Árbók Hins íslenzka fornleifafélags - 01.01.1912, Page 22
22
Það er ljóst af skýrslu þessari, að gjafirnar til safnsins hafa
verið tiltölulega mjög margar fyrstu tvö árin, sem safnið var sýnt í
nýju húsakynnunum, fram undir hundrað nr. auk myntanna frá
Hilmar Finsen síðara árið. öll hin árin eru gjafirnar um helmingi
færri árlega, en þó með líkri tölu og verið hafði lengst af áður
síðan 1866. Tala keyptra gripa fyrstu tvö árin er svipuð nokkuð
því sem verið hafði síðan 1876, en fjárupphæðin til gripa-
kaupa hin sama, 400 kr. á ári; en undir eins og sú fjárupphæð er
aukin, eykst tala hinna keyptu gripa, og einkum gætir þessa eðli-
lega 1888 og síðan, er fjárhæð þessi var orðin 1000 kr., en auðvitað
fer tala keyptra gripa á ári hverju mikið eftir því, hversu mikið er
keypt af verðháum gripum það og það árið; 1891 eru t. d. keyptir
miklu færri gripir en næstu 3 ár á undan, og kom það af því, að
það ár var einn gripur borgaður með 300 kr. og 2 aðrir með 45 kr.
hvor, en um 200 kr. voru eftir við árslok geymdar til næsta árs, til
þess að borga þá helming verðs eins hlutar, er þá var keyptur fyrir
400 kr. Þessi 5 síðustu ár (1888—92) voru keyptir helmingi fleiri
gripir (564) heldur en keyptir höfðu verið á öllu fyrsta tímabilinu,
nítján árum (1863—81). Helztu gripirnir, er safninu bættust á þess-
um 11 árum, 1882—92, voru þeir er nú skulu greindir; skulu hvers
árs helztu gjafir taldar fyrst og gefendanna getið svo sem gjört var
hér að framan:
1882. Frú Ingibjörg Magnússen á Skarði og frú Herdís Bene-
diktsen í Reykjavík: Minningartafla Magnúsar Jónssonar prúða, með
mynd hans, konu hans og barna þeirra, hökull og róðukross (nr.
2060-62). Frá Haga-kirkju.
HoltskirTeja í Önundarfirði: Agætar útskornar myndir af Mariu
með Jesú og önnu1), róðukross og skírnarfontur o. fl. (nr. 2069—72).
Bjarni Kristjánsson bóndi á Núpi í Dýrafirði: Hurðarlamir stórar
úr járni með miklu smíði (nr. 2077).
Otrardals-kirkja: Þrjú útskorin líkneski og hurðarhringur (nr.
2090—93).
Benedikt prestur Þórðarson í Selárdal: Paxspjald úr tré og lik-
neski útskorið (nr. 2104 og 2107).
Halldór Daníelsson á Fróðastöðum, siðar alþingismaður: Út-
skorin líkneski 6 úr altaristöflu í Síðumúlakirkju, o. fl. (nr. 2134
—2145).
,Af gripum keyptum þetta ár má nefna: Silfurbelti (nr. 2116)
og silfurfesti með nisti (nr. 2122).
*) Sjá Arb. 1895, bls. 33—34, m. mynd.