Morgunblaðið - 09.10.1999, Qupperneq 12

12 LAUGARDAGUR 9. OKTÓBER 1999
MORGUNBLAÐIÐ
Miðasölusími 552 3000
Leikdómar sýningargesta:
..enþá verður
marnma alveg brjálu
út af nágrönnunum
skiluróu.
★★★★★★★★
„Ég skemmti mér svo vel á sýningunni og gef henni 8 stjörnur,
4 fyrir sviðsmynd og 4 fyrir alit hitt.“
Alexander Briem, leiklistargagnrýnandi Bylgjunnar (9 ára)
★★★★★★★★
„Mér fannst svo falleg Ijósin og hnettirnir í byrjuninni og
tónlistin þá var alveg eins og stjörnur, ég held að hún hafi
verið búin til með gítar.“
Brynja 6 ára.
★ ★★★★ ★★★★★
„Ég fór með afa mínum og honum fannst rosalega gaman.
Eg gef leikritinu 10 stjörnur, 5 frá mér og 5 frá afa.“
Júlían 6 ára.
★★★★★★★★
„Mér fannst ógeðslega fyndið þegar hrekkjusvínið missti
niður um sig buxurnar þegar Hattur og Fattur léku á hann
og hann stóð bara alveg ruglaður á nærbuxunum,
því þeir gátu gert sig ósýnilega."
Höskuldur 6 ára.
★★★★★★★★
„En mér fannst nú langfyndnast þegar geimverurnar skiftu
um forrit í týpíska jarðar-pabbanum og þegar það mistókst
þá varð hann að hænu, þá settu þeir apa-forrit og svo þróaðist
hann í mann. Mér fannst líka leikarinn leika mjög vel. Líka
allir hinir leikararnir, þó sérstaklega Felix og Davíð Þór.“
Steini 10 ára.
★★★★★★★★
„Mér fannst svo ósanngjarnt þegar alltaf er verið að
skamma Gumma hrekkjusvín, hann er líka bara barn og
það er svo vont þegar alltaf er verið að skamma mann.“
María 8 ára.
★★★★★★★★
„Mér finnst þetta leikrit mjög skemmtilegt, lögin eru æðisleg,
sérstaklega ef maður spilar þau svo hátt að þegar maður
opnar gluggann þá heyrist alveg niður á Grettisgötu, en þá
verður mamma alveg brjáluð út af nágrönnunum skilurðu."
Kormákur 6 ára.
★★★★★★★★
„Ég var sko með snúða í hárinu og rauðar spennur voða fínar
- og Hattur og Fattur voru að tala við spennurnar mínar.“
Sandra 3 ára.
Geimverurnar eru lentar í Loftkastalanum!
FRÉTTIR
Frá verðlaunaafhendingu Bentley Systems. Á myndinni eru frá vinstri Joe Morray, forstjóri Trinity
Technologies, Hólmþór R. Morgan, Greg Bentley, forstjóri Bentley Systems, Keith Bentley, yfirmaður höfuð-
stöðva fyrirtækisins, og Yoav Etiel veislustjóri.
Yerkfræðideild Varnarliðsins hlýtur verðlaun í alþjóðlegri keppni
Fyrstu verðlaun fyrir land-
fræðilegt upplýsingakerfi
VERKFRÆÐIDEILD Vamar-
liðsins hlaut nýlega sigur í al-
þjóðlegri samkeppni um verk-
fræðilegar úrlausnir í landfræði-
legu upplýsingakerfí. Keppnin
er haldin á vegum eins stærsta
hugbúnaðarfyrirtækis í heimi
tölvuvæddrar hönnunar og upp-
lýsingakerfa, Bentley Systems,
en fyrirtækið stendur fyrir slíkri
keppni árlega. Verkfræðideildin
fékk fyrstu verðlaun fyrir bestu
tæknilegu úrlausn sveitarfélags
og keppti þar við borgir á borð
við New York, Baltimore og
Sydney í Ástralíu.
Landfræðilega upplýsinga-
kerfi Varnarliðsins er unnið í
samvinnu við kortagerðarfyrir-
tækið ísgraf ehf. og hefur um-
hverfisdeild Varnarliðsins
einnig átt ríkan þátt í gerð
þess. Kerfið felur í sér alla um-
hverfisþætti bæjarfélagsins og
Keflavíkurflugvallar sem felldir
eru að korta- og ljósmynda-
grunni í tölvutæku formi. Með
kerfinu fæst nákvæmt yfirlit
um legu flugbrauta, gatna,
veitukerfa og annarra mann-
virkja, gróðurfar, fuglabyggð
og áhættuþætti vegna flugum-
ferðar, sem nýtast jafnt við
áætlanagerð um verklegar
framkvæmdir sem og rannsókn-
ir á umhverfisþáttum.
Hjá verkfræðideild Varnar-
liðsins starfa 17 starfsmenn
sem allir eru íslenskir. Þeir
annast hönnun og kortagerð
fyrir stofnun verklegra fram-
kvæmda sem hefur yfírumsjón
með verklegum framkvæmdum
á Keflavíkurflugvelli.
Hólmþór R. Morgan, umsjón-
armaður landfræðilega upplýs-
ingakerfísins, tók við verðlaun-
unum á alþjóðaráðstefnu
Bentley Systems sem haldin var
í Ffladelfíu 1. október sl. Hann
tók við verðlaununum fyrir
hönd yfirmanns stofnunar verk-
legra framkvæmda Varnarliðs-
ins, Kenneths G. Moncayos.
Var sagt upp vegna rýrnunar
Hefði átt að
leita til lögreglu
HÆSTIRÉTTUR hefur sýknað
veitingahús í Reykjavík af kröfum
starfsmanns, sem hélt því fram að
hann hefði verið þvingaður með
ólögmætum hætti til að segja
starfi sínu lausu.
Maðurinn var kallaður fyrir for-
svarsmenn veitingahússins og hon-
um tjáð að þeir hefðu sannanir
fyrir því að rýrnun í kassa veit-
ingastaðarins væri hans sök, auk
þess sem hann hefði tekið áfengi
og sígarettur. Manninum var gert
að undirrita uppsagnarbréf á
staðnum, þar sem hann léti tafar-
laust af störfum og félli frá öllum
launakröfum, ella yrði málið kært
til lögreglu.
Engin gögn um
verðmæti eða sekt
Maðurinn kvaðst saklaus af
ásökunum yfirmanna sinna. Þeir
vísuðu til þess að þeir hefðu mynd-
band úr eftirlitsmyndavél sem
sannaði mál þeirra.
Hann sagði viðtekna venju að
starfsmenn tækju áfengi og sígar-
ettur, en andvirðið væri dregið af
launum mánaðarlega. Þá tækju
starfsmenn fé úr kassa til að
mæta útgjöldum, t.d. vegna hrá-
efniskaupa fyrir veitingahúsið. í
dómi Hæstaréttar segir, að með
hliðsjón af því, að maðurinn taldi
sig saklausan af þeim ávirðingum,
sem á hann voru bornar, hafi ver-
ið fullt tilefni fyrir hann að snúa
sér til lögregluyfirvalda með
beiðni um opinbera rannsókn á
fullyrðingum fyrirsvarsmanna
veitingastaðarins um refsvert at-
ferli hans.
Veitingahúsið sýknað af
launakröfu mannsins
Þegar litið væri til þessa yrði að
fallast á það með héraðsdómi, að
maðurinn hefði ekki haft neina
skynsamlega ástæðu til að undir-
rita uppsagnarbréfið, ef hann
hefði ekki sætt sig við þá skil-
mála, sem þar greindi frá. Veit-
ingahúsið var því sýknað af kröf-
um mannsins um launagreiðslur,
en Hæstiréttur sagði að þar sem
engin gögn lægju fyrir um verð-
mæti þess, sem fyrirsvarsmenn
veitingahússins teldu að maður-
inn hefði tekið ófrjálsri hendi, og
engin sönnun um, að hann hafí
staðið þar að verki, væri rétt að
fella niður málskostnað fyrir
Hæstarétti.
Staðfesti
5 ára dóm
fyrir vopn-
að rán
HÆSTIRÉTTUR hefúr staðfest
fimm ára fangelsisdóm Héraðsdóms
Reykjavíkur yfir manni sem framdi
rán í matvöruverslun, vopnaður hnífi.
Maðurinn, Hákon Rúnar Jónsson, 23
ára Reykvíkingur, fór inn í verslunina
11-11, Norðurbii'm 2, Reykjavík, að
kvöldi 12. febrúar sl. vopnaður stórum
hnífi og klæddur lambhúshettu sem
huldi andlitið, ógnaði starfsmanni
verslunarinnar með hnífnum og skip-
aði honum að taka peninga úr tveimur
peningakössum, samtals 158.500 kr.,
sem ákærði hafði á brott með sér.
Hákon Rúnar var handtekinn
skömmu eftir ránið ekki fjarri versl-
uninni, í íbúð sem afbrotamenn
vöndu komur sínar í. í fyrstu neitaði
hann sök, en síðar játaði hann. Hann
hefur áður hlotið dóma fyrir skjala-
fals, þjófnað og rán og framdi ránið í
versluninni 7 dögum eftir að hann
hlaut reynslulausn. í dómi Héraðs-
dóms Reykjavíkur fyrr á árinu, þar
sem Hákon Rúnar var dæmdur til 5
ára fangelsisvistar óskilorðsbundið,
sagði að þetta brot hans væri mjög
alvarlegt. Að fremja jafnalvarlegt af-
brot 7 dögum eftir að hann gekk laus
eftir langa refsivist þætti sýna styrk-
an og einbeittan brotavilja. Hæsti-
réttur vísaði m.a. til þessara for-
sendna Héraðsdóms í dómi sínum.