Morgunblaðið - 09.10.1999, Qupperneq 29

MORGUNBLAÐIÐ
LAUGARDAGUR 9. OKTÓBER 1999 29
ERLENT
Fyrsta flótta-
fólkið snýr
aftur til Dili
Reuters
Glaðbeittir A-Tímorbúar veifa í átt að flóttamönnum er sneru aftur til landsins eftir mánaðarveru í V-Tímor.
Dili, Suai, Jakarta. Reuters.
FLUTNINGAR á Austur-Tímor-
um úr flóttamannabúðunum í Vest-
ur-Tímor hófust í gær þegar tvær
flugvélar fluttu um 170 flóttamenn
til Dili, höfuðstaðar Austur-
Tímors. Stefnt er að því að þangað
verði farnar tvær ferðir á dag með
flóttafólk frá Kupang, höfuðstað
Vestur-Tímor, sem tilheyrir
Indónesíu.
Um 90 manns voru í fyrstu flug-
vélinni sem kom með flóttafólk til
Dili. Ungur maður kyssti malbikið
á flugbrautinni meðan ástralskir
hermenn í friðargæsluliði Samein-
uðu þjóðanna fylgdust með. „Ég er
himinlifandi yfir þvi að vera kom-
inn hingað aftur, vegna þess að
þetta er heimaland okkar og við
fæddumst hér,“ sagði hann.
Flóttafólkið var flutt í frönskum
herbílum á íþróttaleikvang í Dili
þar sem friðargæsluliðið hefur
komið upp flóttamannabúðum.
Hundruð íbúa borgarinnar stóðu á
götunum til að fagna flóttafólkinu.
Embættismenn Sameinuðu þjóð-
anna áætla að um 250.000 Austur-
Tímorar - tæpur þriðjungur íbúa
landsins - hafi flúið heimkynni sín
vegna árása vígahópa, sem eru
andvígir aðskilnaði landsins frá
Indónesíu, eftir að íbúarnir sam-
þykktu sjálfstæði með miklum
meirihluta í atkvæðagreiðslu 30.
ágúst.
Um 200.000 Austur-Tímorar
fóru til Vestur-Tímors og hermt er
að vígahóparnir hafi hrakið marga
þeirra þangað með valdi.
Öldruð kona meðal flóttafólksins
sem kom til Dili sagði að ástandið í
flóttamannabúðunum í Vestur-
Tímor væri hörmulegt. „Það var
ekkert vatn, þannig að margir voru
veikir og sumir þeirra urðu að
liggja á jörðinni - það var ekkert
pláss fyrir þá - og þeir dóu af þeim
sökum,“ sagði hún.
Jimmy Carter, fyri-verandi
Bandaríkjaforseti, segir að margar
flóttamannabúðanna í Vestur-
Tímor séu undir stjórn víga-
hópanna, sem njóti „í nokkrum til-
vikum stuðnings indónesískra her-
og lögreglumanna".
Stjórn Indónesíu skýrði frá því í
gær að um 600 austur-tímorskir
hermenn hefðu tilkynnt að þeir
væru hættir störfum fyrir her
landsins. Óttast er að þeir hafi
gengið til liðs við vígahópa í Vest-
ur-Tímor sem hafa hótað árásum á
friðargæslulið Sameinuðu þjóð-
anna.
Flóttafólk snýr aftur
til byggða
Flóttafólk er einnig tekið að
streyma til bæjarins Suai eftir að
hafa verið í felum í skógum og fjöll-
um í nágrenninu af ótta við víga-
mennina. „Við komum hingað í
morgun og sáum að allt hafði verið
eyðilagt," sagði einn flóttamann-
anna. „Við heyrðum í útvarpinu að
friðargæsluliðið væri komið í bæ-
inn og við töldum óhætt að koma
hingað aftur.“
Flóttamennirnir sögðu að þús-
undir manna hefðust enn við í fjöll-
unum nálægt Suai og mjög brýnt
væri að koma til þeirra matvælum
og lyfjum. „Margir þeirra eru sjúk-
ir og allir svangir. Þeir þurfa hjálp
sem allra fyrst.“
Hermenn friðargæsluliðsins réð-
ust inn í hús í Suai til að handtaka
vígamenn og leggja hald á vopn
þeirra. Vígahóparnir höfðu farið
ránshendi um bæinn og þorp í ná-
grenninu og kveikt í mörgum hús-
anna.
Titlarnir f auglýsingunni eru í takmörkuðu upplagi
Mætið tímanlega 03 tryggið ykkur góða tónlist á góðu verði
50-90% afsláttur
HAGKAUP
Meira úrval - betri kaup
opið frá 10 - 20 virka daga • 10-18 laugardaga «12-18 sunnudaga
Aðeins tveir dagar eftir
af stórútsölu