Ársskýrsla Ræktunarfjelags Norðurlands - 01.01.1904, Page 69

73
2. Þegar fræið er komið upp, þarf að gæta þess, að lopt
komist að plöntunum. Það má sjá fyrir því á þann hátt,
að láta undir gluggana á daginn, eða með því að taka
þá alveg af, þegar gott er veður.
3. Ef frost eða hríðar eru eptir að búið er að sá í vermi-
reit, þarf að þekja gluggana með pokum, hálmdýnum
eða öðru, sem varnar því, að plönturnar frjósi í vermi-
reitnum. Að sjálfsögðu þarf að taka þetta strax af og
veður hlýnar.
I hve stóran vermireit er sáð, er undir því komið, hve
margar plöntur þarf í garðinn. Það má gera ráð fyrir að
ein planta standi á hverjum 1 □ þuml. Eigi er vert að
hafa vermireitskassann stærri en 4 ál. á lengd og 2 ál. á
breidd. Ur þeim vermireit ætti að fást 4608 plöntur og
er það nóg í 192 faðm. stóran garð.
Aðal kostirnir við að hafa vermireit eru:
1. Það má sá í verinireit 5 — 6 vikum áður, en hægt er
að sá eða gróðursetja í garðinn. Með þessu móti fá
plönturnar 5 — 6 vikum lengri vaxtartíma og hefur það
mikla þýðingu, einkum í hörðum árum.
2. Það er auðveldara að liirða jurtirnar í vermireit, en
þegar sáð er í garðinn t. d. að vökva, varna illgresi
o. fl.
3. Með því að sá í vermireit, er tryggt að fá ætíð nokkra
uppskeru, hvernig sem árar og hvar sem er á landinu.
Gróðursetning og sáning. Þegar jurtirnar eru orðnar svo
vaxnar, að auk fræblaðanna, sem fyrst koma í ljós, eru
komin 2 — 3 önnur blöð, eru þær hæfilega stórar til að
gróðursetjast í garðinn. Best er að gróðursetja í rigningu.
Sje þess eigi kostur, verður að gjöra það að kveldi eptir
sólarlag eða að nóttunni. Garðurinn á að vera nýstung-
inn upp, svo yfirborð moldarinnar sje eigi farið að þorna.
Moldin er jöfnuð með garðhrífu um leið og stungið er
upp. Það þarf að vökva vermireitinn vel tveimur tímum
áður en plönturnar eru teknar úr honum. Plönturnar eru
teknar varlega upp, svo að sem minnst slitni af rótum
þeirra. Þá er farið að gróðursetja. Best er að gróðursetja