Morgunblaðið - 08.03.2000, Blaðsíða 43

MORGUNBLAÐIÐ
MINNINGAR
MIÐVIKUDAGUR 8. MARS 2000 43
að undirbúa jarðveginn vel,“ sagði
hann, „það skilar sér síðar.“ Þessi
orð báru lífssýn hans vitni.
Þá var ekki síður lærdómsríkt
fyrir mig og aðra í fjölskyldunni að
leita til hans ef eitthvað þurfti að
spyrja um íslenskt mál. Hann var
mjög áhugasamur um gott og rétt
málfar og leiðrétti okkur óspart ef
honum þótti nauðsyn bera til.
í ferðalögum okkar Gunnars með
þeim hjónum, Halldóru og Jóni, var
hann ævinlega hrókur alls fagnaðar
og kunni þá list að gera greinarmun
á starfi og einkalífi. Hann var góður
hlustandi og ráðhollur.
Guð gefi honum góða himnaríkis-
vist.
Ingibjörg Elíasdóttir.
Kæri Jón Dan. Ég á eftir að
sakna þess að geta ekki tölt yfir til
þín og fengið góð ráð í garðyrkjum-
álum eða uppörvun þegar ég er
búin að missa stjórn á arfanum.
Mig langar að þakka þér fyrir allt
það sem þú hefur kennt mér í lífinu.
Þó ég sé látinn,
harmið mig ekki með tárum.
Hugsið ekki um dauðann
með harmi og ótta;
ég er svo nærri að
hvert eitt ykkar tár
snertir mig og kvelur.
En þegar þið hlægið
og syngið með glöðum hug.
lyftist sál mín upp í mót til ljóssins:
Verið glöð og þakklát
fyrir allt sem lífið gefur, og ég,
tek þátt í gleði ykkar yfir lífinu.
(Höf.ók.)
Þórdís Gunnarsdóttir.
Elsku Jón Dan. Guð blessi þig og
megi allir englar vaka yfir þér.
Gangi þér vel með nýja starfið
þarna uppi og þar verður þú frískur
og glaðlegur. Mér þykir leitt að ég
skuli ekki geta komið í þína elsku-
legu jarðarför. Mér hefur alltaf
fundist þú frábær og laglegur en nú
ferð þú til „Nangijala" og lifir þar
góðu lífi þar eins og hér á jörðinni.
Ég man uppi í sumó þar sem þú
undir þér best en í „Nangijala"
eignastu fínan sumarbústað en
hann heitir Epladalur. Þar verður
þú hressari en nokkur mannvera.
Vertu sæll, afi Jón Dan, og gangi
þér vel.
Sunneva Einarsdóttir.
Nú er Jón Dan horfinn úr hópn-
um, þeim hópi sem ég var ungur
dreginn inní fyrir fjórum áratugum.
Þeir eru reyndar margir horfnir á
undan honum þessir hógværu menn
sem gerðu ekki kröfur nema til
sjálfra sín og urðu þessvegna að
sinna því sem hendi var næst sér til
viðurværis. Þá voru menn ekki á
föstum ríkislaunum við að framleiða
sögur.
Jón Dan hafði ungur komist í
verslunarskóla og fékk starf á
skrifstofu ríkisféhirðis. Sagt hefur
verið að erfiðara sé að gæta fengins
fjár en að afla þess. Svo vel gætti
Jón Dan fjárhirslunnar að honum
var falin forstaða embættisins.
Þrátt fyrir annir og ábyrgð hélt
hann áfram ritstörfum. Eftir hann
standa allmargar skáldsögur, eftir-
minnilegastar eru mér Atburðirnir
á Stapa og Arið eftir spönsku veik-
ina þar sem drjúg heimildakönnun
liggur að baki. En bestar þykja
mér smásögurnar. Mikill verður
orðinn vegur smásagnagerðar hér
ef Blautu engjarnar í Brokey,
Kaupverð gæfunnar eða Jörð í fest-
um finnast ekki lengur í úrvali ís-
lenskra smásagna. Auk þess gaf
Jón Dan út eina ljóðabók, Berfætt
orð, árið 1967.
Jón Dan tjáði mér eitt sinn, þá
kominn á eftirlaun, að nú gæti hann
ekkert skrifað framar einsog hann
þó hafði vonað og raunar hlakkað til
loksins laus við allar skyldur. Emb-
ættið hafði tekið sinn ríflega toll og
það var sorglegt. Hér er engin út-
tekt gerð á störfum nafna míns, en
honum þökkuð við leiðarlok
ánægjuleg kynni og ljúft viðmót.
Ekki aðeins var íþrótt hans vammi
firrt, heldur einnig hann sjálfur.
Jón frá Pálmholti.
AÐALSTEINN
THEODÓR
GÍSLASON
Aðalsteinn
Theodór Gíslason
var fæddur í Reykja-
vík 22. júní 1918.
Hann lést á Hrafnistu
28. febrúar síðastlið-
inn. Foreldrar hans
voru Guðlaug Magn-
úsdóttir frá Hólm-
fastskoti í Innri-
Njarðvík, f. 17. apríl
1892, d. 12.7. 1970,
og Gísli Gíslason frá
Valdastöðum í Kjós,
f. 5. febrúar 1892, d.
17.12. 1973. Böm
þeirra hjóna voru
Sigríður, Gunnar (látinn), Aðal-
steinn Theodór og Petra.
Arið 1960 kvæntist Aðalsteinn
Margréti Konráðsdóttur, verka-
konu og húsmóður, f. 5. febrúar
1908, d. 6. apríl 1995. Dætur Mar-
grétar og fósturdætur Aðalsteins
eru Guðrún Árna-
dóttir, húsmóðir, f.
7. febrúar 1932, og
Sigríður Árnadóttir,
sjúkraliði, f. 4. sept-
ember 1933. Dætur
Guðrúnar eru Mar-
grét, f. 1955, og
Hjördís, f. 1966.
Börn Sigríðar eru
Ágústa Dúa, f. 1956,
Ólafur Ingi, f. 1957,
og Eiríkur, f. 1959.
Aðalsteinn vann
mestan sinn starfs-
aldur á sjó eða í 43
ár, á bátum, togur-
um og á millilandaskipum, en
vann síðustu starfsár sín sem
verkstjóri í landi hjá Skipaútgerð
ríkisins.
Útfór Aðalsteins fer fram frá
Áskirkju í dag, og hefst athöfnin
klukkan 13.30.
Vinur minn og fósturafi mannsins
míns, Ólafs Inga Jónssonar, er lát-
inn. Þegar ég fyrst kynntist Aðal-
steini árið 1990 fannst mér strax eins
og við værum einhvers konar and-
legir félagar sem hefðu nú hist eftir
langar fjarvistir. Handtak hans var
þétt og traust þegar hann tók í hönd
mína með sinni stóru sjómannshendi
og hann horfði í augun á mér um leið
og sagði: „Vertu velkomin, vina mín.“
Og þannig leið mér ætíð á heimili
hans og Margrétar: ég var ætíð raun-
veiulega velkomin. Smám saman
kynntist ég þessum stói'vaxna og
glæsilega manni nánar. Við töluðum
um ættir, sveitalíf, sjómannslíf, ís-
lenska menningu og síðast en ekki
síst yfirskilvitlega hluti því eins og al-
kunna er þá eru sjómenn oft trúaðra
fólk en aðrir. Ótal sögur sagði hann
mér um það hvernig vakað hefði ver-
ið yfir honum öll þau ár sem hann var
á sjó og hversu lánsamur hann alltaf
hefði verið, ekki síst fyrir það að eiga
sína góðu og fallegu eiginkonu Mar-
gréti.
Aðalsteinn var vel hagmæltur og
sendi gjarnan barnabörnum sínum
Ijóðabréf með góðum heilræðum.
Hann hélt einnig einstakar dagbæk-
ur í ljóðformi sem unun var að lesa,
ekki bara fyrir sérstakan stíl, heldur
einnig fyrir þá sérkennilegustu rit-
hönd sem ég hef séð. Hver bókstafur
minnti nánast á japanskt myndletur,
háður sínum eigin lögmálum og sjálf-
stæður, þannig að það tók mig all-
nokkurn tíma að ráða í þessar rúnir
sem síðan birtust mér sem opinberun
í fegurð sinni í fullu samræmi við
innihald Ijóðanna og sjálfa persónu
Aðalsteins. Hann var traustur, glæsi-
legur og greindur maður. Yfirborðs-
mennska og gaspur voru honum lítt
að skapi og hann þagði frekar en að
segja eitthvað sem ekki hafði neina
merkingu. Og þannig var það að við
gátum líka þagað saman, til dæmis
þegar hann kom í sínar reglubundnu
morgunheimsóknir til mín meðan
yngri bömin mín voru enn mjög ung.
Samræðumar hófust þá yfirleitt ekki
fyrr en kaffið var tilbúið. Þá sagði
hann mér sögurnar sínar, langar og
myndrænar svo unun var á að hlýða.
Hann hafði þann fágæta eiginleika,
sem er að glatast í hraða nútímans,
að kunna að segja sögur og sömuleið-
is að kunna að hlusta, hvort sem það
var á mínar sögur eða einhvers konar
vandamál sem knúðu dyra.
Ég og maðurinn minn kveðjum
kæran vin og afa með þakklæti fyrir
að hafa gefið okkur af viskubrunni
sínum og sýnt okkur svolítið af því
hvað felst í því að vera manneskja.
Gróa Finnsdóttir.
Formáli
minningar-
greina
ÆSKILEGT er að minningar-
greinum fylgi á sérblaði upp-
lýsingai' um hvar og hvenær sá,
sem fjallað er um, er fæddur,
hvar og hvenær dáinn, um for-
eldra hans, systkini, maka og
börn, skólagöngu og störf og
loks hvaðan útför hans fer
fram. Ætlast er til að þessar
upplýsingar komi aðeins fram í
formálanum, sem er feitletrað-
ur, en ekki í greinunum sjálf-
um.
Sérfræðingar
í blómaskreytingum
við öll tældfæri
Skólavörðustíg 12,
á liorni Bergstaðastrætis,
sími 551 9090.
B!ómabú3ín
Cia^Sskom
v/ T-ossvogskirkjwgarS
S(mh 554 0500
ÚTFARARSTOFA
HAFNARFJARÐAR
Stapahrauni 5, Hafnarfirði, simi 565 5892
Persónuleg,
alhliða útfararþjónusta.
Áralöng reynsla.
Sverrir Einarsson,
útfararstjóri
Sverrir Olsen,
útfararstjóri
Útfararstofa íslands
Suðurhlíð 35 ♦ Sími 581 3300
Allan sólarhringinn. www.utfararstofa.ehf.is/
+
Elskuleg eiginkona mín, móðir okkar, tengda-
móðir, amma og langamma
HULDA GUÐBJÖRG HELGADÓTTIR,
Brunnum 9,
Patreksfirði,
lést á líknardeild Landspítalans mánudaginn
6. mars.
Björn Jónatan Björnsson,
Helgi G. Björnsson, Hjördís Karlsdóttir,
Jóhanna Björnsdóttir, Erling R. Ormsson,
Eggert Björnsson, Ragnheiður Gísladóttir,
Gunnar Óli Björnsson, Jóna Júlía Böðvarsdóttir,
Anna Björnsdóttir, Sigurður Ingi Guðmundsson,
ömmubörn og langömmubörn.
Okkar ástkæri sonur, bróðir og barnabarn,
ÓMAR ELVARSSON
frá Suðureyri,
til heimiiis í Þverbrekku 4,
Kópavogi,
andaðist á Sjúkrahúsi Reykjavíkur mánu-
daginn 6. mars.
Útförin verður auglýst síðar.
Elvar Jón Friðbertsson, Steíndóra Andreasen,
Haukur Elvarsson,
Hallgerður Jóna Elvarsdóttir,
Berint Andreasen, Halgerð Andreasen
og aðrir ástvinir hins látna.
+
Elskuleg eiginkona mín, móðir okkar, tengdamóðir, amma og lang-
amma,
INGVELDUR MARKÚSDÓTTIR,
Hrafnistu,
Hafnarfirði,
áður Klapparstíg 9,
Reykjavík,
lést á Landspítalanum sunnudaginn 5. mars.
Stefán T. Hjaltalín,
Sigurbjörg M. Stefánsdóttir, Guðmundur M. Sigurðsson,
Ingibjörg Stefánsdóttir Hjaltalín, Jóhannes Sv. Halldórsson,
Sigurður J. Stefánsson,
barnabörn og langömmubörn.
+
Ástkær eiginmaður minn, faðir okkar, tengda-
faðir, afi og langafi,
FRIÐRIK HAFSTEINN SIGURÐSSON,
Lambastekk 6,
Reykjavík,
verður jarðsunginn í kirkju Óháða safnaðarins
fimmtudaginn 9. mars kl. 15.00.
Blóm og kransar vinsamlega afþakkaðir, en
þeim, sem vilja minnast hans, er bent á M.S. félagið.
Guðríður L. Guðmundsdóttir.
Ómar Friðriksson,
Ámundi Friðriksson,
Guðmundur H. Friðriksson,
Auður Friðriksdóttir,
Sigurður Friðriksson,
Lilja Guðrún Friðriksdóttir,
Sigurrós Friðriksdóttir,
Edda Axelsdóttir,
Anna Breiðfjörð,
Margrét Sigurðardóttir,
Jón Einarsson,
Vilborg Kr. Gísladóttir,
Steindór R. Ágústsson,
barnabörn og bamabarnabörn.
+
Elskuleg móðir mín, tengdamóðir, amma og
langamma,
HANSÍNA KRISTÍN ÞORSTEINSDÓTTIR,
Sunnuhvoli,
Hvammstanga,
andaðist á Sjúkrahúsi Hvammstanga sunnu-
daginn 5. mars.
Útförin fer fram frá Hvammstangakirkju föstu-
daginn 10. mars kl. 14.00.
Hrólfur Egilsson, Guðrún Hauksdóttir,
Hrefna Hrólfsdóttir, Viðar Örn Hauksson,
Arnar Hrólfsson, Jóhanna M. E. Matthíasdóttir,
Sigursteinn Hrólfsson
og langömmubörn.