Ársskýrsla Ræktunarfjelags Norðurlands - 01.01.1904, Qupperneq 72

76
en um leið kemur efnabreyting í rófurnar, og þær verða
lítt hæfar til manneldis. Hafi tnenn góðan kjallara, má
vel geyma rófurnar þar, en gott er þó að fylla á milli
þeirra þurri mómold eða sandi. Pað má líka geyma róf-
urnar úti, annað tveggja í haugum, með svo þykku þaki,
að þær nái eigi að frjósa, eða með því að grafa þær niður
á þurrum stað.
í þessa gryfju, sem þarf að vera 2 — 4 feta djúp, eru
rófurnar lagðar í lög og mold mokað á milli laganna.
Þegar gröfin er orðin nær því full, er farið að raða róf-
unum þannig að þær mynda eins og ris á húsi. Yfir haug-
inn er nú lagt hrís eða lyng. Þá er þakið yfir með torfi
og nægilega þykku moldarlagi mokað ofan á, svo að frost
nái eigi niður til rófnanna. Strompa þarf að hafa, sem ná
stutt niður í hauginn. Þeir eru látnir standa opnir, þegar
hlýtt er í veðri framan af vetri, en þegar farið er að kólna
eru þeir birgðir. Þessi aðferð við geymslu rófnanna hefir
gefist vel í Noregi.
Ræktunarfjelagið er að byrja að gjöra tilraunir í þá átt,
á hvern hátt sé bezt að geyma rófurnar. Þegar einhver
niðurstaða er fengin, mun verða skýrt frá því.
Frœrœkt. Til þess að hægt sje að gjöra sjer góðar vonir
um mikla uppskeru af gulrófum, er áríðandi að hafa gott
fræ, sem er ræktað undir líkum skilyrðum og þeim sem
rófurnar eiga að vaxa við. Þetta er best að tryggja sjer
með því, að rækta fræ það sjálfur, er þarf til heimilis nota.
Gulrófnafræ þroskast líka vel hjer á landi. Fræræktinni
má haga á þann hátt er nú skal greina. Þegar tekið er
upp úr garðinum á haustin, eru valdar úr stærstu og fall-
egustu rófurnar, og geymdar til fræöflunar. Rófur þessar
þarf að taka upp með varasemi, svo að slitni sem minnst
af rótarhárunum eða rófan skaddist eigi að öðru leyti. Aríð-
andi er að góðar rófur sjeu valdar, því hjer, sem annars-
staðar, hafa foreldrarnir mikil áhrif á afkvæmið. Rófurnar
mega eigi vera með sþrungum eða öðrum lýtum. Það er
hægt að rannsaka hvort rófurnar muni vera næringar-ríkar
eða eigi með því að láta þær niður í saltvatn (3 — 5 °/o