Morgunblaðið - 29.11.2000, Side 4

4 MIÐVIKUDAGUR 29. NÓVEMBER 2000
FRETTIR
MORGUNBLAÐIÐ
Fjölmargir framhaldsskólanemendur í fullri vinnu í kennaraverkfallinu
Morgunblaðið/ Halldór Kolbeins
Birkir Heide Reynisson er sextán ára nemandi í Iðnskólanum í Hafnar-
firði og fékk vinnu á heildsölulager í verkfallinu.
Morgunblaðið/ Halldór Kolbeins
Jóhann Skagfjörð Magnússon og Daníel Scheving Hallgrímsson eru á
lokaári í Flensborg og vinna nú sem forfallakennarar í Oldutúnsskóla.
Nemendur verða
kennarar, lagermenn
og gröfustjórar
VERKFALL framhaldsskólakenn-
ara hefur nú staðið í þrjár vikur og
veita fréttir af samningaviðræðum
litla von um að verkfallið leysist í
bráð. Nemendur segjast margir
hverjir reikna með því að haustönn-
in sé „ónýt“ eins og þeir orða það
og að verkfallið muni þannig valda
þeim töfum sem nemur að minnsta
kosti einni önn.
Stór hluti nemenda virðist hins
vegar hafa nóg fyrir stafni í verk-
fallinu og eru margir komnir í
hlutastörf eða jafnvel fulla vinnu og
er algengt að nemendur hlaupi inn
þar sem þeir hafa verið á sumrin.
Vinnan meira álag
en menntaskólanámið
Berglind Rósa Guðmundsdóttir
er sextán ára og hóf nám við
Menntaskólann í Kópavogi nú í
haust. Síðastliðin tvö sumur hefur
hún verið að vinna á gröfu.
„Ég fór að vinna aftur þegar
verkfallið byijaði og vinn frá hálf-
átta til hálfsex. Þetta er miklu
lengri vinnutími en þegar ég er í
skólanum," segir Berglind og við-
urkennir að sér finnist vinnan við
gröfuna mun meira álag en
menntaskólanámið.
Berglindi finnst skrýtið að hafa
verið að byija í menntaskóla og
fara „næstum því strax í verkfall“.
Hún segir að margir vina sinna og
kunningja fáist við ýmis störf þessa
dagana og þó að þeim leiðist ekki
segir hún að flestir hlakki til að
byija aftur í skólanum og að þeim
finnist óþægilegt að ekki virðist sjá
fyrir endann á verkfallinu.
Birkir Heide Reynisson er sextán
ára og hóf nám á hönnunarbraut
Iðnskólans í Hafnarfirði í haust.
Hann hóf störf á heildsölulager um
leið og verkfallið byrjaði og segist
ætla að vinna þar þangað til verk-
fallinu lýkur. Hann segir að mjög
margir vinni í verkfallinu, til dæmis
á veitingastöðum, í verslunum, á
kaffistofum fyrirtækja og við
verksmiðju- og lagerstörf, og
margir séu jafnframt að leita sér að
„betri vinnu sem er betur borguö".
Mun auðveldara hafi verið að fá
vinnu í upphafi verkfalls en núna.
Jóhann Skagfjörð Magnússon og
Daníel Scheving Hallgrímsson eru
nítján ára og á lokaári í Flensborg-
arskólanum í Hafnarfirði. I stað
þess að sitja aðgerðarlausir á með-
Morgunblaðið/ Halldór Kolbeins
Berglind Rósa Guðmundsdóttir
er sextán ára nemandi í MK og
stýrir gröfu í verkfallinu.
an kennarar þeirra eru í verkfalli
ákváðu þeir að gerast kennarar
sjálfir og buðu fram krafta sína í
Öldutúnsskóla, gamla grunnskólan-
um sínum. Þar hafa þeir starfað við
forfallakennslu frá því í siðustu
viku og segjast hafa mjög gaman af
að vera kennarar.
Jóhann hefur verið að kenna öðr-
uin og Ijórða bekk og Daníel átt-
unda til tíunda bekk. Þeir segja að
krakkarnir taki þeim vel og kennsl-
an gangi ágætlega, enda þekki þeir
námsefnið nokkuð vel því stutt er
siðan þeir voru sjálfir í skólanum.
Daníel kennir m.a. Ijórtán ára syst-
ur sinni og vinkonum hennar og
segist ekki vilja halda öðru fram en
að þær hafi sýnt honum tilhlýðilega
kurteisi og virðingu. Þeir segjast
báðir kunna vel við sig hinum meg-
in við kennaraborðið og segist Jó-
hann ætla að verða kennari í fram-
tiðinni.
„Framhaldsskólakennari," segir
hann, „og þess vegna vonast ég eft-
ir ríflegri launahækkun núna svo
þetta verði orðið sæmilegt þegar ég
kem úr námi.“
Mikil óvissa og fólki virðist al-
mennt sama um verkfallið
Jóhann og Daníel segjast halda
að um helmingur menntaskóla-
nema sé að vinna í verkfallinu og að
þeir vinni mjög fjölbreytt störf.
„Fólk er alveg hætt að læra. Það
halda margir að önnin sé ónýt eða
jafnvel árið,“ segir Jóhann. „Manni
hefur ekki verið sagt. neitt og þá
fara sögur af stað um að önnin sé
ónýt og að það skipti engu máli
hvort maður lærir eða ekki,“ segir
Daníel og segja þeir að þessi óvissa
sé í raun það versta í stöðunni.
„Manni finnst líka eins og það sé Iít-
ið verið að vinna í því að leysa
þetta,“ segir Daníel og segjast þeir
báðir telja að fólki virðist almennt
saina um verkfallið. „Það virðast
margir orðnir þreyttir á kennurum,
finnst þeir alltaf vera í verkfalli,
þannig að kennarar fá eiginlega
enga sarnúð," segir Jóhann. Þeir
segja mjög skiptar skoðanir meðal
nemenda og að þeir skiptist nokk-
urn veginn í tvo hópa.
„Sumum finnst kennarar ekki
eiga skilið að fá svona mikla launa-
hækkun en aðrir líta svo að því
hærri laun sem kennarar fá því
betri kennslu fáum við,“ segir Jó-
hann.
Árang’urslítill fundur
í kennaradeilunni
ENGINN árangur varð á samninga-
fúndi í kjaradeilu framhaldsskóla-
kennara og samninganefndar ríkisins í
gær. Þórir Einarsson ríkissáttasemj-
ari segist ekki sjá fram á að samninga-
fundir verði haldnir um helgina ef ekk-
ert nýtt komi fram á fundum í þessari
viku sem gefi mönnum tilefni til
bjartsýni um lausn deilunnar.
Samningafundurinn í gær var fyrsti
fundur í deilunni frá því á fimmtudag-
inn í síðustu viku, en þá má segja að
orðið hafi viðræðuslit. Þórir sagði að á
fundinum hefði verið farið almennt yf-
ir stöðuna og staðnæmst við nokkur
atriði í sambandi við nýtt launakerfi
sem rætt hefur verið um að taka upp í
kjarasamning kennara. Hann sagði að
fátt markvert hefði komið fram á fund-
inum og deiluaðilar hefðu ekki lagt
neitt nýtt fram í viðræðunum. Hann
sagðist engu að síður hafa ákveðið að
halda annan samningafund í dag.
Elna Katrín Jónsdóttir, formaður
Félags framhaldsskólakennara, sagði
að viðræður deiluaðila væru hafhar að
nýju, en að öðru leyti væri ekki hægt
að tala um árangur af fundinum í gær.
Hún sagði að umræður á AJþingi í
gær um verkfall kennara hefðu valdið
sér vonbrigðum. „Ég les það út úr um-
ræðunum að ráðherrar í ríkisstjórn-
inni eru ekki áhugasamir um að leysa
þessa kjaradeilu.“ Elna Katrín sagði
að fjármálaráðherra og menntamálar-
áðherra hefðu á síðustu dögum lagt sig
fram um að sverta málstað kennara og
draga upp mynd af þeim sem söku-
dólgum í þessu máli. Kennarar bæðu
ekki um annað en að í framhaldsskól-
unum yrði fylgt sömu launastefnu og
ríkið hefði fylgt gagnvart öðrum há-
skólamenntuðum starfsmönnum sín-
um.
Ólíklegt að fundað
verði um helgina
í gær ræddi samninganefnd ríkisins
einnig við samninganefnd Félags skól-
astjórnenda í framhaldsskólum. Þórir
sagði að skólastjómendur hefðu öðru
hverju á síðustu vikum rætt við ríkið
um sín sérmál og því yrði haldið áfram,
en sú deila myndi hins vegar ekki leys-
ast fyrr en kjaradeila framhaldsskóla-
kennara leystist.
„Ég á ekki von á að ég boði samn-
ingsaðila til fundar um helgina nema
eitthvað nýtt komi fram sem ástæða er
til að kanna betur og þarfnast meiri yf-
irlegu," sagði Þórir þegar hann var
spurður um hvort hann reiknaði með
samningafundum um helgina.
Kennaraverkfallið hefur nú staðið í
þijár vikur og samkvæmt námskrá
flestra framhaldsskóla eru nú u.þ.b.
þrjár vikur eftir af skólastarfi á þess-
ariönn.
Mikil
virkni í
Goðabungu
MIKIL skjálftavirkni hefur mælst í
Goðabungu í vestanverðum Mýr-
dalsjökli síðustu vikur. Að sögn
Ragnars Stefánssonar, jarðeðlis-
fræðings hjá Veðurstofu íslands,
hafa mælst um 60 skjálftar á svæð-
inu síðustu viku og hafa flestir verið
um 2 til 2,5 á Richter og enginn yfir
3.
„Það er oft mikið um skjálfta
þarna á haustin," sagði Ragnar. „Við
teljum að ástæðan sé meðal annars
sú að jökullinn er léttari á haustin,
það er tiltölulega lítill þrýstingur of-
an á berginu, sem gerir það að verk-
um að jarðskjálftar losna úr læð-
ingi.“
Litlar líkur á eldgosi
Ragnar sagði að mikill kviku-
þrýstingur undir jöklinum gæti einn-
ig orsakað óvenju mikla jarðskjálfta-
virkni, en sagðist þó ekki telja að von
væri á eldgosi á næstunni.
„Þetta er nú oft þannig að það
dregur úr þessari virkni í desember
en þegar um stórar hausthrinur hef-
ur verið að ræða hafa þær líka staðið
aðeins lengur. Þetta minnir mann á
að maður þarf að vera vel á verði á
þessu svæði. Það var nú frekar óró-
legt þarna í fyrra á þessu svæði öllu,
bæði í Mýrdalsjökli og svo í Eyja-
fjallajökli."
----------------
4,2 stiga
skjálfti á
Reykjanes-
hrygg
JARÐSKJÁLFTI af stærðinni 4,2 á
Richterskala mældist á Reykjanes-
hrygg rétt fyrir klukkan sjö í gær-
morgun. Voru upptökin um 34 km
suðvestur af Reykjanestá, nálægt
Geirfuglaskeri sem er suðvestur af
Eldey. Þrír minni skjálftar fylgdu í
kjölfarið.
Ragnar Stefánsson, jai’ðskjálfta-
fræðingur og forstöðumaður jarðvís-
indadeildar Veðurstofu íslands, sagði
í gær ekki ástæðu til að ætla að gos
væri hafið á þessum slóðum jafnvel
þótt þama væri þekkt eldstöð frá
gamalli tíð. Sagði hann ekki sjást gos-
óróa á mælum sem gæti gefið vís;
bendingu um að gos væri í gangi. I
fyrstunni höfðu jarðvísindamenn
jafnvel talið að skjálftinn gæti verið
vísbending um gos. Dýpi er um 100
metrai’ þar sem skjálftinn mældist.
„Við töldum rétt að láta vita af
þessu vegna þess að þama er fiskislóð
og sjómenn era fljótir að sjá ef ein-
hveijar breytingai’ hafa orðið á þessu
svæði,“ sagði Ragnar í gær. „Við höf-
um enn ekki fengið neinar tilkynning-
ar um breytingar, ösku eða eitthvað
óvenjulegt sem hefur komið upp á yf-
irborðið." Fylgst verður áfram með
jarðhræringum á þessum slóðum á
mælum Veðurstofunnar.
----------------
Erlendir
ferðamenn
fleiri en
landsmenn
ERLENDIR ferðamenn, sem komið
hafa til landsins á árinu, era í fyrsta
sinn orðnir fleiri en landsmenn og
þykir það endurspegla þann vöxt
sem verið hefur i ferðaþjónustu á
undanförnum áram.
í Hagvísum Þjóðhagsstofnunar
kemur fram að ferðaþjónustan hefur
vaxið úr 4% af landsframleiðslu árið
1996 í 4,5% árið 1999. Á þessum tíma
hefur landsframleiðsla vaxið um 5%
á ári en ferðaþjónustan um 8% á ári.
Það þykir þó skyggja á þessa þróun
að afkoma helstu greina ferðaþjón-
ustunnar hefuverið lakari en ann-
arra atvinnugreina.