna.
Hjalti segir að ekki hafi verið
komist hjá því að gera prest-
bústaðinn gamla upp þrátt fyr-
ir að ódýrara hefði verið að rífa
húsið og byggja það upp á nýj-
an leik. Sú framkvæmd væri
því mjög dýr. Húsið var upp-
haflega reist snemma á síðustu
öld en fáir upprunalegir viðir
eru eftir í húsinu. Ytra útlit
hússins hefur verið friðlýst og
því var húsið endurgert.
Hjalti sagði að teikningar
hefðu verið tilbúnar um nokk-
urt skeið en framkvæmdir
hefðu strandað á peningaleysi.
Það hafi því verið kærkomin
gjöf sem barst vestan um haf
þegar kirkjunni tæmdist arfur
frá Ameríku. Kunningjakona
Alfreðs Jolsons biskups arf-
leiddi kaþólsku kirkuna á Is-
landi að talsverðum fjármun-
um og fyrir tilstuðlan hans
hefur nú verið ráðist í stækk-
un skólans. Einnig var sótt
um styrk frá Reykjavíkurborg
en ekki hefur borist svar við
þeirri beiðni.
Morgunblaðið/Árni Sæberg
Stöðvunarskylda
vegna tíðra slysa
Kópavogur.
Stöðvunarmerki var nýlega
komið upp á mótum Urðar-
brautar og Kópavogsbrautar.
Ástæðan er nokkuð há slysa-
tíðni á gatnamótunum, að
sögn formanns umferðar-
nefndar Kópavogs.
Harðir áreksti-ar ökutækja
hafa orðið á þessum stað,
strætisvagnar hafa meðal
annars lent í árekstrum á
gatnamótunum. Til tals hefur
komið að leggja hringtorg á
staðnum en sú ráðstöfun var
valin í bili að koma stöðvunar-
skyldunni á.
Fornleifarannsóknum lokið í
grunninum við Alþingishúsið
Minjar
um
manna-
byggð
Miðbær
ÝMISLEGT markvert
fannst í fornleifauppgreftri
við Alþingishúsið sem lauk
í síðustu viku. Fornleifa-
stofnun íslands stóð að
uppgreftrinum í samráði
við Árbæjarsafn. Nú
standa yfir framkvæmdir
við byggingu nýs þjónustu-
skála við Alþingishúsið.
Þörf var á eftirliti forn-
leifafræðinga meðan
grunnur að honum var
grafinn því vitað er að bæj-
arstæði gamla Reykjavík-
urbæjarins er í grennd við
byggingarsvæðið.
Að sögn Mjallar Snæs-
dóttur fornleifafræðings
fannst töluvert af dýra-
beinum og ýmsum smá-
munum, þó ekki mikið. I
námunda við svæði þar
sem mannabyggð hefur
verið má finna bein úr
þeim skepnum sem slátrað
hefur verið og étnar.
„Þetta segir okkur dálít-
ið um nálægð bæjarstæðis-
ins. Við vitum að gamla
Reykjavíkurbæjarstæðið er
Morgunblaðið/Eiríkur P.
UMFANGSMIKLAR framkvæmdir eiga sér nú stað vegna byggingar þjónustuskála
við Alþingishúsið.
þarna rétt hjá og þetta eft-
irlit var nauðsynlegt vegna
þess að ekki var vitað ná-
kvæmlega hvað það næði
langt. Ekki var vitað nema
menn gætu komið niður á
byggingar. Það gerðist þó
ekki,“ sagði Mjöll.
Þær minjar sem söfnuð-
ust saman við uppgröftinn
verða skoðaðar nánar. Þær
geta veitt töluverðar upp-
lýsingar um skepnuhald og
fleira. „Þetta eru mjög
gagnleg fræðileg gögn og
geta veitt miklar upplýs-
ingar, sérstaklega í saman-
burði við annað. Ég held að
menn verði ánægðir með
að hafa þessar upplýsingar
í framlíðinni," sagði Mjöll.
Mjöll tekur fram að ef
byggt verður á nálægum
lóðum muni það útheimta
frekari fornleifarannsókn.
I
I