Morgunblaðið - 18.07.2000, Blaðsíða 28

28 ÞRTÐ<hJDAdíj'R i«:4TÚÉÍ 2ÓUO
ERLENT
MÖRGUNBUÁÖIÖ
55 fórust er Boeing 737-200-þota hrapaði á íbúðarhús á Indlandi
Segja eld hafa logað
í öðrum hreyflinum
Patna á Indlandi. Reuters, AP.
FIMMTÍU og fimm manns fórust er Boeing 737-
200-þota hrapaði á íbúðarhús í borginni Patna á
Indlandi í gær. Sögðu sjónarvottar að eldur hefði
logað í öðrum hreyfli vélarinnar er hún kom inn til
lendingar. Var þotan í eigu indverska flugfélagsins
Alliance Air og var tuttugu ára gömul.
Slysið varð klukkan hálfátta í gærmorgun að
staðartíma, eða klukkan tvö í fyrrinótt að íslensk-
um tíma. „Vélin hristist... glugginn var opinn og
flugmaðurinn hrópaði og veifaði til fólks á jörðu
niðri að fara frá,“ sagði Suresh Rai, er varð vitni að
slysinu. „Það kom reykur úr vélinni."
Að sögn yfirvalda voru 58 manns um borð í vél-
inni og fórst 51. Fjórir íbúar húsanna er þotan lenti
á fórust. Samkvæmt öðrum tölum fórust 49 með
þotunni og átta á jörðu niðri. Sögðu sumir þeirra er
komust lífs af að þeir hefðu fundið skyndilegan
hristing áður en þrotan hrapaði til jarðar.
„Þegar vélin var um það bil að lenda byrjaði hún
að hristast," sagði Rohit Ranjan, fertugur rafvirki.
„Eg datt úr sætinu, en einhvem veginn tókst mér
að komast að útganginum sem var opinn og ég
stökk út. Ég lenti í forarpytti og það kom fólk og
hjálpaði mér.“
Engin viðvörun
Embættismenn sögðu að vélin, sem var á leið frá
Kalkútta til Nýju-Delhí með millilendingum í borg-
unum Patna og Kucknow, hefði komið niður um
það bil tvo kílómetra frá flugvellinum. Sjónvarps-
stöðin Star News greindi frá því að svarti kassinn
svonefndi, er geymir upplýsingar um flugið, hefði
fundist í flakinu.
A.H. Jung, flugmálaráðherra Indlands, sagði á
fréttamannafundi að skyggni hefði verið nægjan-
legt, eða um fjórir kílómetrar, og að lendingartæki
vélarinnar virtust hafa verið í lagi. „Það var aldrei
neitt að í aðfluginu,“ sagði Jung og bætti því við að
flugstjórinn, Sohan Pal, sem hafði rúmlega 4.200
klukkustunda flugreynslu að baki, hefði ef til vill
flogið of lágt er hann kom inn til lendingar.
En ekki leið á löngu þar til heyrast tók gagnrýni
á stjómvöld fyrir að tryggja ekki flugöryggi. „Ver-
ið viðbúin því að heyra talað um flugmannamistök,“
sagði í yfirlýsingu frá samtökum flugumferðar-
stjóra á Indiandi. „Eftir að flugslys verður er efnt
til rannsóknar og eftir eitt eða tvö ár er skilað
skýrslu en það er ekkert sem tryggir að tekið sé
mark á skýrslunum."
Efasemdir um gamlar flugvélar
Alliance Air, dótturfélag ríkisflugfélagsins Indi-
an Airlines, hefur tólf Boeing 737-200-þotur frá
níunda áratugnum í þjónustu sinni. Framkvæmda-
stjóri Indian Airlines tjáði Reuters að þotan sem
fórst hefði verið skoðuð 29. júni og hefði flogið án
bilana frá borginni Jaipur til Kalkútta á laugardag-
inn.
En þingmaðurinn Bratin Sengupta sagði að
samgöngu- og ferðamálanefnd þingsins, sem hann
hefði áður átt sæti í, hefði ítrekað varað við
flugvélaflota Alliance Air. „Við bentum á það á
nokkrum nefndarfundum að margar véla Alliance
Air væru gamlar og þyrfti að endurnýja þær,“
sagði hann við Reuters.
„Endumýjun flugvélanna hefur tafist í meira en
áratug. Við munum taka þetta upp á þinginu og
spyija hvers vegna vélamar hafi ekki verið endur-
nýjaðar." Talsmaður Boeing í Bandaríkjunum
sagði að vélin sem fórst hefði verið afhent frá
verksmiðjunum í júní 1980 og hefði flogið 42 þús-
und stundir.
Úrelt tæki
Síðasta stórslys í flugi á Indlandi varð í nóvem-
ber 1996 þegar Boeing 747-þota frá Saudi-Arabíu
og Iljúsín-flutningaflugvél frá Kazakstan rákust á
á flugi skammt frá Nýju-Delhí, og fórst þá 351. All-
iance Air var stofnað fyrir fimm ámm og hafði ein
vél frá félaginu farist áður en slysið varð í gær.
Domier-vél þess fórst við borgina Cochin fyrir
tveim ámm og fórast þá átta.
Öryggi í flugmálum á Indlandi er ábótavant
vegna úreltra tækja á flestum flugvöllum. Á al-
þjóðavöllunum í Nýju-Delhí, Bombay, Madras og
Kalkútta var farið að nota háþróuð flugumferðar-
stjómartæki frá bandarískum framleiðanda í fyrra.

Mörg þúsund manns söfnuðust saman til að fylgjast með björgunarstarfinu í flaki Alliance Air-þotunnar.
Reuters
Minnisblaði Tony Blairs lekið til fjölmiðla
Áhyggjur af tengsla-
leysi við almenning
London. Reuters.
TONY Blair, forsætisráðherra Bretlands,
krafðist þess í gær að fram færi rannsókn á því
hvemig fjölmiðlar komust yfir leynilegt minnis-
blað þar sem hann lét í Ijós áhyggjur af því að
hann væri ekki í nægilega góðum tengslum við
kjósendur.
Talsmenn stjómarandstöðunnar sögðu að
minnisblaðið, sem bresku blöðin birtu á forsíðu,
sýndi og sannaði að Blair væri of upptekinn af
ímynd sinni og hugsaði ekki um stefnumótun.
Hefði hann miklar áhyggjur af fmmkvæði
íhaldsflokksins sem hefði halað inn atkvæði.
Á minnisblaðinu hvatti Blair til þess að gerð-
ar yrðu ráðstafanir til að spoma við því að litið
væri svo á að hann og stjórn hans hefðu ekki
margt að segja um hlutskipti fjölskyldufólks,
væri væg í garð flóttafólks og glæpamanna og
ekki nógu afgerandi í afstöðu sinni til Evrópu-
sambandsins og vamarmála.
„Allt er þetta auðvitað ímynd... En þegar
þetta safnast saman verður til sú mynd af
stjóminni - og þetta á jafnvel við um mig - að
hún sé einhvem veginn úr tengslum við breskar
grandvallarhugmyndir,“ segir Blair á minnis-
blaðinu, sem er dagsett 29. apríl.
Krafðist hann enn fremur „grípandi fram-
kvæðis“ af hálfu stjórnarinnar til stuðnings fjöl-
skyldufólki og vildi „eitthvað ákveðið, sem sést
strax“ til að senda
skilaboð um bar-
áttu gegn glæp-
um. „Það ætti að
tengja mig per-
sónulega við eins
mikið af þessu og
hægt er,“ sagði
Blair að lokum.
William Hague,
formaður Ihalds-
flokksins, sagði
m.a. um minnis-
blaðið að það sýndi
að Blair hefði í
rauninni enga
raunveralega
sannfæringu varð-
andi stjórn ríkis-
ins. Um væri að ræða „leit að yfirlýsingum sem
grípa augað, einhverju sem kemst í fyrirsagnir."
Bæði blaðið The Sun og The Times greindu
frá því í forsíðufréttum að eintökum af minnis-
blaðinu hafi verið lekið til þeirra. Sagði The
Times að minnisblaðið hefði komið „beint úr
einkatölvu forsætisráðherrans,“ en ekki var
málið útskýrt nánar.
Tony Blair
Reuters
Renate Wallert fær aðstoð hjá
þýskum lækni á flugvellinum í
Manila í gær eftir flugið frá suð-
urhluta Filippseyja þar sem hún
var í haldi skæruliða.
Skæruliðar
Abu Sayyaf
leysa gísl
úr haldi
Jolo. AP.
ISLAMSKIR skæraliðar úr röðum
samtakanna Abu Sayyaf á Filipps-
eyjum hafa leyst úr haldi þýska
konu, Renate Wallert, sem var með-
al rúmlega 20 gísla sem þeir rændu
fyrir þrem mánuðum á sumardvalai--
stað í Malasíu. Samningamaður Fil-
ippseyjastjómar tók við Wallert á
eyjunni Jolo þar sem skæraliðarnir
hafa búðir sínar í frumskógunum.
Wallert grét er hún hitti embætt-
ismanninn en hún varð að skilja eig-
inmann sinn og son eftir í höndum
uppreisnarmannanna. „Ég er
þreytt. Mig langar til að fara strax
heim,“ sagði hún. Wallert er 57 ára
gömul, hún hefur þjáðst af of háum
blóðþrýstingi og virtist vera veik-
burða og utan við sig. Hún sagðist
sakna mjög manns síns og sonar og
vonaði að þeir fengju fljótt frelsi.
Embættismenn stjórnvalda sögð-
ust telja að skæraliðarnir vildu með
tilslökuninni sýna samningavilja
sinn. Ekkert lausnargjald hefði ver-
ið greitt íyrir Wallert sem hélt með
flugvél frá höfuðborginni Manila
áleiðis til Þýskalands í gær.
Uppreisnarmennimir í suðurhluta
landsins hafa lengi barist fyrir sjálf-
stæðu ríki múslima á Filippseyjum
en ílestir landsmenn era kaþólskir.
Flestir gíslanna era útlendingar og
frá ýmsum löndum, þ.ám. Frakk-
landi, Þýskalandi og Finnlandi.
---------------------
Næsta lota
stækkunar
ESB 2005
Berlín. The Daily Telegraph.
LEIÐTOGAR Evrópusambandsins
(ESB) eru nú reiðubúnir að fast-
setja stækkun ESB við 1. janúar
2005, að því er haft er eftir hátt sett-
um embættismönnum ESB.
Ríki á borð við Ungverjaland,
Tékkland og Slóveníu eru talin mjög
líkleg til þess að verða fyrir valinu,
þar sem stjórnmála- og efnahags-
ástand ríkjanna er mun betra en
annarra þeirra ríkja sem æskja inn-
göngu í ÉSB.
Ríkisstjórnir ESB-ríkjanna eru
þó sagðar hafa hug á að veita mun
fleiri ríkjum inngöngu og er rætt
um að tíu ný aðildarríki bætist í
hópinn árið 2005. Kýpur, Eistland,
Lettland, Litháen, Malta, Pólland
og Slóvakía kunna einnig að verða
fyrir valinu hafi lausn fundist á þeim
mikla fjárhags- og stofnanalega
vanda sem innganga þehra hefur í
för með sér fyrir hin ESB-ríkin.
Búast má við að sú ákvörðun ESB
að stækka Evrópusambandið ekki
fyrr en 2005 hljóti misjöfn viðbrögð
hjá þeim þjóðum sem óskað hafa
eftir inngöngu. Nokkrar þjóðanna,
til að mynda Ungverjaland, höfðu
vonast eftir að hljóta inngöngu 2002
eða 2003. Vonbrigði þeirra verða þó
líklega létti blandin þar sem ESB
gerir sig loks líklegt til að fastsetja
ákveðna dagsetningu.