Morgunblaðið - 25.08.2000, Blaðsíða 6

6 FÖSTUDAGUR 25. ÁGÚST 2000
MORGUNBLAÐIÐ
FRÉTTIR
Slysalaus dagur f umferðinni f höfuðborginni byrjaði vel
Ohappa-
laust í upp-
hafí dags
Slysalaus dagur í umferðinni í Reykjavík
gat ekki hafíst betur í gærmorgun. A há-
annatíma frá hálfátta til hálftíu var ekkert
óhapp tilkynnt til lögreglunnar.
BLAÐAMAÐUR og ljósmyndari
Morgunblaðsins fengu að fylgjast
með Geir Jóni Þórissyni yfírlögreglu-
þjóni og Ingimundi Einarssyni vara-
lögreglustjóra á morgunvaktinni.
Það er ekki dagleg sjón að sjá yfir-
lögregluþjón og varalögreglustjóra
saman í umferðareftirliti en í gær var
mikið í húfí og komu jafnvel menn úr
rannsóknardeild lögreglunnar félög-
um sínum í umferðardeild til hjálpar.
Voru þeir félagar enda sammála um
það að góð væri tilbreytingin að losna
úr skrifstofustólnum svona einu sinni
og fara á vettvang og finna púlsinn á
mannlífinu.
Fögnr fyrirheit að morgni
Morguninn byrjaði klukkan sjö
með uppstillingarfundi þar sem vakt-
inni var stillt upp, lögreglumönnum
sett markmið og þeim fengin verk-
efni. 50 lögreglumenn með 26 öku-
tæki til umráða voru samankomnir í
uppstillingarsal. Geir Jón yfirlög-
regluþjónn gaf sínu fólki fyrirmæli
og hvatti það til að sýna gott fordæmi
í umferðinni. Var þeim uppálagt að
staðsetja sig við fyrir fram ákveðna
pósta við mestu umferðaræðar víða
um borg klukkan hálfátta og vera þar
um kyrrt til 9:30. Á milli 9:30 og 15:30
skyldu þau aka um hverfin næst sín-
um pósti en fara aftur á póstana hálf-
fjögur og vera þar á meðan þyngsta
umferð síðdegjsins gengi yfir. Að
fundi loknum dfifu sig allir til starfa,
hver á sinn stað, með von um slysa-
lausan dag í umferðinni.
Fyrstu tímar vaktarinnar gáfu
fógur fyrirheit. Geir Jón og Ingi-
mundur tóku sér eftirlitsstöðu við
mót Kringlumýrarbrautar og Suður-
landsbrautar þannig að umferð suður
Morgunblaðið/Golli
Eftirlit með umferð f Reykjavík var hert gríðarlega í gær vegna um-
ferðarátaks lögreglunnar.
Kringlumýrarbraut féll inn í geisla
radarsins. Klukkuna vantaði 20 mín-
útur í átta og enn var umferðin til-
tölulega létt og allt með kyrrum kjör-
um.
Borgarar láti vita um níðinga
Á meðan beðið er og vonað að ekk-
ert gerist spyr blaðamaður Geir Jón
hvort eitthvað sé um það að almennir
borgarar láti lögregluna vita af öku-
níðingum. Svaraði hann því til að
ekki væri mikið um það en þó nokk-
uð. Sagði hann að slíkar ábendingar
leiddu ekki endilega til kæru þar sem
lögreglu væri erfitt um vik að sanna
brot á viðkomandi. Ábendingar borg-
ara væru samt sem áður mikilvægar,
ítrekaðir kvartanir vegna sömu
manna gæfu lögreglu t.d. ástæðu til
að kalla þá til yfirheyrslu og kalla inn
vitni til skýrslutöku. Þá gæti verið
komin forsenda til aðgerða.
95% bflbeltanotkun
Um áttaleytið fór umferðin að
þyngjast talsvert en enn var allt með
kyrrum kjörum. Ökumenn virtu
hraðatakmarkanir og mat Geir Jón
það svo, að yfir 95 af hundraði bíl-
stjóra notuðu bflbeltin. Tilkynning
kom um þetta leyti um að fimm öku-
menn hefðu verið stöðvaðir í borginni
vegna brota á reglum um bflbelta-
notkun, allt ungir karlmenn.
Að mörgu að hyggja
Þrjár mínútur yfir átta komu tveir
bflar of hratt að gatnamótunum og
urðu að nauðhemla svo þefr færu
ekki yfir á rauðu ljósi. Báðir fóru yfir
stöðvunarlínu áður en þeir námu
staðar. Geir Jón grípur tækifærið og
setur fram sína skýringu á þeim al-
genga ósið og lögbroti meðal ís-
lenskra ökumanna að fara of langt að
gatnamótunum áður en stansað er.
Sagði hann að vandamálið lægi í því
að bflstjórar á íslandi hefðu Ijós hin-
um megin við gatnamótin, sem þeir
gætu fylgst með. Þeir þyrftu þess
vegna ekki að vera það langt frá
gatnamótunum að þeir sæju ljósin,
sem væru þeirra megin, eins og til-
fellið er víðast hvar erlendis. Finnst
honum það vel koma til greina að
endurskoða staðsetningu umferðar-
ljósa að þessu leyti.
Aksturslag ökumanna við gatna-
mótin gefur Geir Jóni einnig tilefni til
að benda á það að gatnamót verði að
hafa hreinsast af umferð áður en um-
ferð með grænt ljós má leggja af
stað. Of algengt sé að þegar grænt
Ijós komi æði menn af stað án tillits
til þess hvort enn séu bflar að beygja
inn á brautina af þverstæðri götu.
Hélt það væri 80
Á milli hálfníu og níu róaðist um-
ferðin á ný en um níuleytið jókst hún
aftur þegar fólk streymdi til vinnu
klukkan níu. Enginn ók of geyst og
ökumenn voru almennt til fyrir-
myndar.
Einungis þurftu þeir Geir Jón og
Ingimundur að hafa afskipti af einum
ökumanni. Það var klukkan 9:45 þeg-
ar þeir höfðu yfirgefið póst sinn við
Kringlumýrar- og Suðurlandsbraut
að þeir stöðvuðu konu á leið um
Reykjanesbraut á 80 km. hraða. Var
henni veitt tiltal og sagðist hún hafa
haldið að á Reykjanesbraut væri
hámarkshraðinn 80 km/klst. Á
Reykjanesbrautinni er hámarks-
hraðinn aftur á móti 60 km/klst. en
hæsti hámarkshraði í borginni er 70
km/klst. frá Ártúnsbrekku í átt til
Mosfellsbæjar.
Lauk þannig eftirliti með morgun-
umferðinni sem betur fer án teljandi
tíðinda.
• •
Okumönn-
um velt
við Sólfar
EINN þáttur í aðgerðum lögreglu á
slysalausum degi var að bjóða öku-
mönnum upp á veltu í veltibfl Sjóvá-
Almennra. Veltibílnum, sem líkir
eftir bílveltu á 80 km. hraða, var
komið fyrir á bílastæðinu við lista-
verkið Sólfar við Skúlagötu. Tveir
lögreglumenn á bifhjólum sveimuðu
um og gripu ökumenn, sem ekki
höfðu spennt beltin, og beindu þeim
inn að veltibflnum. Þar var þeim
boðið að komast hjá sekt gegn því
að fara salíbunu í veltibílnum. Voru
rúmlega 20 bílar stöðvaðir og ök-
umönnum þeirra eða farþegum boð-
ið að fara veltu.
Það verður að segjast að velflest-
ir voru skömmustulegir er þeir
stigu út úr bflum sínum og var ekki
skemmt við byltuna. Fór lexían
þannig fram að fyrst var fólki gef-
inn kostur á að reyna veltu án bíl-
beltis. Síðan spennti það beltið og
fékk að finna muninn á því að velta
bíl án þess að vera með belti og með
því að nota belti. Voru flestir á því
Rómarskífa
Þakskífur með 25 ára ábyrgð
fegra húsið þitt.
Kynntu þér málið á
www.bmvalla.is.
Söludeild í Fomalundi
Breiðhöfða 3 • Símí 585 5050
www.bmvalla.is
Morgunblaðið/Golli
Sólveig Pétursdóttir, dóms- og kirkjumálaráðherra, Böðvar Bragason, lögreglustjóri í Reykjavík, Ingimundur
Einarsson varalögreglustjóri og Ingvi Hrafn Óskarsson, aðstoðarmaður ráðherra, fylgjast með óspenntum
ökumanni fara bílveltu.
að hér eftir myndu þeir undantekn-
ingarlaust nota beltið.
Löggan ætti oftar
að bjóða veltu
Ungir karlmenn voru áberandi
meðal þeirra, er stöðvaðir voru.
Grétar Karlsson var stöðvaður þar
sem hann ók sendibíl án þess að
nota bílbeltið. Sagðist hann hafa
verið að vinna í málningarvinnu og
þurft að skreppa aðeins og af al-
gjöru hugsunarleysi gleymt að
spenna beltið. Að öllu jöfnu notaði
hann beltið. Fannst honum, eftir að
hafa farið nokkra hringi í veltibíln-
um, að lögreglan ætti að gera meira
af því að bjóða ökumönnum veltu í
veltibílnum, það væri svo sláandi
hve mikill munur væri á því að vera
laus eða njörvaður niður í beltið.
Einn ungur ökumaður karlkyns
sagðist hafa ekið í 11 ár og aldrei
notað belti. Þegar hann var inntur
eftir ástæðunni hafði hann ekkert
afgerandi svar, þetta væri bara
vani. „Ætli ég byrji ekki að nota það
núna“ sagði hann.
Nokkrir virtust þó ekki taka
áminninguna mjög alvarlega og fór
það augljóslega í taugarnar á ein-
staka manni að vera settur í þessar
aðstæður.
Dómsmálaráðherra
á vettvangi
Böðvar Bragason, lögreglustjóri í
Reykjavík, og Sólveig Pétursdóttir,
dóms- og kirkjumálaráðherra, voru
á vettvangi við veltibílinn. Ráðherr-
ann kaus að sleppa þvi í þetta sinn
að prófa veltibílinn en fól Ingva
Hrafni Óskarssyni, aðstoðarmanni
sínum, verkefnið í sinn stað. Stóð
hann sig með prýði en var nokkuð
ringlaður að byltu lokinni. Tók ráð-
herra ökumenn tali og brýndi mikil-
vægi þess að nota beltin.
DómsmálaráðheiTa lýsti hrifn-
ingu sinni og ánægju með þetta
átak lögreglunnar í Reykjavík.
Sagðist hún telja það vel koma til
greina að herða viðurlög við um-
ferðarbrotum sem og auka eftirlit.
Að sögn ráðherra hefur hún fengið
mikil og jákvæð viðbrögð frá al-
menningi vegna umferðarátaksins,
sem Dómsmálaráðuneytið ásamt
fleiri aðilum hefur staðið fyrfr í
sumar og margar tillögur hefðu
komið frá almenningi. Samkvæmt
þeim upplýsingum, sem hún hefði
fengið, m.a. frá Vegagerðinni, þá
hefði ökuhraði víða á vegum lands-
ins lækkað í sumar. Sagði hún að nú
væri starfshópur á vegum ráðu-
neytis síns að vinna að gerð tillagna
um leiðir til aukins umferðarörygg-
is. Lagði hún áherslu á að til þess að
bæta umferðarmenninguna þyrfti
nauðsynlega vakningu almennings
og að átak lögreglunnar í Reykjavík
ætti ekki aðeins erindi við íbúa
Reykjavíkur heldur alls landsins.
Aukinnar löggæslu þörf
Böðvar Bragason, lögreglustjóri í
Reykjavík, sagðist sannfærður um
að aukinnar löggæslu væri þörf ef
draga ætti úr umferðaróhöppum.
Sýnileiki lögreglunnar hefði afar
mikil áhrif eins og sýndi sig í gær-
morgun þegar engin tilkynning um
umferðaróhapp barst á tímabilinu
7:30 til 9:30 þegar allir eru á leið til
vinnu og umferðarþungi er sem
mestur.