Morgunblaðið - 08.03.2000, Blaðsíða 52

52 MIÐVIKUDAGUR 8. MARS 2000
I DAG
MORGUNBLAÐIÐ
• •
011 met slegin í
undankeppni
OZ.COM
SKAK
icc -
chessclub.com
UNDANKEPPNIFYRIR
HEIMSMÓTIÐ
4. mars 2000
GRÍÐARLEGUR áhugi var
meðal skákmanna um allan heim
á undankeppni 0Z.C0M fyrir
Heimsmótið sem haldið verður
hér á landi 1.-2. apríl. Alls tóku
310 skákmenn með alþjóðleg
skákstig þátt í mótinu, þar af 64
stórmeistarar. Mótið var haldið
á ICC skákþjóninum sem er lík-
lega vinsælasti „samkomustað-
ur“ skákmanna um þessar
mundir. Auk þess sem þarna er
stöðug taflmennska í gangi þá
hafa skákmenn getað fylgst með
öllum helstu stórviðburðum
skákheimsins á undanförnum
árum í beinni útsendingu. Und-
ankeppni OZ.COM sló hins veg-
ar öll fyrri met, en fjöldi þeirra
sem var tengdur ICC samtímis
fór upp í 2.615 meðan mótið stóð
yfir. Þá hafa aldrei jafnmargir
alþjóðlegir titilhafar verið
tengdir ICC samtímis, en þeir
voru 168. Einnig má fullyrða að
þetta sé stærsta skákmótið sem
haldið hefur verið á ICC.
Tefldar voru níu umferðir á
mótinu með fimm mínútna um-
hugsunartíma, auk þess sem
fimm sekúndur bættust við eftir
. hvern leik. Eins og við mátti
búast var mótið mjög spenn-
andi, en hægt var að fylgjast
með skákunum leik fyrir leik á
Netinu. Breski stórmeistarinn
Nigel Short var einn efstur fyrir
síðustu umferð með 714 vinning.
í síðustu umferð mætti hann
pólska stórmeistaranum Aleks-
ander Wojtkiewicz, sem tefldi
undir nafninu „happensreels“ á
mótinu. Wojtkiewicz sigraði og
þar með varð Short að sjá á bak
efsta sætinu. Wojtkiewicz varð
þar með efstur á mótinu ásamt
landa sínum, stórmeistaranum
Robert Kempinski. Þeir hlutu
báðir átta vinninga og urðu hálf-
um vinningi á undan næstu
* keppendum.
Wojtkiewicz og Kempinski
háðu einvígi um sigurinn á mót-
inu og þar sigraði Wojtkiewicz
eftir spennandi keppni með
þremur vinningum gegn einum.
Fyrir sigurinn fær Wojtkiewicz
ferð til Islands og þátttökurétt á
Heimsmótinu ásamt Kasparov,
Anand og fleirum.
Þar sem keppendur tefldu
ekki undir eigin nafni á mótinu
er í sumum tilfellum erfitt að
átta sig á hverjir hinir raun-
verulegu keppendur voru. Þó
virðist sumum íslendingunum
hafa gengið ágætlega á þessu
sterka móti. Þannig lenti alþjóð-
legi meistarinn Jón Viktor
Gunnarsson í 13.-27. sæti, sem
er frábær árangur. Hann hlaut
6V4 vinning. Helgi Ólafsson,
stórmeistari, virðist hafa náð
næstbestum árangri íslensku
keppendanna, en hann hlaut 6
vinninga og lenti í 28.-50. sæti.
Strákarnir í taflfélaginu
standa fyrir sínu
Klúbbakeppni Hellis fór fram
í fjórða sinn um síðustu helgi.
Klúbburinn Strákarnir í taflfé-
laginu sigraði að þessu sinni.
AUs hlaut sveitin 28‘/2 vinning í
36 skákum. Sveitin hafði forystu
á mótinu allan tímann. I öðru
sæti varð A-sveit Heiðrúnar
með 2714 vinning. Þessar sveitir
höfðu töluverða yfirburði. I 3.-4.
urðu A-sveitir BDTR og Díónýs-
us og þurfti þá að grípa til stiga-
útreiknings þar sem BDTR
sigraði með 114 stigi.Urslitin
urðu sem hér segir:
1. Strákarnir í taflfélaginu
2814/36 v.
2. Heiðrún A-sveit 2714 v.
3. BDTR A-sveit 23 v.
4. Díónýsus A-sveit 23 v.
5. Félag íslenskra fræða 21 v.
6. Heiðrún B-sveit 1914 v.
7. Díónýsus C-sveit 18 v.
8. Peðaklúbburinn 1614 v.
9. Verða að fara 16 v.
10. BDTR 15 v.
11. KR-klúbburinn 15 v.
12. Grand Mix 13 v.
13. Álfarnir 12 v.
14. Sundler 4 v.
Efstu sveitirnar voru þannig
skipaðar:
Strákarnir í taflfélaginu:
1. Sævar Bjarnason 514 v.
2. Benedikt Jónasson 7 v.
3. Þorsteinn Þorsteinsson 7*4
v.
4. Ögmundur Kristinsson 814
v.
Heiðrún A-sveit:
1. Jón Viktor Gunnarsson 7 v.
2. Bragi Þorfinnsson 6 v.
3. Arnar E. Gunnarsson 614 v.
4. Bergsteinn Einarsson 8 v.
BDTR A-sveit:
1. Hannes Hlífar Stefánsson 9
v.
2. Halldór Grétar Einarsson 2
v.
3. Sigurður Daði Sigfússon 7
v.
4. Gunnar Bjömsson 5 v.
Bestum árangri á einstökum
borðum náðu eftirtaldir:
1. Hannes Hlífar Stefánsson 9
v.
2. Sigurbjörn J. Björnsson 9
v.
3. Þorsteinn Þorsteinsson 714
v.
4. Ögmundur Kristinsson 814
v.
Skákstjóri var Þorfinnur
Björnsson.
Skákmót á næstunni
9.3. TG. Skákþing Garðabæjar
Daði Örn Jónsson
Peysurnarfást
í Glugganum
Glugginn
Laugavegi 60. Sími 551 2854
Enn um
gagna-
grunninn
ÉG get bara ekki orða
bundist lengur svo blöskrar
mér allt þetta uppistand
vegna hins umtalaða
gagnagrunnsmáls. Ég held
að fólk ætti að staldra að-
eins við í allri peninga-
hyggjunni. Af hverju er
mörgum svona illa við að
eitthvert fyrirtæki beri sig
og skili jafnvel hagnaði?
Þau mættu reyndar vera
fleiri fyrirtækin sem það
gera. En hagnaðurinn yrði
ekki aðeins peningar í þetta
sinn, hann yrði kannski
ómetanlegur, ef tækist að
bjarga mannslífum og
heilsu fólks um ókomin ár
og aldir með þessum rann-
sóknum og þessari tækni.
Og nú tala ég af eigin
reynslu.
Ég sit hér hálflömuð eftir
heilablóðfall sem ég fékk
fyrir þremur árum. Og
manninn minn missti ég
VELVAKANDI
Svarað í síma 569 1100 frá 10-12 og 13-15
frá mánudegi til föstudags
eftir svipað áfall fyrir
nokkrum árum og ég veit
því hvers virði líf og heilsa
er. Það sem fyrst og síðast
kemur upp í hugann við
þessar aðstæður er: Hvað
um börnin okkar, í hve mik-
illi hættu eru þau og afkom-
endur okkar ef þetta gengi
þeim í arf og eru ekki mörg
tilfellin af svipuðum toga í
okkar velferðarþjóðfélagi?
Hversu dýrmætt væri þá
ekki að leitað yrði að örsök-
unum og máski fundið ráð
til að fyrirbyggja slíkt. Ég
held a margt fólk geri sér
ekld grein íyrir hvílíkan
fjársjóð það á meðan heils-
an er í lagi og hvers það
færi á mis ef hún brygðist.
Við vitum líka öll að þær
rannsóknir sem að gangi
mættu koma kosta ógrynni
fjár og ómældan tíma, en
þá ekki síst samhug og
samhjálp sem mér finnst að
allir ættu að láta góðfús-
lega í té en ekki reyna að
spilla fyrir með öllum ráð-
mn. Og ekkert finnst mér
ég hafa heyrt lágkúrulegra
nú nýlega, en að það ætti að
fara að heimta greiðslu fyr-
ir sýni til rannsókna á heil-
brigðissviði.
Góðir lesendur, ég vona
sannarlega að þið lendið
ekki í því að missa heilsuna,
en hugsið ykkur tvisvar um
áður en þið takið ákvörðun
um að skerast úr leik, því
að; þótt gaman væri að eiga
auð/ útlitið og frægðina/
yrðum við af öllu snauð/ ef
við misstum heilsuna.
Anna Árnadóttir,
Blönduósi.
Tapað/fundid
Giftingahringur
týndist
GIFTINGAHRINGUR
týndist föstudaginn 25.
febrúar síðasliðinn. Inni í
hringnum stendur Helga
mín. Skilvís finnandi
vinsamlegast hringi í síma
562-3275 eða 696-6202.
GSM-sími
týndist
ÉG týndi GSM-símanum
mínum fostudagskvöldið 4.
mars sl. annað hvort á Sól-
on Islandus eða Dubliner’s.
Síminn er af Nokia 5110
gerð og með grænni nokia
framhlið og svörtum tökk-
um. Ef einhver hefur fund-
ið hann vinsamlegast
hringið í síma 867 2880.
Fundarlaun.
Svört silkislæða
týndist
GRÍÐARSTÓR svört silki-
slæða með ljósbrúnu og
gráu munstri, gegnsæ að
hlutatil, týndist í Karla-
kórshúsinu Ýmir laugar-
daginn 26. febrúar síðast-
liðinn. Slæðan hefur mikið
tilfinningalegt gildi fyrir
eigandann. Finnandi
vinsamlegast hringi í
Rannveigu í síma 560-6983
eða 899-4673. Fundarlaun.
Nokia 5110
týndist
NOKIA 5110 GSM-sími
týndist við Lækjartorg að-
faranótt laugardagsins 4.
Mars síðastliðinn. Upplýs-
ingar gefur Svava í síma
699-8958 eða 568-8958.
Morgunblaðið/Ásdís
Víkverji skrifar...
HÁSKÓLI íslands hélt í síðustu
viku málþing í samvinnu við
Reykjavíkurborg og Samtökin um
betri byggð um skipulag bæja. Áður
en málþingið hófst var sagt frá því í
fréttabréfi Háskólans. Með umfjöll-
uninni fylgdi mynd af vinningstillögu
frá árinu 1951 sem hét „Fegrun
Tjarnarinnar". Tillagan gerði ráð
fyrir að öll gömlu húsin við við Tjarn-
ar- og Suðurgötu yrðu rifin og í stað
þeirra yrðu byggðar átta hæða
blokkir með flötu þaki. Blokkirnar
minntu um margt á hús sem reist
voru í Stalingrad eftir seinna stríð.
Víkverji getur ekki annað en fagnað
því að þessi tillaga varð aldrei að
veruleika. Húsin eru alls ekki falleg
og tillagan „Fegrun Tjarnarinnar"
er sannarlega öfugmæli.
Tillagan minnti hins vegar óþægi-
lega á tillögu samtakanna Betri
byggð sem kynnt var fyrir skömmu
en hún gerði ráð fyrir að byggðar
yrðu margar átta hæða blokkir í
Vatnsmýrinni í stað flugvallarins
sem þar er. Víkverji hefur litla trú á
að almennt fylgi sé við svona bygg-
ingar. Tillagan virðist byggjast á
þeirri hugmynd að fólk eigi að búa
þétt líkt og í stórborgum erlendis.
Væntanlega er einnig gert ráð fyrir
að stór hluti af fólkinu í þessu fjöl-
menna hverfi eigi ekki bíla heldur
noti almenningssamgöngur. Að mati
Víkverja hefur almenningur hafnað
þessari stefnu á síðustu árum og
augljóst merki um það er stóraukin
bílaeign landsmanna.
xxx
YÍKVERJI skoðaði fyrir
skömmu nýtt húsnæði Karla-
kórs Reykjavíkur í Skógarhlíð. Þar
er sannarlega um glæsilegt tónleika-
hús að ræða sem ber vitni um metn-
að og dugnað þeirra sem að húsinu
standa. Vonandi tekst Karlakórnum
að nýta húsið sem best. Einhvern
veginn getur Víkverji ekki varist
þeirri hugsun að ekki sé jafnnauð-
synlegt og áður að ríkisvaldið reisi
tónlistarhús fyrir milljarða eftir að
tónlistarhús Karlakórs Reykjavíkur
og tónlistarhúsið í Kópavogi eru ris-
in.
xxx
AÐ er umhugsunarvert að mað-
ur sem ber ábyrgð á aftökum
120 manna skuli hugsanlega verða
kjörinn forseti Bandaríkjanna. Þetta
er George Bush yngri, sem á fimm
árum sem ríkisstjóri í Texas hefur
staðfest dauðadóm yfir um 120
dæmdum glæpamönnum. Hvergi
eru aftökur í Bandaríkjunum eins
tíðar og í Texas. Margir hinna
dæmdu morðingja eru varðir af
reynslulitlum eða lélegum lögfræð-
ingum og ekki er víst að þeir séu allir
sekir um það sem þeir eru ásakaðir
um. Víkverji hefur oft velt fyrir sér
þeirri siðferðilegu spumingu hvort
réttlætanlegt sé að taka morðingja
af lífi. í öllum Evrópulöndum, utan
Tyrklandi, hefur þessari spurningu
verið svarað neitandi, en í mörgum
fylkjum Bandaríkjanna hefur henni
hins vegar verið svarað játandi.
Víkveiji hefur litla samúð með
málstað morðingja, en hann getur
hins vegar alls ekki komið því heim
og saman að trúa á og fylgja boðskap
Jesú Krists og vera fylgjandi dauða-
refsingum. Kristur boðaði fyrirgefn-
ingu og kærleik, en hafnaði alfarið
boðskap Gamla testamentisins:
„Auga fyrir auga og tönn fyrir tönn.“
Það er því niðurstaða Víkverja að
hafna alfarið dauðarefsingum. Það
er hins vegar umhugsunarvert að
George Bush yngri á ekki í neinum
erfiðleikum með þetta tvennt. Hann
lýsir sjálfum sér sem einlægum
trúmanni sem trúir á boðskap
Krists, en jafnframt er hann einn öt-
ulasti stuðningsmaður dauðarefs-
inga í Bandaríkjunum.