Morgunblaðið - 29.11.2000, Síða 25

MORGUNBLAÐIÐ
ERLENT
Krefjast aðgangs
að gögnum um
dauðaWallenbergs
Moskvu, Stokkhólmi. AFP.
RÚSSAR hafa viðurkennt að hafa
tekið sænska diplómatinn Raoul
Wallenberg af lífl árið 1947. Fjöl-
skylda Wallenbergs er hins vegar ef-
ins um sannleiksgildi fullyrðingarinn-
ar og hefur farið fram á að fá að sjá
skjöl sem staðfestingar henni. Wall-
enberg bjargaði lífi tugþúsunda gyð-
inga í seinni heimsstyijöldinni.
Alexander Jakovlev, sem fer fyrir
rússneskri rannsóknamefnd, sagði á
mánudag að Walienberg hefði verið
skotinn af pólitískum ástæðum. Ekki
reyndist unnt að ná í Yakovlev í gær
en einn af meðlimum neftidarinnar,
Stanislav Aiexandrov, sagði AFP-
fréttastofunni að leynileg skjöl sem
væru í fórum saksóknara rússneska
hersins sýndu fram á að Wallenberg
hefði verið tekinn af lífi í hinum ill-
ræmdu höfuðstöðvum KGB við Lubj-
anka-torg í Moskvu.
Stofnun Simon Wiesenthal hvatti
Vladimír Pútín, forseta Rússlands, til
þess að sýna fjölskyldu Wallenbergs
sönnunargögnin. Sænsk yfirvöld ef-
ast raunar um að nokkur gögn muni
taka af öll tvímæli um örlög Wallen-
bergs.
Skrifstofa saksóknara níssneska
hersins vildi ekki láta hafa neitt eftir
sér um málið en sagðist hafa fengið
kröfú frá fjölskyldu Wallenbergs um
að honum yrði veitt uppreisn æru og
nú þyrfti að taka afstöðu til þeirrar
kröfu.
Hvarf Wallenbergs
ráðgáta
Hvarf Wallenbergs, sem vann í
sænska sendiráðinu í Búdapest í
seinni heimsstyijöldinni, hefur aldrei
verið að fullu skýrt. Wallenberg færði
sér stöðu sína sem diplómat í nyt til að
útvega tugþúsundum gyðinga sænsk-
an passa og forðaði þeim þannig frá
útrýmingarbúðum nasista. Starfsfé-
lagar hans sáu hann síðast 17. janúar
1945 þegar hann var á leið til fundar
við fulltrúa herliðs Sovétmanna sem
tók yfir Búdapest eftii- ósigur nasista.
Sovétmenn sögðu íýrst að hann hefði
verið drepinn á götum Búdapest, en
1957 sendu þeir út yfirlýsingu þai-
sem sagði að Wallenberg hefði dáið af
hjartaáfalli 17. júlí 1947 meðan hann
var í haldi í Lubjanka.
Hins vegar staðhæfa nokkrir sem
lifðu af vist í fangabúðum Sovétríkj-
anna að þeir hafi hitt Wallenberg síð-
ar. Sérstök sænsk-rússnesk nefnd
rannsakar nú ráðgátuna um Wallen-
berg og mun skila skýrslu um málið í
janúar.
Hugðist selja
Stórabeltisbrúna
Kaupmannahftfn. Morgunblaðið.
ÁFORM um að selja brúna yfir
Stórabelti til Bandaríkjamanna
voru stöðvaðar í síðasta mánuði er
yfirmaður fyrirtækisins sem byggði
brúna og sá um reksturinn var rek-
inn. Hingað til hefur verið talið að
deilur um brúartoll hafi kostað
Michael Christiansen vinnuna en
vikublað Barsen upplýsti um helg-
ina að ástæðan hafi verið fýrirhug-
uð sala en hefði hún orðið að veru-
leika er fullyrt að Eyrarsundsbrúin
hefði farið sömu leið.
Christiansen var framkvæmda-
stjóri Sund og Bælt Holding, sem er
í eigu danska ríkisins. í ágúst sl.
kynnti hann áætlanir um að selja
bandarískum fjárfestum Stórabelt-
isbrúna og leigja hana síðan til að
nýta sér undanþágur í skattalögum.
Með þessu hefði fyrirtækið sparað
sér sem svarar til 15 milljarða ísl.
kr. og stytt endurgreiðslutíma lána
vegna brúarsmíðinnar verulega.
Aætlanir Sund og Bælt voru
komnar svo langt á veg að þær voru
lagðar fyrir samkeppnisráð áður en
gengið yrði til samninga. Það var
ekki fyrr en samgönguráðherrann
Jacob Buksti fékk veður af fyrir-
ætlunum Christiansen að þær voru
stöðvaðar. Raunar gekk Buksti
skrefi lengra því hann var svo reið-
ur Christiansen að þeim síðar-
nefnda var ekki lengur vært hjá
fyrirtækinu.
Kohl vill friðmælast
við Scháuble
ER HELMUT
Kohl kynnti bók
sína, „Dagbókin
mín 1998-2000“, sl.
föstudag, lét hann
þau orð falla, að sér
þætti mjög miður
að vinslit skyldu
hafa orðið með sér
og Wolfgang
Schauble. Þakkaði
Kohl Scháuble enn
og aftur íýrir stuðning hans og lið-
sinni, en pólitískur ferili þerra beggja
lá saman um langt árabil. Þeir hafa
ekki talast við frá því í janúar sl., en
Scháuble, sem var þingflokksformað-
ur Kristilegra demókrata (CDU) og
tók við flokksformennskunni eftft að
Kohl sagði af sér í kjölfar kosninga-
ósigm’sins haustið 1998, sakar Kohl
um að hafa staðið að baki samsæris
um að stuðla að falli sínu úr flokks-
leiðtogasætinu, þegar leynireikn-
ingahneykslið svokallaða stóð sem
hæst sl. vetur.
„Ég hef mikinn áhuga á því að þeg-
ar hríðinni slotar takist okkur að
koma sambandi okkar aftur í eðlilegt
horf,“ sagði Kohl á föstudaginn.
Scháuble hefur ekkert viljað tjá sig,
„hvorki um bók
Kohls né kynning-
una á henni,“ eins
og haft er eftir tals-
manni Scháubles í
Die Welt í gær.
Þeir sem til þekkja
telja víst, að
Scháuble muni, í
bili að minnsta
kosti, halda sig við
að hafna því að
friðmælast við Kohl. Til þess séu sár-
in enn of djúp.
Á metsölulista
Fyrsti almenni söludagur „Dag-
bókar“ Kohls var í gær og fór hún
strax á metsölulista. Byrjunarupplag
bókarinnar er 240.000 eintök. Að
mati Allensbach-skoðanakannana-
stofnunatinnai’ er aðalástæðan fyrir
þessum áhuga ekki mat fjölmiðla á
bókinni - þeft hafa almennt ekki gefið
henni góða einkunn - heldur sé skýr-
ingin ekki sízt fólgin í því að margt
fólk vantreysti frásögnum fjölmiðla
af málum Kohls og leynireikninga-
hneykslinu. Þetta valdi því að þeim
mun fleiri en ella séu viljugir til að
kynna sér sýn Kohls á atburðarásina.
MIÐVIKUDAGUR 29. NÓVEMBER 2000 25

E-MOTION parket-mynstraða gólfefnið er unnið úr pressuð-
um viðartrefjum og er með níðsterka, glæra plastvörn,
E-MOTION er plastparket af bestu gerð í tveimur slitþols-
flokkum. Hentar jafnt á heimili sem skrifstofur.
Einnig hægt að fá í útfærslu sem ekki þarf að líma.
Aflaðu þér nánari upplýsinga um eiginleika þessa
hagkvæma og fallega gólfefnis.
E-MOTION - steinliggur
á gólfinu þínu
fyrirjól...
Glær plastvörn
Viðarmynstraður pappír
HDF plata úr viðartrefjum
Stöndugt undirlag
Umboðsmenn um land allt

Teppaland
GÓLFEFNI ehf.
Fákafeni 9*108 Reykjavík • Símar 588 1717 og 581 3577 k*
Fax 581 3152 • golfefni@golfefni.is