Kirkjutíðindi fyrir Ísland - 01.06.1879, Side 78

126
mun hann hafa komizt í kynni við Mormóna, og geng-
ið þeim á hönd, því undir eins og hann kom hingað,
fór hann, enda þótt í laumi, að telja mönnum trú um
ágæti Mormónatrúar, og mun það hafa verið af hans
völdum, að ein hjón hjer á eyju gjörðust Mormónar.
En ekki vannst honum aldur til að vinna að frekari
útbreiðslu Mormónatrúar, með því hann drukknaði árið
1852. En nú kemur til sögunnar nýr Mormóni, Guð-
mundur nokkur Guðmundsson frá Ártúnum í Rangár-
vallasýslu, er um tíma hafði verið í Kaupmannahöfn að
læra gullsmíði, og kom þaðan hingað til eyja árið 1852 ;
er ekki ólíklegt, að hann hafi hugsað hjer bezt til veiði,
þar hann vissi, að hjer var þegar búið að kveikja hinn
fyrsta neista Mormónatrúar. Settist hann að hjá Lopti
meðhjálpara Jónssyni á J>orlaugargerði, og mun þegar
hafa tekið að boða villutrú sína á heimili hans, og leið
ekki á löngu áður en Loptur yrði Mormóni ásamt konu
sinni, svo og Magnús nokkur Bjarnason með konu
sinni og Samúel bóndi Bjarnason, einnig með konu
sinni, og ekkja ein um sextugt. Sparaði Guðmundur
hvorki ákefð nje orðamælgi, til að leiða sem flesta til
fráhvarfs frá rjettri trú.
Sumarið 1857 kom hingað, sendur frá Mormón-
um í Kaupmannahöfn, danskur maður, að nafni Loren-
zen, er hafði það embætti, að vera „útsendur öldungur11.
Skírði hann þá nokkra af þeim, er hjer höfðu leiðzt
til Mormónatrúar, og vígði suma af þeim til presta.
Fór þetta fram mjög leynilega, þó það eptir á yrði
uppskátt. En samsumars fór hann og þeir aðrir, sem
hjer voru þá orðnir Mormónar, alls 10, hjeðan alfarnir,
til að komast til Ameríku.
Upp frá þessu liðu svo 16 ár, að ekki voru neinir
Mormónar á Vestmannaeyjum. En á þessu tímabili
hjeldu þeir Mormónar, er hjeðan voru farnir til Vest-
urheims, áfram að ala á því við ættingja sína og kunn-