Morgunblaðið - 02.12.1999, Síða 83

MORGUNBLAÐIÐ
FIMMTUDAGUR 2. DESEMBER 1999 83
FÓLK í FRÉTTUM
KVIKMYNDIR/Kringlubíó frumsýnir spennumyndina Qvinur óvinar míns eða „Enemy of
My Enemy“ með Peter Weller, Darryl Hannah og Tom Berenger.
Gíslataka
í sendiráði
ÞEGAR tölvusérfræðingurinn
Steve Parker (Peter Wel-
ler) er sendur með leynd í
bandaríska sendiráðið í Búkarest í
Rúmeníu til þess að taka úr sam-
bandi kjarnorkusprengju sem
geymd hefur verið í byggingunni
frá því kalda stríðið stóð sem hæst,
bíður hans nær óyfirstíganlegt
vandamál. Hann fær aðstoð frá
sendiráðsfulltrúanum Eriea Long
(Darryl Hannah), sem er ekki öll
þar sem hún sýnist, og saman
vinna þau að því að gera sprengj-
una óvirka. En mitt í því öllu sam-
an ræðst serbneskur herflokkur á
bygginguna og tekur starfsfólkið í
gíslingu og heimtar að foringja
þeirra sé sleppt lausum en hann er
í haldi vegna stríðsglæpa. Ef ekki
verður farið að kröfum þeirra
niunu Serbarnir taka af lífi einn
gísl á klukkutíma fresti. Bandaríski
herinn ákveður að senda Swain
hershöfðingja (Tom Berenger) til
Búkarest að fást við hættuástandið
með öllum tiltækum ráðum.
Þannig er söguþráðurinn í
spennumyndinni Ovinur óvinar
míns eða „Enemy of My Enemy“
nieð leikurunum Peter Weller,
Darryl Hannah og Tom Berenger í
aðalhlutverkum undir leikstjórn
Gustavo Graef-Marino. Aðrir leik-
arar í myndinni eru m.a. Brion Ja-
mes og Jeremy Lelliott.
Hugmyndin að Óvini óvinar míns
varð til eftir að ráðist var á sendi-
ráð Japana í Perú fyrir þremur ár-
um. Kvikmyndafyrirtækið Trimark
Pictures vildi búa til spennumynd
sem fjallaði um gíslatöku í banda-
rísku sendiráði. Það réð handrits-
höfund til þess að þróa hugmynd-
ina og fékk leikstjórann Gustavo
Graef-Marino til þess að taka að
sér leikstjórnina en hann hafði vak-
ið athygli með mynd sinni „Johnny
100 pesos“, sem fjallaði um ekki
ósvipað efni en var miklu mun
ódýrari og minni umfangs.
„Ég hafði mjög gaman af
Hannali og Peter Weller sem leikur tölvufræðing í Óvinur óvinar míns.
Tom Berenger er hershöfðinginn sem sendur er til Rúmeníu .
spennuþættinum í handritinu," er
haft eftir Gustavo. „Það bauð upp á
svo marga möguleika á að kljást
við spennutrylli að ég ákvað að slá
til.“
Leikaranum Peter Weller, sem
stundar listnám þessi misserin í
Flórens á Ítalíu, leist vel á hand-
ritið. „Mér fannst það bæði
skemmtilegt og heillandi," er haft
eftir honum. Hann flaug til Rómar
að heilsa upp á Gustavo og leist vel
á hvernig leikstjórinn sá myndina
fyrir sér og þátt Steves í henni.
„Ég horfði svo á fyrri mynd hans,
„Johnny 100 pesos“ og ég vissi að
ég varð að taka þátt í gerð mynd-
arinnar.“
Fljótlega eftir það gekk Tom
Berenger til liðs við framleiðend-
Darryl Hannah leikur sendi-
ráðsfulltrúa sem lendir í bragð-
vondu í Búkarest.
urna. „Mér leist vel á persónu
hershöfðingjans vegna þess að
hann var eins og sambland af John
Wayne og Patton hershöfðingja.
Einnig minnti sagan mig á mynd-
ina Z eftir Gosta Gavras.“
Frumsýning
KVIKMYNDIR/Bíóborgin frumsýnir myndina „Theory of Flight“ með Kenneth Branagh
og Helena Bonham Carter í aðalhlutverkum undir leikstjórn Paul Greengrass.
Kenningar
um flug
Frumsýning
RICHARD (Kenneth Bran-
agh) er að reyna að fljúga.
Aftur. í þetta sinn flýgur
bann ofan af þaki bankans þar sem
langþreytt kærastan hans, Julie
(Holly Aird), starfar. í framhaldi af
því fer hún frá honum. Richard er
miður sín eftir aðskilnaðinn og held-
ur í afskekkt hérað í Wales að sleikja
sár sín.
En vegna þess að flug hans ofan af
byggingunni var í hæsta máta ólög-
legt er hann dæmdur til þess að
vinna við samfélagsþjónustu í 120
stundir. Ein af þeim sem hann að-
stoðar er hin 25 ára gamla Jane (Hel-
ena Bonham Carter), sem er lömuð í
hjólastól vegna ólæknandi sjúkdóms.
Þannig er söguþráðurinn í nýjustu
mynd Kenneth Branaghs sem fengið
hefur heitið „Theory of Flight" og er
frumsýnd í Bíóborginni. Mótleik-
kona hans er Helena Bonham Carter
en síðast léku þau saman í myndinni
Frankenstein og hafa raunar búið
saman síðan. Leikstjóri „Theory" er
Paul Greengras. Með önnur hlutverk
fara m.a. Gemma Jones, Holly Aird,
Sue Jones Davies og Ray Stevenson.
Kenneth Branagh segist ánægður
með að hafa ekki þurft að hafa
áhyggjur af leikstjóminni í þetta
skiptið en hann leikstýrir iðulega
Sérstakt samband; Kenneth
Branagh og Helena Bonham
Carter sem Richard og Julie.
sjálfur þeim bíómyndum sem hann
leikur í. „Það eru ákveðin forréttindi
að þurfa ekki að hafa áhyggjur af
tímaáætlunum og þessháttar. Ég
mæti bara í vinnuna og geri það sem
ég á að gera.“
Talað var um Branagh á sínum
tíma sem undrabarn í breska leik-
húsheiminum. Hann hafði vakið
mikla athygli fyiir sviðsleik þegar
hann gerði sína fyrstu bíómynd sem
var Hinrik V. byggð á leikriti Willi-
am Shakespeares. Síðan þá hefur
Branagh verið mikið kappsmál að
kvikmynda verk stórskáldsins og
eftir hann liggja fleiri Shakespeare-
myndir, síðast Hamlet.
Hann fór vestur um haf og lék í
Hollywood-myndum eins og „Dead
Again“, Frankenstein sem áður var
nefnd, og nýlega í mynd Woody Al-
lens, „Celebrity“, en var alltaf með
annan fótinn í Bretlandi og gerði
myndir eins og Vinir Péturs.
Helena Bonham Carter vakti fyrst
verulega athygli í myndum
Merchant og Ivorys eins og Her-
bergi með útsýni og „Howard’s
End“. Hún hefur einnig leikið fyrir
Woody Allen í myndinni „Mighty
Aphrodite" og á móti Mel Gibson
þegar hann lék Hamlet. Nýjasta
mynd hennar er Bardagaklúbburinn
þar sem hún leikur á móti Edward
Norton og Brad Pitt.
Leikkonan Gemma Jones hefur
farið með hlutverk bæði í sjónvarpi
og kvikmyndum á undanförnum ár-
um. Á meðal mynda hennar má
nefna „ Sense and Sensibility" þar
sem hún lék á móti Emmu Thomp-
son og Kate Winslet, og „The Devils“
eftir Andrew Grieve.
Stutt
Orðljótur
páfagaukur
PÁFAGAUKURINN Percy
hefur verið rekinn úr bresk-
um látbragðsleikflokki sem
einbeitir sér að barnasýning-
um. Verið var að æfa Sjó-
ræningjana á Gulleyjunni og
átti Percy að sitja á öxl
Langa Jóns og segja nokkr-
ar línur. Þegar Percy átti að
fara með sínar línur kom
bara fúkyrðaflaumur frá
þessum fiðraða leikara.
Mark Hyde, sem fer með
hlutverk Langa Jóns, segist
ekki skilja hvar Percy lærði
þennan munnsöfnuð og það
sé ljóst að það verði að finna
annan páfagauk í hlutverkið.
Ekki
fyrirmynd-
arskáti
BRESKA skátasambandið er
ekki ánægt með söngvarann .
Elton John þessa dagana.
Ástæðan er
sú að Elton
stóð fyrir
söngskemmt-
un á tíu ára
afmæli Ston-
ewall-sam-
taka sam-
kynhneigðra
og við það
tækifæri komu fram með hon-
um karlkyns nektardansarar
sem við upphaf sýningarinnar t
voru klæddir í skátabúning-
ana. Ekki leið þó á löngu þar
til búningarnir fengu að
fjúka. Talsmaður Skátasam-
bandsins breska segist afar
óánægður með að jafn þekkt-
ur maður og Elton John skuli
taka þátt í slíkri smekkleysu.
Ekkert
dónatal
BRESKIR leigubflstjórar hafa
fengið tilmæli þess efnis að
ræða ekki við farþega si'na um
viðkvæm mál eins og kynlíf,
trúmál eða stjórnmál. Ekki
vöktu tilmælin kátínu leigubfl-
stjóra sem telja sig fullfæra
um að dæma það sjálfir hvaða
umræðuefni er við hæfi að
ræða við mismunandi farþega.
Heyrðist frá herbúðum þeirra
að nú hefði pólitisk rétthugsun
tekið út yfir allan þjófabálk.
Klemmdi
kauða
KANADÍSKUR ferðamaður
hefur lagt fram sérkennilega
ákæru á hendur kaffihúsakeðj-
unni Starbucks þar sem hann
fer fram á 1,5 milljón dollara í
skaðabætur. Að sögn Richard
Robbins, lögfræðings Edward
Skwarek, varð umbjóðandi
hans fyrir slysi á salemi kaffi-
hússins þegar limur hans
klemmdist milli salernissetunn-
ar og skálarinnar er maðurinn
snéri sér á setunni til að ná sér í
klósettpappír. Af þeim sökum
séu hreðjar mannsins vart sjón
að sjá og viðbúið að læknis-
fræðileg eftirmál vegna slyssins
muni verða ærin. I ákærunni
segir að það hafi verið vítavert
kæruleysi að hafa bilaða salern-
issetu á klósettinu. Einnig kem-
ur fram að 500 þúsund dollarar
skaðabótakröfunnar séu vegna
eiginkonu Skwarek, sem hafi
ekki getað notið eiginmannsins
sem skyldi eftir slysið.