Árbók Hins íslenzka fornleifafélags - 01.01.1968, Side 113

SKÝRSLA UM ÞJÓÐMINJASAFNIÐ 1967
117
Allt voru þetta einkasýningar og safninu óviðkomandi nema
Sovézka bókasýningin, sem var að vísu haldin af sendiráði Sovét-
ríkjanna, en með atbeina menntamálaráðuneytisins og hjálp Þjóð-
minjasafnsins á margan hátt. Sérstakur sendifulltrúi kom frá Sovét-
ríkjunum í tilefni af sýningunni. Allar bækurnar á sýningunni voru
gefnar íslenzkum stofnunum. Átti Þjóðminjasafnið þess kost að velja
úr bækur í handbókasafn sitt, en þar sem bækurnar voru flestar á
rússnesku og öðrum sovétmálum, þótti ekki ástæða til að gína yfir
miklu, og tók safnið aðeins um 30 bindi til sín, en öðru var skipt
milli annarra stofnana með ráði menntamálaráðuneytisins.
Auk ofangreindra sýninga í Bogasalnum hélt menntamálaráðu-
neytið sýningu á Vínlanclslcortinu og fyUjiritum þess í anddyri safns-
ins dagana 15.—30. marz. Var sýning þessi opnuð með viðhöfn að
viðstöddum m. a. fulltrúa frá Yale-háskóla, sem lánaði kortið. Var
það Konstantine Reichardt prófessor. Undirbúning annaðist mennta-
málaráðuneytið með mikilli aðstoð frá safninu, m. a. samdi þjóð-
minjavörður skýringagrein, sem gefin var út á sérstöku blaði sem
sýningarskrá. Árni Gunnarsson stjórnarráðsfulltrúi sótti kortið og
fylgiritin til Ósló, en Ib Kejlbo frá Konunglega bókasafninu í Kaup-
mannahöfn sótti það aftur hingað, og voru ferðir þeirra með leynd,
eins og krafizt var af eigendum kortsins. Meðan á sýningu stóð,
voru tveir lögregluþjónar á verði yfir kortinu dag og nótt allan tím-
ann.
Eins og fram kemur í skýrslu síðasta árs, var þá ákve'ðið, að Þjóð-
minjasafnið héldi sýningu á íslenzkri alþýðulist í Altonaer Museum
í Hamborg. Strax eftir áramót var farið að velja hluti á sýning-
una, en þegar til kom, þótti einsýnt, að þetta yrði óvinnandi verk
nema hafa með sér mann, sem gjörla þekkti sýningarsalinn, sem
nota ætti. Þjóðminjavörður hringdi því til Hamborgar og bað um
að sendur yrði maður frá safninu sem fyrst. Kom Johannes Uhlen-
haut, forstöðumaður tæknideildar, og vann með safnmönnunum við
að veija hluti og hugsa fyrirkomulag dagana 12.—18. janúar. Reynd-
ist hann úrræðagóður og vanur sýningamaður, og teiknaði hann um
leið margar smámyndir til notkunar í sýningarskrá.
Sýningin var opnuð með viðhöfn hinn 5. apríl. Voru þar þá staddir
allmargir íslendingar, sem dvöldust í Þýzkalandi nokkra daga í hóp-
ferð á vegum félagsins Germaníu. Var stillt svo til, að opnun sýn-
ingarinnar bæri saman við þessa ferð, og var þjóðminjavörður með
í hópnum. Menntamálaráðherra, dr. Gylfi Þ. Gíslason, kom einnig til