Morgunblaðið - 09.10.1999, Síða 30

30 LAUGARDAGUR 9. OKTÓBER 1999
MORGUNBLAÐIÐ
ERLENT
Deilurnar um bótagreiðslur til
fv. nauðungarverkafólks
Schröder segir
framkomið bóta-
tilboð „verðugt“
licrlín. AP.
GERHARD Schröder, kanzlari
Þýzkalands, varði í gær 237 millj-
arða króna tilboð sem hópur þýzkra
iðnfyrirtækja hefur lýst sig reiðu-
búinn að leggja fram sem skaða-
bótasjóð til handa fólki sem var
neytt til vinnu í Þýzkalandi á stríðs-
árunum, gegn gagnrýni frá fulltrú-
um þessa fólks, sem álítur upphæð-
ina ófullnægjandi.
„Ég álít þýzku iðnfyrirtækin hafa
lagt fram verðugt tilboð,“ sagði
Schröder. „Ég hvet gagnrýnendur
þess hér [í landi] og í Bandan'kjun-
um eindregið til þess að íhuga
þetta.“ Schröder lét ósagt hvort
hann teldi svigrúm til að hækka
upphæðina, sem kom upp á borðið í
samningaviðræðum um málið í
Washington í vikunni, sem fulltrúar
þýzkra stjómvalda og fyrirtækja
annars vegar og lögmanna og ann-
arra fulltrúa fyrrverandi nauðung-
arverkafólks hins vegar taka þátt í.
En Schröder sagðist þess fullviss
að tilboðið hefði ekki skaðað við-
ræðurnar.
Stjórnin bjartsýn á að
samkomulag náist
Lothar Evers, sem fer fyrir hópi
þýzkra lögmanna fyrrverandi nauð-
ungarverkafólks, hafði hins vegar
þau orð um tilboðið í sjónvarpsvið-
tali í gær að það væri „móðgandi".
Uwe Karsten-Heye, talsmaður
þýzku ríkisstjórnarinnar, sagði
stjórnina bjartsýna á að samkomu-
lag næðist um bótagreiðslumar í
næstu samningalotu sem áformuð
er í nóvember. Heye sagðist á
blaðamannafundi ekki geta að svo
komnu máli sagt neitt um hvort
reynt yrði af hálfu stjórnvalda að
hækka tilboðið; ekki væri hægt að
segja neitt um það fyrr en eftir að
Otto Lambsdorff greifi, sem fer
fyrir þýzku sendinefndinni, hefur
gefið kanzlaranum skýrslu, sem
hann mun gera á mánudaginn.
Hann sagði það hins vegar tví-
mælalaust vera góðan áfanga að
einhver upphæð skuli vera komin á
borðið, sem hægt sé að byggja
frekari samningaviðræður á.
Næsta viðræðulota er áformuð dag-
ana 16. og 17. nóvember næstkom-
andi.
í umboði hópa fyrrverandi nauð-
ungarverkafólks hafa lögmenn í
Bandaríkjunum krafizt skaðabóta
samtals að upphæð á milli 20 og 40
milljarða Bandaríkjadala, andvirði
um 1.400-2.800 milljarða króna.
Slíkar upphæðir sagði Heye „ör-
ugglega utan við mörk hins mögu-
lega“. Úr þeirri stöðu sem viðræð-
urnar væru nú komnar í tryði hann
því að þróast myndi „raunsæ sýn á
það sem í raun er mögulegt“.
Mexíkóskir hermenn og starfsmenn Rauða krossins flytja lík eins fórnarlamba flóðanna í Tezuitlan.
Aur- og vatnsflóð og lírhellisrigningar í Mexíkó virðast vera í rénun
Á þriðja hundrað
manna hafa látist
Puebla. Reuters.
RÚMLEGA 200 lík höfðu fundist
og á annað hundrað manns var enn
saknað á flóða- og skriðusvæðunum
í mið- og suðurhluta Mexíkó í gær.
Stytta fór upp í gærmorgun eftir
gífurlegt úrhelli í þrjá daga og íbú-
arnir hófust handa við að moka aur
úr húsum sínum. Björgunarsveit-
ir hersins náðu á öðrum tug líka úr
Alþjóða
geðheilbrigðis
barnaskóla og íbúðarhúsum sem
grófust undir í skriðu úr fjalli í
bænum Michun í miðhluta Puebla-
ríkis.
Eyðileggingin virðist hafa verið
mest í Michun, 160 km norðaustur
af Mexíkóborg. Talið er að allt að 70
manns hafi grafist undir aurskrið-
unni sem féll á nánast öll hús bæjar-
ins.
„Fjallshlíðin hrundi og gleypti
allan bæinn,“ sagði fréttamaður
sem skoðaði Michun úr flugvél.
Innanríkisráðherra ríkisins, Car-
los Alberto Julian y Nacer, sagði að
alls hefðu 166 lík fundist í Puebla-
ríki einu. 125 til viðbótar væri enn
saknað.
Ráðherrann sagði að 950 her-
menn tækju þátt í björgunarstarf-
inu í afskekktum fjallabæjum í
Puebla, þar sem 30.000 manns urðu
að flýja heimili sín vegna flóða og
aurskriða. Vegir til níu bæja og
þorpa voru enn lokaðir.
Embættismenn í Puebla sögðu að
óttast væri að 30 manns hefðu graf-
ist undir aurskriðu í Zacatlan, öðr-
um afskekktum fjallabæ í norður-
hluta ríkisins.
Mestu flóð í 40 ár
í ríkinu Veracruz var vitað um 50
dauðsföll af völdum flóða í 452
byggðarlögum. 935 manns var
bjargað með þyrlum af þökum húsa,
trjám og þurrum blettum á flóða-
svæðunum.
Sjö manns létu lífið í ríkinu Ta-
basco í mestu flóðum sem þar hafa
orðið í 40 ár. Mikil skelfing greip
um sig í höfuðborg ríkisins, Villa-
hermosa, og umferðaröngþveiti
varð þegar íbúamir reyndu að flýja
í bílum sínum.
Yfirvöld í borginni urðu að flytja
1.600 fanga úr stóru fangelsi eftir
að vatn tók að flæða inn í það.
Ar hafa flætt yfir bakka sína í
þrjá daga í mörgum ríkjum Mexíkó
en flóðin voru víðast hvar í rénun í í
gær.
Yfirmannaskipti í friðargæsluliði
Atlantshafsbandalagsins í Kosovo
Þýskur hers-
höfðingi tekur
við taumunum
Pristina. Reuters.
ÞÝSKUR hershöfðingi, Klaus Rein-
hardt, tók í gær við yfirstjóm hins
50.000 manna friðargæsluliðs Atl-
antshafsbandalagsins (NATO) í
Kosovo-héraði úr hendi Michael
Jacksons, bresks herforingja, sem
stýrt hefur aðgerðum gæsluliðsins
frá því það hélt innreið sína í hérað-
ið sl. sumar. Reinhardt hvatti í gær
þjóðernishópana er byggja Kosovo
til að slíðra sverðin og reyna að
komast yfir ágreining með friðsam-
legum hætti.
Yfirmannaskiptin áttu sér stað
við hátíðlega athöfn í Pristina, hér-
aðshöfuðstað Kosovo, og þykir skip-
an Reinhardts í stöðu yfirmanns
friðargæsluliðsins vera lýsandi fyrir
aukinn vilja Þjóðverja til að brjóta
af sér hlekki síðari heimsstyrjaldar-
innar og leita leiða til að beita sér
frekar í málefnum NATO.
I ávarpi sínu sagði Reinhardt að
friðargæsluliðið væri skipað her-
Reuters
Hershöfðingjamir Michael
Jackson og Klaus Reinhardt.
mönnum 29 ríkja, sem mörg hver
hefðu barist hatrammlega við Þjóð-
verja í heimsstyrjöldinni. „Síðan þá
eru ágreiningsefnin horfin og við
lært að lifa og starfa í sameiningu
til að skapa friðsamlegan og farsæl-
an nýjan heim,“ sagði Reinhardt og
vísaði til þess að slíkt ætti einnig að
geta átt sér stað í suðausturhluta
Evrópu nú á tímum.
4
'KiawBP1’--------------------------------------------mMmmm”-------------------------------------------—