Morgunblaðið - 16.12.2000, Blaðsíða 82

82 LAUGARDAGUR 16. DESEMBER 2000
MORGUNBLAÐIÐ
Dýraglens
Grettir

É& &ÆT1 LA6At> 6IHÐIN6UNA,
Et>A SETT UPP HIU.URNAR
J A
ELSKANI
LJóska
Smáfólk
WELLO, KIP ? IM CALLINé
A60UT THE CHRISTMA5 PLAV..
APPARENTLY I MAPE A UTTLE
MI5TAKE..N0, YOU OUON'T d£
PLAYIN6 6ERONIMO AFTER ALL..
NO, Y0UR6 60ING TO 3E 50ME0NE
CALLEP 6ABRIEL..0UHAT?
5URE, I KNOW HOW YOU FEEL..
Halló, Krakki? Ég er að hringja út af
jólaleikritinu.. Það lítur út fyrir að ég
hafi gert smá mistök.. Nei, þú leikur
ekki Gerónímó eftir allt saman..
UJELL, MAYBE YOU CAN
U5E THE FEATHERS ANP THE
STICK H0R5E 50ME OTHER TIME.
Þú átt að leika einhvem sem heitir
Gabríel.. Hvað? Ég veit alveg hvemig
þér líður..
Kannski geturðu notað fjaðrimar og
tréhestinn seinna..
BRÉF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Skýr skilaboð
Frá Gunnlaugi Magnússyni:
UNDANFARNAR vikur hefur bor-
ið mikið á yerkfalli framhalds-
skólakennara. Eg er einn af rúmlega
tuttugu manna hópi sem hófu nám á
grunnskólakennaraskori Háskólans
á Akureyri haustið 1999, þrátt fyrir
aðvaranir foreldra minna sem bæði
eru kennarar. Ég vóga mér að full-
yrða að megnið af nemunum sem
hófu námið með mér hafí gert það til
að fara til starfa í skólum landsins
þegar náminu væri lokið. Núna í
haust mættu 16 nemar til leiks með
bros á vör. Stór hluti okkar hafði
fengið veður af því að íslenskt sam-
félag og íslensk stjómvöld myndu
sýna stuðning í komandi kjarasamn-
ingum við kennara og því væri
möguleiki á að við fengjum laun í
samræmi við þá vinnu sem við leggj-
um í menntun okkar.
En enginn skyldi fagna of
snemma. Framhaldsskólakennarar
lentu í þeirri slæmu stöðu að þurfa
að beita verkfallsrétti sínum til að
reyna að knýja fram launahækkanir.
Ég held að við getum verið sammála
um að enginn vilji fara í stríð til að
útkljá deilumál og því vonbrigði fyrir
alla aðila að til þessara örþrifaráða
skyldi koma. Eða svo skyldi maður
ætla. Stjórnvöld hafa enn ekki sýnt
neinn opinberan vilja til að leysa
vandamálið og eru þó liðnar fjórar
vikur af verkfalli. Kannski stefna
ráðherrar á nýtt met í verkfalls-
lengd. Það lítur meira að segja út
fyrir að sumir ráðamanna okkar séu
það bamalegir í hugsun að þeir haldi
því fram að um skipulagða árás á ís-
lenskt efnahagslíf sé að ræða þegar
kennarastéttin krefst hærri launa.
Stjórnvöld eru með framkomu
sinni að gefa skýr skilaboð um að
þeim tíma og þeirri vinnu sem kenn-
arar og tilvonandi kennarar hafi eytt
í menntun sína og menntun þjóðar-
innar, sé ekki hægt að líta á sem
nokkurs tíma og lítilla fjármuna
virði. Eru stjómvöld að senda kom-
andi kynslóðum þau skilaboð, að
uppalendur þeirra eigi ekki skilið til-
skilda virðingu? Eða era þeir að
hvetja unga fólkið til að leita í önnur
störf en kennslu þegar að vali kem-
ur? Getur verið að ráðherrar séu að
segja börnunum að það sé ekki þess
virði að fá menntað fagfólk til að sjá
um uppeldi þeirra og menntun? Það
er í það minnsta greinilegt að þau
eru ekki að reyna að lagfæra vaxandi
kennaraskort í skólum landsins með
því að hvetja fólk í kennaranám. í
dag er það einn mest aðlaðandi kost-
urinn fyrir nýútskrifaða kennara-
nema að fai-a rakleitt í áframhald-
andi nám og reyna þannig að mjólka
út aura fyrir fjölskyldurekstri, í ann-
arri starfsstétt. Það er í það minnsta
ekki heillandi að hella sér í opinber-
lega vanmetið starf til frambúðar
strax eftir þriggja ára þrotlausa
vinnu.
Einn af starfsmönnum fjöl-
miðlanna spurði um daginn hvort
kennarar væru ekki að fá á sig þá
mynd að vera verkfallsstétt. Þeir
væra nefnilega alltaf í verkfalli. Ég
held að við ættum að umorða spurn-
inguna aðeins og spyrja: Era stjóm-
völd að fá á sig þá mynd að ekkert sé
lagfært fyrr en nauðungarástand
ríkir á þeim sviðum sem þarf að lag-
færa?
Kannski er hægt að líta svo á að
stjórnvöld séu að reyna á þolinmæði
kennara og ætli sér að buga þá þann-
ig. Ef svo illa fer að menntaðir kenn-
arar í starfí verði settir á lista yfir
starfsstéttir í útrýmingarhættu, má
náttúrlega alltaf reyna að fá þá til
starfa í húsinu sem kynni að hýsa
víkingaskipið Islending. Það kostar
svo lítið að fá þá til starfa að stjóm-
völd geta notað afganginn af pening-
unum sínum til að kaupa eina og eina
vakt af lögreglumönnum til að passa
bæði kennarana og skipið. Löggur
era nefnilega líka á lágu verði á Is-
landi í dag.
GUNNLAUGUR MAGNÚSSON,
Kennaranemi við HA,
Klettastíg 4c, Akureyri.
Til næturinnar ...
Frá Benedikt S. Lafleur:
UM NÝÚTKOMINN geisladisk: Úr
söngvasafni Kaldalóns
Flytjendur: Ámi Sighvatsson
barítón og Jón Sigurðsson píanó.
Ertu að koma, koma til að gefa,
koma til að mýkja harm og sefa,
með líknar-fangið fult af hvíld og þrótt
Ó, færðu öllum þessar gjafir, nótt!...
Þessar ljóðlínur Ólínu Andijesdótt-
ur við sönglag Sigvalda Kaldalóns er
að finna á nýútkomnum geisladiski:
Úr söngvasafni Kaldalóns ásamt tutt-
ugu og sex öðram lögum höfundar.
Barítónrödd Áma nýtur sín vel í
dimmum og rómantískum lögum. En
styrkur söngvarans felst ekki síst í
einlægni hans og tryggð við lagasmið-
inn sjálfan. Hvergi ber á yfirþyrm-
andi túlkun söngvarans eða óhóflega
egósentrískri raddbeitingu, heldur
leitast Árni við að laga sig sem allra
best að hverju lagi með mismunandi
blæbrigðum. Þá er söngur Áma það
skýr að hvert orð nær vel til hlustand-
ans.
Jón Sigurðsson júanóleikari heldur
vel utan um söng Áma og leiðir hann í
gegnum verk Kaldalóns af miklu ör-
yggi. Undirleikur Jóns er í senn hnit-
miðaður og ákaflega frískur. Eins og
hjá Árna er túlkun Jóns trú höfund-
inum og hreinir og tærir tónar Kalda-
lóns komast vel til skila. Á köflum hef-
ur að vísu verið bragðið út af vissri
flutningshefð, til að mynda í lögunum
Vorvindur og Vorvísur sem flutt eru
mun hraðar en tíðkast. En að mínum
dómi er sú túlkun harla sannfærandi.
Ég vil jafnvel ganga svo langt að
spyrja hvers vegna í ósköpunum þessi
lög hafa sjaldan eða aldrei verið leikin
hraðar, þar sem sjálft yrkisefnið end-
urspeglar hraða og fjör vorsins og
þann ungdóm og frískleika sem það
hefur að geyma. Verðui’ afar spenn-
andi að fylgjast með píanóleik Jóns
Sigurðssonar í framtíðinni.
Bókin sem fylgir útgáfunni er
óvenju vönduð og drjúg að innihaldi.
Hún hefur að geyma lagatextana
sjálfa, ásamt enskri þýðingu, umsögn
um hvert lag, kynningu á tónskáldinu
sem og flytjendum laganna og ljós-
mynd af nótnahandriti Kaldalóns.
BENDIKT S. LAFLEUR,
rithöfundm- og myndlistarmaður.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
i