Morgunblaðið - 29.11.2000, Side 29

MORGUNBLAÐIÐ
MIÐVIKUDAGUR 29. NÓVEMBER 2000 28
LISTIR
ROÐ OC RECLA
Múlalundur
Vinnustofa SÍBS
Frá sýningunni í Neskirkju.
Morgunblaðið/Ami Sæberg
Listamennimir fjórir sem sýna verk sín í Neskirkju.
Samsýning í Neskirkju
SÝNING á verkum fjög-urra
þroskaheftra myndlistarmanna,
Sigrúnar Huldar Hrafnsdóttur,
Elísabetar Yuka Takefusa, Inga
Hrafns Stefánssonar og Ingunnar
Birtu Hinriksdóttur, stendur yfir í
Neskirkju þessa dagana. Sýnaþau
þar verk, 21 að tölu, unnin í ýmis
efni.
Fjórmenningarnir vinna að list
sinni undir handleiðslu Lóu Guð-
jónsdóttur.
„Þau fara í gegnum ákveðið ferli
hjá mér,“ segir Lóa. „Þau hafa öll
lokið grunnskólanámi og kunna því
heilmikið í teikningu. Ég byrja á
því að fara með þau í iitafræði og
leyfi þeim að blanda liti eftir
grunnlitunum. Þau fá einnig að
kynnast akríl- og pastellitum. Síð-
an fer ég með þau í hugmynda-
fræði, líkt og gert er í mynd-
listarskólum, og reyni að koma til
móts við það sem í þeim býr. Ég
enda síðan á því að kynna þeim
listasöguna, skoða bækur og fleira.
Krakkarnir hafa mjög gaman af
þessu.“
Lóa segir vinnuna sniðna að þörf-
um hvers einstaklings, áhugasvið-
um hans og orku. Hún leggur
áherslu á gerð skissumynda og seg-
ir hún Ijórmenningana, einkum
Sigrúnu Huld, sem verið hefur
lengst hjá henni, þrjú ár, hafa náð
mjög góðu valdi á þeirri vinnu. Lóa
segir markmiðið með framtaki sínu
að koma upp listasmiðju, þar sem
þroskaheftir listamenn geti unnið,
ekki bara að myndlist heldur líka
ljóðlist og öðru sem hugurinn girn-
ist - „laða fram það sem í þeim
býr“!
Neskirkja hafði sjálf frumkvæði
að sýningunni og kann Lóa
kirkjunni bestu þakkir fyrir vikið.
Vonar hún að þetta verði til þess að
vekja athygli á listsköpun þroska-
heftra og hvetja fleiri aðila til að
standa fyrir sýningum af þessu tagi.
Sýningunni lýkur 2. desember
næstkomandi.
Warhol sem
þjóðfélags-
rýnir
ÞEIR eru ekki ófáir sem kannast
við portrett bandaríska listamanns-
ins Andy Warhol af leikkonunni
Marilyn Monroe en Warhol vann
fjölmörg afbrigði af þessu sem og
öðrum portrettum sínum.
Sú mynd af Monroe sem hér ber
fyrir augu er meðal þeirra verka
sem sjá má á sýningunni Andy
Warhol: Þjóðfélagsrýnir, sem þessa
stundina stendur yfir í Corcoran-
gallerínu í Washington í Bandaríkj-
unum og tileinkuð er listamannin-
um.
Skopsögusafn
BÆKUR
Skopsiigur
FYNDNIR ÍSLENDINGAR
Hannes Hólmsteinn Gissurarson
tók saman. Tryggvi Magnússon,
Halldór Pétursson og Sigmund
teiknuðu myndirnar. Nýja Bókafé-
lagið, Reykjavík 2000. 256 bls.
SKOPSÖGUR af fólki og fyrir-
bærum, hnyttin tilsvör, vel gerðar
skopmyndir og snjallar gamanvísur
hafa löngum verið vinsælt skemmti-
efni meðal íslendinga, eins og
reyndar margra annarra þjóða. Hér
í fámenninu hafa sögur af náungan-
um nafngreinda þó að líkindum not-
ið meiri vinsælda en annars staðar,
og á það ekki síst við um sögur af
fólki, sem flestir kunna einhver deili
á. Hefur því og verið haldið fram, að
sá sé meginmunurinn á fyndni Dana
og íslendinga að Danir geti hlegið
sig máttlausa yfir góðri sögu, sög-
unnar einnar vegna, landanum
stökkvi hins vegar ekki bros nema
hann þekki þann sem sagan er um,
og helst allt hans fólk.
Vinsælar skemmtisögur ganga
gjarnan í arf frá einni kynslóð til
annarrar og aðlagast nýjum tímum
og sögumönnum. Þá vill innihaldið
stundum breytast og farið er að
segja sögumar sem séu þær af allt
öðrum mönnum en þær sögðu frá í
upphafinu. Jafnframt verða til þjóð-
sagnapersónur, sem sögur eru sagð-
ar af þar sem landar koma saman.
Flestir kannast þá við „sögupersón-
urnar“, a.m.k. af afspurn og allir
hlæja dátt. Þekktastir slíkra „sögu-
persóna" eru líkast til þeir Arni
Pálsson, prófessor, Halldór Kiljan
Laxness og Ólafur Thors. Um þá
alla eru margar sögur sagðar, sann-
ar eða lognar, og skiptir ekki máli
hvort er, nóg að sagan sé góð.
Flestar eru sögurnar í þessari bók
kunnuglegar og þarf það fáum að
koma á óvart. Margar þeirra eru
sóttar í eldri sagnasöfn af svipuðu
tagi, t.d. íslenzka fyndni, sem mik-
illa vinsælda naut á sínum, aðrar
hafa verið á kreiki lengi og sumar
birst í skrýtludálkum blaða og tíma-
rita. Allt um það hafði ég gaman af
að lesa bókina, margar sagnanna
eru stórskemmtilegar, en ýmsar
þeirra hafði ég þó heyrt í öðrum út-
gáfum. Er þá ýmist að þær hafa ver-
ið sagðar um ýmsa menn og konur,
ellegar að orðalag er mismunandi
frá einni útgáfu til annarrar.
Það hlýtur ávallt að vera nokkurt
smekksatriði hvernig efni er valið í
bækur sem þessa, og ræðst það
kannski ekki síst af kímnigáfu
þeirra sem valið annast. Við því er í
sjálfu sér ekkert að segja, en þó
verður að segjast eins og er, að ég
þykist hafa heyrt miklu skemmti-
legii sögur af t.d. Arna Pálssyni og
Ólafi Thors en ýmsar þeirra sem hér
eru prentaðar, og sumar sögumar í
bókinni era satt að segja leiðinlegar.
Af einhverjum orsökum á það eink-
um við um sögur hafðar eftir yngri
mönnum og vaknar þá spurningin
hvort eiginlegir gárungar og
skemmtisagnamenn séu að deyja út
á Islandi. Svo er ekki annað eftir en
að þakka aðstandendum bókarinnar
fyrir skemmtunina. Svona bækur
eiga alltaf rétt á sér. Þær létta fólki
lund og viðhalda sérstökum og
skemmtilegum þætti íslenskrar
menningar. Kannski væri þó rétt,
þegar næst verður hugað að útgáfu
bókar á borð við þessa að sleppa
hreinlega sögum af Árna Pálssyni,
séra Bjarna, Ólafi Thors, Halldóri
Laxness og Jónasi frá Hriflu, svo
einhverjir séu nefndir. Þær eru
flestar orðnar ansi lúnar og sumai’
afbakast og þynnast með hverri út-
gáfu.
Jón Þ. Þór
Pétur
Cunnarsson
• ÚT er komin skáldsagan Myndin
af heiminum eftir Pétur Gunnnrs-
son.
Sköpun heims-
ins, Islands,
mannsins - þetta
eru yrkisefni Pét-
urs Gunnars-
sonar í skáldsögu
sem er hin fyrsta
í flokki sem hann
kallar Skáldsaga
Islands. í henni
er staldrað við
áfanga í sögu
lands og þjóðar, staði og stundir sem
skipt hafa sköpum. Pétur Gunnars-
son tekur við af aðferð miðalda-
manna, sem leituðust jafnan við að
byrja á byrjuninni, þ.e. sköpun
heimsins og rekja síðan söguna það-
an í frá. Jafnframt vindur fram fjöl-
skyldusögu Mána, þar sem einnig
gengur á með dramatískum atburð-
um. Um leið og Máni brýtur til
mergjar stórar spurningar um
hinstu rök þarf hann að kljást við
þær í eigin lífi.
Pétur Gunnarsson hefur hlotið
margvíslegar viðurkenningar fyrir
verk sín, síðast Stílverðlaun Þór-
bergs Þórðarsonar árið 1999.
Utgefandi erMál ogmenning.
Bókin er 182 bls., unnin íPrentsmiðj-
unni Odda hf. Kápuna hannaði Næst,
en hana prýðir málverk eftir danska
listamanninn Vilhelm Hammershpi.
Verð: 4.290 krónur.
• ÚT er komin bókin Leynilögg-
an Svanur - með réttindi til að
snuðra eftir Sören Olsson og And-
ers Jacobsson. Jón Daníelsson
þýddi.
Svanur er yngsti lögreglumaður
í Svíþjóð. Hann er leynilögreglu-
maður. Hann er svo leynilegur að
lögreglan veit ekki einu sinni af
honum. Enginn veit að Svanur er
lögreglumaður nema fjölskyldan.
Svanur á bráðum afmæli. Hann
langar til að fá löggudót í afmælis-
gjöf. Hann óskar sér að fá margs
konar löggudót, leynilögguáhöld,
kylfu og áfengismæli. Hver var sá
bíræfni þjófur sem stal öllum
kartöfluflögunum hans Svans? Og
hvaða ófreskja er það sem étur alla
sokka í húsinu? Hér er meira en
nóg að gera fyrir leynilöggu! Og
þegar Svanur er kominn í leyni-
lögreglufrakkann með allt leyni-
löggudótið í vasanum, þá er hann
Haraldur Tureson lögregluforingi,
leynilegur rannsóknarlögreglu-
maður með réttindi til að snuðra -
mesti ógnvaldur allra bófa og
bjargvættur allra sætra stelpna.
Útgefandi er Skjaldborg ehf.
Bókin er 167 bls. Verð: 2.280 krón-
ur.
Alla daqa upp á borðið!
Borðalmanak Múlaiundar er lausnin
Nýjar bækur
Síml: 562 8500 Símbróf: 552 8819 Veffang: www.mulalundur.is
fyrir þá sem vilja hafa góða yfirsýn
yfir verkefni mánaðarins. Þau fást í
helstu ritfangaverslunum landsins
ásamt borðmottu Múlalundar.
Þeir sem vilja geta haft
samband við okkur og látið
sérmerkja almanakið fyrirtæki sínu.
Sýning á jólakortum grunn-
skólabarna í Hafnarfirði
JÓLASÝNING Hafnarborgar
sem er í samvinnu við nemendur
í fjórðu og fimmtu bekkjum í
grunnskólum Hafnarfjarðar
verður opnuð á föstudag kl. 17.
Sýningin nefnist Gleðileg jól
og fjallar um jólakveðjuna og þá
hugsun er liggur að baki þessari
kunnuglegu kveðju, er við send-
um á jólakortum til fjölskyldu og
vina í tilefni jóla.
Nemendur myndskreyttu
jólakort með kveðju undir hand-
leiðslu myndmenntakennara
skólanna. Alls eru þetta um 500
kort sem hengd verða upp í
Sverrissal og Apóteki. Allir skól-
ar tóku þátt, Engidalsskóli,
Hvaleyrarskóli, Lækjarskóli,
Setbergsskóli, Víðistaðaskóli og
Öldutúnsskóli.
Lúðrasveit Tónlistaskóla
Hafnarljarðar mun leika við
opnunina.
Hafnarborg er opin alla daga
nema þriðjudaga kl. 11-17.
Sýningin stendur til sunnu-
dagsins 7. janúar 2001.