Morgunblaðið - 18.07.2000, Page 18

18 ÞRIÐJUDAGUR 18. JÚLÍ 2000
MORGUNBLAÐIÐ
AKUREYRI
Fjarkennsla getur
haft félagslegan ávinn-
ing í för með sér
Morgunblaðið/Kristján
Skarphéðinn Jónsson, skólastjóri grunnskóla Hólmavíkur, Rúnar Sig-
þórsson, frá Rannsóknarstofnun Háskólans á Akureyri og Vilhjálmur Þ.
Vilhjálmsson, formaður sambands íslenskra sveitarfélaga.
SÍÐASTLIÐINN vetur stóð yfir til-
raun með fjarkennslu á millli grunn-
skólans á Hólmavík og Broddanes-
skóla á Ströndum. Markmið
tilraunarinnar var m.a. að kanna
kosti og galla fjarkennslu fyrir fá-
menna skóla úti á landi.
Það var Samband íslenskra sveit-
arfélaga sem stóð að tilrauninni með
fjárhagslegum stuðningi frá Jöfnun-
arsjóði sveitarfélaga, Byggðastofn-
un og menntamálaráðuneytinu.
Rannsóknarstofnun Háskólans á
Akureyri hafði umsjón með tilraun-
inni og vann skýrslu um niðurstöður
hennar. Þær niðurstöður, auk
reynslu aðstandenda tilraunarinnar,
voru kynntar á blaðamannafundi á
Akureyri í gær.
Erfitt að manna fámenna skóla
í máli Vilhjálms Þ. Vilhjálmsson-
ar, formanns Sambands íslenskra
sveitarfélaga, kom m.a. fram að
vandamál fámennra skóla væri oft
að erfiðlega gengi að fá hæft fólk til
starfa og hætta væri á faglegri ein-
angrun kennara. Einnig er náms-
framboð oft minna í fámennum skól-
um. Þessi vandi hefði m.a. orðið til
þess að farið var að huga að því að
nýta nútímafjarskiptatækni til að
draga úr einangrun afskekktra
skóla.
Það kom einnig fram hjá Vilhjálmi
að á síðasta skólaári var rekinn 21
skóli á landsbyggðinni með færri en
þijátíu nemendur, eða færri en þrjá
nemendur að jafnaði í árgangi, og af
þeim voru fimm skólar með færri en
tíu nemendur. Þess má geta að í vet-
ur stunduðu um níutíu nemendur
nám í grunnskóla Hólmavíkur og sex
nemendur í Broddanesskóla.
I þessu tilraunaverkefni var sett-
ur upp gagnvirkur fjarskiptabúnað-
ur í báðum grunnskólunum, sem
byggist á því að kennari sjái nem-
endur í báðum skólum og nemendur
sjái kennarann svo og hver annan.
Nemendum mikilvægt
félagslega
Skarphéðinn Jónsson, skólastjóri
grunnskólans á Hólmavík, tók einn-
ig til máls og rakti hvemig tilraunin
hefði gengið fyrir sig frá sjónarhóli
þessara tveggja skóla.
Hann sagði að þrátt fyrir að til-
raunin hefði að mörgu leyti tekist vel
væri Ijóst að fjarkennsla setti í raun
ákveðnar skorður. Til að sem mest
mætti fá út úr kennslustundunum
þyrfti nemendahópurinn að vera
einsleitur, á líkum aldri og með álíka
námsgetu. Augljóst væri að minna
væri um samband nemenda og kenn-
ara, ekki væri t.d. hægt að klappa á
axlir nemandans í hvatningarskyni.
Búnaðinn sagði Skarphéðinn hafa
rejmst vel. Gæta þyrfti hins vegar
sérstaklega að hljóðgæðum og þar
sem sama stofan væri notuð fyrir
alla aldurshópa væri mikilvægt að
húsgögnin væru stillanleg.
Ávinningar hefðu sérstaklega ver-
ið þeir að unnt var að rjúfa faglega
einangrun Broddanesskóla og einnig
skilaði þetta nemendum félagslegum
og námslegum ávinningum.
Fjarkennsla möguleg
í grunnskólum
Rúnar Sigþórsson, verkefnisstjóri
frá RHA, sagði að meginniðurstaðan
af þessari tilraun væri sú að fjar-
kennsla á grunnskólastigi væri
tækni- og kennslufræðilega mögu-
leg. Einnig væri ljóst að fjarkennsla
gæti aukið námsframboð, styrkt fé-
lagslega stöðu nemenda og aukið
samstarf á milli kennara.
Hann sagði að í viðtölum sínum
við nemendur og kennara kæmi í
ljós að virkni og vinnufriður í tímum
væri hliðstæð venjulegum kennslu-
stundum. Þó nefndu nokkrir nem-
endur að bið eftir kennara væri
meiri en ella.
Akkilesarhæll þessarar tilraunar
hefði í fyrstu verið lélegt símasam-
band, en það er alger forsenda þess
að fjarvinnsla sé möguleg. Úr því
hefði verið bætt að nokkru leyti en
þetta þyrfti að skoða vandlega ef
farið yrði af stað í slíkt verkefni ann-
ars staðar.
Hann kom einnig inn á að nem-
endur hefðu gott af að kynnast þess-
ari fjarfundatækni þar eð tölvan
gegndi orðið æ mildlvægara hlut-
verki í atvinnulífinu.
Aðstandendur tilraunarinnar
sögðu að ekki væri enn ljóst hvort
fleiri skólar tækju upp slíka tækni í
náinni framtíð en ljóst væri að marg-
ir hefðu fylgst áhugasamir með
þessu verkefni og nú væri brautin að
nokkru leyti rudd.
Morgunblaðið/Kristján
Aö þessu sinni var einnig keppt á línuskautum í Akureyrarmaraþoni og voru þátttakendur Qölmargir.
Akureyrar-
maraþon
um helgina
AKUREYRARMARAÞON var hald-
ið um helgina og fór vel fram þrátt
fyrir að veðrið væri ekki alitaf upp á
það besta, rigning og nokkur vind-
ur. Þátttaka var svipuð og undan-
farin ár en um 250 þátttakendur
hlupu og skautuðu mislangar vega-
lengdir um helgina.
Helstu úrslit urðu þau að í hálf-
maraþoni sigraði Erla Gunnarsdótt-
ir í kvennaflokki á tímanum 1:31:12
og í karlaflokki var sigurvegari Ing-
ólfur G. Gissurarson á tímanum
1:18:31.
I tíu km hlaupi bar Helga Björns-
dóttir sigur úr býtum í kvennaflokki
á 41:22 en Halldór Guðjón Jóhanns-
son í karlaflokki á 37:37.
í ár var einnig keppt á línuskaut-
um og í 10 km keppninni voru það
Ragnheiður Kr. Guðmundsdóttir,
33:54, og Viðar Júliusson, 30:47, sem
voru hlutskörpust. í 3 km keppninni
voru það hins vegar Ingibjörg
Ragna, 20:50, og Arnar Úlfarsson,
13:03, sem fóru með sigur af hólmi.
Sauðárkróki mið. 19/7 kl. 19
Borgarnesi fim. 20/7 kl. 19
Reykjavík, í laugardal
fös. 21/7 kl. 19 - lau. 22/7 kl. 17 og 19
sun. 23/7 kl. 17 og 19 - mán. 24/7 kl. 19
þri. 25/7 kl. 19 - mið. 26/7 kl. 19
fim. 27/7 kl. 19 - fös. 28/7 kl. 19
Miðasala opin daglega frá klukkan 14
Fagursöng’ur í
Deiglunni
KLASSÍSKIR tónleikar verða í
Deiglunni í kvöld, þriðjudagskvöldið
18. júlí, kl. 20. Flytjendur eru Elín
Halldórsdóttir sópran og Hannes
Guðrúnarson, sem leikur á klassísk-
an gítar.
Elín lauk þriggja ára námi við
London College of Music með
Graduate Diploma. Auk þess hefur
hún einnig verið í söngnámi í Köln.
Elín hefur einnig áttunda stigs próf í
píanóleik. Hún hefur komið fram í
óperunum Brúðkaup Fígarós og
Töfraflautunni en í dag kennir hún
söng og á píanó við tónlistarskólann
á Akureyri.
Hannes Guðrúnarson stundaði
framhaldsnám við tónlistarháskól-
ann í Bergen og lauk þaðan prófi í
einleik og kammertónlist. Hann
starfar nú sem gítarkennari á Akur-
eyri en er auk þess meðleikari og
einleikari á tónleikum.
Á tónleikunum flytja þau íslensk
þjóðlög í útsetningu Eyþórs Þorláks-
sonar, lög eftir Mario Castelnuovo-
Tedesco og Schubert. Aðgangseyrir
er 1000 krónur.
Morgunblaðið/Klemenz Bjarki
Fjöldi gesta sótti Hrfsey heim á íjölskyiduhátíðinni og hér má sjá gamla
Sævar koma drekkhlaðinn að bryggju í Hrísey.
Fólk skemmti sér á fjöl-
skylduhátíð í Hrísey
FJÖSLKYLDUHÁTÍÐ var haldin í
Hrísey um helgina og tókst vel til
með framkvæmd hennar að sögn for-
svarsmanna hátíðarinnar. Talið er að
um 1.800 manns hafi mætt þrátt fyr-
ir rigningu á laugardeginum, en
þurrt var á sunnudeginum. Ekki
spillti fyrir hátíðinni að nýja Hríseyj-
arfeijan sigldi í höfn í Hrísey um há-
degið á laugardeginum og gat fólk
skoðað ferjuna að innan, en hún var
ekki strax sett í siglingar milli eyju
og lands.
Að sögn Þórunnar Arnórsdóttur,
eins af skipuleggjendum hátíðarinn-
ar, var fólk komið út í ey til að gera
sér glaðan dag og allir fjölskyldu-
meðlimir skemmtu sér saman, óháð
aldri. Meðal þess sem hægt var að
gera sér til dundurs var að bregða
sér í skoðunarferð um eyjuna, fylgj-
ast með akstursleikni á dráttarvél-
um, leiktæki voru í boði fyrir börnin,
hægt var að kaupa handgerða muni í
sölutjöldum og svo má ekki gleyma
kvöldvökunni á laugardagskvöldinu.